Քեմերոն և Թայլեր Ուինքլվոսներ

Վիքիպեդիայից՝ ազատ հանրագիտարանից
Քեմերոն Ուինքլվոսը
Թայլեր Ուինքլվոսը

Քեմերոն Հովարդ Ուինքլվոս և Թայլեր Հովարդ Ուինքլվոս (անգլ.՝ Cameron Howard Winklevoss, Tyler Howard Winklevoss, 21 օգոստոսի, 1981, Սաութհեմփթոն, Նյու Յորք), երկվորյակ եղբայրներ, ամերիկացի թիավարողներ և գործարարներ։ Սպորտում նրանց գլխավոր նվաճումներն են 2007 թվականի Համաամերիկյան խաղերի ոսկե մեդալը և մասնակցությունը Պեկինի Օլիմպիական խաղերում եզրափակչին։ Եղբայրները «ConnectU» սոցիալական ցանցի հիմնադիրներն են, երկար ժամանակ շարունակվել է նրանց դատն ընդդեմ Մարկ Ցուկերբերգի, երբ նրանք պնդում էին, թե Ցուկերբերգը խլել է իրենց ցանցի գաղափարն իր Ֆեյսբուք ցանցի համար։

Կենսագրություն[խմբագրել | խմբագրել կոդը]

Ուինքլվոս եղբայրները հասակ են առել Գրինվիչում (Կոննեկտիկուտ)[1]։ Նրանց հայրը՝ դոկտոր Հովարդ Ուինքլվոսը, դասավանդում էր ակտուարական հաշվարկները Ուորթոնի բիզնեսի դպրոցում, ինչպես նաև ուներ սեփական ընկերությունը[2]։ Քեմերոնը (ձախլիկ) և Թայլեր (աջլիկ) 6 տարեկանից նվագել են դաշնամուր և զարմացրել մեծահասակներին զույգով ներդաշնակ նվագով կամ Lego կոնստրուկտորներ հավաքելով[3][4][5]։ 13 տարեկանում նրանք յուրացրել են HTML-ը և սկսել են մշակել կայքեր բիզնես նախագծերի համար[6]։ Եղբայրները սովորել են Գրինվիչի դպրոցներում, հետաքրքրվել հին հունարենով և լատիներենով։ 15 տարեկանից սկսել են զբաղվել թիավարությամբ և կազմակերպել են թիմ իրենց դպրոցում։ 1999 թվականին Ուինքլվոսները մասնակցել են Պլովդիվում անցկացվող աշխարհի պատանեկան առաջնությանը[7]։

2000 թվականին Ուինքլվոսներն ընդունվել են Հարվարդի համալսարան, որտեղ նրանք մասնագիտացել են տնտեսագիտության մեջ՝ շարունակելով զբաղվել թիավարությամբ անվանի մարզիկ Հարրի Փարքերի ղեկավարությամբ[8]։ Սովորելու ընթացքում եղբայրներն էլիտար ուսանողական ակումբների անդամներ էին[9]։ 2004 թվականին նրանք ավարտել են համալսարանը՝ ստանալով արվեստի բակալավրի աստիճան[6]։ Նույն թվականին նրանք հաղթել են ամերիկյան մի շարք մրցումներում և մեկնել Եվրոպա, որտեղ մասնակցել են մի շարք հեղինակավոր ռեգատների ութնյակի կազմում[10][11]։ 2007 թվականին եղբայրները ներկայացրել են Ամերիկայի Միացյալ Նահանգները Ռիո դե Ժանեյրոյում կայացած Համաամերիկյան խաղերում, որտեղ նրանք ոսկե մեդալ են նվաճել ութնյակում և դարձել երկրորդը քառյակում[12][13]։ Ուինքլվոսները երկուսով մասնակցել են Պեկինի Օլիմպիական խաղերին։ Նրանք անցել են եզրափակիչ, սակայն այնտեղ եզրագծին հասել են վերջինը՝ մյուսներից բավականին հետ մնալով[14]։ 2009 թվականին եղբայրներն ընդունվել են Օքսֆորդի համալսարանի բիզնես դպրոց[4]՝ նպատակ ունենալով ստանալ մագիստրոսի աստիճան ադմինիստրացիայի ոլորտում։ Հաջորդ տարի նրանք մասնակցել են հայտնի ռեգատին ընդդեմ Քեմբրիջի, որտեղ պարտություն են կրել[15][16]։

ConnectU[խմբագրել | խմբագրել կոդը]

