Արա Մինասյան (շախմատիստ)

Անվան այլ կիրառումների համար տե՛ս՝ Արա Մինասյան (այլ կիրառումներ)

Արա Շոթայի Մինասյան
Պետություն(ներ)	Հայաստան
Ծննդյան ամսաթիվ	ապրիլի 14, 1974(1974-04-14) (48 տարեկան)
Ծննդավայր	Լենինական, Հայկական ԽՍՀ
Կոչում	Գրոսմայստեր (2004)
Առավելագույն վարկանիշ	2524 (հուլիս, 2004)
Ներկայիս վարկանիշ	2426
ՖԻԴԵ համար	13300377
365chess	Ara_Minasian
Chesstempo համար	138402
ICCF համար	138402
Մասնակցել է	Շախմատային օլիմպիադա 1996

Արա Շոթայի Մինասյան (ապրիլի 14, 1974(1974-04-14), Լենինական, Հայկական ԽՍՀ, ԽՍՀՄ), հայ շախմատիստ, գրոսմայստեր (2004)։ Գյումրեցի առաջին գրոսմայստերը։

Կենսագրություն

1994-ին Կստովոյում (Ռուսաստան) կայացած մրցաշարում բաժանել է 3 - 7-րդ տեղերը։

1996-ին 2-4-րդ հորիզոնականներն է բաժանել Դեչինի (Չեխիա) մրցաշարում։

2003-ին Թեհրանի (Իրան) GM Saipa շրջանային մրցաշարում զբաղեցրել է 2-րդ տեղը՝ զիջելով իրանցի գրոսմայստեր Էսհան Ղաեմ Մաղամիին։

2009-ին, զիջելով Ռինատ Ջումաբաևին և Արթուր Չիբուխչյանին, 3-րդ տեղն է բաժանել Թամազ Գելաշվիլու հետ Գյումրիի «Գյումրի-2009» մրցաշարում։

1996-ին Հայաստանի 2-րդ հավաքականի կազմում մասնակցել է Երևանում կայացած համաշխարհային 32-րդ օլիմպիադային։ Չորրորդ խաղատախտակի վրա Մինասյանն անցկացրել է 8 պարտիա և վաստակել 3 միավոր)։

Գրոսմայստերի նորմաները լրացրել է Կրասնոդարում (1998-ին՝ Ռուսաստանի գավաթի ընտրական մրցաշար) և երկու անգամ Բաթումում (2002-ին՝ Եվրոպայի առաջնություն, 2003-ին՝ շախմատի սևծովյան ասոցիացիայի առաջնություն)։ Կոչումը ստացել է 2004-ին, երբ վարկանիշը հասցրել է անհրաժեշտ մակարդակի։

Վարկանիշի փոփոխության գրաֆիկ

Էլոյի վարկանիշի փոփոխություններ

Հղումներ

• Արա Մինասյանի անձնական քարտը ՖԻԴԵ-ի կայքում (անգլ.)
• Արա Մինասյանի պարտիաները chessgames.com կայքում (անգլ.)
• Արա Մինասյանի անձնական քարտը 365chess.com կայքում (անգլ.)