Վլադիմիր Հակոբյան (շախմատիստ)

Անվան այլ կիրառումների համար տե՛ս՝ Վլադիմիր Հակոբյան (այլ կիրառումներ)

Վիքիպեդիայում կան հոդվածներ Հակոբյան ազգանունով այլ մարդկանց մասին։

Վլադիմիր Հակոբյան
Պետություն(ներ)	Հայաստան ԱՄՆ (4.06.2021)
Ծննդյան ամսաթիվ	դեկտեմբերի 7, 1971(1971-12-07) (54 տարեկան)
Ծննդավայր	Բաքու, Ադրբեջանական ԽՍՀ, ԽՍՀՄ
Կոչում	ԽՍՀՄ շախմատի սպորտի վարպետ, միջազգային վարպետ, գրոսմայստեր և ՖԻԴԵ-ի ավագ մարզիչ
Առավելագույն վարկանիշ	2713 (հուլիս, 2006)
Ներկայիս վարկանիշ	2587
ՖԻԴԵ համար	13300032
365chess	Vladimir_Akopian
Chesstempo համար	3857
ICCF համար	3857
Մասնակցել է	Շախմատային օլիմպիադա 1992, Շախմատային օլիմպիադա 1994, Շախմատային օլիմպիադա 1996, Շախմատային օլիմպիադա 1998, Շախմատային օլիմպիադա 2002, Շախմատային օլիմպիադա 2004, Շախմատային օլիմպիադա 2006, Շախմատային օլիմպիադա 2008, Շախմատային օլիմպիադա 2010, Շախմատային օլիմպիադա 2012 և Շախմատային օլիմպիադա 2014
Պարգևներ և մրցանակներ	Մովսես Խորենացու մեդալ (2006)
Vladimir Akopian Վիքիպահեստում

Վլադիմիր Էդուարդի Հակոբյան (դեկտեմբերի 7, 1971(1971-12-07), Բաքու, Ադրբեջանական ԽՍՀ, ԽՍՀՄ), Ամերիկայի Միացյալ Նահանգները 2021 թվականից ներկայացնող հայ շախմատիստ։ Միջազգային գրոսմայստեր (1991)։ 2011 թվականի աշխարհի ութերորդ թիմային առաջնության հաղթող և Համաշխարհային Շախմատային Օլիմպիադաների եռակի հաղթող (2006, 2008 և 2012 թթ.) Հայաստանի թիմի կազմում։ ՖԻԴԵ աշխարհի առաջնության ֆինալիստ նոկաուտ համակարգով (1999 թ.)։

Կենսագրություն

Վ. Հակոբյանը (ձախից երրորդը) իր թիմակից ընկերների հետ 2008–օլիմպիադայում Հայաստանի նամականիշի վրա։ 2009 թվական

Ծնվել է Բաքվում (ադրբեջանական ՍՀՄ, ՍՍՀՄ) 1971 թվականի դեկտեմբերի 7–ին։

Հինգ տարեկանում Վոլոդյային շախմատ խաղալ սովորեցրեց հայրը՝ Երևանի պոլիտեխնիկական ինստիտուտի դասախոս։ Երբ լրացավ տղայի 8 տարին, նա Լիտվայում հաղթեց իր առաջին առաջնությունը, տանելով բոլոր հերթախաղերում։

Հակոբյանը շատ զուգահեռներ ունի Կասպարովի հետ։ Ապրել է Բաքվում, սիրել է հանգստանալ Զագուլբայում և ֆուտբոլ խաղալ, անցել է շախմատային համալսարաններ Բոտվիննիկ – Կասպարովի դպրոցում։

14 տարեկանում Արգենտինայում հաղթեց կադետների աշխարհի առաջնությունում (մինչև 16 տարեկան երիտասարդների), և իր ուսուցիչներն այսպես էին արտահայտվում Հակոբյանի հնարավորությունների մասին․

Գ․Կասպարով։ «Նա պետք է մտնի աշխարհի լավագույն շախմատիստների դյուժին»։

Մ․Բոտվեննիկ։ «Հակոբյանը կարող է ձեռք բերել բարձրագույն գիտելիքներ, բայց այն դեպքում, եթե կաշխատի ինչպես Կասպարովը»։

Ավարտել է Ֆիզիկական կուլտուրայի հայկական պետական ինստիտուտը (1992 թ.)։ Աշխարհի՝ մինչև 16 (1986 թ., Արգենտինա), 18 (1989 թ., Պուերտո Ռիկո) և 20 (1991 թ., Ռումինիա) տարեկանների չեմպիոն։ Համամիութենական 5 մրցաշարերի՝ Կեդայնյայ (Լիտվա, 1981 թ.), Բելցի (Մոլդովա, 1982 թ.), Տալլին (1982 թ.), Բաքու (1984 թ.), Սոչի (1986 թ.), միջազգային 3 մրցաշարերի՝ Նիշ (Հարավսլավիա, 1990 թ.), Բուենոս Այրես (1991 թ.), Նիկշիչ (Հարավսլավիա, 1991 թ.) հաղթող։ 1992 թ.-ին համաշխարհային օլիմպիադայում, Հայաստանի հավաքականի կազմում, դարձել է 3-րդ մրցանակակիր, 1995 թ.-ին՝ «Երևան» ակումբի կազմում շախմատի ակումբային թիմերի Եվրոպայի չեմպիոնների գավաթակիր, 1999 թ.-ին՝ աշխարհի շախմատի առաջնության երկրորդ մրցանակակիր։ 1992, 2002 և 2004 թվականների աշխարհի թիմային առաջնությունների եռակի, 1997, 2001 և 2005 թթ. Եվրոպայի թիմային առաջնության բրոնզե մեդալակիր։

2021 թվականի հունիսից ներկայացնում է ԱՄՆ-ի շախմատի ֆեդերացիան։

Վարկանիշի փոփոխության գրաֆիկ

Էլոյի գործակցի փոփոխություններ

Պարգևներ

• «Հայրենիքին մատուցած ծառայությունների համար» 1-ին աստիճանի մեդալ (2008)։
• Պատվո շքանշան (2012)

Արտաքին հղումներ

Վլադիմիր Հակոբյան ՖԻԴԵ-ի կայքում (անգլերեն)

• Վլադիմիր Հակոբյան Chessgames.com կայքում (անգլերեն)
• Վլադիմիր Հակոբյան 365Chess.com կայքում (անգլերեն)
• Վլադիմիր Հակոբյան Chesstempo.com կայքում (անգլերեն)
• Վլադիմիր Հակոբյան USCF-ի կայքում (անգլերեն)
• Վլադիմիր Հակոբյան Chess Olympiad record at OlimpBase.org կայքում (անգլերեն)

Վիքիպահեստն ունի նյութեր, որոնք վերաբերում են «Վլադիմիր Հակոբյան (շախմատիստ)» հոդվածին։

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։