2002 թվականի դեկտեմբերին Ուինքլվոս եղբայրները Հարվարդի համալսարանում իրենց համակուրսեցի Դիվյա Նարենդրայի հետ մտածել են ստեղծել սոցիալական ցանց իրենց համալսարանի և այլ հեղինակավոր ուսումնական հաստությունների ուսանողների համար[17]։ Կոչելով այն «HarvardConnection»՝ նրանք դիմել են իրենց ծրագրավորող ընկերոջը՝ Սանջայ Մավինքուրվեին՝ խնդրելով աջակցել նախագծի տեխնիկական իրականացման հարցում[18][19]։ Մավինքուրվեն սկսել է աշխատել նախագծի վրա, սակայն 2003 թվականի գարնանը թողել է այն և աշխատանքի անցել «Google»-ում[20]։ Գործընկերները գտել են մեկ այլ ծրագրավորողի՝ Վիկտոր Գաոյին, բայց նա անձնական պատճառներով աշնանը դադարեցրել է աշխատանքը[21][22]։ 2003 թվականի նոյեմբերին եղբայրները և Նարենդրան վարձել են Մարկ Ցուկերբերգին՝ նրան տալով «HarvardConnection» մշակված կոդերի տեքստերը[21][23]։ Հաջորդ երկու ամիսների ընթացքում Ցուկերբերգը խուսափել է իր գործատուների հետ շփվելուց, և Էդուարդո Սավերինի հետ միասին զբաղվել սեփական սոցիալական ցանցի ստեղծմամբ[23]։ 2004 թվականի փետրվարի 6-ին համալսարանի «The Harvard Crimson» թերթից եղբայրները և Նարենդրան տեղեկացել են, որ Ցուկերբերգը գործարկել է thefacebook.com կայքը[23]։ Նրանք բողոք էին ներկայացրել համալսարանի վարչակազմին՝ մտավոր սեփականության գողության մեղադրանքով, սակայն վարչակազմը հայտարարել է, որ գործն իր իրավասությունից դուրս է[24]։ Համալսարանի նախագահ Լոուրենս Սամերսը նրանց խորհուրդ է տվել դիմել դատարան[25]։

Ուինքլվոսներն ու Նարենդրան բողոք է ներկայացրել Ցուկերբերգի դեմ՝ նրան մեղադրելով գաղափարի և ծրագրային կոդի գողության մեջ[26][27][28][29][30][31]։ Նույն տարվա մայիսին սկսել է գործել «HarvardConnection» կայքը, որը շուտով վերանվանվել է «ConnectU»: Հետագայում այս նախագիծը սերտ համագործակցել է Ուեյն Չանի «i2hub» ֆայլերի փոխանակման ցանցի հետ․ նրանք միասին թողարկել են մի քանի դուստր նախագծեր «The Winklevoss Chang Group» ապրանքանիշի ներքո[32][33]։ 2008 թվականի փետրվարին «ConnectU»-ի և Ցուկերբերգի միջև վեճն ավարտվել է փակ հաշտությամբ[34]։ 2009 թվականի դեկտեմբերին Չանը մեղադրել է Ուինքլվոսներին նրա համար, որը 2005 թվականի մարտի 15-ին գրանցել են № 20060212395 արտոնագիրը (որի նպատակն էր պաշտպանել թվային հեղինակային իրավունքները)՝ չնշելով Չանին որպես իր համասեփականատեր։ Նա նաև հայտարարել է, որ «The Winklevoss Chang Group»-ի 50 տոկոս բաժնեմասն իրեն իրավունք է տալիս ստանալ Ցուկերբերգի տված փոխհատուցման կեսը[32][33]։ 2010 թվականին Ցուկերբերգի դեմ գործի ժամանակ «ConnectU»-ին ներկայացրած իրավաբանական ընկերությունը հայտարարել է փոխհատուցման գումարի չափը՝ 65 միլիոն դոլար և գործատուից պահանջել է 13 միլիոն գործը հաջողությամբ ավարտին հասցնելու համար, որից հետո աշխատանքից ազատվել է[35]։ Մայիսին պարզվել է, որ 65 միլիոնը հաշվարկվել է զգալիորեն բաժնետոմսերի գնի զգալի նվազեցմամբ, և«ConnectU»-ը Ցուկերբերգից պահանջել է վճարել անհրաժեշտ գումարը[36][37]։ 2010 թվականի հոկտեմբերին թողարկվել է «Սոցիալական ցանց» ֆիլմը Ֆեյսբուքի ստեղծման մասին, որտեղ Ուինքլվոս եղբայրներին մարմնավորում է Արմի Համերը։ Ֆիլմի հեղինակները չեն կարողացել գտնել Ուինքլվոսներին նման երկվորյակներ[38]։

