Ուրբաթ

Վիքիպեդիայից՝ ազատ հանրագիտարանից
Ուոլթեր Սադլերի «Ուրբաթ» նկարը« 1883 թ.

Ուրբաթ, շաբաթվա հինգերորդ օրը (եկեղեցական տոմարով՝ վեցերորդը), ընկնում է հինգշաբթի և շաբաթ օրերի միջև։

Բառի ծագումը[խմբագրել]

«Ուրբաթ» բառը փոխառություն է հին ասորերենից (արամեերենից), որտեղ aruwatha բառը «ուրբաթ» իմաստից բացի, նշանակում է նաև «պատրաստություն»։ Սա, իր հերթին, եբրայերեն բառ է, իմաստով՝ հրեական շաբաթ հանգստյան օրին նախորդող, «նախապատրաստության» օր։ Հայերեն բառի արտասանության ձևը գոյացել է որպես հնչյունահամապատասխանություն՝ «շաբաթ» բառին։

Հին հռոմեացիների մոտ ուրբաթ օրը նվիրված էր Վեներային:

Անունը այլ լեզուներում[խմբագրել]

Ռոմանական լեզուներում (բացառությամբ՝ պորտուգալերենի) ուրբաթ օրվա անունը սերում է լատ.՝ dies Veneris՝ «Վեներայի օր» արտահայտությունից. ֆր.՝ vendredi, իտալ.՝ venerdì, իսպ.՝ viernes, կատալոներեն՝ divendres, կորսիկաներեն՝ vennari, ռումիներեն՝ vineri։

Ուրբաթը ասույթներում[խմբագրել]

Տարածված արտահայտություն է՝ «Ուրբաթը շաբաթից շուտ եկավ»: Ասվում է այն դեպքում, երբ կատարվում է այն, ինչը որ պետք է կատարվեր։

Բառակազմություն[խմբագրել]

Քչախոս մարդուն նաև ասում են՝ ուրբաթախոս։ Հայերեն առաջին տպագիր գրքի անունն է՝ Ուրբաթագիրք։

Ուշագրավ փաստ[խմբագրել]

Ուրբաթ անունն էր կրում Դանիել Դեֆոյի «Ռոբինզոն Կրուզո» վեպի գործող անձանցից մեկը։

Կրճատ ձևը[խմբագրել]

  • Հայերենում՝ Ուբ,
  • Անգլերենում՝ Fri:
Շաբաթվա օրեր
Երկուշաբթի | Երեքշաբթի | Չորեքշաբթի | Հինգշաբթի | Ուրբաթ | Շաբաթ | Կիրակի