Սկոտ Պոլարդ

Սկոտ Լ. Պոլարդ (անգլ.` Scot Pollard, ծնվ.` փետրվարի 12, 1975թ.` Մյուրեյ, Յուտա), ամերիկացի նախկին բասկետբոլիստ, ով 11 տարվա կարիերայի ընթացքում հանդես է եկել Բասկետբոլի ազգային ասոցացիայի (NBA) 5 տարբեր ակումբներում («Դետրոյթ Փիստոնս», «Սակրամենտո Քինգս», «Ինդիանա Փեյսերս», «Կլիվլենդ Կավալիերս», «Բոստոն Սելտիքս»): Պոլարդը լիգայում հայտնի էր ոչ միայն իր նշմարելի պաշտպանական ունակությունների, այլ նաև զանազան էքստրավագանտ սանրվածքների համար, որոնցով երբեմն հիշեցնում էր Դենիս Ռոդմանին:

Փաստեր [խմբագրել]

Պոլարդն ընտրվել է 1997թ. NBA-ի դրաֆթի #19 ընտրության իրավունքով` «Դետրոյթ Փիստոնսի» կողմից:
2008 թվականին «Բոստոն Սելտիքսի» կազմում դարձել է NBA-ի չեմպիոն, չնայած երբեք չի խաղացել փլեյոֆի ժամանակ:
2007 թվականիի մարտի 11-ին` հանդիպումներից մեկի ժամանակ Պոլարդը 20 վայրկյանանոց թայմաուտի ժամանակ նստում է պահեստայինի նստարանին, նայում նկարահանող տեսախցիկներից մեկին և կարծելով, որ այն միացված չէ, ասում է. «Հե՛յ երեխաներ, դեղեր արեք» ("Hey kids, do drugs."), որի համար հետագայում ներողություն է խնդրում:
2007-08 խաղաշրջանի ընթացքում Պոլարդը վարում էր «Planet Pollard» կոչվող հաղորդումը, որի ժամանակ նա սովորաբար այցելում էր տարբեր վայրեր և տեղեկություն տալիս դրանց մասին:
«Սակրամենտոյում» անցկացրած տարիներին թիմակիցները նրան անվանում էին Սամուրայ Սկոտ: