Բազում

Վիքիպեդիայից՝ ազատ հանրագիտարանից
Գյուղ
Բազում
40°52′05″ հս. լ. 44°26′44″ ավ. ե. / 40.868056° հս. լ. 44.445556° աե. ե.
Երկիր Հայաստան Հայաստան
Մարզ Լոռի
Գյուղապետ Սրբուհի Հարությունյան
Այլ անվանումներ Բզովդալ
Մակերես 35.18 կմ²
Բարձրությունը ծովի մակարդակից 1615 մ
Կլիմայի տեսակ Խիստ փոփոխական
Խոսվող լեզուներ Հայերեն
Բնակչություն 1210[1] մարդ (2008)
Ազգային կազմ Հայեր
Կրոնական կազմ Հայ Առաքելական եկեղեցի
Տեղաբնականուն բազումցի
Ժամային գոտի UTC+4
Պաշտոնական կայք lori.gov.am/about-communities/485 (հայ.)
##Բազում (Հայաստան)
Red pog.png

Բազում, գյուղ Հայաստանի Հանրապետության Լոռու մարզում, մարզկենտրոնից 3 կմ հյուսիս-արևմուտք՝ Բազումի լեռների հարավային լանջում։

Նախնիները եկել են Իջևանից և Եղվարդից։ Բնակչությունը զբաղվում է անասնապահությամբ, բանջարաբուծությամբ, դաշտավարությամբ և այգեգործությամբ։ Գյուղում առկա են 14 պատմամշակութային հուշարձան։

Գյուղն ունի նորակառույց միջնակարգ դպրոց, ուր սովորում է 166 աշակերտ։

Բնակչություն[խմբագրել]

Բազումի ազգաբնակչության փոփոխությունը[2].

Տարի 1873 1897 1926 1939 1959 1970 1979 2001 2004
Բնակիչ 232 452 636 803 691 638 887 1285 984

Կլիմա[խմբագրել]

Հիմնականում լեռնային է, սակավահող, կլիման խիստ փոփոխական է և զերծ չի մնում կարկուտներից, սելավներից, հաճախակի են երաշտի տարիները, որը մեծ վնաս է հասցնում գյուղատնտեսական մթերքների արտադրությանը։

Տնտեսություն[խմբագրել]

Պուշկինյան լեռնանցքը

Գյուղի միջով հոսող Չալարի գետը, որը սկիզբ է առնում Պուշկինյան լեռնանցքից, ոռոգում է գյուղի ցանքատարածությունների մոտ 40%-ը։ Գյուղը մեծամասամբ զբաղվում է հողագործությամբ և անասնապահությամբ։ Ոռոգման ջուր չունենալու պատճառով համայնքը դժվարանում է կազմակերպել գյուղական մթերքների արտադրությունը։ Հիմնականում զբաղվում են կարտոֆիլի, կաղամբի և այլ բանջարա-բոստանային կուլտուրաների արտադրությամբ։

Պատմամշակույթային կառույցներ[խմբագրել]

Գյուղն ունի 1 եկեղեցի, կառուցված 12-13-րդ դարերում։ Գյուղից 1-2 կմ հյուսիս-արևելքում գտնվում է Բերդատեղ վայրը՝ ամրոցի ավերակներով։ Գյուղում են գտնվում 4 գերեզմանոց, 2 տապանաքար, ձիթհան և Ք. ա. 2-1 հազարամյակների դամբարանադաշտ և բնակատեղի։ Կենտրոնում են գտնվում 2-րդ աշխարհամարտի զոհվածներին նվիրված հուշակոթող և հուշաղբյուր։

Ծանոթագրություններ[խմբագրել]