Արքա Լիր (ֆիլմ, 2018)
 անգլ.՝ King Lear | |
|---|---|
.jpg) | |
| Երկիր | .svg){kind=small} Միացյալ Թագավորություն ԱՄՆ |
| Ժանր | ողբերգություն |
| Հիմք | Արքա Լիր |
| Թվական | 2018 |
| Լեզու | անգլերեն |
| Ռեժիսոր | Ռիչարդ Այր |
| Դերակատարներ | Էնթոնի Հոփքինս, Էմմա Թոմփսոն, Էմիլի Ուոթսոն, Ֆլորենս Փյու, Ջիմ Բրոուդբենթ, Էնդրյու Սքոթ, Ջիմ Քարտեր, Քրիստոֆեր Էքստոն, Տոբայաս Մենզիս, Էնթոնի Կալֆ, Կարլ Ջոնսոն, Ջոն Սթենդինգ, Չակ Իվուջի և Ջոն Մակմիլան |
| Օպերատոր | Բեն Սմիթարդ |
| Երաժշտություն | Սթիվեն Ուորբեք |
| Տևողություն | 115 րոպե |
«Արքա Լիր» (անգլ.՝ King Lear), Վիլյամ Շեքսպիրի համանուն ողբերգության հեռուստատեսային էկրանավորումը, որը նկարահանվել է BBC հեռուստաալիքի պատվերով Playground Television UK Ltd հեռուստաընկերության կողմից։ Պրեմիերան կայացել է 2018 թվականի մայիսի 28-ին BBC 2 հեռուստաալիքով[1][2]։
Սյուժե[խմբագրել | խմբագրել կոդը]
Պիեսի գործողությունները տեղափոխվել են մեր ժամանակներ, «զուգահեռ» ենթադրական Անգլիա, որտեղ ռազմական դիկտատոր Լիր արքան որոշում է հեռանալ հանգստանալու և իր պետությունը բաժանել երեք դուստրերի միջև։ Արքան ցանկանում է իմանալ, թե ինչքան են սիրում իրեն աղջիկները, որպեսզի հասկանա, թե ում թագավորության որ մասը տա։ Սակայն կրտսեր դուստրը հրաժարվում է շողոքորթել հորը, ինչից հետո վերջինս նրան ամուսնացնում է Ֆրանսիայի թագավորի հետ՝ առանց օժիտ տալու, և իր բոլոր ուղեկցորդների հետ տեղափոխվում ավագ դստեր տուն։ Ժառանգությունն ստանալուց հետո Գոներիլն ու Ռեգանը հրաժարվում են ընդունել իրենց հորն իրենց տներում, և արքան հայտնվում է փողոցում[3]։
Թագավորի մերձավորներից մեկը՝ կոմս Գլոստերը, իր կրտսեր՝ ապօրինածին Էդմոնդ որդուց իմանում է, որ ավագ որդին՝ Էդգարը, ծրագրել է սպանել նրան և ստանալ նրա տիտղոսն ու փողերը։ Նա չգիտի, որ դա իշխանությունը գրավել ցանկացող Էդմոնդի խորամանկ ծրագրի մի մասն է։ Էդգարն ստիպված է փախչել հայրենի տնից և ձևանալ խելագար[4]։
Կորդելիան՝ թագավորի կրտսեր դուստրը, իմանում է հոր փախստարակն վիճակի մասին և իր ամուսնու զորքերի օգնությամբ փորձում է նրան վերականգնել գահին։ Գոներիլն ու Ռեգանը պաշտպանում են Էդմոնդին, որը խաբեության միջոցով տիրացել էր հոր ունեցվածքին։ Երեք քույրերի հակամարտությունը վերածվում է մեծամասշտաբ զինված գործողությունների։
Դերերում[խմբագրել | խմբագրել կոդը]
- Էնթոնի Հոփքինս – Լիր, Անգլիայի թագավոր[5]
- Էմմա Թոմփսոն – Գոներիլ, թագավորի ավագ դուստրը[5]
- Էմիլի Ուոթսոն – Ռեգան, թագավորի միջնեկ դուստրը[5]
- Ֆլորենս Փյու – Կորդելիա, թագավորի կրտսեր դուստրը[5]
- Էնթոնի Կալֆ – Ալբանիի դուքս, Գոներիլի ամուսինը[5]
- Թոբայաս Մենզիս – Կորնվալի դուքս, Ռեգանի ամուսինը[5]
- Ջիմ Քարթեր – Քենթի կոմս[5]
- Ջիմ Բրոդբենտ – Գլոստերի կոմս[5]
- Էնդրյու Սքոթ – Էդգար, Գլոստերի որդին[5]
- Ջոն Մաքմիլան – Էդմոնդ, Գլոստերի ապօրինի որդին[5]
- Կարլ Ջոնսոն – ծաղրածու[5]
- Քրիստոֆեր Էքլստոն – Օսվալդ, Գոներիլի պալատական[5]
- Չակ Իվուջի – Ֆրանսիայի թագավոր, Կորդելիայի ամուսինը
Արտադրություն[խմբագրել | խմբագրել կոդը]
Ֆիլմի նկարահանումներն անցկացվել են Մեծ Բրիտանիայի օրիգինալ պատմական հուշարձաններում և կալվածքներում։ Լիր արքայի բնակության վայրը դարձել է Լոնդոնի Թաուերը։ Գլոստերի կոմսի կալվածքը, որտեղ կատարվում են գործողությունների մեծ մասը, նկարահանվել է Հարթֆորդշիրում՝ Հեթվիլդ հաուսում։ Որպես Լիրի ռազմաբազա նկարահանվել է Լա Մանշի ափին գտնվող Դուվրի ամրոցը[6]։
Սթիվենիջ (Հարթֆորդշիր) քաղաքի փողոցներից մեկում անցկացվող նկարահանումներից մեկի ժամանակ խելքը կորցնող տարագիր թագավորի դերի մեջ մտած Էնթոնի Հոփքինսին, որ փողոցով հրում էր սուպերմարկետի սայլակը, մոտեցել է մի կին և չճանաչելով դերասանին, նրան ցույց տվել մոտակա հոսթելի ճանապարհը[7]։
Ծանոթագրություններ[խմբագրել | խմբագրել կոդը]
- ↑ BBC Two — King Lear
- ↑ Flora Carr (2018-05-28)։ «When is BBC2’s King Lear starring Anthony Hopkins on TV?»։ radiotimes.com (անգլերեն)։ Վերցված է 2018-05-30
- ↑ Sam Wollaston (2018-05-28)։ «King Lear review – Anthony Hopkins is shouty, vulnerable and absolutely mesmerising»։ theguardian.com (անգլերեն)։ Վերցված է 2018-05-30
- ↑ Holly Williams (2018-05-30)։ «King Lear review: Anthony Hopkins stars in a murky adaptation»։ independent.co.uk (անգլերեն)։ Վերցված է 2018-05-30
- ↑ 5,00 5,01 5,02 5,03 5,04 5,05 5,06 5,07 5,08 5,09 5,10 5,11 «King Lear cast announced for BBC Two»։ bbc.co.uk (անգլերեն)։ BBC։ 2017։ Վերցված է 2018-05-30
- ↑ Thomas Ling (2018-05-28)։ «Where is BBC’s King Lear filmed»։ radiotimes.com (անգլերեն)։ Վերցված է 2018-05-30
- ↑ Jacob Stolworthy (2018-05-15)։ «Anthony Hopkins 'mistaken for homeless man' while filming BBC film King Lear»։ independent.co.uk (անգլերեն)։ Վերցված է 2018-05-30
|
