Parodia
Parodia | |
---|---|
Տեսակ | բանաստեղծություն |
Ժանր | բանաստեղծություն |
Ձև | բանաստեղծություն |
Հեղինակ | Հովհաննես Թումանյան |
Բնագիր լեզու | հայերեն |
Գրվել է | 1910 |
Հրատարակչություն | «Նոր ուղի» |
Հրատարակվել է | 1910 |
Վիքիդարան | Parodia |
«Parodia», Հովհաննես Թումանյանի բանաստեղծություններից՝ գրված 1910 թվականին[1]։
Պատմություն[խմբագրել | խմբագրել կոդը]
Թումանյանն այս բանաստեղծությունը գրել է 1910 թվականին, որպես Հովհաննես Հովհաննիսյանի «Իմ Հայրենիքը տեսե՞լ ես, ասա» բանաստեղծության պարոդիա․ այդ բանաստեղծությունը Հովհաննես Հովհաննիսյանը գրել է 1880 թվականին[1]։
Եղիշե Չարենցի անվան գրականության և արվեստի թանգարանի Թումանյանի ֆոնդի № 94-ում պահվում է վերջին երեք քառատողի ինքնագիրը[1]։
Առաջին անգամ, առանց վերջին երկու քառատողերի, տպագրվել է 1910 թվականի ապրիլի 18-ին՝ «Հորիզոն» պարբերականի № 83-ում։
Ամբողջական բնագիրը հրատարակել Երվանդ Շահազիզը՝ 1931 թվականին՝ «Նոր ուղի» ամսագրի երկրորդ գրքի № 83-ում (էջ 136), այնուհետև՝ Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 160-161)[1]։
Հովհաննես Թումանյանի երկերի լիակատար ժողովածուի 1-ին հատորում արտատպվել է «Նոր ուղի» ամսագրից[1]։