Ջիննի Ռոմետի

Վիքիպեդիայից՝ ազատ հանրագիտարանից
Ջիննի Ռոմետի
Դիմանկար
Ծնվել էհուլիսի 29, 1957(1957-07-29) (65 տարեկան)
ԾննդավայրՉիկագո
ՔաղաքացիությունFlag of the United States.svg ԱՄՆ
ԿրթությունRobert R. McCormick School of Engineering and Applied Science? և Հյուսիսարևմտյան համալսարան
Մասնագիտությունձեռնարկատեր, գործարար, համակարգչային գիտնական և international forum participant
ԱշխատավայրIBM և Kettering University?
Զբաղեցրած պաշտոններsystems engineer?, փոխնախագահ, գլխավոր գործադիր տնօրեն, խորհրդի անդամ, խորհրդի անդամ և նախագահ և գործադիր տնօրեն
Պարգևներ և
մրցանակներ
ԱնդամությունKappa Kappa Gamma?
Commons-logo.svg Ginni Rometty Վիքիպահեստում

Վիրջինիա Մարի «Ջիննի» Ռոմետի (անգլ.՝ Virginia Marie "Ginni" Rometty, ի ծնե՝ անգլ.՝ Virginia Marie Nicosia, հուլիսի 29, 1957(1957-07-29), Չիկագո)[1][2], ամերիկացի բարձր դասի ղեկավար, բիզնես-լեդի։ IBM ընկերության տնօրենների խորհրդի նախագահ, նախագահ և գլխավոր գործադիր տնօրեն, ընկերության առաջին կին-ղեկավար[3][4]։ Մինչև 2012 թվականի հունվարին նախագահի և գլխավոր գործադիր տնօրենի պաշտոնն զբաղեցնելը եղել է IBM ընկերության ավագ փոխնախագահ և վաճառքի, մարքեթինգի ու ռազմավարության գծով գործադիր տնօրեն։ IBM ընկերությունում աշխատանքն սկսել է 1981 թվականին՝ որպես Դետրոյթի գրասենյակի համակարգային ինժեներ։

10 տարի շարունակ ներառված է եղել Fortune պարբերականի «Բիզնեսի 50 ամենաազդեցիկ կանանց» ցանկում՝ 2012[5], 2013 և 2014 թվականներին[6] զբաղեցնելով առաջին հորիզոնականը։ Արժանացել է մի շարք հրատարակությունների ճանաչմանը՝ ընդգրկվելով նմանատիպ ցուցակներում[7][8][9], ինչպես նաև քննադատական գնահատական է ստացել իր աշխատանքի համար[10][11][12]։

2017 թվականին «Forbes» ամսագրի վարկանշավորման մեջ Ջիննի Ռոմենտին առաջին անգամ աշխարհի 100 ամենաազդեցիկ կանանց ցանկում զբաղեցրել է 10-րդ տեղը[13]։

Վաղ կյանք և կրթություն[խմբագրել | խմբագրել կոդը]

1979 թվականին գերազանցությամբ ավարտել է Հյուսիսարևմտյան համալսարանի Ռոբերտ Մաքքորմիկի անվան ինժեներական և կիրառական գիտությունների դպրոցը՝ ստանալով համակարգչային գիտությունների և էլեկտրատեխնիկայի բակալավարի աստիճան[14]։ Եղել է Kappa Kappa Gamma քույրության անդամ, հետագայում դարձել է դրա նախագահ[15]։

Կարիերա[խմբագրել | խմբագրել կոդը]

