Սիրուշո

Վիքիպեդիայից՝ ազատ հանրագիտարանից
Սիրուշո
Sirusho pic.jpg
Հիմնական տվյալներ
Ի ծնե անուն Սիրանուշ Հարությունյան
Ծնվել է հունվարի 7, 1987
Երևան
Երկիր {{{2}}} Հայաստան, Երևան
Ժանրեր Փոփ, ժողովրդական,ռոմանս
Մասնագիտություն Երգչուհի-երգահան,կոմպոզիտոր
Գործիքներ Վոկալ,դաշնամուր
Գործունեություն 1999-ներկա
Կայք sirusho.am

Սիրանուշ Հարությունյան (ծնվ. 1987 թ. հունվարի 7, Երևան), ավելի հայտնի է որպես Սիրուշո, հայ փոփ երգչուհի-երգահան և կոմպոզիտոր։ Նա սկսել է իր կարիերան 7 տարեկանից երգելով Հայաստանի և Կանադայի բեմերում։ 9 տարեկանում նա ստացել է իր առաջին երաժշտական մրցանակը «Լուսաբաց» երգի համար։ Նրա «Սիրուշո» կոչվող առաջին ստուդիական ալբոմը լույս է տեսել 2000 թվականին, որին հաջորդեց «Շերամ» ձայնասկավառակը 2005 թվականին։ Նույն տարում նա ստացավ 3 մրցանակ Հայկական ազգային երաժշտական մրցանակաբաշխությունում։ 2007 թվականին լույս տեսավ երգչուհու «Հիմա» կոչվող երրորդ ալբոմը։

2008 թվականի մայիսին Սիրուշոն իր «Քելե Քելե» երգով ներկայացրեց Հայաստանը Եվրատեսիլ 2008 երգի մրցույթում[1] և զբաղեցրեց լավագույն հնգյակի 4-րդ հորիզոնականը։ 2009 թվականին նա թողարկեց իր «Erotas» կոչվող հունալեզու երգը, որը բավականին մեծ արձագանք ունեցավ Հունաստանում և Կիպրոսում: Նույն թվականին սերբ երգչուհի Ելենա Տոմաշևիչի և իսրայելցի երգիչ Բոազ Մաուդայի հետ Սիրուշոն ձայնագրում է «Time to pray» երգը։ Հաջորդ տարի երգչուհին թողարկում է իր չորրորդ ալբոմը, որը կոչվում է «Հավատում եմ»:

2012 թվականի դեկտեմբերի Սիրուշոն թողարկում է իր «ՊռեԳոմեշ» երգը, որը զբաղեցնում է մի շարք հիթ-շքերթների առաջին հորիզոնականները և ունենում է 2 միլիոնից ավել դիտում Յութուբում: 2013 թվականի դեկտեմբերին նա թողարկում է «See» երգը՝ համագործակցությամբ հույն երգիչ Սակիս Ռուվասի հետ։

Կենսագրություն[խմբագրել | խմբագրել կոդը]

1987-2004: Մանկությունը և կարիերայի սկիզբը[խմբագրել | խմբագրել կոդը]

Սիրանուշ Հարությունյանը ծնվել 1987 թվականի հունվարի 7-ին Երևանում[2]: Նրա հայրը՝ Հրաչյա Հարությունյանը անվանի դերասան և ռեժիսոր է Հայկական Դրամատիկ Թատրոնում, ՀՀ Ազգային արտիստ։ Մայրը՝ Սյուզան Մարգարյանը, երգչուհի է, ՀՀ վաստակավոր արտիստ։

Սիրուշոն իր առաջին քայլերը դեպի երգ և երաժշտություն արել է դեռ մանկուց[3]: 7 տարեկանում նա սկսեց գրել իր առաջին երգերը, իսկ արդեն 9 տարեկանում նա «Լուսաբաց» երգի համար ստացավ Հայկական ազգային երաժշտական մրցանակ։ Նա իր առաջին ալբոմը, որը կոչվում է «Սիրուշո» թողարկել է 13 տարեկանում։

