Փրկել միստր Բենքսին

Վիքիպեդիայից՝ ազատ հանրագիտարանից
Picto infobox cinema.png
Փրկել միստր Բենքսին
անգլ.՝ Saving Mr. Banks
Փրկել միստր Բենքսին.jpg
ԵրկիրFlag of the United Kingdom (3-5).svg Միացյալ Թագավորություն
Flag of Australia.svg Ավստրալիա
Flag of the United States.svg ԱՄՆ
Ժանրկենսագրական ֆիլմ, դրամա և ֆլեշբեք ֆիլմ
Թեմաանհաջող ընտանիք և հարբեցողություն
Թվականդեկտեմբերի 13, 2013[1], մարտի 6, 2014[2], հունվարի 30, 2014[3][4] և մարտի 14, 2014[5]
Լեզուանգլերեն
ՌեժիսորՋոն Լի Հենքոք
ՊրոդյուսերԱլիսոն Օուեն, Ian Collie? և Philip Steuer?
Սցենարի հեղինակKelly Marcel? և Sue Smith?
ԴերակատարներԹոմ Հենքս, Քոլին Ֆարել, Էմմա Թոմփսոն, Փոլ Ջամատի, Ջեյսոն Շվարցման, Ռութ Ուիլսոն, Բի Ջեյ Նովակ, Բրեդլի Ուիթֆորդ, Քեթի Բեյքեր, Մելանի Փաքսոն, Ռեյչել Գրիֆիթս, Ռոնան Վայբերտ, Mia Serafino?[6], Դեմետրիուս Գրոսս[6], Annie Rose Buckley?, Kristopher Kyer? և Victoria Summer?
ՕպերատորՋոն Շվարցման
ԵրաժշտությունԹոմաս Նյուման
ՄոնտաժՄարկ Լիվոլսի
Պատմվածքի վայրԼոս Անջելես և Լոնդոն
Նկարահանման վայրԼոս Անջելես
ԿինոընկերությունBBC Films, Walt Disney Pictures, EQ Media Group?, Ruby Films? և Hopscotch Features?
Տևողություն125 րոպե
Բյուջե35 000 000 $[7]
Շահույթ117 867 984 $[7]
Պաշտոնական կայքէջ
Commons-logo.svg Saving Mr. Banks Վիքիպահեստում

«Փրկել միստր Բենքսին» (անգլ.՝ Saving Mr. Banks), ամերիկա-բրիտանա-ավստրալիական կենսագրական ֆիլմ՝ նկարահանված 2013 թվականին ռեժիսոր Ջոն Լի Հենկոկի կողմից, իր մեջ համադրում է կատակերգության և դրամայի տարրեր։ Ֆիլմի սցենարի հեղինակներն են Քելլի Մարսելը և Սյու Սմիթը, օպերատորն է Ջոն Շվարցմանը։

Ֆիլմը հիմնված է իրական դեպքերի վրա՝ կապված «Մերի Փոպինս» ֆիլմի ստեղծման հետ, որն էկրաններին է բարձրացել 1964 թվականին։ Ֆիլմի գլխավոր հերոսներն են գրող Պամելա Լինդոն Թրևերսը (Մերի Փոպինսի մասին գրքի հեղինակը) և կինոընկերության հիմնադիր ու ղեկավար Ուոլթ Դիսնեյը, որոնց դերերը խաղում են Էմմա Թոմփսոնն ու Թոմ Հենքսը։

Սյուժե[խմբագրել | խմբագրել կոդը]