1979 թվականին՝ համալսարանն ավարտելուց հետո, Ռեմետին սկսել է աշխատել «Ջեներալ Մոթորս» ընկերությունում։ 1981 թվականին միացել է IBM ընկերությանը որպես նրա Դետրոյթի գրասենյակի համակարգային ինժեներ[16]։ 1991 թվականին սկսել է աշխատել IBM Consulting Group-ում։ 2002 թվականին նա «պաշտպանել է 3,5 միլիարդ դոլարով PricewaterhouseCoopers Consulting խոշոր բիզնես-խորհրդատվական ընկերությունը գնելը»[17]։ 2009 թվականին Ռոմետին դարձել է ավագ փոխնախագահ և վաճառքի, մարքեթինգի ու ռազմավարության գծով գործադիր տնօրեն[16], նրան «վերագրվում է ամպային հաշվների և վերլուծական շուկա մուտք գործելու ճանապարհով IBM ընկերության աճի ռազմավարության իրականացման առաջատար դերը»։ Գլխավորելով թիմը, որը նախապատրաստել է Jeopardy! խաղին մասնակցած Watson համակարգիչը կոմերցիոն օգտագործման համար[18]։

2011 թվականի հոկտեմբերի 25-ին IBM ընկերությունը հայտարարել է, որ Ռոմետին կդառնա ընկերության հաջորդ նախագահն ու գլխավոր գործադիր տնօրենը՝ փոխարինելով Սեմ Պալմիզանոյին, որը շարունակել է զբաղեցնել նախագահի պաշտոնը[16]։ Ռոմետին դարձել է առաջին կինը, որը նշանակվել է IBM ընկերության գլխավոր գործադիր տնօրեն[3]։ Պալմիզանոն նրա առաջընթացի մասին հայտարարել է, որ «Ջիննին այս տեղն ստացել է, որովհետև նա դա վաստակել է... Դա ոչ մի կապ չունի առաջադեմ սոցիալական քաղաքականության հետ (կանանց համար)»[17]։

2012 թվականի սեպտեմբերի 26-ին IBM ընկերությունը հայտարարել է, որ Ռոմետին լրացուցիչ ստանձնում է IBM ընկերության նախագահի պաշտոնը՝ հաշվի առնելով այն, որ Սեմ Պալմիզանոն որոշել է 2012 թվականի վերջին հրաժարական տալ։ 2012 թվականի սեպտեմբերի 1-ից Ռոմետին սկսել է կատարել IBM ընկերության նախագահի և գլխավոր գործադիր տնօրենի պարտականությունները[4]։

Նրա նպատակնրից մեկն այն է, որ ընկերության ջանքերը կենտրոնացնեն ամպային և ճանաչողական հաշվարկային համակարգերի վրա, ինչպիսին է Watson համակարգիչը[19]։

Պարգևներ և ձեռքբերումներ[խմբագրել | խմբագրել կոդը]

Ռոմետին Միջազգային հարաբերությունների խորհրդի, նրա ալմա մատեր Հյուսիսարևմտյան համալսարանի հոգաբարձուների խորհրդի, Սլոուն-Քետերինգի անվան ուռուցքաբանության կենտրոնի հոգաբարձուների խորհրդի և տնօրենների խորհրդի[20], The Nature Conservancy ստորաբաժանման՝ Լատինական Ամերիկայի պահպանման խորհրդի[21] անդամ է։ 2006-2009 թվականներին եղել է AIG տնօրենների խորհրդի անդամ[22]։

2014 թվականին Ռոմետին նկարահանվել է PBS-ի «The Boomer List» վավերագրական ֆիլմում[23]։ Նույն թվականին դարձել է Augusta National Golf Club գոլֆ-ակումբի երրորդ կին-անդամը[24]։ Ռենսսելերի պոլիտեխնիկական ինստիտուտի (2014) և Հյուսիսարևմտյան համալսարանի (2015) պատվավոր դոկտոր է[25][26]։

Fortune ամսագրի 2015 թվականի սեպտեմբերի 15-ի թողարկման մեջ Ռոմետին ամենաազդեցիկ կանանց ցանկում զբաղեցրել է 3-րդ տեղը[19]։

Անձնական կյանք[խմբագրել | խմբագրել կոդը]

Ռոմետին ամուսնացած է Bam Oil ընկերության հիմնական ներդրող Մարկ Էնթոնի Ռոմետիի հետ։ Ամուսինները երեխա չունեն[27]։

Ծանոթագրություններ[խմբագրել | խմբագրել կոդը]