2005-2007: «Շերամ» և «Հիմա»[խմբագրել | խմբագրել կոդը]

Սիրուշոն Եվրոտեսիլում (2008)

Սիրուշոն իր երաժշտական կարիերայի ընթացքում նա ավելի շատ հանդես է եկել սոուլ և փոփ ժանրերում։ 2005 թվականին նա սկսեց աշխատել իր «Շերամ» ալբոմի վրա։ Ալբոմը ներառում է Գուսան Շերամի բազմաթիվ երգեր։

2005-ին Հայկական ազգային երաժշտական մրցանակաբաշխությունում նա ստացավ «Տարվա լավագույն ձայնասկավառակ» մրցանակը իր «Շերամ» ալբոմի համար։ Նա նաև ստացավ «Տարվա լավագույն երգչուհի» մրցանակը[4]: Իր շնորհակալական խոսքում Սիրուշոն նշեց. «Այս տարի շատ եմ շրջագայել, նույնիսկ այս իրադարձությունից մի քանի ժամ հետո կրկին պատրաստվում եմ թռչել Միացյալ Նահանգներ համերգային ծրագրով և ցանկանում եմ շնորհակալություն հայտնել բոլորիդ կյանքիս հետագա թռիչքներում ինձ թևեր պարգևելու համար»: Մի քանի օր անց նրա «Հեռանում եմ» երգը հնչեց մի շարք ռադիոկայաններում, որը հետագայում դարձավ մեծ հիթ։

2007 թվականին լույս տեսավ նրա երրորդ՝ «Հիմա» վերնագրով ալբոմը, որը ունեցավ մեծ հաջողություն։ Ալբոմի երգերը սոուլի և R&B ոճերի համադրություն են՝ ժողովրդական գործիքների զուգորդությամբ, դուդուկ, դհոլ, զուռնա և այլն։

2008-2009: Եվրատեսիլ երգի մրցույթ[խմբագրել | խմբագրել կոդը]

2008 թվականին Սիրուշոն ստացավ իր 4-րդ «Լավագույն երգչուհի» տիտղոսը Ազգային երաժշտական մրցանակաբաշխության շրջանակներում։ Նույն տարվա մայիսին նա ներկայացրեց Հայաստանը Եվրատեսիլ 2008 երգի մրցույթում իր «Քելե Քելե» երգով։ Երգը գրված էր Սիրուշոյի և կանադահայ կոմպոզիտոր և պրոդյուսեր Դեր-Հովայի կողմից։ Մրցույթի եզրափակչի քվեարկության արդյունքում Սիրուշոն զբաղեցրեց 4-րդ հորիզոնականը՝ հավաքելով 199 միավոր[5]:

2009 թվականի ապրիլին երգչուհին ներկայացրեց իր հունալեզու «Erotas» երգը։ Երգի երաժշտությունը գրել է երգիչ Հայկոն, իսկ խոսքերի հեղինակն է՝ Նատալիա Գերմանուն։ Երգը հայտնի դարձավ ոչ միայն Հայաստանում, այլ նաև Հունաստանում և Կիպրոսում: 2009-ին Սիրուշոն ձայնագրեց մի երգ Եվրատեսիլ 2008-ի մասնակիցներ Բոազ Մաուդայի և Ելենա Տոմաշևիչի հետ միասին։ Երգը կոչվում է “Time to pray”, որի խոսքերի հեղինակն է Իսրայելի նախագահ Շիմոն Պերեսը։

2010-2012: «Հավատում եմ» և «ՊռեԳոմեշ»[խմբագրել | խմբագրել կոդը]

2010 թվականի փետրվարին Սիրուշոն հրավիրված էր Մալթա՝ որպես հատուկ հյուր, որտեղ իր այցելության ընթացքում մասնակցեց Եվրատեսիլ 2010 երգի մրցույթի Մալթայի ազգային ընտրությանը։ 2010-ի մայիս ամսին կայացավ երգչուհու «Հավատում եմ» կոչվող չորրորդ ալբոմի պրեմիերան[6]: Ալբոմը փոփ և R&B ժանրերի մեջ է, որը ներառում է «Erotas», «Հավատում եմ», «Time to pray» և մի քանի այլ մեծ հաջողություն ունեցած երգեր։

2010-ին Սիրուշոն գրեց «Судьба Зима» կոչվող երգը հայտնի ռուս երգիչ Գրիգորի Լեպսի համար։

2011 թվականին երգչուհին ձայնագրեց իր «I like it» երգը[7][8]: Նույն տարվա դեկտեմբերին նա հատուկ հյուր էր Երևանում անցկացված Մանկական Եվրատեսիլ երգի մրցույթին[9]:

2012 թվականի դեկտեմբերին երգչուհին ոգշնչվելով Կոմիտասի «Լոռվա գութան» ստեղծագործությամբ, ներկայացրեց իր «ՊռեԳոմեշ» երգը[10], որը դարձավ շատ հայտնի և երկար ժամանակ զբաղեցրեց մի շարք հիթ շքերթների առաջին հորիզոնականները։

2013-ներկա: Կարիերայի շարունակություն[խմբագրել | խմբագրել կոդը]

2013 թվականի հոկտեմբերին ամերիկյան «W» ամսագիրը Սիրուշոյին ընդգրկեց իր «6 ոչ-ամերիկացի տաղանդներ» ցանկում[11]: Նույն տարվա դեկտեմբերին հույն երգիչ Սակիս Ռուվասի հետ նա թողարկեց «See» երգը[12]:

2014 թվականի ապրիլ ամսին տեղի է ունենում Համաշխարհային Երաժշտական Մրցանակաբաշխությունը (World Music Awards), որին մասնակցում են աշխարհի լավագույն արտիստները։ Այդտեղ Սիրուշոն ներկայացված էր երեք տարբեր անվանակարգերում որպես եվրոպական արտիստ՝ «Լավագույն երգչուհի», «Լավագույն երգ» («ՊռեԳոմեշ»), «Լավագույն տեսահոլովակ» («ՊռեԳոմեշ»)։

2014 թվականի մայիսի 11-ին՝ Կալիֆորնիայում, տեղի ունեցավ World Armenian Entertainment Awards 2013 մրցանակաբաշխությունը, որտեղ Սիրուշոն արժանացավ "Queen of Armenian pop Music" մրցանակին։

2014 թվականի հուլիսի 19-ին՝ ԱՄՆ-ում, լույս աշխարհ եկավ Սիրուշոյի և Լևոն Քոչարյանի առաջնեկը, ում՝ ի պատիվ պապիկի, անվանեցին Ռոբերտ Քոչարյան։

2014 թվականի նոյեմբերի 9-ին Լոս Անջելեսի NOKIA թատրոնում տեղի ունեցավ Սիրուշոյի մենահամերգը։

Նույն թվականին տեղի ունեցավ Սիրուշոյի և մեկ այլ հայազգի երգիչ Հարութ Փամբուկչյանի «Տարիներ» երգի և տեսահոլովակի պրեմիերան։

2015 թվականի մարտին Սիրուշոն վերադարձավ Հայաստան և սկսեց աշխատել իր նոր երգի ու տեսահոլովակի վրա։ Ընդամենը 2 շաբաթվա ընթացքում պատրաստ էր նրա նոր երգն ու տեսահոլովակը՝ «Կգա մի օր» («Where were you»)։ Ե՛վ երգը, և՛ տեսահոլովակը նվիրված են Հայոց ցեղասպանության 100-ամյակին։ 2016թ.-ի հոկտեմբերին կայացավ Սիրուշոյի «Արմատ» ալբոմի շնորհանդեսը:

