Հարութ Փամբուկչյան

Հարութ Փամբուկչյան
Փամբուկչյանը Հալեպում (Սիրիա, 2007 թ.)
Հիմնական տվյալներ
Ծնվել է	հուլիսի 1, 1950(1950-07-01) (75 տարեկան) Երևան, Հայկական ԽՍՀ, ԽՍՀՄ
Երկիր	ԽՍՀՄ, Հայաստան, և ԱՄՆ
Ժանրեր	Փոփ, ժողովրդական, ժողովրդական, հեղափոխական
Մասնագիտություն	երաժիշտ և երգիչ
Գործիքներ	կիթառ, վոկալ, բուզուկի, սազ և Դհոլ
Գործունեություն	1970 թվականից
Պարգևներ
Կայք	haroutpamboukjian.com
Հայտնի գործիքներ
Harout Pamboukjian Վիքիպահեստում

Հարութ Փամբուկչյանը Ռուբեն Հախվերդյանի հետ Ազատության հրապարակում, 2012 թ.

Հարութ Եսայու Փամբուկչյան (հուլիսի 1, 1950(1950-07-01), Երևան, Հայկական ԽՍՀ, ԽՍՀՄ), հայտնի որպես Ձախ Հարութ, ամերիկահայ երգիչ, երաժիշտ։ Հայաստանի վաստակավոր արտիստ (2015)։

Կենսագրություն

Ծնվել է 1950 թվականին Հուլիսի 1-ին Երևանում։ Եսայի Փամբուկչյանի և Ծաղիկ Շահակյանի զավակն է։ Հայրը ծնվել է 1901 թվականին Զեյթունում, մայրը՝ 1907 թվականին Տիգրանակերտում։ Եղեռնից հետո նրանք ապրել են Բեյրութում, իսկ այնտեղից 1946 թվականին մեկնել հայրենիք։ Երևանում՝ Նոր Արեշ թաղամասում, 1950 թվին ծնվել է Հարութը։ Հաճախել է տեղի թիվ 43 դպրոցը և ընդունվել Թերլեմեզյանի անվան գեղարվեստի ուսումնարանը, որն ավարտել է 1968 թվին։ Ծառայել է բանակում երկու տարի Ուկրաինայի Կոնոտոպ քաղաքում։

Մայրը երգչուհի է եղել։ Վաղ պատանեկությունից հետաքրքրվել է երաժշտական գործիքներով ու սովորել է նվագել կիթառ, սազ, բուզուկի, դհոլ, ու դաշնամուր։ Իր ստեղծած «Էրեբունի» խմբով ելույթներ է ունեցել ամենատարբեր առիթներով ու կատարել ամենատարբեր տեսակի երաժշտություն, ներառյալ՝ ռոք, ռաբիզ, ու շանսոն։

1971 թվականին կորցրել է հորը, որից հետո 1975 թվականին մոր հետ մեկնել է Բեյրութ՝ Լիբանան իսկ այնտեղից մեկ տարի անց տեղափոխվել ԱՄՆ և հաստատվել է Լոս Անջելես, որտեղ շարունակել է երաժշտական գործունեությունը։

1988 թվականի Սպիտակի երկրաշարժից մեկ տարի անց հազարավոր երկրպագուներ, որոնք փնտրում էին ավերածություններից ժամանակավորապես շեղվելու որևէ միջոց, լցվեցին Հրազդան մարզադաշտը և Կարեն Դեմիրճյանի անվան մարզահամերգային համալիրը՝ լսելու Հարութ Փամբուկչյանի կատարմամբ 28 համերգները։

Նա ամուսնացած էր Ռուզաննա Թևոսյանի հետ, որը մահացավ 2013 թվականին։ Նրանք ունեին մեկ որդի, որը ծնվել է 1980 թվականին։