1940-ական թվականների սկզբներին Ուոլթ Դիսնեյը (Թոմ Հենքս) իր դուստրերին խոստացել է ֆիլմ նկարահանել Մերի Փոպինսի մասին նրանց սիրելի գրքերի հիման վրա։ Մոտ 20 տարի նա համոզել է այդ գրքերի հեղինակին՝ գրող Պամելա Լինդոն Թրևերսին (Էմմա Թոմփսոն)՝ իրեն թույլ տալ Մերի Փոպինսի մասին ֆիլմ ստեղծել, բայց նա անդրդվելի էր։ Վերջապես 1961 թվականին նրան հաջողվում է կազմակերպել Թրևերսի երկշաբաթյա ուղևորությունը դեպի Լոս Անջելես, որի ընթացքում Դիսնեյը փորձում է սցենարիստ Դոն ԴաԳրադի (Բրեդլի Ուիթֆորդ) և երաժշտության հեղինակներ Շերման եղբայրների՝ Ռիչարդի (Ջեյսոն Շվարցման) ու Ռոբերտի (Բենջամին Նովակ) հետ նրան ներառել ֆիլմի նախապատրաստական աշխատանքների մեջ[8][9]։

Չնայած Դիսնեյի կազմակերպած ջերմ ընդունելությանը և նրա բոլոր ցանկությունները հաշվի առնելու պատրաստակամությանը՝ Պամելա Թրևերսը ապագա ֆիլմի նախագծում դժգոհ էր բառացիորեն ամեն ինչից. նա պահանջում է արմատական փոփոխություն սցենարի մեջ, անիմացիայի լիակատար բացակայություն, ինչպես նաև կատարվող երգերի տեքստերի լեզվական ճշգրտություն։ Բացի այդ, նա կարծում էր, որ ֆիլմում տղամարդու գլխավոր դերը պետք է կատարի ոչ թե ամերիկացի Դիկ Վան Դայքը, այլ բրիտանացի դերասան (թեկնածուների թվում Թրևերսը նշում էր հայտնի դերասաններ Լոուրենս Օլիվիեին, Ռիչարդ Բարթոնին և Ալեք Գինեսին)[8][9]։

Դրան զուգահեռ զարգանում էր ֆիլմի սյուժետային մեկ այլ գիծ՝ կապված Թրևերսի՝ Ավստրալիայում անցկացրած մանկական հիշողությունների հետ, երբ նրան անվանում էին Հելեն Գոֆ (գլխավոր հերոսուհու դերը մանկական տարիքում կատարում է Էննի Ռոուզ Բաքլին)։ Նա հիշում է իր հորը՝ Թրևերս Գոֆին (Քոլին Ֆարել) և մորը՝ Մարգարետին (Ռութ Ուիլսոն)։ Հոր քնքուշ սերն իր երեխաների նկատմամբ զուգակցվում է իր թուլակամության և ալկոհոլամոլության հետ, ինչը, ի վերջո, հանգեցնում է ողբերգական հետևանքների։ Աստիճանաբար պարզ է դառնում գրողի հոր կերպարի և գրքի հերոսներից մեկի՝ միստր Բենքսի սերտ կապը[8][9]։

Չնայած բոլոր հնարքներին, ներառյալ Դիսնեյլենդում համատեղ արշավին, Ուոլթ Դիսնեյին այդպես էլ չի հաջողվում կամակոր գրողին համոզել իրեն ֆիլմն ստեղծելու իրավունք տալ։ Վարորդ Ռալֆի (Փոլ Ջամատի) ուղեկցությամբ Թրևերսը մեկնում է օդանավակայան, որպեսզի վերադառնա Լոնդոն։ Այդ պահին վշտացած Ուոլթ Դիսնեյը, պատահաբար որոշ մանրամասներ իմանալով գրողի անցյալից, փորձում է օգտագործել իր վերջին հնարավորությունը...[10]:

Դերերում[խմբագրել | խմբագրել կոդը]

