Տիգրան Քոթանջյան
| Տիգրան Կորյունի Քոթանջյան | |
|---|---|
 Տիգրան Քոթանջյանը Հայաստանի 2013 թվականի առաջնությունում | |
| Պետություն(ներ) |  Հայաստան |
| Ծննդյան ամսաթիվ | սեպտեմբերի 1, 1981 (40 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կոչում | Գրոսմայստեր (2006) Միջազգային վարպետ (2003) |
| Առավելագույն վարկանիշ | 2580 (հուլիս, 2008) |
| Ներկայիս վարկանիշ | 2453 |
| ՖԻԴԵ համար | 13301250 |
| 365chess | Tigran_Kotanjian |
| Chesstempo համար | 109100 |
| ICCF համար | 109100 |
| Մասնակցել է | Շախմատային օլիմպիադա 2014[1] |
Տիգրան Կորյունի Քոթանջյան (սեպտեմբերի 1, 1981, Երևան, Հայկական ԽՍՀ, ԽՍՀՄ), հայ շախմատիստ, գրոսմայստեր (2006): 2014 թվականի Հայաստանի չեմպիոն[2]։
Կենսագրություն[խմբագրել | խմբագրել կոդը]
Շախմատ խաղալ սովորել է պապիկից։ Ինը տարեկանից սկսել է հաճախել Տիգրան Պետրոսյանի անվան շախմատի տուն։ Մոտ 4 տարի շախմատին զուգահեռ զբաղվել է նաև լողով, սակայն հաջողությունների չի հասել։
Արհեստավարժ շախմատիստ որոշել է դառնալ Ֆիզիկական կուլտուրայի հայկական պետական ինստիտուտում սովորելու տարիներին[3]։
1999 թ. Տիգրանը դարձել է Հայաստանի մինչև 18 տարեկան պատանիների չեմպիոն։
2003 թ. դարձել է միջազգային վարպետ։
2006 թ. լրացրել է գրոսմայստերի նորման և ստացել այդ կոչումը։
2009 թ.` «Դուբայ Օփեն» մրցաշարի հաղթող[4]։
2010 թ.` Կարեն Ասրյանի հուշամրցաշարի հաղթող։
Նույն թվականին 1-2 տեղերն է բաժանել Հայաստանի 67-րդ առաջնությունում, սակայն լրացուցիչ մրցախաղում 0-2 հաշվով չեմպիոնի կոչումը զիջել է գրոսմայստեր Կարեն Ասրյանին[5]։
Նույն թվականին բաժանել է 1-3-րդ տեղերը «Ֆաջր Օփեն» մրցաշարում։
2008 թ. դարձել է «Բեյրութ օփեն» մրցաշարի հաղթող։
2014 թ. Հայաստանի 74-րդ առաջնությունում վաստակելով 6,5 միավոր հռչակվեց Հայաստանի չեմպիոն՝ լրացնելով Հայաստանի հավաքականի միակ թափուր տեղը, և 2014-ի վերջին մասնակցեց Նորվեգիայի Տրոմսյո քաղաքում կայացած համաշխարհային օլիմպիադային։ Այնտեղ նա անցկացրեց մեկ պարտիա, որում հաղթեց ճապոնացի մրցակցին։
Մինչ այդ Տիգրանը ևս մեկ անգամ եղել է հավաքականի կազմում. 2010 թվականին նա 2-րդ պահեստայինն էր Աշխարհի թիմային 7-րդ առաջնություն (Բուրսա, Թուրքիա), սակայն ոչ մի պարտիա չի խաղացել։
Վերջին տարիներին քիչ է խաղում մրցաշարերում, զբաղվում է մարզչական գործունեությամբ ինչպես մարզադպրոցում, այնպես էլ անհատապես[3]։
Վարկանիշի փոփոխության գրաֆիկ[խմբագրել | խմբագրել կոդը]
Նախասիրություններ[խմբագրել | խմբագրել կոդը]
2011 թվականից զբաղվում է մեղվաբուծությամբ։ Այն զբաղմունքի պատճառով մեկ անգամ նույնիսկ հրաժարվել է Աբու Դաբիի մրցաշարի հրավերից[3]։
Արտաքին հղումներ[խմբագրել | խմբագրել կոդը]
- Տիգրան Քոթանջյանի անձնական քարտը ՖԻԴԵ-ի կայքում
- Տիգրան Քոթանջյանի պարտիաները Chessgames.com կայքում
- Տիգրան Քոթանջյանի անձնական քարտը 365chess.com կայքում
- Տիգրան Քոթանջյանի պարտիաները redhotpawn.com կայքում
Ծանոթագրություններ[խմբագրել | խմբագրել կոդը]
- ↑ OlimpBase
- ↑ Տիգրան Քոթանջյանը նվաճեց Հայաստանի չեմպիոնի կոչումը
- ↑ 3,0 3,1 3,2 «Մեղվապահ գրոսմայստերը», «Ճամփորդ» շաբաթաթերթ, 2016 թ., թիվ 17, էջ 2
- ↑ Dubai Chess Open (անգլ.)
- ↑ «Հայաստանի 67-րդ առաջնություն»։ Արխիվացված է օրիգինալից 2013-03-28-ին։ Վերցված է 2014-01-23
- ↑ Էլոյի վարկանիշը ՖԻԴԵ ցանկերից։ Աղբյուրներ՝ fide.com, benoni.de, olimpbase.org
| ||||||||||||||
|