Ծանոթագրություններ[խմբագրել | խմբագրել կոդը]

  1. ↑ «NBC Olympics Cameron Winklevoss Athlete Bio». Արխիվացված է օրիգինալից 2012 թ․ հուլիսի 6-ին. Վերցված է 2010 թ․ օգոստոսի 26-ին.
  2. ↑ «Winklevoss Technologies About Us». Արխիվացված է օրիգինալից 2012 թ․ հուլիսի 6-ին. Վերցված է 2010 թ․ օգոստոսի 21-ին.
  3. ↑ Fryer, Jane (2010 թ․ ապրիլի 2). «They're Oxford's start Boat Race rowers—6ft 5in identical twin hunks effortlessly brilliant time invent Facebook». The Daily Mail.
  4. ↑ 4,0 4,1 Betts, Hannah (2010 թ․ մարտի 20). «Muscle-bound, Oxford-educated and multi-millionaires-meet the Winklevoss twins». The Times, The Sunday Times.
  5. ↑ Jakobovits, Laura (2008 թ․ հունիսի 1). «Tyler and Cameron Winklevoss: Making waves at the Beijing Olympics». A Small Magazine.
  6. ↑ 6,0 6,1 Kidd, Patrick (2010 թ․ հունվարի 15). «'Facebook twins' Cameron and Tyler Winklevoss offer Oxford experience in Boat Race». The Times, The Sunday Times.
  7. ↑ Riley, Cailin (2008 թ․ հուլիսի 10). «Twin rowers headed to Olympics». The Southampton Press. Արխիվացված է օրիգինալից 2013 թ․ հունվարի 1-ին. Վերցված է 2017 թ․ նոյեմբերի 17-ին.
  8. ↑ Matson, Barbara (2008 թ․ հուլիսի 27). «Rowing Machines: Winklevoss twins hope to form successful pair in Beijing». The Boston Globe.
  9. ↑ «Aaron Sorkin toured Harvard's secret clubs for Facebook film». New York Post. 2010 թ․ հուլիսի 25. Արխիվացված է օրիգինալից 2013 թ․ հունվարի 6-ին. Վերցված է 2017 թ․ նոյեմբերի 17-ին.
  10. ↑ McGinn, Timothy (2004 թ․ հունիսի 10). «Team of the Year: Harvard Heavies Rout All Comers, Crimson caps second undefeated season with another national title». The Harvard Crimson.
  11. ↑ McGinn, Timothy (2004 թ․ հուլիսի 9). «Dutch Edge Out Harvard First Varsity». The Harvard Crimson.
  12. ↑ «Pan American Games Results». San Diego Union-Tribune. 2010 թ․ հուլիսի 20. Արխիվացված օրիգինալից 2012 թ․ հուլիսի 6-ին. Վերցված է 2010 թ․ սեպտեմբերի 10-ին.
  13. ↑ «Pan American Games Results». LA Times. 2010 թ․ հուլիսի 19. Արխիվացված օրիգինալից 2012 թ․ հուլիսի 6-ին. Վերցված է 2010 թ․ սեպտեմբերի 10-ին.
  14. ↑ «2008 Summer Olympics Rowing Results». ESPN. Արխիվացված օրիգինալից 2012 թ․ հուլիսի 6-ին. Վերցված է 2010 թ․ սեպտեմբերի 10-ին.
  15. ↑ Rossingh, Danielle (2010 թ․ ապրիլի 1). «Harvard Twins Who Sue Facebook Now Take on Cambridge in 156th Boat Race». Bloomberg.
  16. ↑ Whittle, Natalie (2010 թ․ մարտի 5). «Social networking pioneers...and killer oarsmen». Financial Times.
  17. ↑ Bourne, Claire (2004 թ․ նոյեմբերի 23). «Web sites click on campus». USA Today.
  18. ↑ Pontin, Jason (2007 թ․ օգոստոսի 12). «Who owns the concept if no one signs the papers?». The New York Times.
  19. ↑ McGinn, Timothy (2004 թ․ մայիսի 28). «Online facebooks duel over tangled web of authorship». The Harvard Crimson.
  20. ↑ Richtel, Matt (2009 թ․ ապրիլի 11). «Tech recruiting clashes with immigration rules». The New York Times.
