Կոբի Բրայանտ

Վիքիպեդիայից՝ ազատ հանրագիտարանից
Կոբի Բրայանտ
Kobe Bryant Washington.jpg
Ակումբ Ամերիկայի Միացյալ Նահանգներ Լոս Անջելես Լեյքերս
Դիրքը Պաշտպան
Համար № 24
Ի ծնե տրված անունը Կոբի Բին Բրայանտ
Kobe Bean Bryant
Ծննդյան ամսաթիվ սեպտեմբերի 25, 1978 (1978-09-25) (36 տարեկան)
Ծննդավայր Ամերիկայի Միացյալ Նահանգներ Ֆիլադելֆիա, Փենսիլվանիա, ԱՄՆ
Ազգություն Ամերիկայի Միացյալ Նահանգներ Ամերիկացի
Հասակ 198 սմ
Քաշ 93 կգ[1]
Դպրոց Լոուեր Մերիոն
(Արդմոր, Փենսիլվանիա)
Դրաֆթի տարի 1996 / Ռաունդ` 1 / Ընտր.` 13-րդ
Դրաֆթ ակումբ Շառլոթ Հորնեթս
Կարիերայի պատմություն Ամերիկայի Միացյալ ՆահանգներԼոս Անջելես Լեյքերս (1996-այժմ)
Մրցանակներ
  • 5x NBA չեմպիոն(2000-2002, 2009-2010)
  • 2x NBA Եզրափակչի Ամենաարժեքավոր խաղացող(2009-2010)
  • NBA ամենաարժեքավոր Խաղացող(2008)
  • 16x NBA Բոլոր Աստղերի հավաքական(1998, 2000-2014)
  • 4x NBA Բոլոր աստղերի խաղի ամենաարժեքավոր խաղացող(2002. 2007, 2009, 2011)
  • 11x NBA բոլոր աստղերի առաջին հավաքական(2002-2004, 2006-2013)
  • 2x NBA բոլոր աստղերի երկրորդ հավաքական(2000-2001)
  • NBA բոլոր աստղերի երրորդ հավաքական(1999, 2005)
  • 9x NBA բոլոր պաշտպանների առաջին թիմ (2000. 2003-2004, 2006-2011)
  • 3x NBA բոլոր պաշտպանների երկրորդ թիմ(2001-2002, 2012)
  • NBA բոլոր նորեկների երկրորդ թիմ(1997)
  • NBA Slam Dunk մրցույթի հաղթող(1997)
  • 2x NBA ամենաառդյունավետ խաղացող(2006-2007)
  • Լոս Անջելես Լեյքերսի բոլոր ժամանակների լավագույն ռմբարկու
  • Նեյսմիթի մրցանակի դափնեկիր
Մեդալներ  Ոսկի-Լոնդոն 2012
 Ոսկի-Պեկին 2008
 Ոսկի-Լաս Վեգաս 2007

Կոբի Բին Բրայանտ (անգլ. Kobe Bean Bryant, ծնվ.` օգոստոսի 23, 1978թ.), ամերիկացի պրոֆեսիոնալ բասկետբոլիստ։ Հանդես է գալիս Բասկետբոլի ազգային ասոցիացիայի (NBA) «Լոս Անջելես Լեյքերս» ակումբում` որպես հարձակվողական պաշտպան։ Ողջ մասնագիտական կարիերան անցկանցնելով «Լոս Անջելես Լեյքերսում», 5 անգամ նվաճել է NBA-ի գավաթը, 16 անգամ ճանաչվել է աստղ, 15 անգամ ընգրկվել «All-NBA» 12 անգամ` «All-Defensive» խորհրդանշական հավաքականներում։

