Արդվի

Վիքիպեդիայից՝ ազատ հանրագիտարանից
Գյուղ
Արդվի
Ardvi church.JPG
Արդվիի եկեղեցին
41°01′00″ հս. լ. 44°36′00″ ավ. ե. / 41.016667° հս. լ. 44.6° աե. ե.
Երկիր Հայաստան Հայաստան
Մարզ Լոռի
Այլ անվանումներ Արդու, Արտվի, Մելիքգյուղ, Մելիքքյանդ
Մակերես 8.2 կմ²
Բարձր. ծովի մակ-ից 1450 մ
Խոսվող լեզուներ Հայերեն
Բնակչություն 213[1] մարդ (2008)
Ազգային կազմ Հայեր
Կրոնական կազմ Հայ Առաքելական եկեղեցի
Տեղաբնականուն արդվեցի
Ժամային գոտի UTC+4
Պաշտոնական կայք lori.gov.am/about-communities/479/ (հայերեն)
##Արդվի (Հայաստան)
Red pog.png

Արդվի, գյուղ Հայաստանի Հանրապետության Լոռու մարզում, Ալավերդու տարածաշրջանում, կամ նախկին Հայկական ԽՍՀ Թումանյանի շրջանում, Ալավերդի քաղաքից 9 կմ հարավ-արևմուտք, մարզկենտրոնից՝ 45 կմ հեռավորության վրա։ Գյուղը գտնվում է Դեբեդ գետի բարձրադիր ձախափնյա սարավանդում, անտառապատ լեռան ստորոտում։ Գյուղի մոտ կա ձոր, որը կոչվում է Վիշապաձոր։

Հնում Մելիքգյուղ անվան տակ մտել է Գուգարք աշխարհի Տաշիրք գավառի կազմում։ Արդվին եղել է Լոռու մելիքների կալվածքները։

Արդվիում է ծնվել ագրոքիմիկոս Պ. Քալանթարյանը։

Անվան ստուգաբանություն[խմբագրել]

Հովհան Օձնեցին բնակվելիս է եղել այս գյուղում և եկեղեցի ու ճգնարան է կառուցել։ Ըստ ավանդության՝ «Օձունից հեռանալիս նա անիծել է այն և Մելիքգյուղ գալով անվանել է Առտվի, այսինքն՝ Մելիքն առա և Օձունը տվի»։

Անվան ստուգաբանություն[խմբագրել]

Կլիման բարեխառն լեռնային է, տևական, ցուրտ ձմեռներով։ Ամեն տարի հաստատվում է կայուն ձնածածկույթ։ Ամառները տաք են, համեմատաբար խոնավ։ Տարեկան թափվում են 600-700 մմ մթնոլորտային տեղումներ։

Բնակչություն[խմբագրել]

Գյուղի բնակչության նախնիների մի մասը եկել է Ղարաբաղից և Բերդից։ Ըստ ազգային վիճակագրական ծառայության տվյալների 2005 թ.-ին համայնքի բնակչությունը կազմել է 185 մարդ։ Սեռային կազմում տղամարդիկ կազմում են 46%, կանայք՝ 54%։

Արդվիի ազգաբնակչության փոփոխությունը[2].

Տարի 1873 1914 1922 1959 1970 1979 2001 2004
Բնակիչ 37 584 274 279 236 188 213 156

Գյուղատնտեսություն[խմբագրել]

Գյուղատնտեսական հողահանդակներում մեծ բաժին ունեն վարելահողերը (153 հա), իսկ 437 հա մակերեսով պետական հողերը գլխավորապես օգտագործվում են որպես արոտավայրեր՝ կազմելով։ Գյուղը մասնագիտացված է անասնապահության մեջ։ Զբաղվում են խոշոր եղջերավոր անասնաբուծությամբ, մեղվաբուծությամբ, թռչնաբուծությամբ։ Բացի այդ բնակիչները զբաղվում են դաշտավարությամբ, պտղաբուծությամբ (տանձ, խնձոր, կեռաս), մշակում են բանջարաբոստանային, կերային, հացահատիկային կուլտուրաներ։

Օգտակար հանածոներ[խմբագրել]

Արդվին ունի սառնորակ աղբյուրներ, որոնք օգտագործվում են որպես խմելու ջուր։ Բացի այդ գյուղն ունի արդյունաբերական տեսանկյունից նշանակություն չունեցող բազմամետաղների հանքեր։

Պատմամշակութային կառույցներ[խմբագրել]

Գյուղում կան երկու եկեղեցիներ։ Դրանցից մեկում՝ Հովհան Օձնեցու կառուցած Ս. Հովհաննես (718-728 թթ.) վանքում, գտնվում է Հովհաննես Օձնեցու գերեզմանը։ Եկեղեցին վերակառուցվել է XVII դարում։ Ս. Հարություն եկեղեցին կառուցվել է X դարում։

Հասարակական կառույցներ[խմբագրել]

2013 թ.-ի դրությամբ գյուղն ունի միջնակարգ դպրոց, գրադարան, բուժկետ և կապի հանգույց։

Ծանոթագրություններ[խմբագրել]