Տիգրան Լ. Պետրոսյան
Անվան այլ կիրառումների համար տե՛ս՝ Տիգրան Պետրոսյան (այլ կիրառումներ)
| Տիգրան Լևոնի Պետրոսյան | |
|---|---|
| հայ․՝ Տիգրան Պետրոսյան | |
 Տիգրան Լ. Պետրոսյանը 2008 թվականին Դրեզդենի օլիմպիադայում խաղալիս | |
| Պետություն(ներ) |  Հայաստան |
| Ծննդյան ամսաթիվ | սեպտեմբերի 17, 1984 (35 տարեկան) |
| Ծննդավայր | Երևան |
| Կոչում | Գրոսմայստեր (2004) Միջազգային վարպետ (2003) |
| Առավելագույն վարկանիշ | 2661 (հուլիս 2012) |
| Ներկայիս վարկանիշ | 2601 (հոկտեմբեր, 2019) |
| ՖԻԴԵ համար | 13301616 |
| 365chess | Tigran_L_Petrosian |
| Chesstempo համար | 162811 |
| ICCF համար | 162811 |
| Մասնակցել է | Շախմատային օլիմպիադա 2008 և Շախմատային օլիմպիադա 2012 |
| Պարգևներ և մրցանակներ | «Հայրենիքին մատուցած ծառայությունների համար» 1-ին աստիճանի մեդալ և Հայաստանի Հանրապետության Պատվո շքանշան |
| Tigran L. Petrosian Վիքիպահեստում | |
Տիգրան Լևոնի Պետրոսյան (ծնված 1984 թ. սեպտեմբերի 17, Երևան), հայ շախմատիստ, գրոսմայստեր (2002)։ Հայաստանի կրկնակի չեմպիոն (2012, 2013), Հայաստանի հավաքականի կազմում համաշխարհային օլիմպիադաների կրկնակի հաղթող (2008, 2012)։
Բովանդակություն
Կենսագրություն[խմբագրել | խմբագրել կոդը]
Առաջին տարիներ[խմբագրել | խմբագրել կոդը]
Տիգրան Լ. Պետրոսյանը ծնվել է 1984 թվականի սեպտեմբերի 17-ին։ Նրա անունը պատահականորեն չէր ընտրված. հայրը որդուն կոչել էր աշխարհի չեմպիոն դարձած առաջին հայ շախմատիստի` Տիգրան Պետրոսյանի անունով։ Երբ Տիգրան Պետրոսյանը 1963 թվականին նվաճել է աշխարհի չեմպիոնի տիտղոսը, Լևոն Պետրոսյանը խոստացել է, որ եթե երբևէ որդի ունենա, անունը դնելու է Տիգրան[1]։ Աշխարհի նախկին չեմպիոնը մահացել է Տիգրան Լ. Պետրոսյանի ծնվելուց մեկ ամիս առաջ։
Տիգրան Լ. Պետրոսյանը շախմատ խաղալ սովորել է հինգ տարեկանում։ Մինչև 2002 թվականին շախմատային ակադեմիա ընդունվելը նրա մարզիչներն են եղել Գագիկ Սարգսյանը և գրոսմայստեր Մելիքսեթ Խաչիյանը։ Ակադեմիայում նրան մարզել են գրոսմայստեր Արսեն Եղիազարյանը և միջազգային վարպետ Աշոտ Նադանյանը։
Շախմատային կարիերա[խմբագրել | խմբագրել կոդը]
Պետրոսյանը գրոսմայստերի կոչմանն արժանացավ` երկու տարում երեք անգամ լրացնելով անհրաժեշտ նորմերը. 2002 թվականին մինչև 18 տարեկանների աշխարհի առաջնությունում (Իրակլիոն, Հունաստան), 2003 թվականին Բաթումի բաց մրցաշարում և 2004 թվականին «Աերոֆլոտ-օփեն»-ում (Մոսկվա)[2]։
2004 թվականին նա չինացի Չժաո Ցզյունի հետ 2-3-րդ տեղերն է բաժանել աշխարհի երիտասարդների առաջնությունում (Կոչի, Հնդկաստան)[3]։
2005 թվականին Տիգրանն առաջին տեղն է բաժանել Թեհրանի, Քիշի և Լոզանի մրցաշարերում։
2006 թվականին նա առաջին տեղն է զբաղեցրել Լիոնի և Դուբայի մրցաշարերում։
2008 թվականին Պետրոսյանն առաջին տեղն է զբաղեցրել Վիլինգի (Իլինոյս, ԱՄՆ) և Լաս Վեգասի մրցաշարերում[4]։
2008 թվականի նոյեմբերին Լևոն Արոնյանի, Վլադիմիր Հակոբյանի, Գաբրիել Սարգսյանի և Արտաշես Մինասյանի հետ դարձել է Դրեզդենի 38-րդ համաշխարհային օլիմպիադայի հաղթող[5]։ Այդ հաղթանակի համար Տիգրանը և թիմի մյուս անդամները պարգևատրվեցին «Հայրենիքին մատուցած ծառայությունների համար» 1-ին աստիճանի մեդալով[6]։
2011 թվականին Պետրոսյանը Մարատ Ջումաևի և Անտոն Ֆիլիպովի հետ 1-3-րդ տեղերն է բաժանում Գեորգի Աղզամովի հուշամրցաշարում (Տաշքենդ) և լրացուցիչ ցուցանիշներով հռչակվում հաղթող[7]։ Նույն թվականին նա հաղթում է Ֆիշերի շախմատի (Շախմատ-960) Հայաստանի անդրանիկ առաջնությունում[8], Աբհիջետ Գուպտայի և Մագեշ Պանչանաթանի հետ 2-4-րդ տեղերն է բաժանում Orissa International գրոսմայստերական բաց մրցաշարում[9] և առաջին տեղն է զբաղեցնում Villa de Benasque 31-րդ բաց մրցաշարում[10]։