Բրայանտն ունեցել է հաջող դպրոցական կարիերա` հանդես գալով «Լոուեր Մերիոն» ավագ դպրոցի բասկետբոլային թիմի կազմում, որտեղ ճանաչվել է երկրի լավագուն դպրոցական բասկետբոլիստը։ Ընտրվել է NBA-ի 1996 թվականի դրաֆթի 13-րդ ընտրությամբ` «Շառլոթ Հորնեթսի» կողմից և միանգամից վաճառվել «Լոս Անջելես Լեյքերսին»։ Բրայանտը ձեռք բեռեց մարզասերների սերն ու հարգանքը, երբ իր մեկնարկային տարում հաղթեց NBA սլեմ դանկ մրցույթը։

34 տարեկան և 104 օրական հասակում, Բրայանտը դարձավ ամենաերիտասարդ բասկետբոլիստը, ով հատել է կարիերայի 30000 միավորի սահմանը։ Հանդիսանում է նաև «Լեյքերսի» բոլոր ժամանակների լավագույն ռմբարկուն։ NBA-ում հանդես գալու երկրորդ տարուց սկսած ընտրվել է որպես NBA-ի բոլոր աստղերի խաղի հիմնական կազմի խաղացող, ընդ որում` բոլոր աստղերի հանդիպման ամենաարժեքավոր խաղացողի մրցանակի քառակի դափնեկիր է (2002, 2007, 2009, 2011


Կենսագրություն[խմբագրել]

Վաղ շրջան և կրթություն[խմբագրել]

Բրայանտը ծնվել Փենսիլվանիա նահանգի Ֆիլադելֆիա քաղաքում։ Ընտանիքի ամենափոքր երեխան էր և միակ որդին։ Բրայանտը Ջոու "Ջելիբին" Բրայանտի` տեղի բասկետբոլային թիմի` Ֆիլադելֆիա Սիքսերսի նախկին խաղացող և Լոս Անջելես Սպարքսի գլխավոր մարզչի և Պամելա Կոքս Բրայանտի որդին է։ Ծնողներն իրենց միակ որդու անունը դրել են ի պատիվ ճապոնացի խոհարար Կոբիի, որին տեսել էին տեղի ռեստորաններից մեկում։ Բրայանտը դավանում է կաթոլիկ եկեղեցուն։ Երբ Բրայանտը 6 տարեկան էր, նրա հայրը NBA-ից տեղափոխվեց Իտալիա` պրոֆեսիոնալ կարիերան շարունակելու։ Հենց Իտալիայում է Բրայանտը սովորում իտալերեն և իսպաներեն խոսել։ Միայն ամռանն էր կարողանում մասնակցել NBA ամառային լիգային։

Բրայանտը սկսել է բասկետբոլ խաղալ 3 տարեկանից և մանկուց երկրպագել Լոս Անջելես Լեյքերսին։ Բրայանտի պապը ուղարկում էր Լեյքերսի խաղերի տեսաերիզները, որով Կոբին սովորում էր։ Վաղ տարիքում Բրայանտը սովորեց նաև խաղալ ֆուտբոլ։ Միլանի երկրպագուն է դեռ մանկուց։ 1991 թվականին հայրը վերջացնում է կարիերան և Բրայանտների ընտանիքը վերադառնում է ԱՄՆ։

Ավագ դպրոց[խմբագրել]

Բրայանտն արժանացավ ազգային ճանաչման դեռևս ավագ դպրոցում` Lower Manion թիմի կազմում, որը գտնվում էր Ֆիլադելֆիայի արվարձանում` Արդմորում։ Բրայանտը խաղաց դպրոցի հիմնական կազմում, սակայն այդ տարին անհաջող էռ նրանց համար(4 հաղթանակ, 20 պարտություն)։ Հաջորդ 3 տարիներին թիմը գրանցեց 77 հաղթանակ, 13 պարտություն, Բրայանտը այս շրջանում խաղում էր բոլոր 5 դիրքերում` կախված խաղային վիճակից։ Բրայանտը միջինը խաղում վաստակում էր 31.1 միավոր, 10.4 ռեբաունդ և 5,2 փոխանցում։ Այս Ցուցանիշները նրան օգնեցին դառնալ Փենսիլվանիայի տարվա լավագույն բասկետբոլիստ։ Մրցաշրջանի ավարտից հետո նրա համար պայքար սկսեցին մի քանի համալսարաններ, որոնցից էին Դյուքը, Միչիգանը, Հյուսիսային Կառոլինան, Վիլլանովան և այլն։