  21. ↑ 21,0 21,1 O'Brien, Luke (2007 թ․ դեկտեմբերի 3). «Polking Facebook». 02138 Magazine.
  22. ↑ «Declaration of Victor Gao» (PDF). Արխիվացված է օրիգինալից (PDF) 2013 թ․ մայիսի 31-ին. Վերցված է 2017 թ․ նոյեմբերի 17-ին.
  23. ↑ 23,0 23,1 23,2 «Facebook accused of stealing idea». The Daily Free Press, Boston University. 2004 թ․ սեպտեմբերի 9. Արխիվացված է օրիգինալից 2010 թ․ հոկտեմբերի 4-ին.
  24. ↑ Sharif, Shirin (2004 թ․ օգոստոսի 5). «Harvard grads face off against thefacebook.com». The Stanford Daily. Արխիվացված է օրիգինալից 2010 թ․ հունիսի 18-ին.
  25. ↑ Maugeri, Alexander (2004 թ․ սեպտեմբերի 20). «TheFacebook.com faces lawsuit». The Daily Princetonian. Արխիվացված է օրիգինալից 2012 թ․ հուլիսի 24-ին.
  26. ↑ Michael Levenson (2008 թ․ հունիսի 27). «Facebook, ConnectU settle dispute:Case an intellectual property kerfuffle». Boston Globe.
  27. ↑ Malcom Glenn, «For Now, Facebook Foes Continue Fight Against Site», The Harvard Crimson, July 27, 2007
  28. ↑ O'Brien, Luke (November/December 2007). «Poking Facebook». 02138. էջ 66. Արխիվացված է օրիգինալից 2008 թ․ մայիսի 14-ին. Վերցված է 2008 թ․ հունիսի 26-ին.
  29. ↑ McGinn, Timothy J. (2004 թ․ սեպտեմբերի 13). «Lawsuit Threatens To Close Facebook». Harvard Crimson. Արխիվացված է օրիգինալից 2004 թ․ սեպտեմբերի 13-ին. Վերցված է 2008 թ․ մարտի 8-ին.
  30. ↑ Maugeri, Alexander (2004 թ․ սեպտեմբերի 20). «TheFacebook.com faces lawsuit». The Daily Princetonian. Արխիվացված է օրիգինալից 2012 թ․ հուլիսի 24-ին. Վերցված է 2008 թ․ մարտի 8-ին.
  31. ↑ Tryhorn, Chris (2007 թ․ հուլիսի 25). «Facebook in court over ownership». The Guardian. Արխիվացված օրիգինալից 2012 թ․ հուլիսի 6-ին. Վերցված է 2008 թ․ մարտի 15-ին.
  32. ↑ 32,0 32,1 Lee Gesmer (2010 թ․ հունվարի 18). «Chang v. Winklevoss Complaint». Commonwealth of Massachusetts.
  33. ↑ 33,0 33,1 Caroline McCarthy (2010 թ․ հունվարի 4). «Fresh legal woes for ConnectU founders». CNET News. Արխիվացված է օրիգինալից 2014 թ․ մարտի 13-ին. Վերցված է 2017 թ․ նոյեմբերի 17-ին.
  34. ↑ Brad Stone (2008 թ․ հունիսի 28). «Judge Ends Facebook's Feud With ConnectU». New York Times. Արխիվացված է օրիգինալից 2018 թ․ դեկտեմբերի 26-ին. Վերցված է 2017 թ․ նոյեմբերի 17-ին.
  35. ↑ Zusha Elinson (2010 թ․ փետրվարի 10). «Quinn Emanuel Brochure Spills Value of Confidential Facebook Settlement». The Recorder.
  36. ↑ Owen Thomas (2010 թ․ մայիսի 19). «Facebook CEO's latest woe: accusations of securities fraud». VentureBeat.
  37. ↑ Nick Farrell (2010 թ․ մայիսի 21). «Facebook's Zuckerberg faces security fraud allegation». TechEye. Արխիվացված է օրիգինալից 2010 թ․ հուլիսի 24-ին. Վերցված է 2017 թ․ նոյեմբերի 17-ին.
  38. ↑ Совместные фотографии Уинклвоссов и Хаммера Արխիվացված 2010-05-19 Wayback Machine The Daily Truffle
Ստացված է «https://hy.wikipedia.org/w/index.php?title=Քեմերոն_և_Թայլեր_Ուինքլվոսներ&oldid=9442988» էջից