Մեգի Սմիթ

Վիքիպեդիայից՝ ազատ հանրագիտարանից
Jump to navigation Jump to search
Մեգի Սմիթ
Dame Maggie Smith-cropped (cropped).jpg
Ծնվել էդեկտեմբերի 28, 1934(1934-12-28)[1][1][1][…] (85 տարեկան)
ԾննդավայրԻլֆորդ, Միացյալ Թագավորություն[2]
ԿրթությունՕքսֆորդի բարձրագույն դպրոց[2]
ՔաղաքացիությունFlag of the United Kingdom.svg Միացյալ Թագավորություն
Մասնագիտությունհեռուստատեսային դերասանուհի, կինոդերասանուհի, բնավորության դերասան, թատրոնի դերասանուհի և դերասանուհի
Ամուսին(ներ)Ռոբերտ Սթիվենս[2] և Բևերլի Քրոս[2]
Երեխա(ներ)Թոբի Սթիվենս և Քրիս Լարկին
Պարգևներ և մրցանակներSociety of London Theatre Special Award?, Օսկար լավագույն դերասանուհու համար, Բրիտանական կայսրության կին կոմանդոր շքանշան, Օսկար երկրորդ պլանի լավագույն դերասանուհու համար, BAFTA Academy Fellowship Award, BAFTA մրցանակ կնոջ լավագույն դերակատարման համար, BAFTA մրցանակ կնոջ լավագույն դերակատարման համար, BAFTA մրցանակ կնոջ լավագույն դերակատարման համար, BAFTA մրցանակ կնոջ լավագույն դերակատարման համար, BAFTA մրցանակ երկրորդ պլանի լավագույն դերասանուհի անվանակարգում, Primetime Emmy Award for Outstanding Supporting Actress in a Miniseries or a Movie?, Փրայմթայմ Էմի մրցանակ՝ «մինիսերիալներում կամ ֆիլմերում կնոջ լավագույն դեր» անվանակարգում, «Էմմի» մրցանակ դրամատիկ հեռուստասերիալում երկրորդ պլանի լավագույն կանացի դերի համար, Ոսկե գլոբուս մրցանակ կոմեդիա կամ մյուզիքլ ժանրում կանացի լավագույն դերակատարման համար, Ոսկե Գլոբուս մրցանակ երկրորդ պլանի լավագույն դերասանուհի անվանակարգում, Golden Globe Award for Best Supporting Actress – Series, Miniseries or Television Film?, «Թոնի» մրցանակ կնոջ լավագույն դերակատարման համար պիեսում, Սենթ Էնդրյուի համալսարանի պատվավոր դոկտոր և Պատվո Ասպետ

Մարգարեթ Նատալի Սմիթ (անգլ.՝ Margaret Natalie Smith, նաև Մեգի Սմիթ (անգլ.՝ Maggie Smith), դեկտեմբերի 28, 1934(1934-12-28)[1][1][1][…], Իլֆորդ, Միացյալ Թագավորություն[2][3]), անգլիացի դերասանուհի։

Ավելի քան 65 տարի ունեցել է ընդգրկուն, բազմազան կարիերա բեմին, կինոյում և հեռուստատեսությունում։ Սմիթը նկարահանվել է ավելի քան 50 ֆիլմերում և համարվում է Մեծ Բրիտանիայի ամենաճանաչված դերասանուհիներից մեկը։ Վեց տասնամյակ լինելով խոստումնալից կերպար բրիտանական մշակույթում՝ 1990 թվականին Էլիզաբեթ II թագուհին նրան Բրիտանական կայսրության շքանշան է շնորհել՝ կատարողական արվեստում ունեցած ավանդի համար[4], իսկ 2014 թվականին դրամայում կատարած ավանդի համար թագուհուց ստացել է Պատվո ասպետների շքանշան։

