Պողոսագոմեր
| Գյուղ | ||
|---|---|---|
| Պողոսագոմեր | ||
| ադրբ.՝ Poqosoqomer ադրբ.՝ Dəvədaşı | ||
| Երկիր |  Արցախ | |
| Շրջան | Մարտակերտի | |
| ԲԾՄ | 1017 մետր | |
| Պաշտոնական լեզու | հայերեն | |
| Բնակչություն | 220 մարդ (2003) | |
| Ազգային կազմ | Հայեր | |
| Տեղաբնականուն | պողոսագոմերցի | |
| Ժամային գոտի | UTC+4 | |
| ||
Պողոսագոմեր, գյուղ Արցախի Հանրապետության Մարտակերտի շրջանում` շրջկենտրոնից 42 կմ հարավ-արևմուտք` Թարթառ գետիաջ կողմում՝ 850 մետր բարձրության վրա։ Տարածքը՝ 1088 հեկտար։ Գտնվում է հանրապետության հյուսիսային հատվածում, Մարտակերտ շրջկենտրոնից 42 կմ հեռավորության վրա, իսկ մայրաքաղաք Ստեփանակերտից` 57 կմ հեռավորության վրա։
Պողոսագոմեր համայնքի կազմում ընդգրկված է նաև Ղազարահող գյուղը, որտեղ բնակվում է 74 մարդ, կա 25 տնտեսություն։
Աշխարհագրություն[խմբագրել | խմբագրել կոդը]
Համայնքը լեռնային է, ունի 1031,80 հա տարածք, որից 348,31 հա գյուղատնտեսական նշանակության, 612,21 հա՝ անտառային հողեր։ Պողոսագոմեր համայնքի սահմանային գոտով հոսում է Տրտու գետի փոքր վտակը դեպի Սարսանգի ջրամբար։ Համայնքի տարածքում առկա են թվով 4 աղբյուրներ` «Քառ», «Գյուլուլ», «Դովեն» և «Շնաղբյուր»։
Պողոսագոմերը Արցախյան ազատամարտում[խմբագրել | խմբագրել կոդը]
1989 թվականին Պողոսագոմերում կազմավորվել է կամավորական ջոկատ (հրամանատար՝ Վ. Բեդյան), որն առանձին, իսկ 1992 թվականից Մարտակերտի պաշտպանական շրջանի ստորաբաժանումների կազմում մասնակցել է ԼՂՀ բնակավայրերի ինքնապաշտպանական և ազատագրական մարտերին։ Պողոսագոմերից ԼՂՀ «Մարտական խաչ» 1-ին աստիճանի շքանշանով պարգևատրվել է Արամայիս Առուստամյանը, «Մարտական խաչ» 2-րդ աստիճանի շքանշանով՝ Վ. Բեդյանը։ Պողոսագոմերից զոհվել է 6 ազատամարտիկ[1]։
Բնակչություն[խմբագրել | խմբագրել կոդը]
2015 թվականին Պողոսագոմեր համայնքի բնակչության թվաքանակը կազմում է 242 մարդ, կա 80 տնտեսություն, իսկ 2003 թվականին ուներ 220 բնակիչ։
Բնակավայրի ազգաբնակչության փոփոխությունը[2].
| Տարի | 2008 | 2009 | 2010 |
|---|---|---|---|
| Բնակիչ | 170 | 167 | 173 |
Տնտեսություն[խմբագրել | խմբագրել կոդը]
Բնակչությունը հիմնականում զբաղվում է գյուղատնտեսությամբ`անասնապահությամբ և հողագործությամբ, կան նաև Մարտակերտի շրջանի հանքավայրերում աշխատողներ։
Պատմամշակութային հուշարձաններ[խմբագրել | խմբագրել կոդը]
Կան պատմամշակութային հուշարձաններ Պողոսագոմեր գյուղում`աղբյուր (XIX դ.), խաչքար (XI-XIII դդ.), Ամենափրկիչ վանք եկեղեցի (XII-XIII դդ.), «Պեմեն» եկեղեցին, գերեզմանոց (XII-XIII դդ.), գյուղատեղի (XII-XIII դդ.), մատուռ (XIII դ.), Ղազարահող գյուղում՝ եկեղեցի (միջնադար), գերեզմանոց (միջնադար), գյուղատեղի (միջնադար), մատուռ (միջնադար), հաշվառված է 13 հուշարձան։ Մոտակայքում գտնվում է Թխախու գյուղատեղին։
Հասարարակական կառույցներ[խմբագրել | խմբագրել կոդը]
2015 թվականի դրությամբ համայնքում գործում էր գյուղապետարան, բուժկետ, միջնակարգ դպրոց, որտեղ սովորում են 30 աշակերտներ[3]։
Ծանոթագրություններ[խմբագրել | խմբագրել կոդը]
- ↑ Ղարաբաղյան ազատագրական պատերազմ.1988-1994, Ե., ՀՀՀ, 2004, էջ 564։
- ↑ «Լեռնային Ղարաբաղի Հանրապետություն. Բնակչություն ըստ համայնքների»։ Վերցված է 2021 Մայիսի 1
- ↑ Ղահրամանյան Հակոբ (2015)։ Տեղեկաատու Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի։ Երևան։ էջ 199
| |||||||||||||