2012 թվականի հունվարին Պետրոսյանը հաղթում է Հայաստանի բարձրագույն խմբի առաջնությունում[11], իսկ փետրվարին դառնում է Հայաստանի արագ շախմատի առաջնության հաղթող[12]։
2012 թվականի սեպտեմբերին Թուրքիայի Ստամբուլ քաղաքում թիմակիցներ Լևոն Արոնյանի, Սերգեյ Մովսիսյանի, Վլադիմիր Հակոբյանի և Գաբրիել Սարգսյանի հետ Հայաստանի հավաքականի կազմում երկրորդ անգամ հաղթում է համաշխարհային օլիմպիադայում: Այդ հաղթանակի համար Տիգրանը ՀՀ նախագահի 2012 թվականի սեպտեմբերի 10-ի հրամանագրով պարգևատրվեց Պատվո շքանշանով[13]։
2013 թվականի հունվարին Տիգրանը երկրորդ անգամ է հաղթում Հայաստանի առաջնությունում[14]։ Նա նաև առաջին տեղն է զբաղեցնում Grand Europe Open Albena-2013 միջազգային մրցաշարում (Ալբենա, Բուլղարիա)[15]։
Հայաստանի հավաքականի կազմում Տիգրանը երկուական անգամ մասնակցել է աշխարհի (2010, 2013)[16] և Եվրոպայի (2009, 2013)[17] թիմային առաջնություններին։ 2009 թվականի Եվրոպայի թիմային առաջնությունում (Նովի Սադ, Սերբիա) Տիգրանը հայտավորված էր որպես պահեստային խաղացող, սակայն անցկացրեց 8 պարտիա, վաստակեց 6 միավոր (+4 =4 -0) և իր խաղատախտակի վրա արժանացավ անհատական արծաթե մեդալի[18]։
Համացանցային շախմատային ակումբում (ICC) Տիգրանը խաղում է Tigrano կեղծանունով[19]։
Պարգևներ, կոչումներ[խմբագրել | խմբագրել կոդը]
- «Հայրենիքին մատուցած ծառայությունների համար» 1-ին աստիճանի մեդալ (2008)[6]
- Պատվո շքանշան (2012)[13]
- 2009 թվականի դեկտեմբերին Տիգրան Լ. Պետրոսյանն արժանացել է Հայաստանի Հանրապետության սպորտի վաստակավոր վարպետի կոչման
Աղբյուրներ[խմբագրել | խմբագրել կոդը]
- ↑ «Armenia revels in its chess prowess»։ BBC News։ 2009-09-26։ Վերցված է 2010-05-25
- ↑ Savinov Misha։ «Interview with Tigran L. Petrosian»։ chesscafe.com։ Վերցված է 2009-08-26
- ↑ «World Juniors Champ.»։ FIDE։ Վերցված է 7 May 2011
- ↑ «Tigran L. Petrosian»։ Armenian Chess Players։ Վերցված է 19 December 2009
- ↑ Հայաստանի հավաքականը հաղթեց
- ↑ 6,0 6,1 «Հայրենիքին մատուցած ծառայությունների համար» 1-ին աստիճանի մեդալով պարգևատրելու մասին
- ↑ «Georgy Agzamov Memorial»։ Chessdom։ Վերցված է 26 March 2011
- ↑ «Tigran L. Petrosian – Chess960 Champion»։ Armchess.am։ 2011-02-01։ Վերցված է 29 January 2012
- ↑ «GM Aleksej Aleksandrov victorious in Orissa»։ Chessdom։ Վերցված է 7 June 2011
- ↑ «Tigran Petrosian Victorious in Benasque Open»։ Chessdom։ Վերցված է 17 July 2011
- ↑ «72nd ARM Championship. The Highest League»։ Chess-Results.com։ 2012-01-22։ Վերցված է 22 January 2012
- ↑ «2012 Armenian Rapid Championship»։ Chess-Results.com։ 2012-02-18։ Վերցված է 19 February 2012
- ↑ 13,0 13,1 Պատվո շքանշանով պարգևատրելու մասին
- ↑ «Armenian Chess Championships 2013»։ FIDE։ 2013-01-25։ Վերցված է 18 January 2014
- ↑ Tigran Petrosian gets impressive win at Grand Europe Open
- ↑ Վիճակագրությունը աշխարհի թիմային առաջնություններում
- ↑ Վիճակագրությունը Եվրոպայի թիմային առաջնություններում
- ↑ Եվրոպայի թիմային առաջնություն-2009. Հայաստանի հավաքականի արդյունքները
- ↑ Տիգրան Պետրոսյանը ICC-ում
Արտաքին հղումներ[խմբագրել | խմբագրել կոդը]
- Տիգրան Լ. Պետրոսյանի անձնական քարտը FIDE-ի կայքում (անգլ.)
- Շախմատային պարտիաներ «ChessGames» կայքում (անգլ.)
| ||||||||||||||
