Թբլղու
| Գյուղ | ||
|---|---|---|
| Թբլղու | ||
| Երկիր |  Արցախ | |
| Շրջան | Մարտակերտի | |
| Պաշտոնական լեզու | հայերեն | |
| Բնակչություն | 176[1] մարդ (2005) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | թբղեցի | |
| Ժամային գոտի | UTC+4 | |
| ||
Թբլղու, գյուղ Արցախի Մարտակերտի շրջանում` Խաչեն գետի հովտում` 950 մետր բարձրության վրա։ Գտնվում է հանրապետության հյուսիս-արևելյան հատվածում, Մարտակերտ շրջկենտրոնից գտնվում է 51 կմ հեռավորության վրա, իսկ մայրաքաղաք Ստեփանակերտից` 40 կմ հեռավորության վրա։
Աշխարհագրություն[խմբագրել | խմբագրել կոդը]
Համայնքը լեռնային է, ունի 466,51 հա տարածք, որից 279,32 հա գյուղատնտեսական նշանակության, 142,82 հա անտառային հողեր։ Թբլղու համայնքի սահմանային գոտով հոսում է Տրտու գետի Քոլատակ վտակը։ Համայնքի տարածքում առկա են թվով 6 աղբյուրներ` «Տզզանի», «Սաքի ապոր», «Դարզին թավ», «Շորին ծորի», «Վանքի տակի» և «Լըսնըտեղի»։
Թբլղուն Արցախյան ազատամարտին[խմբագրել | խմբագրել կոդը]
1989 թվականին Թբլղուում կազմավորվել է աշխարհազորային և կամավորական ջոկատներ, որոնք առանձին կամ Մարտակերտի պաշտպանական շրջանի ստորաբաժանումների կազմում մասնակցել են Մարտակերտի (Կիչան, Ղազանչի, «Պուշկենյալ» բարձունք, Մաղավուզ, Մադաղիս, Չայլու) և այլ բնակավայրերի ինքնապաշտպանական և ազատագրական մարտերին։ Մարտական տարբեր գործողությունների ժամանակ հրամանատարներ են եղել Վ. Գրիգորյանը, Մ. Իսրայելյանը, Ս. Մկրտումյանը, Է. Բեգլարյանը, Է. Մարտիրոսյանը։ Թբլղուից զոհվել է 1 ազատամարտիկ[2]։
Բնակչություն[խմբագրել | խմբագրել կոդը]
2015 թվականին Թբլղու համայնքի բնակչության թվաքանակը կազմում է 158 մարդ, կա 46 տնտեսություն։
Բնակավայրի ազգաբնակչության փոփոխությունը[3].
| Տարի | 2008 | 2009 | 2010 |
|---|---|---|---|
| Բնակիչ | 179 | 167 | 179 |
Տնտեսություն[խմբագրել | խմբագրել կոդը]
Բնակչությունը հիմնականում զբաղվում է գյուղատնտեսությամբ`անասնապահությամբ և հողագործությամբ։
Պատմամշակութային հուշարձաններ[խմբագրել | խմբագրել կոդը]
Կան պատմամշակութային հուշարձաններ` գերեզմանոց (XVIII-XIX դդ.), ամրոց «Աղուեն» (XII-XIII դդ.), խաչքար (XIII դ.), եկեղեցի (XIII դ.):
Հասարարակական կառույցներ[խմբագրել | խմբագրել կոդը]
2015 թվականին համայնքում գործում էր գյուղապետարան, մշակույթի տուն, բուժկետ, Քոլատակի միջնակարգ դպրոցի Թբլղուի մասնաճյուղը, որտեղ սովորում էին 7 աշակերտներ[4]։
Ծանոթագրություններ[խմբագրել | խմբագրել կոդը]
- ↑ Population of Nagorno-Karabakh Republic (2005)
- ↑ Ղարաբաղյան ազատագրական պատերազմ.1988-1994, Ե., ՀՀՀ, 2004, էջ 209։
- ↑ «Լեռնային Ղարաբաղի Հանրապետություն. Բնակչություն ըստ համայնքների»։ Վերցված է 2021 Մայիսի 1
- ↑ Ղահրամանյան Հակոբ (2015)։ Տեղեկաատու Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի։ Երևան։ էջ 158
| |||||||||||||||||