Բրայանտի ավագ դպրոցի մարզաշապիկը

Ադիդասի կազմակերպած ճամբարում Բրայանտը նորից փայլեց` դառնալով լավագույն խաղացող։ Այստեղ նա ծանոթացավ իր ապագա թիմակից Լամար Օդոմի հետ։ Հերթական մրցաշրջանում Բրայանտը օգնեց իր թիմին առաջին անգամ 53 տարվա ընթացքում դառնալ նահանգի չեմպիոն։ Բրայանտը միջինը խաղում վաստակում էր 30,8 միավոր, 12 ռեբաունդ, 6,5 փոխանցում, 4 գնդակի խլում, 3,8 բլոք-շոթ, իսկ իր թիմը հաղթեց 31 խաղում և պարտվեց միայն 3-ում։ Իր ավագ դպրոցի կարիերայի ավարտին Կոբին` իր հավաքած 2883 միավորով, հարավարևելյան Փենսիլվանիայի բոլոր ժամանակների առաջատարն էր միավորներով, իր ետևում թողնելով 60-ականների լեգենդ Ուիլթ Չեմբեռլենին։

Ավագ դպրոցի տարիներին Կոբին արժանացավ նաև Նայսմիթի մրցանակին` որպես տարվա լավագույն դպրոցային խաղացող, Gatorade-ի մրցանակին` որպես ԱՄՆ տղամարդկանց հավաքականի լավագույն խաղացող, Mc Donald's-ի լավագույն ամերիկացի բասկետբոլիստ և այլ մրցանակների։ 2012 թվականին Բրայանտը ճանաչվեց Mc Donald's-ի բոլոր ժամանակներին մասնակցած լավագույն 35 խաղացողներից մեկը։ Այս ամենը նրան օգնեցին ընտրել իր ուզած համալսարանը։

Կարիերան NBA-ում[խմբագրել]

NBA Դրաֆթ[խմբագրել]

Բրայանտը NBA պատմության առաջին պաշտպանն է, ով ներկայացվել է NBA դրաֆթին միանգամից ավագ դպրոցից։ Նա 1996 NBA Draft-ի 13-րդ համարի ներքո հայտնվեց Շառլոտ Հորնեթսում։ Բրայանտի ներկայացուցիչ Արն Թելլեմը հիասթափված էր դրաֆթի արդյունքից, և հայտնեց, որ Կոբին ավելի լավ թիմի է արժանի։ Բարեբախտաբար մինչ դրաֆթը Շառլոտն իր մոտ հայտված խաղացողին համաձանյել էր վաճառել Լեյքերսին։ 1996 թվականի հուլիսի 1-ին Լեյքերսի մենեջեր Ջերրի Ուեսթը փոխանակեց իր կենտրոնական պաշտպան Վլադե Դիվացին Կոբիի հետ։

Առաջին 3 տարիներ(1996-1999)[խմբագրել]

Բրայանտը 2005 թվականին

Իր առաջին տարում Բրայանտը հիմնականում դուրս էր գալիս փոխարինման` փոխարինելով հիմնական կազմի պաշտպաններ Էդդի Ջոնսին և Նիք Վան Էքսելին։ Կոբին դարձավ ամենաերիտասարդ խաղացողը, ով մասնակցել է NBA-ի հանդիպմանը(18 տարեկան, 72 օրեկան, հետագայում ռեկորդը գերազանցել են 2 այլ բասկետբոլիստներ), ինչպես նաև խաղը հիմանական կազմում սկսած ամենաերիտասարդ խաղացողը(18 տարեկան, 158 օրեկան)։ Սկզբնական շրջանում Բրայանտը քիչ խաղաժամանակ էր ստանում(խաղում միջինը 15.5 րոպե)։ NBA All-Star weekend-ի ընթացքում Կոբին` հաղթելով Slam Dunk մրցույթում, դարձավ այս մրցույթի պատմության ամենաերիտասարդ խաղացողը(18 տարեկան)։ Այս ամենը նրան օգնեցից դառնալ NBA-ի սկսնակների երկրորդ հավաքականների անդամ։ Այնուամենայնիվ Բրայանտը ձախողեց մրցաշրջանի ավարտը` վրիպելով մի քանի բեկումնային նետումներ։

