Թրաբի

Թրաբի, գավառ Մեծ Հայքի Նոր Շիրական (Պարսկահայք) նահանգի կազմում։

Աշխարհագրություն

Թրաբի գավառը գտնվում է Կապուտան լճից արևմուտք, Թրաբի (Թերգևեռ) գետի ավազանում։ Հյուսիսից սահմանակից էր Կուրիճան, հարավից՝ Մարի, արևմուտքից՝ Կարթունիք գավառներին, արևելքից՝ Կապուտան լճին։

Պատմություն

Թրաբին Հայաստանի առաջին բաժանմամբ (387 թ.) զավթել է Պարսկաստանը։ IX-XI դդ. մտել է Վասպուրականի Արծրունյաց տիրույթների մեջ։ Նշանավոր էին Թրաբիի Որմի՝ Ուրմիա (1926-80 թթ.` Ռեզայե) և Նախճավան քաղաքները։

Գրականություն

• Թ. Խ. Հակոբյան (1981). Հայաստանի պատմական աշխարհագրություն. Երևան։ «Միտք»։
• Հայկական համառոտ հանրագիտարան, Հատոր 2, Երևան, 1995։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 226)։