Էմմա Թոմփսոն

Վիքիպեդիայից՝ ազատ հանրագիտարանից
(Վերահղված է Էմմա Թոմպսոնից)
Picto infobox film.png
Էմմա Թոմփսոն
Emma Thompson Césars 2009.jpg
Ծնվել է ապրիլի 15, 1959({{padleft:1959|4|0}}-{{padleft:4|2|0}}-{{padleft:15|2|0}})[1] (58 տարեկան)
Ծննդավայր Paddington, Վեստմինստեր, Մեծ Լոնդոն, Մեծ Լոնդոն, Անգլիա, Միացյալ Թագավորություն
Կրթություն Նյունհեմի քոլեջ և Քեմբրիջի համալսարան
Քաղաքացիություն Flag of the United Kingdom.svg Միացյալ Թագավորություն
Կրոն աթեիզմ
Մասնագիտություն դերասան, հեռուստատեսային դերասան, կինոդերասան, կատակերգու, կինոռեժիսոր, սցենարիստ և թատրոնի դերասան
Ակտիվ շրջան 1979 թ.-ից այսօր
Ծնողներ հայր՝ Էրիկ Թոմփսոն, մայր՝ Ֆիլլիդա Լոու
Ամուսին(ներ) Գրեգ Ուայզ
Պարգևներ և մրցանակներ


Էմմա Թոմփսոն (անգլ.՝ Emma Thompson, ապրիլի 15, 1959({{padleft:1959|4|0}}-{{padleft:4|2|0}}-{{padleft:15|2|0}})[1], Paddington, Վեստմինստեր, Մեծ Լոնդոն, Մեծ Լոնդոն, Անգլիա, Միացյալ Թագավորություն) բրիտանացի դերասանուհի, կատակերգու և սցենարիստ է։ Ճանաչում ստացել է «Պատերազմի ճակատագիրը» հեռուստասերիալի շնորհիվ։ Արժանացել է երկուական «Օսկարի»-ի, «Ոսկե գլոբուս»-ի, BAFTA-ի մրցանակների «Բանականություն և զգայնություն», «Հովարդս Էնդ» ֆիլմերում կատարած դերերի համար։ Բացի դրանից, դերասանուհին համարվում է BAFTA TV-ի մրցանակաբաշխության դափնեկիր «Պատերազմի ճակատագիրը» հեռուստասերիալի համար, իսկ «Էմմի» մրցանակաբաշխությունում ստացել է լավագույն դերասանուհու անվանակոչում՝ «Էլեն» ֆիլմում կատարած դերի համար։

Կենսագրություն[խմբագրել | խմբագրել կոդը]

Վաղ կյանքը[խմբագրել | խմբագրել կոդը]

Թոմփսոնը ծնվել է 1959 թ. ապրիլի 15-ին Լոնդոնում՝ հայտնի դերասաններ Էրիկա Թոմփսոնի և Ֆիլիդա Լոի ընտանիքում։ Էմմայի քույրը՝ Սոֆի Թոմփսոնը, նույնպես դերասանուհի է։ Իր կյանքի մեծ մասը Թոմփսոնը անցկացրել է Շոտլանդիայում։ Թոմսոնը կրթությունը սկսել է աղջիկներ համար նախատեսված դպրոցում, իսկ հետո սովորել է Քեմբրիջի համալսարանում։ Այնտեղ նա մասնակցել է բեմադրությունների՝ հումորային թեմաներով։ 1980-ական թվականներին համարվել է լոնդոնյան ամենախոստումնալից դերասաններից՝ երիտասարդ դերասանների շարքում։ BBC-ի շարքի համար նկարահանվել է պատմական բնույթ կրող ֆիլմերում։

Կարիերա[խմբագրել | խմբագրել կոդը]

Հոլիվուդում նկարահանվել է հետևյալ պատմական ֆիլմերում՝ «Հովարդս Էնդ» (1992), «Օրվա մնացորդը» (1993) և «Հանուն հոր անվան» (1993) քաղաքական թրիլլերում։ Երեք դերերն էլ եղել են հաջողված և արժանացել են «Օսկարի»-ի, «Ոսկե գլոբուս»-ի, BAFTA-ի մրցանակների։ 1995 թ. խաղացել է «Բանականություն և զգայնություն» ֆիլմում, որի սցենարը գրել է հենց ինքը։ Այս ֆիլմի համար նույնպես արժանացել է «Օսկարի»-ի և «Ոսկե գլոբուս»-ի մրցանակների, այս անգամ՝ «Լավագույն սցենարիստ» անվանակոչմանը։ 1998 թ. «Հիմնական գույն» ֆիլմում խաղացել է առաջին տիկնոջ դերը։ 2005 թ.-ին էկրան է դուրս եկել «Իմ սարսափելի դայակը» կատակերգությունը, որում Էմմա Թոմփսոնը խաղում էր գլխավոր դերը, բացի դրանից նա նաև սցենարիստն էր։ Սցենարը գրելու համար Էմման տրամադրել է ինը տարի։ 2010 թ. եթեր է հեռարձակվել ֆիլմի շարունակությունը՝ «Իմ սարսափելի դայակը 2»: 2013 թ.-ին Էմման աշխատել է Թոմ Հենսկի հետ միասին «Փրկեք պարոն Բենսկին » կենսագրական տրագիկոմեդիայում։