Իր երկորդ մրցաշրջանում Բրայանտը ստացավ ավելի շատ խաղաժամանակ, որն օգնեց նրան ցույց տալ իր իրական ունակություններն ու տաղանդը։ Արդյունքում Բրայանտը կրկնապատկեց իր ցուցանիշները` խաղում միջինը 7,6 միավորից հասցնելով 15,4 միավորի։ Բրայանտը սկսեց խաղալ թեթև հարձակվողի դիրքում։ NBA լավագույն պահեստային մրցանակին ունեցավ 2-րդ արդյունքը և դարձավ NBA բոլոր աստղերի խաղի հիմնական կազմի ամենաերիտասարդ խաղացող։ Այդ խաղում նրան միացան իր թիմակիցներ Շաքիլ Օ'Նիլը , Էդդի Ջոնսը և Նիք Վան Էքսելը։ Դա 1983 թվականից առաջին անգամն էր, երբ NBA բոլոր աստղերի խաղին նույն թիմից մասնակցում են միանգամից 4 խաղացող։ Այս մրցաշրջանում Բրայանտը դարձավ ամենաարդյունավետ խաղացողը պահեստայինների շրջանում (15,4 միավոր)։

1998-1999 մրցաշրջանում Կոբին ամրապնդվեց հիմնական կազմում։ Դա կապված էր Էդդի Ջոնսի և Նիք Վան Էքսելի` այլ թիմ տեղափոխվելու հետ։ Բրայանտը սկսեց կարճացված մրցաշրջանի բոլոր 50 խաղերը։ Հենց այդ տարում Բրայանտը ստորագրեց 6 տարվա պայմանագիր` 70 միլիոն դոլլար արժեղությամբ։ Չնայած իր երիտասարդ տարիքին, մասնագետները Բրայանտին սկսեցին համեմատել Մաջիք Ջոնսոնի և Մայքլ Ջեքսոնի հետ։ Այնուամենայնիվ, Փլեյ-օֆի կիսաեզրափակչում Լեյքերսը պարտվեց Սան Անտոնիո Սփուրսին։

NBA-ի եռակի չեմպիոն[խմբագրել]

Ֆիլ Ջեքսոնը Լեյքերսի խաղացողների հետ

Բրայանտի և Լեյքերսի հաղթանակները վերսկսվեցին լեգենդար մարզիչ Ֆիլ Ջեքսոնի գալուստով։ Կոբին շարքային խաղացողից վերածվեց NBA-ի լավագույն հարձակվողական պաշտպաններից մեկը` դառնալով միանգամից NBA տարվա հավաքականի, NBA բոլոր աստղերի և NBA լավագույն պաշտպանների անդամ։ Լեյքերսը` Բրայանտ-Շաքիլ լեգենդար զույգի գլխավորությամբ դարձավ գավաթի գլխավոր հավակնորդներից մեկը։ Ֆիլ Ջեքսոնը օգտագործեց եռանկյունաձև հարձակումը, որը նախկինում օգտագործել էր Չիկագո Բուլլսում` հաղթելով 6 տիտղոս(1991-1993, 1996-1998)։ Այս մարտավարությունը օգնեց Բրայանտ-Շաքիլ զույգին դառնալ լավագույնը NBA-ում և առաջնորդեց թիմին դեպի 3 անընդմեջ տիտղոսի(2000-2002

