Արման Փաշիկյան
| Արման Վլադիմիրի Փաշիկյան | |
|---|---|
 | |
| Պետություն(ներ) |  Հայաստան |
| Ծննդյան ամսաթիվ | հուլիսի 28, 1987 (39 տարեկան) |
| Ծննդավայր | Իրկուտսկ,  Ռուսաստան |
| Կոչում | Գրոսմայստեր (2007) Միջազգային վարպետ (2004) |
| Առավելագույն վարկանիշ | 2663 (սեպտեմբեր, 2009) |
| Ներկայիս վարկանիշ | 2594 |
| ՖԻԴԵ համար | 13301578 |
| 365chess | Arman_Pashikian |
| Chesstempo համար | 158569 |
| ICCF համար | 158569 |
| Մասնակցել է | Շախմատային օլիմպիադա 2010[1] |
Արման Փաշիկյան (հուլիսի 28, 1987, Իրկուտսկ, ՌԽՖՍՀ, ԽՍՀՄ[2]), հայ շախմատիստ, գրոսմայստեր։ Հայաստանի կրկնակի չեմպիոն (2009, 2019)[3]
Կենսագրություն
[խմբագրել | խմբագրել կոդը]Ծնվել է Ռուսաստանի Դաշնության Իրկուտսկ քաղաքում, որտեղ ապրել է մինչև երեք տարեկանը, երբ ծնողների հետ տեղափոխվել է Երևան։ 2004-ին ավարտել է Երևանի թիվ 27 միջնակարգ դպրոցը։ Ավարտել է ֆիզիկական կուլտուրայի հայկական պետական ինստիտուտը։
1997, 1998 թվականներին դարձել է մինչև 10 տարեկանների Հայաստանի չեմպիոն, արծաթե մեդալ է նվաճել մինչև 12 տարեկանների (1999-ին) և մինչև 14 տարեկանների առաջնություններում (2011)։
2005-ին դարձել է Եվրոպայի արագ շախմատի պատանեկան առաջնության հաղթող[4]։
2008-ին հաղթել է Գյումրու և Մարտունու միջազգային մրցաշարերում[5]։ Բազմիցս մասնակցել է Հայաստանի առաջնություններին, 2009-ին դարձել է Հայաստանի չեմպիոն[6], 2003-ին բաժանել է 1–2-րդ տեղերը, իսկ 2006-ին արժանացել է արծաթե մեդալի[7]։
2010-ին Հայաստանի հավաքականի կազմում մասնակցել է Խանտի Մանսիյսկում կայացած համաշխարհային 39-րդ օլիմպիադային։ Խաղալով չորրորդ խաղատախտակի վրա՝ նա 11 հնարավորից վաստակել է 7 միավոր և անհատական պայքարում զբաղեցրել 9-րդ տեղը։ Նույն թվականին մասնակցել է նաև աշխարհի թիմային առաջնությանը (Բուրսա, Թուրքիա), որտեղ կրկին խաղացել է չորրորդ խաղատախտակի վրա. նա 6 հնարավորից վաստակել է 3½ միավոր և անհատական պայքարում արժանացել բրոնզե մեդալի։ Արման Փաշիկյանը մեկ անգամ մասնակցել է նաև Եվրոպայի առաջնությանը (2009, Նովի Սադ, Սերբիա), որտեղ չորրորդ խաղատախտակի վրա խաղացել է ընդամենը 4 պարտիա՝ վաստակելով 2 միավոր։
2012-ի փետրվարին հաղթող է ճանաչվել Իրանի Մահշադ քաղաքում կայացած Ֆիրդուսու անվան բաց մրցաշարում[8]։
2019 թվականին Արման Փաշիկյանը, 9 հնարավորից վաստակելով 6½ միավոր, դարձել է Հայաստանի կրկնակի չեմպիոն[3]։
Անձնական կյանքը
[խմբագրել | խմբագրել կոդը]2011-ի հունիսի 10-ին ամուսնացել է ռուս շախմատիստուհի Մարիա Կուրսովայի հետ, որը տեղափոխվել է Հայաստան և սկսել ներկայացնել Հայաստանը[2]։
Նրանք ծանոթացել են 2006-ին Թուրքիայում` Եվրոպայի առաջնության ժամանակ։
Վարկանիշի փոփոխության գրաֆիկ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ OlimpBase
- 1 2 «Հարցազրույց Արման Փաշիկյանի հետ». Արխիվացված է օրիգինալից 2012 թ․ հուլիսի 23-ին. Վերցված է 2013 թ․ փետրվարի 20-ին.
- 1 2 «10 տարի անց. Արման Փաշիկյանը` շախմատի Հայաստանի կրկնակի չեմպիոն». Արխիվացված է օրիգինալից 2019 թ․ հունվարի 23-ին. Վերցված է 2019 թ․ հունվարի 20-ին.
- ↑ Հայաստանի շախմատի ակադեմիա
- ↑ The Week in Chess 715 Արխիվացված 2008-10-25 Wayback Machine (անգլ.)
- ↑ All Champions of Armenia Արխիվացված 2012-01-20 Wayback Machine (անգլ.)
- ↑ 66th Armenian Championship Արխիվացված 2009-01-04 Wayback Machine (անգլ.)
- ↑ «2nd Ferdowsi International Chess Open Tournament February 10–20, 2012 Mashhad – Iran». Chess-Results.com. 2012 թ․ փետրվարի 19. Վերցված է 2012 թ․ փետրվարի 19-ին.
- ↑ «Հարցազրույց Մարիա Կուրսովայի հետ». Արխիվացված է օրիգինալից 2013 թ․ սեպտեմբերի 8-ին. Վերցված է 2013 թ․ հուլիսի 16-ին.
- ↑ ՖԻԴԵ ցուցակներով Էլոյի վարկանիշ. Աղբյուրներ: fide.com, benoni.de, olimpbase.org
Աղբյուրներ
[խմբագրել | խմբագրել կոդը]- Արման Փաշիկյանի անձնական քարտը ՖԻԴԵ-ի կայքում (անգլ.)
- Արման Փաշիկյանի պարտիաները
- Արման Փաշիկյանի էջը Ֆեյսբուքում
| ||||||||||||||
| ||||||