  1. ↑ «America’s 10 Most Powerful Female CEOs»։ 2012-05-10։ Վերցված է 2014-07-10 
  2. ↑ Buffett goes big in Big Blue(անգլ.) // Fortune : magazine. — 2011.
  3. ↑ 3,0 3,1 «IBM Names Rometty to Succeed Palmisano as First Female CEO»։ Bloomberg BusinessWeek։ 2011-10-25։ Վերցված է 2011-10-25 
  4. ↑ 4,0 4,1 IBM’s Ginni Rometty Completes Her Ascent by Adding Chairman Role
  5. ↑ «Ginni Rometty»։ Fortune։ 2012-09-20։ Վերցված է 2012-09-20 
  6. ↑ «Ginni Rometty»։ Fortune։ Արխիվացված է օրիգինալից 2015-10-11-ին։ Վերցված է 2019-07-17 
  7. ↑ Forbes magazine’s «World’s 100 Most Powerful People» in 2014.«The world's 100 most powerful»։ Forbes 
  8. ↑ Time 100 in 2012,Mayer Marissa (2012-04-18)։ «The 100 Most Influential People in the World»։ Time։ Արխիվացված է օրիգինալից 2013-08-21-ին։ Վերցված է 2012-04-18 
  9. ↑ 50 Most Influential list of Bloomberg Markets magazine in September 2012
  10. ↑ «CEO's who have to go» 
  11. ↑ «Fortune Magazine» 
  12. ↑ «Business Insider» 
  13. ↑ «The World's Most Powerful Women 2017»։ Forbes։ 2017-11-23։ Վերցված է 2017-11-23 
  14. ↑ «NU appoints 5 new members to Board of Trustees»։ Northwestern University։ 2010-06-25։ Արխիվացված է օրիգինալից 2012-03-30-ին։ Վերցված է 2011-10-26 
  15. ↑ Hempel, Jessi IBM's Ginni Rometty looks ahead(անգլ.) // Fortune : magazine. — 2012. Архивировано из первоисточника 15 Մայիսի 2013.
  16. ↑ 16,0 16,1 16,2 «IBM Names Virginia Rometty as First Female CEO»։ Wired։ 2011-10-25։ Վերցված է 2011-10-26 
  17. ↑ 17,0 17,1 «I.B.M. Names Virginia Rometty as New Chief Executive»։ The New York Times։ 2011-10-25։ Վերցված է 2011-10-26 
  18. ↑ «IBM CEO Sam Palmisano to step down»։ CNN։ 2011-10-25։ Վերցված է 2011-10-25 
  19. ↑ 19,0 19,1 Bellstrom, Kristen Fortune's Most Powerful Women List (und) // Fortune. — 2015.
  20. ↑ «2010 Annual Report»։ Memorial Sloan Kettering Cancer Center։ Վերցված է 2011-10-26 
  21. ↑ «LACC Members»։ Latin America Conservation Council website։ The Nature Conservancy։ Արխիվացված է օրիգինալից 2014-03-18-ին։ Վերցված է 2014-04-25 
  22. ↑ IBM’s Rometty Breaks Ground as Company’s First Female Leader.
  23. ↑ «The Boomer List»։ PBS։ էջեր Rometty starting at 1 hr 6 min։ Վերցված է 2014-10-09 
  24. ↑ «Virginia Rometty becomes 3rd female member of Augusta National - ESPN»։ ESPN.com։ Վերցված է 2014-11-17 
  25. ↑ «Rensselaer Polytechnic Institute Graduates 1,613 in 208th Commencement Ceremony»։ Վերցված է 2015-04-04 
  26. ↑ «IBM executive, Northwestern alumna Virginia Rometty to speak at 2015 commencement»։ Վերցված է 2015-04-04 
  27. ↑ Stewart James B. (2011-11-05)։ Mark Rometty «A C.E.O.’s Support System, a k a Husband»։ The New York Times։ Վերցված է 2013-05-03 

Արտաքին հղումներ[խմբագրել | խմբագրել կոդը]

 ⛭ 
  Բառարաններ և հանրագիտարաններ
Ստացված է «https://hy.wikipedia.org/w/index.php?title=Ջիննի_Ռոմետի&oldid=8171215» էջից