Մականուն

Մականվան «Ձախ» բառը գալիս է Հարութ Փամբուկչյանի ձախլիկ լինելուց։

Սկավառակագրություն

Ստուդիական ալբոմներ

• Ուր էիր Աստված (1976)
• Բալադ հայրենյաց (1977)
• Առավոտից իրիկուն (1978)
• Հարութ (1979)
• Մինչև էգուց (1980)
• In Memory Of Those Who Gave Their Lives (1980)
• Իմ Երևան (1981)
• Գետի այն ափին (1981)
• Երբ ալեկոծ ծովի վրա (1982)
• Top'82/The Very Best of Harout Pamboukjian (1982)
• Հեռացած ընկերներ (1983)
• Volume 12 (1984)
• Հայի աչքեր (1986)
• Հայ բալիկներին (1988)
• Գնաս բարով (1989)
• Երեկոյան Երևան (1991)
• Բարի տարեդարձ (1993)
• Ճամփաները Բինգյոլի (1994)
• The Golden Album (1997)
• Հարութ 2000/Հարութն հայոց (2000)
• Երգը նաև աղոթք է (2000)
• My Life (2013)

Հավաքածուներ

• Harout Box Set - The Best of 1974-1984 (1984)
• 25 Dance Hits (1998)
• Hit Romances: 50 տարիս (1999)
• Romantic Flashback (1999)
• Patriotic Songs (2000)
• Love Songs (2000)
• Dance Party Mix (2000)
• Թուխ աչքեր (2003)
• Փայլող աստղեր (2005)

Համերգային ալբոմներ

• Live in Beirut (1980)
• Live in Los Angeles (1988)
• Live in Beirut Volume 2 (1994)
• Live in Concert Vol. 1 (1996)
• Live in Concert Vol. 2 (1996)
• Հեղափոխական և ազգային երգերու փառատոն Vol. 1 (1997)
• Հեղափոխական և ազգային երգերու փառատոն Vol. 2 (1997)
• Հեղափոխական և ազգային երգերու փառատոն Vol. 3 (1997)
• Live in California (2001)
• The Legend: Live in Concert (2015)
• Harout Live! From the Heart! (2015)
• Live at Dolby Theatre (2017)
• Live in France (2018)
• My Ouai Tour Marseille (2023)

Սինգլներ և EP-ներ

• Մարալի պես (1981)
• Սարի ճամփով (1981)
• Սեր ջան (1981)
• Թուխ աչքեր (1981)
• Իմ առաջին սեր (1981)
• Մեր հայրենիք (1997)
• Մենակ ես մնացել (Սիլվիի հետ) (2006)
• Սարերի քամի (Ռուբեն Հախվերդյանի հետ) (2012)
• Տարիներ (Սիրուշոյի հետ) (2014)
• Անցիր այ գետակ (Արմենչիկի հետ) (2014)
• Անկախ Հայաստան (Տիգրան Ասատրյանի և Sammy Flash-ի հետ) (2016)
• Թե աչերս (Սուպեր Սաքոյի հետ) (2016)
• Զոքանչ (Dj Donz-ի հետ) (2017)
• Թե աչերս քեզ որոնեն (2017)
• Կարմիր ծաղիկ մը գարունի (Աննա Բոյրազյանի հետ) (2017)
• Դեպի Սասուն (Գառնիկ Սարգսյանի հետ) (2018)
• Հանինա նինա (Sammy Flash-ի հետ) (2018)
• Ես առանց քեզ (2018)
• Երբ սիրում ես ինձ (2018)
• Կարմիր ծաղիկ (Աննա Բոյրազյանի հետ) (2019)
• Ծովն է շառաչում (2019)
• Սիրո նավակ (Սոնա Սարաֆյանի հետ) (2022)
• Քարամ դարձած (Սեդայի հետ) (2022)
• Սիրում եմ քեզ (DJ Դավոի հետ) (2022)
• Կանցնեն օրեր (Ռեինկարնացիայի հետ) (2022)
• Եկար հովի թևերով (Արամեի հետ) (2023)

Պարգևներ

• Հայաստանի վարչապետի հուշամեդալ (2015) (Ծննդյան 65-ամյակի կապակցությամբ և հայ երաժշտական արվեստը ներկայացնելու գործում ներդրած նշանակալի ավանդի համար)։

Տես նաև

• Լեռան լանջին

Արտաքին հղումներ

• Հարութ Փամբուկչյանը imusic.am֊ում

Վիքիպահեստն ունի նյութեր, որոնք վերաբերում են «Հարութ Փամբուկչյան» հոդվածին։