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

Տարի Անվանում
2000 Սիրուշո
2005 Շերամ
2007 Հիմա
2010 Հավատում եմ
2016 Արմատ

Սինգլներ[խմբագրել | խմբագրել կոդը]

Տարի Անվանում
2005 Շորորա
2005 Սերը Մեր
2006 Մայրիկ
2006 Հեռանում եմ
2007 Հիմա
2007 Արժանի է (մասն. Սոֆի Մխեյան)
2007 Մեզ ոչինչ չի բաժանի
2008 Քելե-Քելե
2009 Էրոտաս
2009 Time to Pray
2010 Հավատում եմ
2011 I Like It
2012 ՊռեԳոմեշ
2013 See (մասն. Սակիս Ռուվաս )
2014 Անտարբեր Աշխարհ
2014 Այբուբեն (մասն. Արսեն Գրիգորյան)
2014 Տարիներ (մասն. Հարութ Փամբուկչյան)
2015 Կգա մի օր
2016 Մի թող ինձ մենակ

Մրցանաներ[խմբագրել | խմբագրել կոդը]

Տարի Մրցանակ Անվանակարգ Քաղաք Արդյունք
2003 Հայաստանի ազգային երաժշտական մրցանակաբաշխություն Հայ երգի ապագան Երևան Հաղթանակ
2004 Կռունկ մրցանակաբաշխություն Լավագույն երգչուհի Երևան Հաղթանակ
2005 Ոսկե Քնար Մրցանակաբաշխություն Լավագույն երգ – "Սերը մեր" Երևան Հաղթանակ
2005 Հայաստանի ազգային երաժշտակաան մրցանակաբաշխություն Տարվա լավագույն ալբոմ – "Շորորա" Երևան Հաղթանակ
2005 Հայաստանի ազգային երաժշտական մրցանակաբաշխություն Տարվա լավագույն երգչուհի Երևան Հաղթանակ
2005 Տաշիր ամենամյա մրցանակաբաշխություն Տարվա Լավագույն երգչուհի Մոսկվա Հաղթանակ
2006 Տաշիր ամենամյա մրցանակաբաշխություն Տարվա լավագույն երգչուհի Մոսկվա Հաղթանակ
2006 Ամենամյա MCLUB AMVA մրցանակաբաշխություն Լավագույն տեսահոլովակ – "Մայրիկ" ԱՄՆ Հաղթանակ
2007 Հայկական երաժշտական մրցանակաբաշխություն - Անուշ Տարվա լլավագույն երգչուհհի ԱՄՆ Հաղթանակ
2007 Թոփ 10 մրցանակաբաշխություն Լավագույն տեսահոլովակ – "Հիմա" Երևան Հաղթանակ
2007 Ես ամսագրի մրցանակաբաշխություն Հայ երգի թագուհի Երևան Հաղթանակ
2007 Ոսկե Քնար մրցանակաաբաշխություն Լավագույն երգ – "Հեռանում եմ" Երևան Հաղթանակ
2008 Թոփ 10 մրցանակաբաաշխություն Լավագույն տեսահոլովակ – "Քելե Քելե" Երևան Հաղթանակ
2008 Եվրատեսիլ երգի մրցույթ Եվրատեսիլի երկրպագուների մրցանակ Բելգրադ Հաղթանակ
2008 Հայկական երաժշտական մրցանակաբաշխություն Տարվա լավագույն երգչուհի Երևան Հաղթանակ
2009 Ամենամյա Տաշիր մրցանակաբաշխություն Լավագույն միջազգային հայ երգչուհի Մոսկվա Հաղթանակ
2010 Հայաստանի ազգային երաժշտական մրցանակաբաշխություն Լավագույն երգ – "Հավատում եմ" Երևան Հաղթանակ
2010 Հայաստանի Ազգային երաժշտական մրցանակաբաշխություն Ամենաշատ վաճառված ալբոմ – "Հավատում եմ" Երևան Հաղթանակ
2010 Լայշրի մրցանակաաբաշխություն Լավագույն երգչուհի և Լավագույն մեդիա աստղ Երևան Հաղթանակ
2010 Ամենաամյա Տաշիր մրցանակաբաշխություն Հատուկ մրցանակ - Հայ երգը Եվրոպայում տարածելու համար Մոսվա Հաղթանակ
2011 Վան երաժշտական մրցանակաբաշխություն Հատուկ մրցանակ երգի համար Երևան Հաղթանակ
2012 The Armenian Pulse Music Award Լավագույն երգչուհի Հաղթանակ
2013 Հայկական երաժշտական մրցանակաբաշխություն Լաավագույն կատարում – ՊռեԳոմեշ Երևան Հաղթանակ
2013 Համաշխարհային մրցանակաբաշխություն Հայ փոփ երգի թագուհի Լոս Անջելես, ԱՄՆ Հաղթանակ[13]
2014 World Music Awards Աշխարհի լավագույն երգչուհի Մոնտե Կառլո Առաջադրված

