Մարկ Ցուկերբերգ

Վիքիպեդիայից՝ ազատ հանրագիտարանից
Մարկ Ցուկերբերգ
Mark Zuckerberg
Mark Zuckerberg at the 37th G8 Summit in Deauville 018 v1.jpg
Ծնվել է մայիսի 14, 1984({{padleft:1984|4|0}}-{{padleft:5|2|0}}-{{padleft:14|2|0}}) (31 տարեկան)
Ծննդավայր Q274584?
Քաղաքացիություն Flag of the United States.svg ԱՄՆ
Ազգություն հրեա
Կրոն աթեիստ
Կրթություն Հարվարդի համալսարան
Աշխատանք գլխավոր տնօրեն [[ ֆեյսբուք]]-ում
Կարողություն 31.6 միլիարդ ԱՄՆ դոլար
Մասնագիտություն ծրագրավորող և ձեռնարկատեր
Քույր Q292708?
Ստորագրություն G287954zuckerberg sig.jpg
Mark Zuckerberg Վիքիպահեստում

Մարկ Էլիոտ Ցուկերբերգ (անգլ.՝ Mark Elliot Zuckerberg, [zʌkə'bə:ɡ][1] ամերիկացի ծրագրավորող է։ Նա 2004թ. հիմնադրված ֆեյսբուք սոցիալական ցանցի համահիմնադիրներից է և դրա գլխավոր տնօրենը։ Կարողությունը՝ 31.6 միլիարդ ԱՄՆ դոլար։

Պարգևներ[խմբագրել]

2010 թ. Times ամսագրի կողմից ճանաչվել է տարվա մարդ։

Կենսագրություն[խմբագրել]

Մանկություն և ուսում[խմբագրել]

Մարկ Ցուկերբերգը ծնվել է 1984 թ. մայիսի 14-ին ԱՄՆ-ում բժիշկների ընտանիքում։ Մարկի մանկությունն անցնում էր սովորական մինչև այն պահը, երբ նրա համար համակարգիչ գնեցին։ Այդ ժամանակ նա 10-12 տարեկան էր։ Նա իրեն շատ մեծ էր զգում և սկզբնական ժամանակ գրեթե հեռու չէր գնում նոր խաղալիքից։ Մի քանի ամիս անց նա որոշում է ինչ-որ օգտակար բան սովորել և սկսում է խելացի գրքեր կարդալ և ծրագրավորում ուսումնասիրել։ Ծրագրավորական գիտելիքները Մարկն արագորեն ընկալում է, և դեռևս ավագ դպրոցում մի քանի համակարգչային ծրագիր է գրում։ Սակայն դրանք շատ անմեղ բաներ էին։ Ինքը Մարկը խոստովանում է, որ նպատակ չուներ որևէ գլոբալ բան ստեղծել։ Մարկ Ցուկերբերգն ընդունվում է Հարվարդ։

Ուսանողական տարիներ[խմբագրել]

Mark Zuckerberg 1984 Berlin Graffiti.jpg

Դեռ ուսանողական տարիներին Մարկն առանձնանում էր իր յուրահատուկ վարքով։ Օրինակ նա մերժել էր Microsoft ընկերության ներկայացուցիչների հետ հանդիպման առաջարկը միայն այն պատճառով, որ հանդիպումը նշանակված էր առավոտյան ժամը 8-ին։ «Այդ ժամանակ ես քնած եմ», -ասել էր նա։ Մի անգամ էլ նա հետաձգել էր Yahoo ընկերությա հետ բանակցությունները, քանի որ դրանք նշանակված էին հանգստյան օրերին, թեև խոսքը գնում էր միլիարդավոր դոլարների մասին։ Հարվարդում Ցուկերբերգը, որքան էլ տարօրինակ է, Մարկն ուսումնասիրում էր ոչ թե համակարգչային գիտելիքներ, այլ հոգեբանություն, թեև համակարգչային տեխնիկայի դասերի հաճախում էր։ Թերևս մարդկային հոգեբանության գիտելիքներն էլ կարևոր նշանակություն են ունենում ֆեյսբուք-ի կերտման պատմության մեջ։ Չնայած մինչև հիմա պարզ չի, թե արդյոք ֆեյսբուք-ի գաղափարը Մարկին է պատկանում, թե նրա ընկերներին։[2]