Դերասան Դեր
Էմմա Թոմփսոն Պամելա Լինդոն Թրևերս Պամելա Լինդոն Թրևերս – գրող, Մերի Փոպինսի մասին գրքերի հեղինակ
Թոմ Հենքս Ուոլթ Դիսնեյ Ուոլթ Դիսնեյ – կինոընկերության հիմնադիր և ղեկավար
Բրեդլի Ուիթֆորդ Դոն Դագրադի Դոն Դագրադի – ֆիլմի սցենարի համահեղինակ
Ջեյսոն Շվարցման Ռիչարդ Մորտոն Շերման Ռիչարդ Մորտոն Շերման – ֆիլմի երաժշտության համահեղինակ, Ռոբերտի եղբայրը
Բենջամին Նովակ Ռոբերտ Շերման Ռոբերտ Շերման – ֆիլմի երաժշտության համահեղինակ, Ռիչարդի եղբայրը
Քոլին Ֆարել Թրևերս Ռոբերտ Գոֆ Թրևերս Ռոբերտ Գոֆ – Պամելայի հայրը
Ռութ Ուիլսոն Մարգարետ Գոֆ Մարգարետ Գոֆ – Պամելայի մայրը
Փոլ Ջամատի Ռալֆ Ռալֆ – լիմուզինի վարորդ, Պամելայի վարորդ
Ռեյչել Գրիֆիթս մորաքույր Էլլի մորաքույր Էլլի – Մարգարետի քույրը
Քեթի Բեյքեր Թոմմի Թոմմի – Ուոլթ Դիսնեյի ստուդիայի օգնականը
Մելանի Փաքսոն Դոլլի Դոլլի – Ուոլթ Դիսնեյի քարտուղարուհին
Էննի Ռոուզ Բաքլի Հելեն Գոֆ Հելեն Գոֆ – Պամելան մանուկ հասակում
Ռոնան Վայբերտ Դիարմայդ Ռասսել Դիարմայդ Ռասսել – Պամելայի գործակալը
Էնդի Մաքֆի միստր Բելհատչեթ միստր Բելհատչեթ – «Բելհատչեթ» ավստրալիական բանկի սեփականատեր
Վիկտորյա Սամմեր Ջուլի Էնդրյուս Ջուլի Էնդրյուս – 1964 թվականի ֆիլմում Մերի Փոպինսի դերակատար
Քրիստոֆեր Կայեր Դիկ Վան Դայկ Դիկ Վան Դայկ – 1964 թվականի ֆիլմում Բերտի և միստր Դոուս-ավագի դերակատար
Դենդրի Թեյլոր Լիլիան Դիսնեյ Լիլիան Դիսնեյ – Ուոլթ Դիսնեյի կինը
Դեմետրիուս Գրոսս բարմեն բարմեն

Պրեմիերա և վարձույթ[խմբագրել | խմբագրել կոդը]

«Փրկել միստր Բենքսին» ֆիլմի համաշխարհային պրեմիերան տեղի է ունեցել 2013 թվականի հոկտեմբերի 20-ին՝ Լոնդոնի կինոփառատոնի ժամանակում[11][12].

ԱՄՆ-ում ֆիլմի պրեմիերան տեղի է ունեցել Լոս Անջելեսում 2013 թվականի նոյեմբերի 7-ին՝ Ամերիկյան կինոարվեստի ինստիտուտի փառատոնի ժամանակ[13][14]։ Այն տեղի է ունեցել Հոլիվուդում՝ Գրաումանի չինական թատրոնում, որտեղ 1964 թվականին տեղի էր ունեցել «Մերի Փոպինս» ֆիլմի պրեմիերան[15]։

Ֆիլմն ԱՄՆ-ում սահմանափակ վարձույթով թողարկվել է 2013 թվականի դեկտեմբերի 13-ին, իսկ անսահմանափակ վարձույթով՝ 2013 թվականի դեկտեմբերի 20-ին[16]։

Ռուսաստանում ֆիլմի պրեմիերան տեղի է ունեցել 2014 թվականի հունվարի 23-ին[17][18]։

Քննադատություն[խմբագրել | խմբագրել կոդը]

Ֆիլմը քննադատներից ընդհանուր առմամբ ստացել է դրական արձագանքներ, հատկապես ընդգծվել են ֆիլմի որակյալ սցենարը և Թոմփսոնի ու Հենքսի դերասանական աշխատանքը[19][20]։ Rotten Tomatoes կայքում 230 քննադատների 80 %-ը ֆիլմին տվել են դրական գնահատական։ Metacritic կայքում ֆիլմն ունի 65 % վարկանիշ՝ հիմնված 46 գրախոսությունների վրա[21]։

Ջեյ Ֆորրին Blindside Reviews կայքում գրել է[8].

