Բասեն (Շիրակի մարզ)

Վիքիպեդիայից՝ ազատ հանրագիտարանից
Գյուղ
Բասեն
40°45′55″ հս. լ. 43°59′27″ ավ. ե. / 40.765278° հս. լ. 43.990833° աե. ե.
Երկիր Հայաստան Հայաստան
Մարզ Շիրակի
Խոսվող լեզուներ Հայերեն
Բնակչություն 1900[1] մարդ (2012)
Ազգային կազմ Հայեր
Ժամային գոտի UTC+4
Հեռախոսային կոդ +374 312[2]
##Բասեն (Շիրակի մարզ) (Հայաստան)
Red pog.png

Բասեն, գյուղ Հայաստանի Շիրակի մարզում, Ախուրյանի տարածաշրջանում, Փամբակի լեռների փեշերին։ Բարձրությունը ծովի մակերևույթից՝ 1645 մ, հեռավորությունը մարզկենտրոնից՝ 14 կմ հարավ-արևելք։

Մակերես՝ 36.8կմ² Բնակչություն՝ 1658 Գյուղ Գյումրու տարածաշրջանում, մարզկենտրոնից գտնվում է 14 կմ հեռավորության վրա։ Նախկինում ունեցել է Ախուրյան Մեծ, Քեփենեկ Մեծ, Քյափանակ Մեծ անվանումները։ Մուսայելյան է վերանվանվել 1935 թ-ին ի հիշատակ հեղափոխական գործիչ Մուսաեյլանի։ Գյուղը տեղադրված է Փամբակի լեռնաշղթայի փեշերին, մեղմաթեք սարալանջին՝ ծովի մակարդակից 1645մ բարձրության վրա։ Կիման բարեխառն լեռնային է, ձմեռը տևական, ցուրտ, հաստատուն ձնածածկույթով։ Լինում են ուժեղ քամիներ, հաճախակի են ձնաբքերը և սառնամանիքները։ Ամառը զով է, համեմատաբար խոնավ։ Տարեկան տեղումների քանակը 500-600մմ։ Բնական լանդշաֆտները սևահողային լեռնատափաստաններ են։ Գյուղն ունի 1842 թ-ի կառուցված եկեղեցի։ Մոտակայքում կան գյուղատեղիներ, խաչքարեր։ Գյուղի բնակչության նախնիների մի մասը 1828-30թթ գաղթել է Արևմտյան Հայաստանի Խնուսի և Բասենի գավառներից։ 1831 թ-ին գյուղն ունեցել է 512,1897 թ-ին՝ 1892, 1926թ.-ին՝ 1394, 1939 թ-ին՝ 1667, 1959 թ-ին՝ 1439, 1970 թ-ին՝ 1606, 1979 թ-ին՝ 1420 հայ բնակիչ։ Ըստ ազգային վիճակագրական ծառայության տվյալների համայնքը 2013 թ-ի հունվարի 1-ի դրությամբ ունեցել է 1658 մարդ։ Սեռային կազմում տղամարդիկ կազմում են 45%, կանայք՝ 55%։ Տարիքային խմբերը բաշխված են հետևյալ կերպ. մինչաշխատունակներ՝ 31%, աշխատունակներ՝ 50%, հետաշխատունակներ՝ 19%։ Ունի 507 տնտեսություն։ Ունի դպրոց, մանկապարտեզ, մշակույթի տուն, գրադարան, բուժկետ, կապի հանգույց։ Գյուղատնտեսական հողահանդակները գրեթե ամբողջությամբ օգտագործվում են որպես վարելահողեր՝ կազմելով 1440հա։ Պետական հողերը գլխավորապես օգտագործվում են որպես վարելահողեր, արոտավայրեր՝ կազմելով համապատասխանաբար 187 և 1195 հեկտար։ Գյուղատնտեսության մասնագիտացման ուղղությունը երկրագործությունն է։ Զբաղվում են այգեգործությամբ, ծխախոտագործությամբ, հացահատիկային, կերային, բանջարաբոստանային կուլտուրաների մշակությամբ։ Նախկինում զբաղվել են շաքարի ճակնդեղի մշակությամբ։

Հասցեն՝ Շիրակի մարզ, գ. Բասեն Ինդեքս՝ 2619

Ծանոթագրություններ[խմբագրել]