Եֆիմ Վոլկով

Վիքիպեդիայից՝ ազատ հանրագիտարանից
Jump to navigation Jump to search
Եֆիմ Վոլկով
ռուս.՝ Ефим Волков
Efim Volkov by Alexandr Makovsky.jpg
Ծնվել էապրիլի 4 (16), 1844[1]
ԾննդավայրՍանկտ Պետերբուրգ, Ռուսական կայսրություն
Վախճանվել էփետրվարի 17, 1920(1920-02-17)[2] (75 տարեկանում)
Մահվան վայրՊետրոգրադ, Խորհրդային Ռուսաստան
ՔաղաքացիությունՌուսական կայսրություն
ՌԽՖՍՀ
ԿրթությունՍանկտ Պետերբուրգի գեղարվեստի ակադեմիա
Մասնագիտություննկարիչ
Ժանրբնանկար
ԱնդամակցությունԳեղարվեստական շրջիկ ցուցահանդեսների ընկերություն
Yefim Volkov Վիքիպահեստում

Եֆիմ Եֆիմովիչ Վոլկով (ռուս.՝ Ефим Ефимович Волков, ապրիլի 4 (16), 1844[1], Սանկտ Պետերբուրգ, Ռուսական կայսրություն - փետրվարի 17, 1920(1920-02-17)[2], Պետրոգրադ, Խորհրդային Ռուսաստան), ռուս գեղանկարիչ-բնանկարիչ, Գեղարվեստական շրջիկ ցուցահանդեսների ընկերության անդամ (1879)[3][4], Գեղարվեստի կայսերական ակադեմիայի իսկական անդամ (1895)[5] և ակադեմիկոս (1899)[6]:

Կենսագրություն[խմբագրել | խմբագրել կոդը]

«Ուկրաինական բնանկար խրճիթով», (1910), մասնավոր հավաքածու

Եֆիմ Վոլկովը ծնվել է 1844 թվականի մարտի 23-ին (ապրիլի 4-ին) Սանկտ Պետերբուրգում։ Կրթություն է ստացել Գեղարվեստի կայսերական ակադեմիայում, այնուհետև կատարելագործել է իր արվեստը բնօրինակից էտյուդներ նկարելով։ 1870 թվականին ցուցահանդեսին ներկայացրած «Տեսարան Պետերբուրգի ծայրամասերում» (ռուս.՝ «Вид в окрестностях Петербурга») նկարի համար ակադեմիայից ստացել է ոչ դասային (ազատ) նկարչի կոչում։ 1878 թվականին դարձել է Գեղարվեստական շրջիկ ցուցահանդեսների ընկերության անդամ[3] և այդ ժամանակից ի վեր ամեն տարի մասնակցել է ընկերության կազմակերպած ցուցահանդեսներին՝ համարվելով Ռուսաստանի և մասնավորապես հյուսիսային Ռուսաստանի բնության լավագույն նկարիչներից մեկը։ 1884 թվականին մահացել է Վոլկովի դուստրը։ Այդ ծանր վշտից հետո միայն 1888 թվականին է նա կարողանում կնոջ հետ ճանապարհորդության մեկնել։ Նա լինում է Հունաստանում, Թուրքիայում, Եգիպտոսում ու Պաղեստինում, որտեղ ստեղծում է ծովանկարներ[7]: Ավելի ուշ նրանք ուղևորվում են Պովոլժիե:

1895 թվականին Եֆիմ Վոլկովը դարձել է Գեղարվեստի ակադեմիայի իսկական անդամ, իսկ չորս տարի անց ստացել է ակադեմիկոսի կոչում։ Արյունոտ կիրակիի դեպքերից հետո պերեդվիժնիկների գործունեությունն սկսում է հսկվել ոստիկանության կողմից, նրանց, ինչպես և Վոլկովի ստեղծագործությունների նկատմամբ հետաքրքրությունը մարում է։ Եֆիմ Վոլկովը մահացել է 1920 թվականի փետրվարի 17-ին Պետրոգրադում:

Եֆիմ Վոլկովի ամենահայտնի աշխատանքներից են՝ «Անտառում գարնանը» (ռուս.՝ «В лесу по весне», 1878), «Անտառի ճանապարհնն աշնանը» (ռուս.՝ «Лесная дорога осенью», 1880), «Անտառ ճահճի վրա» (ռուս.՝ «Лес на болоте», 1881), «Լուսաբացին» (ռուս.՝ «На рассвете», 1882, Ֆ. Տերեշչենկոյի սեփականություն), «Խաղաղ օր» (ռուս.՝ «Тихий день», 1882, Սան Դոնատոյի իշխանի՝ Պ. Դեմիդովի սեփականություն), «Վաղ ձյուն» (ռուս.՝ «Ранний снег», 1883), «Անտառային գետակ» (ռուս.՝ «Лесной ручей», 1885) և այլն[8]:

Եֆիմ Վոլկովի ստեղծագործությունները պահվում են Տրետյակովյան պատկերասրահում («Ճահիճն աշնանը» (ռուս.՝ «Болото осенью»), «Վաղ ձյուն» (ռուս.՝ «Ранний снег»), «Աշուն» (ռուս.՝ «Осень»)) և Ռուսական պետական թանգարանում («Գետի վրա», ռուս.՝ «Над рекой»

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 https://rkd.nl/explore/artists/81682
  2. 2,0 2,1 2,2 RKDartists
  3. 3,0 3,1 Рогинская Ф. С. Список членов Товарищества передвижных художественных выставок // Товарищество передвижных художественных выставок. — М.: Искусство, 1989. — 429 с. — 30 000 экз. — ISBN 5-87685-054-3
  4. Васильева Наталья, Истомин Сергей. Ефим Волков. — Белый город, 2007. — 48 с. — (Мастера живописи). — 3000 экз. — ISBN 978-5-7793-1346-9
  5. Кондаков С. Н. Действительные члены // Юбилейный справочник Императорской Академии Художеств 1764 — 1914 = Юбилейный справочникъ Императорской Академии Художествъ 1764 — 1914. — СПб.: Императорская Академия Художеств, 1914. — Т. I. — С. 298. — 350 с.
  6. Кондаков С. Н. Живописцы // Список русских художников к юбилейному справочнику Императорской Академии Художеств = Списокъ русскихъ художниковъ къ юбилейному справочнику Императорской Академии Художествъ. — СПб.: Императорская Академия Художеств, 1914. — Т. II. — С. 42. — 459 с.
  7. Russian Painting: Brief biography
  8. Сомов А. И. Волковъ (Ефимъ Ефимовичъ) // Энциклопедический словарь Брокгауза и Ефрона: В 86 томах = Энциклопедическій словарь / под редакцией К. К. Арсеньева и Ф. Ф. Петрушевского. — СПб.: Ф. А. Брокгауз (Лейпциг), И. А. Ефрон (Санкт-Петербург), 1892. — Т. VII (13) «Волапюкъ – Выговскie». — С. 37. — 480 с.

Արտաքին հղումներ[խմբագրել | խմբագրել կոդը]