[14]

2014 World Music Awards Աշխարհի լավագույն երգ - ՊռեԳոմեշ Մոնտե Կառլո Առաջադրված

[14]

2014 World Music Awards Աշխարհի լավագույն տեսահոլովակ – ՊռեԳոմեշ Մոնտե Կառլո Առաջադրված

[14]

2016 DAF Bama երաժշտական մրցանակաբաշխություն Լվագույն հայազգի երգչուհի Համբուրգ, Գերմանիա Հաղթանակ

Ծանոթագրություններ[խմբագրել | խմբագրել կոդը]

  1. Եվրատեսիլ երգի մրցույթ - Հայաստան
  2. «Այսօր Սիրուշոյի ծննդյան օրն է»։ ArmStar։ hy։ հունվարի 7, 2013։ Վերցված է 2013 թ․ դեկտեմբերի 29 
  3. «Սիրուշո [Sirusho]» (Հայերեն)։ AV Production։ Վերցված է 2013 թ․ դեկտեմբերի 28 
  4. «Bio»։ Sirusho's Official Website։ Վերցված է 2013 թ․ դեկտեմբերի 29 
  5. Մարսել Բեզենկոնի մրցանակ Շվեդիայի կողմից
  6. Սիրուշո. Հավատում եմ, տեսահոլովակի պրեմիերա esctoday. 2014.05.17
  7. «SIRUSHO NEW ! - I Like It (Official Music Video) HD 2011»։ YouTube։ նոյեմբերի 11, 2011։ Վերցված է 2013 թ․ դեկտեմբերի 29 
  8. SIRUSHO NEW ! - I Like It (Official Music Video) HD 2011 YouTube. 2011.11.11
  9. «Sirusho Qéle Qéle 2011 Live Performance @ Junior Eurovision»։ ArmenianPule։ դեկտեմբերի 3, 2011։ Վերցված է 2013 թ․ դեկտեմբերի 29 
  10. «Sirusho presented her new song –"PreGomesh"»։ 1in.am։ դեկտեմբերի 10, 2012։ Վերցված է 2013 թ․ դեկտեմբերի 29 
  11. McGarry Kevin (հոկտեմբերի 29, 2013)։ «6 Un-American Idols: The Beyoncé of Brazil, the Gaga of Serbia»։ W։ Վերցված է 2013 թ․ դեկտեմբերի 29 
  12. Սիրուշոն և Սակիսը ձայնագրում են "See" երգը
  13. http://asbarez.com/121698/world-armenian-entertainment-awards-set-for-may-11/
  14. 14,0 14,1 14,2 Mediamax։ «Սիրուշոն ներկայացված է “World Music Awards”-ի երեք անվանակարգում։)»։ Վերցված է 2016-09-04 

Արտաքին հղումներ[խմբագրել | խմբագրել կոդը]