Դիտավան
Գյուղ | ||
---|---|---|
Դիտավան | ||
անգլ.՝ Revazlu ռուս.՝ Ревазлы ադրբ.՝ Revazlı | ||
Երկիր | Հայաստան | |
Մարզ | Տավուշ | |
Հիմնադրված է | 19-րդ դար թ. | |
Այլ անվանումներ | Ռևազլու (մինչև 1967) | |
ԲԾՄ | 770 մ | |
Կլիմայի տեսակ | մերձարևադարձային | |
Պաշտոնական լեզու | Հայերեն | |
Բնակչություն | 327[1] մարդ (2008) | |
Ազգային կազմ | Հայեր | |
Կրոնական կազմ | Հայ Առաքելական եկեղեցի | |
Տեղաբնականուն | դիտավանցի | |
Ժամային գոտի | UTC+4 | |
| ||
Դիտավան, գյուղ Հայաստանի Տավուշի մարզում, մարզկենտրոնից 14 կմ հյուսիս-արևելք, Աղստև գետի աջ կողմում։
Պատմություն
Դիտավանը հիմնվել է 19-րդ դարի սկզբին։ Մինչև 1967 թվականը կոչվել է Ռևազլու՝ Ռևազ քյոխվայի անունով։ Գյուղը եղել է ճալաում, կաղնուտի տակ և Քոռ-աղբյուրի տարածքում[2]։ Սկզբում բնակավայրը ունեցել է 8 ընտանիք, որից հետո տարիների ընթացքում շրջակա գյուղերից մի քանի ընտանիքներ բնակություն են հաստատել այստեղ[2]։
1950 թվականին գյուղում կառուցվել է դպրոց, բուժկետ, ակումբ[2]։
Հայաստան համահայկական հիմնադրամն Արգենտինայի իր տեղական մարմնի ֆինանսավորմամբ 2009 թվականին գազաֆիկացրել է Դիտավան համայնքը և վերակառուցել գյուղապետարանը[3], 2010 թվականին կառուցել է խմելու ջրի համակարգ[4], իսկ 2013 թվականին կառուցել է դպրոց[5]։
Բնակչություն
Դիտավանի ազգաբնակչության փոփոխությունը.[6]
Տարի | 1831 | 1897 | 1926 | 1939 | 1959 | 1970 | 1979 | 1989 | 2001 | 2004 |
---|---|---|---|---|---|---|---|---|---|---|
Բնակիչ | 51 | 242 | 271 | 365 | 486 | 480 | 331 | 440 | 429 | 392 |
Տնտեսություն
Բնակչությունը զբաղվում է դաշտավարությամբ, բանջարաբուծությամբ, այգեգործությամբ և անասնապահությամբ։
Պատմամշակութային կառույցներ
Դիտավանից 2 կմ հարավ-արևմուտքում գտնվում են մ.թ.ա. 2-րդ-1-ին հազարամյակի «Ճգնավորի քար» ամրոցը, «Հացուտի» եկեղեցին և XII-XIII դարերի խաչքարերով գերեզմանոց։
Տես նաև
Ծանոթագրություններ
- ↑ Տավուշի մարզի մարդահաշիվ
- ↑ 2,0 2,1 2,2 Համայնքի մասին. Դիտավան
- ↑ Դիտավանը գազիֆիկացվել է, ունի նոր գյուղապետարան
- ↑ «Հայաստան» հիմնադրամը Դիտավան համայնքում բացել է խմելու ջրի նորակառույց ջրամատակարարման համակարգ
- ↑ Դիտավան գյուղն արդեն նորակառույց դպրոց ունի
- ↑ «Հայաստանի հանրապետության բնակավայրերի բառարան, էջ 69» (PDF). Վերցված է 2014 Մայիսի 20-ին.
|