1999-2000 մրցաշրջանը Կոբին սկսեց ձեռքի վնասվածքով, որը ստացել էր Վաշինգտոն Վիզարդսի դեմ ընկերական խաղում։ Բրայանտի վերադարձը հաջող ստացվեց. Կոբին առաջընթաց գրանցեց իր բոլոր ցուցանիշներում, նա թիմում առաջատարն էր փոխանցումներով։ Բրայանտ-Շաքիլ զույգն այդ մրցաշրջանում առաջնորդեց Լեյքերսին 67 հաղթանակի, որը պատմության 5-րդ լավագույն արդյունքն է։ Սա օգնեց Շաք Օ'Նիլին դառնալ տարվա ամենաարժեքավոր խացացողը, իսկ Կոբիին ընդգրկվել NBA-ի տարվա խորհրդանշական երկրորդ հավաքականում, ինչպես նաև NBA տարվա լավագույն պաշտպանների հավաքականում(պատմության ամենաերիտասարդ խաղացողը, ով ընգրկվել է այս կազմում)։ Փլեյ-օֆում Բրայանտն առանձնացավ մի քանի հիանալի խաղերով, ինչպիսին էր Արևմտյան Կոնֆերենվիայի եզրափակչի 7-րդ խաղում Պորտլանդ Թրեյլ Բլեզերսի դեմ խաղը(25մ, 11ռ, 7փ, 4բ)։ NBA եզրափակչում Լեյքերսը իր ուժերը պետք է չափ էր Ինդիանա Պեյքերսի հետ։ Կոբին վնասեց իր ոտքը երկրորդ խաղում, սակայն վերադառնալով 4-րդ խաղում վաստակեց 22 միավոր երկրորդ խաղակեսում, առաջնորդեց իր թիմին դեպի հաղթանակ։ Կատարելով հաղթական նետումը Կոբին հաղթանակ պարգևեց հաղթանակ 120-118 հաշվով։ Լեյքերսը հաղթելով 6ր-դ խաղում , նվաճեց 1988 թվականից առաջին տիտղոսը։

2000-2001 թվականին Կոբիի վիճակագրությունը նույնն էր մնացել։ Բացառությամբ միավորների. Կոբին խաղում միջինը 22.5-ից հասցրել էր 28.5։ Այս ժամանակաշրջանում արդեն երևում էր Բրայանտի և Կոբիի տարաձայնությունները; Հերթական մրցաշրջանում Լեյքերսը հաղթեց միայն 56 խաղում։ Փլեյ-օֆում Լեյքերսը հեշտությամբ հաղթեց Պորտլանդ Թրեյլ Բլեզերսին, Սակրամենտո Քինգզին, Սան Անտոնիո Սփուրսին։ Չնայած եզրափակչի առաջին խաղում Ֆիլադելֆիա Սիքսերսից կրած պարտությանը, Լեյքերսը հաղթեց մյուս բոլոր խաղերում, պարգևելով Լոս Անջելեսին երկրորդ անընդմեջ տիտղոսը; Բրայանտը տարվա ամենաարժեքավոր խաղացող մրցանակը պարտվեց թիմակից Շաք Օ'Նիլին , Կոբին երկրորդ տարին անընդմեջ ընդգրկվեց NBA-ի տարվա խորհրդանշական երկրորդ հավաքականում, ինչպես նաև NBA տարվա լավագույն պաշտպանների հավաքականում։

2001-2002 մրցաշրջանում Կոբին մասնակցեց իր համար ռեկորդային 80 խաղի։ Միջինը խաղում նա վաստակում էր 25.2 միավոր, 5.5 ռեբաունդ, 5.5 փոխանցում։ Նա նաև իրականացնում էր իի նետումների 46.7%-ը։ Կոբիին ընդգրկվեց NBA-ի բոլոր աստղերի հավաքականում, NBA տարվա լավագույն պաշտպանների հավաքականում, ինչպես նաև , իր կարիերայում առաջին անգամ, NBA-ի տարվա խորհրդանշական առաջին հավաքականում։ Լեյքերսն ավարտեց մրցաշրջանը 58 հաղթանակով` գրավելով Խաղաղ դիվիզիոնում երկրորդ տեղը(զիջեց միայն Սակրամենտո Քինգզին)։

