Բոստոն Սելտիքս
| Բոստոն Սելտիքս | ||||
 |
||||
| Լիգաներ | NBA | |||
| Հիմնադրում | 1946 | |||
| Պատմություն | «Բոստոն Սելտիքս» 1946-այժմ | |||
| Մարզադաշտ | TD Garden | |||
| Տեղագրություն |  Բոստոն, Մասաչուսեթս, ԱՄՆ |
|||
| Ակումբի գույներ | Կանաչ, սպիտակ, սև, ոսկեգույն
|
|||
| Նախագահ | Դեննի Էյնջ | |||
| Գլխավոր մարզիչ | Դոք Ռիվերս | |||
| Առաջնություններ | ||||
| Կայք | ||||
| Համազգեստ | ||||
|
||||
«Բոստոն Սելտիքս» (անգլերեն` Boston Celtics), ամերիկյան պրոֆեսիոնալ բասկետբոլային ակումբ, որը գտնվում է Մասաչուսեթս նահանգի Բոստոն քաղաքում: Հանդես է գալիս Բասկետբոլի ազգային ասոցիացիայի (NBA) արևելյան կոնֆերենցիայի ատլանտիկ դիվիզիոնում:
Ակումբն ստեղծվել է 1946 թվականին: 2004 թվականից մինչ այժմ թիմի գլխավոր մարզիչն է Դոք Ռիվերսը, ում մարզչական տարիներին ակումբը 1 անգամ հաղթել է NBA-ի առաջնությունը (2008):
Ընդհանուր առմամբ՝ «Սելտիքսը» առաջնությունը հաղթել է 17 անգամ՝ գրավելով առաջին տեղը` NBA-ում չեմպիոնական տիտղոսների քանակով:
1957-1969 թվականների ընթացքում «Բոստոն Սելտիքսը» 13 անգամ հաղթել է NBA-ի գավաթը, ընդ որում՝ 1959–1966 թվականների միջև ունենալով 8 հաղթանակած առաջնության շարան, ինչն ակումբը դարձնում է առաջինը հյուսիսամերիկյան ակումբների մեջ: «Սելտիքսը» շարունակել է դոմինանտ մնալ ուշ 1950-ականների և 1980-ականների առաջին կեսին՝ կազմում ունենալով մի շարք այնպիսի փառքի սրահի անդամներ, ինչպիսիք են Բիլ Ռասսելը, Ջոն Հավլիչեկը, Բիլ Քուզին, Լարի Բըրդը և մարզիչ Ռեդ Օուերբաքը: 1986-ին թիմը նվաճում է 16-րդ գավաթը: Այդ ընթացքւմ թիմի «մեծ եռյակը» բաղկացած էր Լարի Բըրդից, Քևին Մակհեյլից և Ռոբերտ Փերիշից: Երբ թիմի աստղային եռյակը ավարտեց պրոֆեսիոնալ կարիերան, Օուերբաքը լուրջ ռազմավարական քայլեր մշակեց և կարողացավ ձեռք բերել մոտակա դրաֆթում երկրորդն ընտրելու հնարավորությունը՝ ընտրելով Լեն Բայասին, ով սակայն դրաֆթացվելուց 2 օր անց մահանում է: Ավելի ուշ սրտի կաթվածից վախճանվում է նաև թիմի աստղային բասկետբոլիստ Ռեգի Լյուիսը: Թիմը երկար ժամանակ չի կարողանում գտնել տեղը լիգայում: «Սելտիքսը» նոր թափով է սկսում հանդես գալ 2007–2008 մրցաշրջանին ընդառաջ՝ «Մինեսոտա Թիմբերվուլվզից» 17 բասկետբոլիստի դիմաց ձեռք բերելով Քևին Գառնեթին և «Սիեթլ Սուպերսոնիքսից»՝ Ռեյ Ալենին, ովքեր միանալով թիմի ավագ Փոլ Փիրսի հետ ձևավորեցին բոստոնյան նոր «մեծ եռյակը»: Նույն տարի թիմը հաղթում է 17-րդ գավաթը, ինչպես նաև 2010 թվականի Արևելյան կոնֆերենցիայի տիտղոսը: Այդ ընթացքում խաղարկող Ռեյժոն Ռոնդոն ճանաչվում է աստղ (NBA All-Star):
«Սելտիքսի» գլխավոր հակառակորդը արևմուտքում «Լոս Անջելես Լեյքերսն» է: Պատմության մեջ այս թիմերը գերեզրափակիչներում «բախվել են» ռեկորդային 12 անգամ, որոնցից 9-ը հաղթել է «Սելիքսը», 3-ը՝ «Լեյքերսը»:
Արտաքին հղումներ [խմբագրել]
|
||||||||||||||