Aquote1.png Այս ֆիլմի հաջողությունը պայմանավորված է մի քանի պատճառներով։ Առաջինը՝ հիանալի սցենարով՝ հումորի փոքր քանակությամբ։ Միշտ էլ դժվար է, երբ հեռուստադիտողը նախապես գիտի, թե ինչ է տեղի ունենալու վերջում, բայց այս ֆիլմում նրա բոլոր տարրերը միավորվում են մեկ ամբողջության մեջ։ Երկրորդ՝ դժվար է պատկերացնել ավելի հարմար դերասանական զույգի ընտրություն, քան Թոմ Հենքսին ու Էմմա Թոմփսոնին։ Թոմ Հենքսը կարող է խաղալ ցանկացած դեր, իսկ Էմմա Թոմփսոնը մարմնավորում է Թրևերսին. նրան պետք չէ ընդօրինակել բրիտանական արտասանությունը։ Վերջապես, ֆիլմի երաժշտությունը հրաշալի է, և այն ներառում է շատ սիրված մեղեդիներ «Մերի Փոպինսից»։ Փաստորեն, Շերման եղբայրների կողմից երաժշտության ստեղծման պատմությունն այն է, ինչն ամբողջականություն է հաղորդում ամբողջ պատմությանը։ <...> Թերություններից ես կնշեի այն, որ, թեև ֆիլմին հարկավոր են ներդիրներ Թրևերսի մանկությունից, տպավորություն է ստեղծվում, որ դրանք հայտնվում են ամենաանհարմար պահին։
Aquote2.png


Կինոքննադատ Թայ Բարրը The Boston Globe թերթում գրել է[22].

Aquote1.png Այնուամենայնիվ, ֆիլմը շատ խորաթափանց է և հաճախ բավականին զվարճալի, հատկապես այն պահերին, երբ Թրևերսը կռվում է Դիսնեյի ստուդիայի աշխատակիցների հետ։ Նրանց դերը կատարում են վառ և արտահայտիչ դերասաններ, որոնք կանխամտածված խաղում են ամբողջ ուժով՝ Բրեդլի Ուիթֆորդը սցենարիստ Դոն ԴաԳրադի դերում, Ջեյսոն Շվարցմանը և Բենջամին Նովակը երգերի հեղինակ Ռիչարդ և Ռոբերտ Շերման եղբայրների դերում։ Փոլ Ջամատին հայտնվում է Ռալֆի՝ Թրևերսի վարորդի բավականին փոքր դերով, կարծես միայն այդպիսի հմուտ դերասանը կարող է հանդիսատեսին համոզել իր հերոսի անփոխարինելի աշխույժ լավատեսությամբ։ Եթե դուք (ինչպես և ես) ոչ մի վայրկյան չեք հավատում, որ Հենքսը Դիսնեյ Ուոլթն է, նրան միշտ կարելի է ուրախությամբ ընդունել որպես Թոմ Հենքս։
Aquote2.png


Մրցանակներ և անվանակարգեր[խմբագրել | խմբագրել կոդը]

