Կալիֆորնիա

Վիքիպեդիայից՝ ազատ հանրագիտարանից
Nuvola single chevron right.svgԱյս հոդվածը ԱՄՆ-ի նահանգի մասին է։ Այլ գործածությունների համար, այցելեք Կալիֆոռնիա (այլ կիրառումներ)։
Կալիֆորնիայի Նահանգ
State of California
Կալիֆորնիա նահանգի դրոշը Կալիֆորնիա նահանգի կնիքը
Դրոշը Զինանշանը
Միացիալ Նահանգների քարտեզը ընգծված Կալիֆորնիա նահանգով
Մայրաքաղաք Սակրամենտո
Ամենամեծ քաղաք Լոս Անջելես
Մակերես  3րդ (ԱՄՆ-ում)
 - Ամբողջ 423 970 կմ2
 - Լայնք 400 կմ
 - Երկարություն 1 240 կմ
 - Լայնություն 32° 32′ N - 42° N
 - Երկայնություն 114° 8′ W - 124° 26′ W
Բնակչություն  1ին (ԱՄՆ-ում)
 - Ամբողջ (2010) 37 253 956
Միության մուտք  սեպտեմբերի 9 1850 (31-րդ)
Նահանգապետ Ջերի Բրաուն
Ժամային գոտի UTC-8/UTC-7
Կրճատ անվանում CA
Կայք ca.gov

Կալիֆորնիա , նահանգ ԱՄՆ-ի արևմտյան մասում։ Տարածքը 423 հազար կմ քառակուսի։ Վարչական կենտրոնը՝ Սակրամենտո։ Կոչվել է հարևան թերակղզու անունով, որը պատկանում է Մեքսիկային: Նահանգից տարբերելու համար թերակղզին հաճախ անվանում են Ստորին կամ Հին Կալիֆորինիա: Կալիֆորնիան Տեխասից հետո իր մեծությամբ ԱՄՆ-ի երկրորդ նահանգն է:

Պատմությունը[խմբագրել]

Ժամանակին Կալիֆորնիան Ամերիկայի նվաճողների համար եղել է բաղձալի երկիր: Մեքսիկայի խաղաղօվկիանոսյան ափերով նավարկելով դեպի հյուսիս` իսպանացիները 16-րդ դարում հասան Կալիֆորնիայի ափերին: Այդ ժամանակավանից Կալիֆորնիան դարձավ իսպանական գաղութ և այդպես մնաց մինչև 1821 թվականը: Սակայն, երբ Մեքսիկան Իսպանիայից անջատվեց, Կալիֆորնիան մտավ Մեքսիկայի կազմի մեջ: 1846 թվականին ԱՄՆՄեքսիկայից խլեց Կալիֆորնիան, երբ այնտեղի գետերից մեկում ոսկի հայտնաբերվեց: Այդ ժամանակ մարդկային մի հեղեղ հոսեց դեպի Կալիֆորնիա. մարդիկ գնում էին բախտ որոնելու: Ոսկու տենդով էր բռնվել նաև Կալիֆորնիայի խաղաղ կյանքով ապրող բնակչությանը: Կարճ ժամանակամիջոցում առափնյա մասը փաստորեն ամայացավ: Այնտեղ խարիսխ գցած նավերն անտեր մնացին, որովհետև ոսկու տենդով բռնված անձնակազմը ձգտում էր դեպի երկրի խորքերը, դեպի Սիերա-Նևադա: Սիերա-Նևադայի լանջերում նորանոր բնակավայրեր, ավելի ճիշտ՝ ճամբարներ էին ստեղծվում: Սակայն շուտով ոսկին սպառվեց, դրա հետ էլ կամաց-կամաց թուլացավ ոսկու տենդը: Երկրի խորքերը հասած մարդկանց մի մասը ետ դարձավ, մյուս մասը հրապուրվեց Կալիֆորնիայի բնությամբ: Կազմակերպվեցին ֆերմաներ, աստիճանաբար զարգացավ գյուղատնտեսությունը, կառուցվեցին գործարաններ, ստեղծվեցին աշխույժ նավահանգիստներ, հայտնի դարձան նավթային մեծ պաշարներ և այլն: 1850 թվականին Կլաիֆորնիան պաշտոնապես ինքնուրույն նահանգ հայտարարվեց և մտավ ԱՄՆ-ի կազմի մեջ:

Բնակչություն[խմբագրել]

Կալիֆորնիա նահանգի մոտ տասներկու միլիոնանոց բնակչությունը խայտաբղետ է: Դեռ 16-րդ դարից գաղթած իսպանական վերաբնակիչների թվին ավելացան նորանոր ժողովուրդներ թե եվրոպական և թե ասիական երկրներից: Կալիֆորնիայի բնիկների մի մասն անհետացել է, իսկ մյուս մասը քշվել է լեռների խորքերը:

Հայերը Կալիֆորնիայում[խմբագրել]

Իր ժամանակին այնտեղ են գաղթել նաև հայերը: Կալիֆորնիայի հայ գաղութն ունի տասնամյակների պատմություն: Առաջին անգամ հայերը այստեղ են եղել 1881 թվականին: Պարբերաբար, հատկապես առաջին համաշխարհային պատերազմից հետո, նրանց համալրվել են նորանոր գաղթականներով, որոնք բնակություն են հաստատել Լոս-Անջելեսում, Ֆրեզնո քաղաքում ու նրա շրջակայքում: 1926 թվականին Կալիֆորնիայում կար մոտ 20000 հայ: Կալիֆորնիա նահանգի նշանավոր քաղաքներից են Սան-Ֆրանցիսկոն և Լոս-Անջելեսը:

Քաղաքներ[խմբագրել]

Hollywood

Տրանսպորտ[խմբագրել]

Արտաքին հղումներ[խմբագրել]

  • CA.gov – Պաշտոնական կայք

Գրականություն[խմբագրել]

Արևմտյան կիսագնդի երկրները Կ. Ավետիսյան