Սմիթն իր բեմական կարիերան սկսել է 1952 թվականին Օքսֆորդի թատրոնում և Բրոդվեյան առաջնելույթը կատարել «New Faces of '56»-ում։ Լոնդոնյան բեմին կատարած աշխատանքի համար որպես լավագույն դերասանուհի 5 անգամ արժանացել է «Evening Standard» թատերական մրցանակի՝ «Մասնավոր ականջ և հանրային աչք» (1962), «Հեդա Գաբլեր» (1970), «Վիրջինիա» (1981), «Աշխարհի ուղին» (1984) և «Երեք բարձրահասակ կանայք»(1994) ֆիլմերի համար։ Առաջադրվել է Թոնի մրցանակի «Մասնավոր կյանքեր» (1975) և «Գիշեր և ցերեկ» (1979) ֆիլմերի համար, իսկ 1990 թվականին արդեն արժանացել է Թոնի մրցանակի որպես լավագույն դերասանուհի՝ խաղալով «Lettice and Lovage» պիեսում։ Այլ բեմական դերերից են Ստրատֆորդի շեքսպիրյան թատերական փառատոնում ներկայացված «Անտոնիոս և Կլեոպատրա»-ն (1976), «Մակբեթ»-ը (1978), Ուեսթէնդյան թատրոնի ներկայացումներից «Նուրբ հավասարակշռությունը» (1997) և «Կյանքի շունչը» (2002)։

Էկրանին Սմիթն առաջին անգամ գովասանքի արժանացավ «Գնալու տեղ չկա» (1958) քրեական ֆիլմի համար, որի համար առաջին անգամ առաջադրվեց BAFTA[5]։ Երկու անգամ Օսկար է ստացել՝ որպես լավագույն դերասանուհի «Օրիորդ Ջին Բրոդիի այգաբացը» ֆիլմում (1969) և որպես երկրորդ պլանի լավագույն դերասանուհի «California Suite» ֆիլմում (1978)։ Նա այն վեց դերասանուհիներից մեկն է, ով մրցանակ է ստացել այդ երկու անվանակարգերում[6]։ Նա BAFTA մրցանակի ռեկորդակիր է․ ստացել է 4 անգամ՝ որպես լավագույն դերասանուհի՝ ներառյալ «Մասնավոր գործառույթ» (1984) և «Ջուդիթ Հերնի միայնակ կիրքը» (1988) ֆիլմերը, որպես երկրորդ պլանի լավագույն դերասանուհի՝ «Թեյ Մուսոլինիի հետ» (1999) ֆիլմի համար և 3 Ոսկե գլոբուս։ 6 անգամ առաջադրվել է Օսկարի․ «Օթելլո»-ի (1965), «Ճանապարհորդություններ մորաքրոջս հետ» (1972), «Սենյակ՝ տեսարանով» (1986) և «Գոսֆորդ պարկ» (2001) ֆիլմերի համար։

Սմիթը 2001-2011 թվականներին Հարրի Փոթեր ֆիլմաշարում խաղացել է պրոֆեսոր Միներվա ՄակԳոնագալի դերը։ Այլ հայտնի ֆիլմերից են «Love and Pain and the Whole Damn Thing»-ը (1973), «Մահ Նեղոսում» (1978), «Տիտանների մարտը» (1981), «Չարիքն արևի տակ» (1982), «Կապիտան Կրյուկը» (1991), «Գործի՛ր, քո՛ւյր» (1992), «Լավագույն էկզոտիկ Մարիգոլդ հյուրանոցը» (2012) և «The Lady in the Van» (2015)։ 2003 թվականին Սմիթն ստանում է Էմմի մրցանակ «Իմ տունն Ումբրիայում» ֆիլմի համար՝ դառնալով այն քիչ դերասանուհիներից մեկը, որն արժանացել է «մրցակից» մրցանակների[7][8]։ Նկարահանվել է լեդի Վիոլետ Քրոուլիի դերում «Դաունթաուն Էբբի»-ում (2010-2015), որի համար ստացել է 3 Էմմի, ԱՄՆ կինոդերասանների գիլդիայի մրցանակ և Ոսկե գլոբուս։ Նրա պատվավոր մրցանակներից են BAFTA հատուկ մրցանակը (1993), BAFTA Fellowship-ը (1996) և Լոնդոնի թատերական հասարակության հատուկ մրցանակը (2011)։ 2012 թվականին ստացել է Ստրատֆորդի շեքսպիրյան փառատոնի ժառանգության մրցանակ[9], իսկ 2016 թվականին՝ Օքսֆորդի համալսարանի Բոդլեյան գրադարանների Բոդլեյ մեդալ[10]։