  • 2013 – ԱՄՆ կինոքննադատների ազգային խորհրդի մրցանակ կանացի լավագույն դերի համար (Էմմա Թոմփսոն)[23][24], ֆիլմի ներառում տարվա լավագույն ֆիլմերի տասնյակում[23]։
  • 2014 – ներկայացվել է «Ոսկե գլոբուս» մրցանակաբաշխության դրամայում կանացի լավագույն դերի համար անվանակարգում (Էմմա Թոմփսոն)[25]։
  • 2014 – ներկայացվել է «Արբանյակ» մրցանակաբաշխության 6 անվանակարգում՝ լավագույն ֆիլմ, կանացի լավագույն դեր (Էմմա Թոմփսոն), երկրորդ պլանի տղամարդու լավագույն դեր (Թոմ Հենքս), լավագույն բնօրինակ սցենար (Քելլի Մարսել, Սյու Սմիթ), լավագույն բեմադրող նկարիչ (Լորեն Պոլիզի, Մայքլ Կորենբլիտ), զգեստների լավագույն ձևավորում (Դենիել Օռլանդի)[26]։
  • 2014 – ներկայացվել է ԱՄՆ կինոդերասանների գիլդիայի մրցանակաբաշխության կանացի լավագույն դերի համար (Էմմա Թոմփսոն) անվանակարգում[27]։
  • 2014 – ներկայացվել է BAFTA մրցանակաբաշխության 5 անվանակարգում՝ բրիտանական լավագույն ֆիլմ, կանացի լավագույն դեր (Էմմա Թոմփսոն), լավագույն երաժշտություն (Թոմաս Նյուման), զգեստների լավագույն դիզայն (Դենիել Օռլանդի), բրիտանացի սցենարիստի, ռեժիսորի կամ պրոդյուսերի լավագույն դեբյուտ (սցենարիստ Քելլի Մարսել)[28]։
  • 2014 – ներկայացվել է Օսկար մրցանակաբաշխության ֆիլմի լավագույն երաժշտության համար անվանակարգ (Թոմաս Նյուման)[29]։
  • 2014 – ներկայացվել է «Սատուրն» մրցանակաբաշխության կանացի լավագույն դերի համար անվանակարգում (Էմմա Թոմփսոն)[30]։

Ծանոթագրություններ[խմբագրել | խմբագրել կոդը]