Դեպի եզրափակիչ ճանապարհին Լեյքերսը հաղթեց Պորտլանդին , Սան Անտոնիոյին, իսկ Արևմտյան կոնֆերենցիայի եզրափակչում 7 խաղանոց եզրափակչում հաղթեց Սակրամենտո Քինգզին։ NBA-ի եզրափակչում` Նյու Ջերսիի դեմ, Կոբին միջինը խաղում վաստակում էր 26,8 միավոր ` 51.4% նետումների ճշգրտությամբ , 5.8 ռեբաունդ, 5.3 փոխանցում:

Բրայանտը «Լեյքերսի» կազմում

Ձախաղումների շրջան[խմբագրել]

2002-2003 թվականին Կոբին խաղում միջինը վաստակում էր 30 միավոր և գրանցեց պատմական խաղաշարք` հավաքելով 40 կամ ավել միավոր 9 խաղ ամընդմեջ, որն օգնեց նրան փետրվար ամսում միջինը խաղում ունենալ 40.6 միավոր։ Բացի դրանից միջինը խաղում նա վաստակում էր 6.9 ռեբաունդ, 5.9 փոխանցում, 2.2 գնդակի խլում(մինչ այդ մրցաշրջանը կարիերայի ամենաբարձր ցուցանիշները)։ Կոբին հերթական անգամ ընդգրկվեղ NBA-ի տարվա խորհրդանշական առաջին հավաքականում, ինչպես նաև NBA տարվա լավագույն պաշտպանների ատաջին հավաքականում։ Թիմը հաղթեց 50 խաղում։ Փյեյ-օֆում Լեյքերսը հասավ մինչև կիսաեզրափակիչ և պարտվեց ապագա չեմպիոն Սան Անտոնիոյին։

Հաջորդ տարում Լեյքերսը պայմանագիր կնքեցին լեգենդար բասկետբոլիստներ Կարլ Մելոունի և Գարի Պայտոնի հետ։ Մինչ հերթական մրցաշրջանի սկիզբը Բրայանտը ձերբակալվեց սեռական ոտնձգություններ կատարելու պատճառով։ Սա դարձավ սկզբնական խաղերի բացակայության պատճառ։ Կոբիի տնային խաղերին նախորդում էր դատական գործընթացը։ Մրցաշրջանի վերջին խաղում կատարեց Կոբիի վերջին վայրկյաններին կատարած նետումը օգնեց հաղթել Պորտլենդ Թրեյլ Բլեզերսին և հաղթել Խաղաղօվկիանոսյան դիվիզիոնի տիտղոսը։ 4-րդ քառորդի ավարտից 1,1 վայրկյան առաջ Կոբիի ճշգրիտ 3 միավորանոց նետումը խաղը տեղափոխեց լրացուցիչ ժամանակ։ Լրացուցիչ 2-րդ քառորդում Կոբիի մեկ ուրիշ 3 միավորանոց նետումը պարգևեց Լեյքերսին հաղթանակ` 105-104 հաշվով։