Վաղ տարիներ[խմբագրել | խմբագրել կոդը]

Սմիթը ծնվել է Լոնդոնի Իլֆորդ թաղամասում[11][12][13], սակայն 4 տարեկան հասակում ընտանիքի հետ տեղափոխվում է Օքսֆորդ։ Հայրը՝ Նաթանիել Սմիթը, Նյուքասլում ծնված հանրային առողջության ախտաբան էր, որն աշխատում էր Օքսֆորդի համալսարանում, իսկ մայրը՝ Մարգարեթը, Գլազգոյում ծնված քարտուղարուհի[14][15][16][17]։

Երեխա ժամանակ ծնողները Սմիթին պատմում էին իրենց ծանոթության ռոմանտիկ պատմությունը․ թե ինչպես են իրենք հանդիպել Գլազգո-Լոնդոն գնացող գնացքում։ Նա ունի իրենից մեծ զույգ եղբայրներ՝ Ալիստեյրը և Յանը, որոնք ճարտարապետական դպրոց են գնացել։ Մինչև 16 տարեկանը Մեգին հաճախել է Օքսֆորդի ավագ դպրոց, մինչև դերասանական արվեստ սովորելու գնաց Օքսֆորդի թատրոն[18]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Internet Broadway Database — 2000.
  2. 2,0 2,1 2,2 2,3 2,4 2,5 The International Who's Who of Women 2006Routledge, 2005. — ISBN 978-1-85743-325-8
  3. «Orders and decorations conferred by the crown»։ Debrett's։ Վերցված է հունվարի 4, 2015 
  4. Spears W. (դեկտեմբերի 30, 1989)։ «Queen Honors Naipaul, Maggie Smith»։ Philly.com։ Վերցված է հունվարի 1, 2014 
  5. «Film in 1959»։ Bafta.org։ Վերցված է հունվարի 1, 2014 
  6. «Academy Awards Best Actress»։ Filmsite.org։ Վերցված է օգոստոսի 7, 2013 
  7. «What do Al Pacino and Maggie Smith have in common?»։ Los Angeles Times։ հուլիսի 9, 2010։ Վերցված է օգոստոսի 7, 2013 
  8. Croggon Alison (հունիսի 10, 2009)։ «Jewel in the triple crown»։ News.com.au։ Վերցված է հունվարի 1, 2014 
  9. Ouzounian Richard (սեպտեմբերի 10, 2012)։ «Maggie Smith receives Stratford festival’s Legacy Award»։ Toronto Star 
  10. «Dame Maggie Smith open Bodleians Libraries' Shakespeare's Dead exhibition»։ Bodleian.ox.ac.uk։ ապրիլի 29, 2016։ Վերցված է մայիսի 12, 2016 
  11. Romford ceased to be part of the County of Essex in 1965, when it was incorporated into the County of Greater London
  12. Enfield Laura (նոյեմբերի 18, 2015)։ «Ilford born Maggie Smith talks about starring in The Lady in the Van»։ The Tottenham Independent։ Վերցված է հունիսի 16, 2016 
  13. Ilford was, prior to 1965, part of the County of Essex, but now is part of the County of Greater London
  14. Mackenzie Suzie (նոյեմբերի 20, 2004)։ «You have to laugh»։ The Guardian (UK)։ Վերցված է դեկտեմբերի 10, 2007 
  15. «Maggie Smith profile»։ Filmreference.com։ Վերցված է նոյեմբերի 8, 2011 
  16. «Maggie Smith profile»։ Yahoo! Movies։ Վերցված է ապրիլի 21, 2014 
  17. «Maggie Smith biography»։ tiscali.co.uk։ Արխիվացված է օրիգինալից նոյեմբերի 5, 2001-ին։ Վերցված է ապրիլի 21, 2014 
  18. «Maggie Smith biography and filmography»։ Tribute.ca։ Վերցված է օգոստոսի 7, 2013