Եղջերուի մահը
| Եղջերուի մահը | |
|---|---|
| Տեսակ | գրական ստեղծագործություն |
| Ժանր | պատմվածք |
| Ձև | պատմվածք |
| Հեղինակ | Հովհաննես Թումանյան |
| Բնագիր լեզու | հայերեն |
| Հրատարակվել է | 1898 |
| Վիքիդարան | Եղջերուի մահը |
«Եղջերուի մահը», Հովհաննես Թումանյանի պատմվածքներից[1]։
Պատմություն[խմբագրել | խմբագրել կոդը]
Այս ստեղծագործության գրման տարեթիվն անհայտ է։ Առաջին անգամ տպագրվել է Թիֆլիսում՝ 1898 թվականի դեկտեմբերի 20-ին «Տարազ» շաբաթաթերթի № 49 համարում (էջ 1104), այնուհետև՝ 1940-1959 թվականներին Երևանում լույս տեսած Հովհաննես Թումանյանի երկերի ժողովածուի գիտական հրատարակության երրորդ հատորում (էջ 50-51)[1]։
Ինքնագիրը չի պահպանվել։
Գրության ստույգ թվականը հայտնի չէ։ Ըստ Մովսես Արազու հուշերի՝ գրված պետք է լինի 90-ական թվականների վերջին՝ 1897 թվականին․ «Երբ մենք հարցրեցինք, թե ինչ նոր բան է գրել, նա վերցրեց սեղանի վրայից նոր վերջացած մի ձեռագիր՝ իրեն հատուկ խոշոր տառերով գրված։ Զիջելով մեր խնդրին, Թումանյանն սկսեց կարդալ մի փոքրիկ պատմվածք, ավելի ճիշտ՝ արձակ բանաստեղծություն՝ «Եղջերուի մահը» վերնագրով»[1]։
Հովհաննես Թումանյանի երկերի լիակատար ժողովածուի 5-րդ հատորում տպագրվել է «Տարազ» շաբաթաթերթից։