Վերելք[խմբագրել]

2003 թ. էր։ Մարկն ու իր համակուրսեցիները աշխատում էին ConnectU նախագծի վրա, որն իրենից ներկայացնում էր այն, ինչ մենք հիմա սոցիալական ցանց ենք կոչում։ Այն նախատեսված էր ուսանողների համար։ Պլանները լուրջ էին, անգամ բիզնես-պլան կար, իսկ եկամուտ նախատեսվում էր ստանալ գովազդից։ Ի դեպ դրանից ամիսներ առաջ Մարկը Հարվարդի ցանցում օնլայն քվեարկություն էր կազմակերպել` ուսանողներին առաջարկելով երկու աղջիկների նկարներից ընտրելով լավագույնին։ Նախագիծն այնքան հաջողված էր, որ մի քանի ժամ անց սերվերն անջատվեց։ Եվ ահա Մարկը զբաղվում էր ConnectU-ով։ Այդ նախագծի հեղինակները` Կամերոն եղբայրներն ու Դիվի Նարենդան կարևոր էին համարում, որ այն ժամանակին պատրաստ լինի։ Մարկը հավաստիացնում է նրանց, որ ամեն ինչ պատրաստ կլինի, սակայն դրա փոխարեն գրանցում է The facebook.com դոմենը։ Հետաքրքիր է, որ մինչև վերջին պահը տղաները գիտեին, թե Մարկն աշխատում է ConnectU-ի վրա և տեղյակ չէին, թե ինչ է կատարվում իրենց մեջքի հետևում։ Միայն մեկ ամիս անց` 2004 թ. փետրվարի 4-ին, երբ մեկնարկեց the ֆեյսբուք. com-ը, որ ամբողջությամբ կրկնում էր ConnectU-ի գաղափարները, նրանք հասկացան, թե ինչ է կատարվել։ Նրանք միանգամից վարձեցին այլ ծրագրավորողների, սակայն ուշացան։ Արդեն գոյություն ուներ մեծն և սարսափելի ֆեյսբուք-ը։

Ֆեյսբուք ցանցի զարգացում[խմբագրել]

Zuckerberg meets Obama.jpg

Սկզբնական շրջանում the thefacebook.com-ը միայն Հարվարդի համար էր և միայն ամիսներ անց այն ընդարձակվեց մինչև երկրի բոլոր համալսարաններ։ 2006 թ. ֆեյսբուք-ը հասանելի էր ողջ աշխարհի համար։ Իսկ հետո եկան միլիոնները։ Երկրաչափական պրոգրեսիայով աճում էր ինչպես օգտատերերի, այնպես էլ միլիոնների թիվը։ ֆեյսբուք-ն արդեն երկար տարիներ ամերիկյան կայքերի շարքում ամենամեծ հաճախելությունն ունեցող կայքն է։ Կայքը թարգմանված է 15 լեզուներով` ներառյալ հայերենը։ Օգտագործելով մարդու շփվելու կարիքը, Մարկ Ցուկերբերգը բառիս բուն իմաստով դարձավ միլիարդատեր։ 2010 թ. Forbes ամսագիրը Մարկ Ցուկերբերգին ճանաչում է ամենաերիտասարդ միլիարդատերն աշխարհում։ Նրա կարողությունն այդ ժամանակ կազմում էր 4,000,000,000 ԱՄՆ դոլար։ ԱՄՆ ամենահարուստ 400 մարդկանց ցուցակում, որ կազմվել էր 2011 թ., Ցուկերբերգն արդեն 14-րդ տեղում էր` 17,5 միլիարդ ԱՄՆ դոլար կարողությամբ։ Այս պահին նրա կարողությունը գնահատվում է մոտ 31.6 միլիարդ ԱՄՆ դոլար։

Աղբյուրներ[խմբագրել]

Ծանոթագրություններ[խմբագրել]

  1. Անգլերեն արտասանությունը (Forvo, YouTube)
  2. Facebook co-founder Mark Zuckerberg opens up : The New Yorker