Ունենալով հիանալի հիմնական կազմ(Օ' Նիլ, Մելոուն, Պեյտոն,Բրայանտ) Լեյքերսը հույս ուներ հաղթել եզրափակչում, սակայն պարտվեցին Դեթրոիթ Փիստոնսին` 4-1 հաշվով։ Պարտության մեջ քիչ չէր Կոբիի մեղքը, ով վաստակում էր 22.6 միավոր` 35.1% ճշգրտությամբ։ Սրան հաջորդեց Ֆիլ Ջեքսոնի հեռացումը թիմից , ինչպես նաև թիմի կարևորագույն խաղացող Շաքիլ Օ' Նիլի փոխանակումը Միայամի Հիթի միանգամից 3 խաղացողի հետ` Լամար Օդոմի, Քերոն Բաթլերի և Բռայան Գրանթի հետ։ Այնուամենայնիվ, Լոս Անջելեսի միակ լավ լուրն այդ տարում այն էր, որ Բրայանտը մերժել է Լոս Անջելեսի մյուս թիմի` Քլիպերսի առաջարկը և պայմանագիրը երկարաձգել Լեյքերսի հետ։

Ռեկորդների սահմանում և ձախաղումներ Փլեյ-օֆում[խմբագրել]

Բրայանտի դանքը «Գոլդեն սթեյթ Ուորիորսի» հետ խաղում

2004-05 մրցաշրջանից առաջ Կոբիի հեղինակությունը կտրուկ ընկել էր` կապված նախորդ տարվա ձախողումների հետ։ Սրան ավելացավ նաև նախկին մարզչի դողարկած <<The Last Season։ A Team in Search of Its Soul>> գրքի մեջ Ֆիլը նրան անվանում է անսանձելի և անկառավարելի։ Լեյքերսի մարզչի առողջական խնդիրները վատ ազդեցություն ունեցան թիմի վրա։ Չնայած Կոբին երկրորդն էր լիգայի ռմբարկուների շարքում, սակայն թիմը գրանցեց 34 հաղթանակ- 48 պարտություն ցուցանիշը և բաց թողեց Փլեյ-օֆը։ Նրա գերաստղի վարկանիշը կտրուկ ընկավ մարզասերների շրջանում անյ բանից հետո, երբ նա չընդգրկվեց NBA լավագույն պաշտպանների թիմում և բավարարվեց միայն NBA խորհրդանշական 3-րդ հավաքականում։

2005-2006 մրցաշրջանը Կոբիի անհատական լավագույն մրցաշրջանից մեկն էր, եթե ոչ լավագույնը։ Ֆիլ Ջեքսոնի վերադառձը մեծ ազդեցություն ունեցավ թիմի վրա։ Լեյքերսը նորից ստացավ Փլեյ-օֆի ուղեգիր։ Վիճակագրորեն սա Բրայանտի լավագույն մրցաշրջանն էր։ 2005 թ.-ի դեկտեմբերի 20—ն Դալլաս Մավսի դեմ պայքարում Կոբիին փ քառորդում վաստակեց 62 միավոր ` 1 միավորով ավելի քան ամբողջ Դալլասի թիմը։ 2006 թ.-ի հունվարի 16-ին Միայամի Հիթի դեմ հանդիպմանը հեռուստադիտողներն ականատես եղաց նախկին զույգի դիմակայությանը։ Սակայն Շաքը և Կոբին վերացրել էին իրենց խնդիրները, և խաղից դուրս մտերիմ ընկերներ էին։ Դա երևաց նաև փետրվարին տեղի ունեցած աստղերի խաղին։

Կանոնավոր մրցաշրջան[խմբագրել]

