Հովհաննես Գաբուզյան
- Վիքիպեդիայում կան հոդվածներ Գաբուզյան ազգանունով այլ մարդկանց մասին։
| Հովհաննես Գաբուզյան | |
|---|---|
| Պետություն(ներ) |  Հայաստան |
| Ծննդյան ամսաթիվ | մայիսի 19, 1995 (30 տարեկան) |
| Ծննդավայր | Երևան, Հայաստան |
| Կոչում | Գրոսմայստեր (2012) Միջազգային վարպետ (2012) |
| Առավելագույն վարկանիշ | 2582 (2014, հուլիս) |
| Ներկայիս վարկանիշ | 2579 |
| ՖԻԴԵ համար | 13303732 |
| 365chess | Hovhannes_Gabuzyan |
| Chesstempo համար | 67109 |
| ICCF համար | 67109 |
Հովհաննես Եղիազարի Գաբուզյան (մայիսի 19, 1995, Երևան, Հայաստան), հայ շախմատիստ, գրոսմայստեր (2012)։ Հայաստանի 2017 և 2021 թվականների չեմպիոն։
Շախմատիստի կարիերա
[խմբագրել | խմբագրել կոդը]Հայաստանը բազմիցս ներկայացրել է տարբեր տարիքային խմբերի աշխարհի ու Եվրոպայի առաջնություններում՝ շահելով չորս արծաթե մեդալ[1].
- 2011՝ Ալբենա, մինչև 16 տարեկանների Եվրոպայի առաջնություն
- 2012՝ Պրահա, մինչև 18 տարեկանների Եվրոպայի առաջնություն
- 2012՝ Մարիբոր, մինչև 18 տարեկանների աշխարհի առաջնություն
- 2013՝ Բուդվա, մինչև 18 տարեկանների Եվրոպայի առաջնություն
Երկու անգամ Հայաստանի հավաքականի կազմում մասնակցել է մինչև 16 տարեկանների համաշխարհային օլիմպիադաներին՝ շահելով չորս մեդալ.
- 2010՝ ոսկե մեդալներ թիմի հետ և անհատական (3-րդ խաղատախտակի վրա)
- 2011՝ արծաթե մեդալ թիմի հետ և բրոնզե մեդալ անհատական պայքարում (2-րդ խաղատախտակի վրա)[2]
Գաբուզյանը բազմիցս մրցանակիր է դարձել նաև Հայաստանի պատանեկան առաջնություններում, այդ թվում՝ երեք անգամ նվաճելով ոսկե մեդալներ.
- 2009՝ մինչև 14 տարեկաններ
- 2010՝ մինչև 16 տարեկաններ
- 2011՝ մինչև 16 տարեկաններ
Գրոսմայստեր դառնալու համար անհրաժեշտ նորմերը լրացրել է 2012 թվականին Պլովդիվում կայացած Եվրոպայի առաջնությունում և Ալբենայում։ 2014 թվականին հաղթող է դարձել Վառնայում կայացած բաց մրցաշարում։
2014 թվականին դարձել է Հայաստանի արագ շախմատի չեմպիոն[3]։ Անհատական վարկանիշի առավելագույն ցուցանիշին հասել է 2014 թվականի հուլիսին (2582)՝ Հայաստանի շախմատիստների մեջ զբաղեցնելով 11-րդ տեղը։
2016 թվականին Հովհաննես Գաբուզյանը դարձավ Աբու Դաբիում կայացած Համաշխարհային համալսարանական 14-րդ խաղերի չեմպիոն (9 հնարավորից 8 միավոր)[4][5]։
2017 թվականի հունվարին Հովհաննեսը, 9 հնարավորից վաստակելով 5½ միավոր, դարձավ դասական շախմատի Հայաստանի չեմպիոն և համալրեց Հայաստանի հավաքականի կազմը[6]
2021 թվականի փետրվարին Գաբուզյանը կրկնեց իր հաջողությունը՝ դառնալով Հայաստանի կրկնակի չեմպիոն։ Նա 11 հնարավորից վաստակեց 8½ միավոր[7]։
Կրթություն
[խմբագրել | խմբագրել կոդը]Սովորում է Ֆիզիկական կուլտուրայի հայկական պետական ինստիտուտի շախմատի բաժնում[1]։
Վարկանիշի փոփոխության գրաֆիկ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- 1 2 Ասում են՝ բախտավորն առաջին տեղն է ընկնում, ուժեղը՝ երկրորդ. Հովհաննես Գաբուզյան(չաշխատող հղում)
- ↑ OlimpBase
- ↑ «ՀՈՎՀԱՆՆԵՍ ԳԱԲՈՒԶՅԱՆԸ` ՀԱՅԱՍՏԱՆԻ ԱՐԱԳ ՇԱԽՄԱՏԻ ՉԵՄՊԻՈՆ». Արխիվացված է օրիգինալից 2014 թ․ հունվարի 25-ին. Վերցված է 2014 թ․ հոկտեմբերի 25-ին.
- ↑ Հովհաննես Գաբուզյանը Աշխարհի Համալսարանական 14-րդ խաղերի չեմպիոն(չաշխատող հղում)
- ↑ Համաշխարհային համալսարանական 14-րդ խաղերի արդյունքները
- ↑ LLC, Helix Consulting. «Հովհաննես Գաբուզյանը՝ Հայաստանի շախմատի տղամարդկանց չեմպիոն». www.panorama.am (անգլերեն). Վերցված է 2021 թ․ մարտի 1-ին.
- ↑ «Հովհաննես Գաբուզյանը` Հայաստանի շախմատի չեմպիոն». armenpress.am. Վերցված է 2021 թ․ մարտի 1-ին.
- ↑ ՖԻԴԵ ցուցակներով Էլոյի վարկանիշ. Աղբյուրներ: fide.com, benoni.de, olimpbase.org
Արտաքին հղումներ
[խմբագրել | խմբագրել կոդը]- Հովհաննես Գաբուզյանի անձնական քարտը ՖԻԴԵ-ի կայքում (անգլ.)
- Հովհաննես Գաբուզյանի պարտիաները (անգլ.)
- Հովհաննես Գաբուզյանի անձնական քարտը 365chess.com կայքում
| ||||||
| ||||||||||||||