Snap (երգ, Ռոզա Լին)
| «Snap» | |
|---|---|
_cover.png) | |
| Ռոզա Լինի երգը | |
| Թողարկված | 19 մարտի, 2022 |
| Լեզու | անգլերեն |
| Տևողություն | 2:59 |
| Լեյբլ | Nvak Collective |
| Հեղինակ |
|
| Կոմպոզիտոր | Թամար Կապրելյան |
| Պրոդյուսեր |
|
«Snap», հայ երգչուհի Ռոզա Լինի երգը։ Պաշտոնապես թողարկվել է 2022 թվականի մարտի 19-ին բոլոր հարթակներում[1]։ Երգը ներկայացվելու է Իտալիայի Թուրին քաղաքում կայանալիք «Եվրատեսիլ 2022» երգի մրցույթին։ Այն ընտրվել է «Եվրատեսիլ» երգի մրցույթի հայաստանյան հեռարձակողի՝ Հայաստանի Հանրային հեռուստաընկերության կողմից[2]։
Նկարագրություն[խմբագրել | խմբագրել կոդը]
Երգը պաշտոնապես հրապարակվել է 2022 թվականի մարտի 19-ին, իսկ դրանից մեկ շաբաթ առաջ ներկայացվել էր երգի փոքր հատված[3]։
Երգչուհու կարծիքով իր երգն անձնական պատմություն է, որը բոլորին ծանոթ է։ Այն ուղևորություն է դեպի ներաշխարհ։ Նա նշում է․
|
Մենք բոլորս հայտնվել ենք մի կետում, որտեղ թվում է, թե էլ ելք չկա, և որ ամբողջ աշխարհը պարզապես գլխիվայր շուռ է եկել։ Այդ պահին դու սկսում ես ամեն ինչ հարցականի տակ դնել, անգամ՝ ինքդ քեզ։ Ինձ այդ հուսահատ վիճակը շատ ծանոթ է. արդյունքում հասկացա, որ ես ունակ եմ ձևավորելու իմ իրականությունը. դրա համար պարզապես պետք էր ինձ հայտնի ուղիներից դուրս գտնել ներքին խաղաղությունս։ Կարևորն ինքդ քեզ սիրելն ու ընդունելն է, գիտակցումը, որ դու և միայն դու ես քեզ պետք։ «Snap»-ն ինձ համար ինքնաբուժություն էր, և ես հուսով եմ, որ այս երգը կօգնի նաև այն մարդկանց, ովքեր հիմա ծանր օրեր են ապրում[4]։ - Ռոզա Լին
|
|
Եվրատեսիլ երգի մրցույթ[խմբագրել | խմբագրել կոդը]
Ընտրություն[խմբագրել | խմբագրել կոդը]
Ներկայացուցչին ընտրելու նպատակով Հայաստանում անցկացվել է փակ ընտրություն։ Ըստ որոշ աղբյուրների՝ ընտրական փուլին մասնակցել են Աթենա Մանուկյանը, Սարո Գևորգյանը, Կամիլ Շոուն և Ռոզա Լինը[5][6]։ 2022 թվականի փետրվարի 15-ին Հանրային հեռուստաընկերությունը հերքել է այն պնդումները, որ Լինն արդեն ընտրվել է՝ նշելով, որ դեռ որոշում չի կայացվել, և հայտարարությունը կարվի մարտին[7]։ Մարտի 4-ին հայկական մի քանի լրատվամիջոցներում տեղեկություններ էր տարածվել, որ Հայաստանը ներկայացնելու համար պայքարում է երկու երգիչ՝ Ռոզա Լինն ու Սարո Գևորգյանը[8]։
2022 թվականի մարտի 11-ին որպես ընտրված մասնակից հայտարարվել է Ռոզա Լինը[9]։
Եվրատեսիլում[խմբագրել | խմբագրել կոդը]
Ըստ Եվրատեսիլի կանոնների՝ բոլոր երկրները, բացառությամբ ընդունող երկրի և «Մեծ հնգյակի» (Ֆրանսիա, Գերմանիա, Իտալիա, Իսպանիա և Միացյալ Թագավորություն), պետք է հաղթահարեն կիսաեզրափակիչ փուլը, որպեսզի հնարավորություն ստանան մասնակցելու մրցույթին։ Յուրաքանչյուր կիսաեզրափակչից տասը լավագույններն անցնում են եզրափակիչ փուլ։ Եվրոպական հեռարձակողների միությունը մրցակից երկրները բաժանել է վեց տարբեր զամբյուղների՝ հիմնվելով նախորդ մրցույթների քվեարկության ձևերի վրա, իսկ քվեարկության բարենպաստ պատմություն ունեցող երկրներն ընդգրկվել են նույն զամբյուղի մեջ։ 2022 թվականի հունվարի 25-ին տեղի է ունեցել վիճակահանություն, որի արդյունքում յուրաքանչյուր երկիր հայտնվել է երկու կիսաեզրափակիչներից մեկում։ Որոշվել է նաև, թե շոուի որ մասում են հանդես գալու։
Հայաստանը հանդես է գալու առաջին կիսաեզրափակչում, որը տեղի կունենա 2022 թվականի մայիսի 10-ին։ Ռոզա Լինի ելույթը նախատեսվում է շոուի երկրորդ հատվածում[10]։
Ծանոթագրություններ[խմբագրել | խմբագրել կոդը]
- ↑ «Armenia: Rosa Linn releases "Snap" for Eurovision 2022»։ Eurovisionworld (en-gb)։ 2022-03-19։ Վերցված է 2022-03-19
- ↑ «Armenia has picked Rosa Linn for Eurovision 2022»։ Eurovisionworld (en-gb)։ 2022-03-11։ Վերցված է 2022-03-19
- ↑ «🇦🇲 Snap: Has the Armenian entry leaked?»։ OIKOTIMES (en-US)։ 2022-03-12։ Վերցված է 2022-03-19
- ↑ LLC Helix Consulting։ «Երգի և տեսահոլովակի պրեմիերա՝ Ռոզա Լին - «Snap»»։ www.eurovision.am (անգլերեն)։ Վերցված է 2022-05-07
- ↑ Avagyan Alen (2022-02-14)։ «Հայտնի է «Եվրատեսիլ»-ում Հայաստանի ներկայացուցչի անունը»։ Hraparak (hy-AM)։ Վերցված է 2022-02-14
- ↑ Mamikonyan Stepan (2022-01-25)։ «Armenia: Here's some exclusive information about the internal selection!»։ Eurovision Fun։ Վերցված է 2022-02-05
- ↑ Granger Anthony (2022-02-15)։ «🇦🇲 Armenia: AMPTV Confirms Decision Yet To Be Made On Eurovision 2022 Representative»։ Eurovoix (en-GB)։ Վերցված է 2022-03-11
- ↑ Granger Anthony (2022-03-04)։ «🇦🇲 Armenia: Two Singers Reportedly in Contention For Eurovision 2022»։ Eurovoix (en-GB)։ Վերցված է 2022-03-11
- ↑ ««Եվրատեսիլ 2022» մրցույթում Հայաստանը կներկայացնի Ռոզա Լինը» [Armenia will be represented by Rosa Linn in Eurovision 2022]։ eurovision.am (հայերեն)։ AMPTV։ Վերցված է 2022-03-11
- ↑ «Eurovision 2022: Which Semi-Final is your country performing in? 🇮🇹»։ Eurovision.tv։ EBU։ 2022-01-25։ Վերցված է 2022-01-25
Արտաքին հղումներ[խմբագրել | խմբագրել կոդը]
| ||||||||||||||||||||||||||||||||||||||||||||||||||||