Անձնական կյանք[խմբագրել | խմբագրել կոդը]

Էմման ունեցել է ռոմանտիկ հարաբերություններ Հյու Լորիի հետ։ 1989 թ.-ի օգոստոսի 20-ին ամուսնացել է դերասան և ռեժիսոր Քենետ Բրանի հետ, ում հետ նա նկարահանվել է 6 ֆիլմերում։ 1995 թ.-ի հոկտեմբերին նրանք բաժանվել են։ «Բանականություն և զգայնություն» ֆիլմի նկարահանումների ժամանակ Էմման ծանոթացել է դերասան Գրեգ Ուայզի հետ։ 2003 թ.-ին նրանք ամուսնացել են Շոտլանդիայում, որտեղ դերասանուհին տուն ուներ։ Էմման մեծ է ամուսնուց 7 տարի։ Ունեն մեկ աղջիկ՝ Գայան։ 2003 թ.-ին նրանք որդեգրել են մի աղջկա, ում ընտանիքի անդամները սպանվել էին ցեղասպանության ժամանակ։

Ֆիլմագրություն[խմբագրել | խմբագրել կոդը]

  • Հենրիխ V (1989) – Եկատերինա Բալուա
  • Մահանալ նորից (1991) – Գրեյս/Մարգարետ Շտրաուս
  • Էքսպրոմտ (1991) – Դքսուհի դ'Անտան
  • Հովարդս Էնդ (1992) – Մարգարետ Շլեգել
  • Փիթերի ընկերները (1992) – Մեգգի Չեստեր
  • Օրվա մնացորդը (1993) – Տիկին Կենտոն
  • Բանականություն և զգայնություն (1995) – Էլինոր Դեշվուդ
  • Ձմեռային հյուրը (1997) – Ֆրենսիս
  • Հուդայի համբույրը (1998) – Սեդի Հոկինս
  • Իրական սեր (2003) – Կարեն
  • Իմ սարսափելի դայակը (2005) – Դայակ Մատիլդա Մաֆի
  • Ես լեգենդ եմ (2007) – Բժիշկ Էլիզ Կրիպին
  • Հարվիի վերջին շանսը (2008) – Քեյտ Ուոկեր
  • Իմ սարսափելի դայակը 2 (2010) – Դայակ Մատիլդա Մաֆի
  • Սրտով քաջ (2012) – Էլինոր
  • Փրկեք պարոն Բենկսին (2013) – Պամել Լինդոն Թրևերս
  • Տղամարդիկ, կանայք և երեխաներ (2014) – Ձայն կադրերի ժամանակ

Մրցանակներ և անվանակարգեր[խմբագրել | խմբագրել կոդը]

1993 թ., «Օսկար», լավագույն դերասանուհի «Հովարդս Էնդ» ֆիլմում 1994 թ., «Օսկար», լավագույն դերասանուհի «Հանուն հորս անվան» ֆիլմի երկրորդական դերում 1996 թ., «Օսկար», լավագույն դերասանուհի «Բանականություն և զգայնություն» ֆիլմում

1993 թ., BAFTA, լավագույն դերասանուհի «Հովարդս Էնդ» ֆիլմում 1994 թ., BAFTA, լավագույն դերասանուհի «Օրվա մնացորդը» ֆիլմում 1996 թ., BAFTA, լավագույն դերասանուհի և սցենարիստ «Բանականություն և զգայնություն» ֆիլմում 2004 թ., BAFTA, լավագույն դերասանուհի «Իրական սեր» ֆիլմի երկրորդական դերում

1996 թ., «Ոսկե գլոբուս», լավագույն դերասանուհի և սցենարիստ «Բանականություն և զգայնություն» ֆիլմում 2009 թ. լավագույն դերասանուհի «Հարվիի վերջին շանսը» ֆիլմում

1998 թ., «Էմմի», լավագույն դերասանուհի «Էլեն» կատակերգությունում 2001 թ., լավագույն դերասանուհի «Վերջաբան» ֆիլմում

Ծանոթագրություններ[խմբագրել | խմբագրել կոդը]