  1. ↑ Box Office Mojo — 1999.
  2. ↑ Internet Movie Database — 1990.
  3. ↑ http://nmhh.hu/dokumentum/166259/premierfilmek_forgalmi_adatai_2014.xlsx
  4. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  5. ↑ http://www.sfi.se/sv/svensk-filmdatabas/Item/?itemid=79542&type=MOVIE&iv=Basic
  6. ↑ 6,0 6,1 ČSFD (չեխերեն) — 2001.
  7. ↑ 7,0 7,1 http://www.boxofficemojo.com/movies/?page=main&id=savingmrbanks.htm
  8. ↑ 8,0 8,1 8,2 8,3 Jay Forry։ «Saving Mr. Banks» (HTML) (անգլերեն)։ www.blindsidereviews.com։ Վերցված է 2013-12-22 
  9. ↑ 9,0 9,1 9,2 «Saving Mr. Banks» (HTML) (անգլերեն)։ BBC Films — www.bbc.co.uk։ Արխիվացված է օրիգինալից 2019-08-18-ին։ Վերցված է 2013-12-22 
  10. ↑ «Saving Mr. Banks» (HTML) (անգլերեն)։ www.themoviespoiler.com։ Արխիվացված է օրիգինալից 2013-12-24-ին։ Վերցված է 2013-12-23 
  11. ↑ Georg Szalai (օգոստոսի 8, 2013)։ «Disney's 'Saving Mr. Banks' to Close BFI London Film Festival» (HTML) (անգլերեն)։ www.hollywoodreporter.com։ Վերցված է 2013-12-22 
  12. ↑ Stuart Kemp (հոկտեմբերի 20, 2013)։ «Tom Hanks Starrer 'Saving Mr. Banks' Closes BFI London Film Festival» (HTML) (անգլերեն)։ www.hollywoodreporter.com։ Վերցված է 2013-12-22 
  13. ↑ Pete Hammond (սեպտեմբերի 4, 2013)։ «AFI Fest Selects Disney’s ‘Saving Mr Banks’, Bennett Miller’s ‘Foxcatcher’ For Opening Slots» (HTML) (անգլերեն)։ www.deadline.com։ Վերցված է 2013-12-22 
  14. ↑ Gregg Kilday (սեպտեմբերի 4, 2013)։ «Tom Hanks' 'Saving Mr. Banks' to Open AFI Fest» (HTML) (անգլերեն)։ www.hollywoodreporter.com։ Վերցված է 2013-12-22 
  15. ↑ Borys Kit, Scott Feinberg (նոյեմբերի 9, 2013)։ «Saving Mr. Banks' Adds to Momentum at Sing-Along with 'Mary Poppins' Legend» (HTML) (անգլերեն)։ www.hollywoodreporter.com։ Վերցված է 2013-12-22 
  16. ↑ Sophie Schillaci, Pamela McClintock (հունիսի 13, 2013)։ «Disney Dates Musical 'Into the Woods' Opposite 'Annie' in December 2014» (HTML) (անգլերեն)։ www.hollywoodreporter.com։ Վերցված է 2013-12-22 
  17. ↑ «"Спасти мистера Бэнкса" - фильм о легенде» (HTML)։ Cosmopolitan — www.cosmo.ru։ հուլիսի 16, 2013։ Վերցված է 2013-12-22 
  18. ↑ Евгений Ухов (հունվարի 13, 2014)։ «Рецензия на фильм «Спасти мистера Бэнкса» — Мэри и Мышиный король» (HTML)։ www.film.ru։ Վերցված է 2014-01-20 
  19. ↑ Rosen Christopher (հոկտեմբերի 21, 2013)։ «'Saving Mr. Banks' Reviews Are Supercalifragilisticexpialidocious»։ The Huffington Post։ Վերցված է հոկտեմբերի 22, 2013 
  20. ↑ Salazar Francisco (հոկտեմբերի 21, 2013)։ «Oscar Hopeful 'Saving Mr. Banks' Makes World Premiere To Good Reviews»։ Latinos Post։ Վերցված է հոկտեմբերի 21, 2013 
  21. ↑ «Saving Mr. Banks (2013): Reviews»։ Metacritic (անգլերեն)։ CBS Interactive։ Վերցված է 2013-12-25 
  22. ↑ «How Disney came to own ‘Mary Poppins’» (HTML) (անգլերեն)։ The Boston Globe — www.bostonglobe.com։ դեկտեմբերի 12, 2013։ Արխիվացված է օրիգինալից 2013-12-24-ին։ Վերցված է 2013-12-23 
  23. ↑ 23,0 23,1 Clayton Davis (4 декабря 2013)։ «National Board of Review Chooses ‘Her’ as Best Film, Will Forte and Octavia Spencer Land Wins» (HTML) (անգլերեն)։ www.awardscircuit.com։ Արխիվացված է օրիգինալից 2019-11-30-ին։ Վերցված է 2013-12-22 
  24. ↑ «Критики наградили Эмму Томпсон за роль автора «Мэри Поппинс»» (HTML)։ lenta.ru։ դեկտեմբերի 5, 2013։ Վերցված է 2013-12-23 
  25. ↑ «Golden Globe Awards Nominations: ‘12 Years A Slave’ & ‘American Hustle’ Lead Pack (Full List)» (HTML) (անգլերեն)։ www.deadline.com։ դեկտեմբերի 12, 2013։ Վերցված է 2013-12-25 
  26. ↑ Gregg Kilday (դեկտեմբերի 2, 2013)։ «Satellite Awards: '12 Years a Slave' Leads Film Nominees» (HTML) (անգլերեն)։ www.hollywoodreporter.com։ Վերցված է 2013-12-25 
  27. ↑ «Nominations Announced for the 20th Annual Screen Actors Guild Awards» (HTML) (անգլերեն)։ www.sagawards.org։ դեկտեմբերի 11, 2013։ Արխիվացված է օրիգինալից 2015-10-16-ին։ Վերցված է 2013-12-25 
  28. ↑ «Bafta Film Awards 2014: Full list of nominees» (HTML) (անգլերեն)։ www.bbc.co.uk։ հունվարի 8, 2014։ Վերցված է 2013-12-08 
  29. ↑ «Nominees for the 86th Oscars» (HTML) (անգլերեն)։ www.oscars.org։ հունվարի 16, 2014։ Վերցված է 2014-01-20 
  30. ↑ «The 40th Annual Saturn Awards Nominations» (անգլերեն)։ Saturn։ փետրվարի 25, 2014։ Վերցված է 2014-2-26 

Արտաքին հղումներ[խմբագրել | խմբագրել կոդը]

 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Փրկել_միստր_Բենքսին&oldid=8551999» էջից