Բյուրակն (Շիրակի մարզ)

Վիքիպեդիայից՝ ազատ հանրագիտարանից
Գյուղ
Բյուրակն
40°52′07″ հս. լ. 43°42′26″ ավ. ե. / 40.868611° հս. լ. 43.707222° աե. ե.
Երկիր Հայաստան Հայաստան
Մարզ Շիրակի
Այլ անվանումներ Գյուլլիբուլաղ
Խոսվող լեզուներ Հայերեն
Բնակչություն 921[1] մարդ (2012)
Ազգային կազմ Հայեր
Ժամային գոտի UTC+4
##Բյուրակն (Շիրակի մարզ) (Հայաստան)
Red pog.png

Բյուրակն, գյուղ Հայաստանի Շիրակի մարզում։ Գտնվում է Ախուրյան գետի աջ կողմում, մարզկենտրոնից 17 կմ հեռավորության վրա։ Գյուղը մոտ 200 տարի առաջ հիմնադրել ե ն հայերն ու ազերիները։ 1988 թվականից հետո վերաբնակեցվել է Վրաստանի Հանրապետությանց և Ադրբեջանից գաղթած, ինչպես նաև Գյումրիից և մոտակա համայնքներից տեղափոխված հայերով։ Գյուղի նախկին անվանումը եղել է Գյուլլիբուլաղ, որը թարգմանաբար նշանակում է «Վարդաղբյուր»։ 2008 թվականին գյուղը անվանափոխվել է Բյուրակնի։ Գյուղում բնակվողները զբաղվել են հողագործությամբ և անասնապահությամբ, սովետական տարիներին գյուղն ունեցել է կոլտնտեսություն, ակումբ, կարի արտադրամաս, կենցաղի տուն, գրադարան, միջնակարգ ու գիշերօթիկ դպրոցներ, ճաշարան, բաղնիք, հացի փուռ և բուժկետ։ 1989 թվականի օգոստոս ամսին բացվեց 1-ին միջնակարգ դպրոցը՝ 120 աշակերտներով։ Մինչև 1997 թվականը նկատվել է բնակչության աճ, դպրոցում աշակերտների թիվը հասել է 250-ի։

Այժմ կապված բնակլիմայական և սոցիալ-տնտեսական պայմանների վատթարացման հետ, բնակչության մի մասը տեղափոխվել է այլ բնակավայրեր։ 1998 թվականին ՄԱԿ-ի գրասենյակի կողմից հաստատվել է ծրագիր, ըստ որի հիմնական վերակառուցման ենթարկվեցին գյուղի միջնակարգ դպրոցի շենքը և ամբուլատորիան։2002 թվականին IFAT և ՀՍՆՀ կազմակերպությունների հովանավորությամբ գյուղում շահագործման հանձնվեց մոտ 5,5 կմ երկարությամբ խմելու ջրի ջրագիծը, որը համայնքի բնակչության մոտ 40%-ը ապահովվեց շուրջօրյա խմելու ջրով, հետագայում 2006 թ.-ին OXFAM բրիտանական հասարակական կազմակերպության և ՇՀԿՄ այակցությամբ վերանորոգման ենթարկվեց ջրագծի 5,5 կմ հատվածը և կառուցվեց նոր 2,5 կմ երկարությամբ ջրագիծ։ Դրա շնորհիվ համայնքի բնակիչների 70% -ը ապահովվեց շուրջօրյա ջրամատակարարմամբ։ Համայնքի մշակութային, կրթական կյանքի աշխուժացման նպատակով համայնքում հիմնադրվեց և գործում է Քաղաքացիական կենտրոնը (հիմնադրվել է OXFAM ՀԿ-ի և ՇՀԿՄ աջակցությամբ)։

Ծանոթագրություններ[խմբագրել]