Տարի Թիմ GP GS MPG FG% 3P% FT% RPG APG SPG BPG PPG
1996 L.A. Lakers 71 6 15.5 .417 .375 .819 1.9 1.3 .7 .3 7.6
1997-98 L.A. Lakers 79 1 26.0 .428 .341 .794 3.1 2.5 .9 .5 15.4
1998-99 L.A. Lakers 50 50 37.9 .465 .267 .839 5.3 3.8 1.4 1.0 19.9
1999-00 L.A. Lakers 66 62 38.2 .468 .319 .821 6.3 4.9 1.6 .9 22.5
2000-01 L.A. Lakers 68 68 40.9 .464 .305 .853 5.9 5.0 1.7 .6 28.5
2001-02 L.A. Lakers 80 80 38.3 .469 .250 .829 5.5 5.5 1.5 .4 25.2
2002-03 L.A. Lakers 82 82 41.5 .451 .383 .843 6.9 5.9 2.2 .8 30.0
2003-04 L.A. Lakers 65 64 37.6 .438 .327 .852 5.5 5.1 1.7 .4 24.0
2004-05 L.A. Lakers 66 66 40.7 .433 .339 .816 5.9 6.0 1.3 .8 27.6
2005-06 L.A. Lakers 80 80 41.0 .450 .347 .850 5.3 4.5 1.8 .4 35.4[2]
2006-07 L.A. Lakers 77 77 40.8 .463 .344 .868 5.7 5.4 1.4 .5 31.6[3]
2007-08 L.A. Lakers 82 82 38.9 .459 .361 .840 6.3 5.4 1.8 .5 28.3
2008-09 L.A. Lakers 82 82 36.1 .467 .351 .856 5.2 4.9 1.5 .5 26.8
2009-10 L.A. Lakers 73 73 38.8 .456 .329 .811 5.4 5.0 1.5 .3 27.0
2010-11 L.A. Lakers 82 82 33.9 .451 .323 .828 5.1 4.7 1.2 .1 25.3
2011-12 L.A. Lakers 58 58 38.5 .430 .303 .845 5.4 4.6 1.2 .3 27.9
2012-13 L.A. Lakers 78 78 38.6 .463 .324 .839 5.6 6.0 1.4 .3 27.3
2013-14 L.A. Lakers 6 6 29.5 .425 .188 .857 4.3 6.3 1.2 .2 13.8
Career 1245 1097 36.6 .454 .335 .838 5.3 4.8 1.5 .5 25.5
All-Star 14 14 27.8 .507 .333 .806 4.9 4.5 2.6 .4 20.0

Playoffs[խմբագրել]

Տարի Թիմ GP GS MPG FG% 3P% FT% RPG APG SPG BPG PPG
1997 L.A. Lakers 9 0 14.8 .382 .261 .867 1.2 1.2 .3 .2 8.2
1998 L.A. Lakers 11 0 20.0 .408 .214 .689 1.9 1.5 .3 .7 8.7
1999 L.A. Lakers 8 8 39.4 .430 .348 .800 6.9 4.6 1.9 1.3 19.8
2000 L.A. Lakers 22 22 39.0 .442 .344 .754 4.5 4.4 1.5 1.5 21.1
2001 L.A. Lakers 16 16 43.4 .469 .324 .821 7.3 6.1 1.6 .8 29.4
2002 L.A. Lakers 19 19 43.8 .434 .379 .759 5.8 4.6 1.4 .9 26.6
2003 L.A. Lakers 12 12 44.3 .432 .403 .827 5.1 5.2 1.2 .1 32.1
2004 L.A. Lakers 22 22 44.2 .413 .247 .813 4.7 5.5 1.9 .3 24.5
2006 L.A. Lakers 7 7 44.9 .497 .400 .771 6.3 5.1 1.1 .4 27.9
2007 L.A. Lakers 5 5 43.0 .462 .357 .919 5.2 4.4 1.0 .4 32.8
2008 L.A. Lakers 21 21 41.1 .479 .302 .809 5.7 5.6 1.7 .4 30.1
2009 L.A. Lakers 23 23 40.8 .457 .349 .883 5.3 5.5 1.7 .9 30.2
2010 L.A. Lakers 23 23 40.1 .458 .374 .842 6.0 5.5 1.3 .7 29.2
2011 L.A. Lakers 10 10 35.4 .446 .293 .820 3.4 3.3 1.6 .3 22.8
2012 L.A. Lakers 12 12 39.7 .439 .283 .832 4.8 4.3 1.3 .2 30.0
Career 220 200 39.3 .448 .331 .816 5.1 4.7 1.4 .6 25.6


Ծանոթագրություններ[խմբագրել]

Արտաքին հղումներ[խմբագրել]