Վիտալի Տիխով

Վիքիպեդիայից՝ ազատ հանրագիտարանից
Jump to navigation Jump to search
Վիտալի Տիխով
Виталiй Гавриловичъ ТИХОВЪ
Tikhov by Fechin.jpg
Ծնվել էփետրվարի 2 (14), 1876
ԾննդավայրԿիևյան գուբերնիա, Ռուսական կայսրություն
Վախճանվել է1939[1][2][3]
Մահվան վայրԼենինգրադ, ՌԽՖՍՀ, ԽՍՀՄ
ՔաղաքացիությունՌուսական կայսրություն
ԿրթությունԳեղարվեստի կայսերական ակադեմիա
Մասնագիտություննկարիչ
Ոճժանրային գեղանկարչություն, «նյու»
Ժանրիմպրեսիոնիզմ, նատուրալիզմ
Vitaly Tikhov Վիքիպահեստում

Վիտալի Գավրիլովիչ Տիխով (ռուս.՝ Виталий Гаврилович Тихов, 2 (14) փետրվարի, 1876, Կիևի նահանգ, Ռուսական կայսրություն1939, Լենինգրադ, ԽՍՀՄ), ռուս գեղանկարիչ, որ աշխատել է նյու ժանրում, Գեղարվեստական շրջիկ ցուցահանդեսների ընկերության անդամ[4]:

Կենսագրություն[խմբագրել | խմբագրել կոդը]

«Ռուսական բաղնիքում» (1916), կտավ, յուղանկար, մասնավոր հավաքածու

Վիտալի Տիխովը ծնվել է 1876 թվականի փետրվարի 2-ին Կիևի նահանգում: Ընդհանուր կրթություն է ստացել Մորշանսկի ռեալական ուսումնարանում: 1901 թվականից մինչև 1904 թվականը սովորել է Ալեքսանդր Մակովսկու գեղարվեստի մասնավոր ստուդիայում: 1904 թվականին Ալեքսանդր Մակովսկին ստեղծել է Վիտալի Տիխովի դիմանկարը, որը ներկայացվել է Գեղարվեստական շրջիկ ցուցահանդեսների ընկերության XXXIII ցուցահանդեսում[5]:

1904 թվականին Վիտալի Տիխովը՝ որպես ազատ ունկնդիր, ընդունվել է Գեղարվեստի կայսերական ակադեմիայի Գեղարվեստական բարձրագույն ուսումնարան, որտեղ սովորել է Ալեքսանդր Մակովսկու հոր՝ պրոֆեսոր Վլադիմիր Մակովսկու արվեստանոցում[6]: Վիտալի Տիխովը համարվել է Վլադիմիր Մակովսկու ամենատաղանդավոր աշակերտներից մեկը[7][8]:

1912 թվականին Վիտալի Տիխովն ավարտում է կրթությունն ուսումնարանում: Գեղարվեստի կայսերական ակադեմիայի 1912 թվականի մրցութային ցուցահանդեսին «Լողացող կանայք» (ռուս.՝ «Купальщицы») նկարի համար Վիտալի Տիխովին շնորհվել է նկարչի կոչում կրթաթոշակով արտասահման մեկնելու իրավունքով[9]:

Վիտալի Տիխովը 1916 թվականից մասնակցել է Գեղարվեստական շրջիկ ցուցահանդեսների ընկերության կազմակերպած ցուցահանդեսներին: Նույն թվականին նա դարձել է Ընկերության անդամ: Նա մասնակցել է Ընկերության XLIV, XLV և XLVI ցուցահանդեսներին[4]:

1930-ական թվականներին նկարչի արվեստը կրել է որոշակի փոփոխություններ: Նա սկսում է ստեղծել նկարներ՝ նվիրված նոր հասարակության կառուցմանը, ինդուստրացմանը, Բանվորագյուղացիական Կարմիր բանակին ու նավատորմին, որոնցից են «Կարմիրնավատորմայինների ազատ լողալը» (ռուս.՝ «Вольное купанье краснофлотцев»), «Ватер-поло», «Բանվորուհիները Բալթֆլոտի ենթաշեֆ նավում» (ռուս.՝ «Работницы на подшефном корабле Балтфлота») նկարները և այլն[10]: Սակայն մինչև կյանքի վերջը Վիտալի Տիխոնովը շարունակել է ստեղծագործել նյու ժանրում[11]:

Վիտալի Տիխովը մասնակցել է 1933 թվականին անցկացված «Բանվորագյուղացիական Կարմիր բանակի տասնհինգ տարին» և 1938 թվականին անցկացված «Բանվորագյուղացիական Կարմիր բանակի քսան տարին» ցուցահանդեսներին[12]:

Վիտալի Տիխովն ամուսնացած է եղել նկարչուհի Մարիա Լվովնա Տիխովա-Ֆինկելշտեյնի հետ[13]:

Վիտալի Տիխովը մահացել է 1939 թվականին Լենինգրադում (ներկայում՝ Սանկտ Պետերբուրգ):

Փաստեր[խմբագրել | խմբագրել կոդը]

  • Վիտալի Տիխովի «Լողացող կանայք» (ռուս.՝ «Купальщицы», 1923 թվական) նկարն զբաղեցրել է չորրորդ տեղը 2011 թվականի ամենաթանկ նկարների շարքում. այն աճուրդում վաճառվել է 16 840 000 ռուբլով[14]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Artnet — 1998.
  2. RKDartists
  3. Benezit Dictionary of Artists — 2006. — ISBN 978-0-19-977378-7, 978-0-19-989991-3
  4. 4,0 4,1 Рогинская Ф. Г. Список членов Товарищества передвижных художественных выставок // Товарищество передвижных художественных выставок. — М.: Искусство, 1989. — 429 с. — 30 000 экз. — ISBN 5-87685-054-3
  5. А. В. Маковский. Портрет В. Г. Тихова // Иллюстрированный каталог XXXIII Товарищества передвижных художественных выставок.. — М.: Художественная фототипия К. А. Фишера, 1905. — С. 38. — 123 с.
  6. Кондаков С. Н. ТИХОВЪ, Виталiй Гавриловичъ // Список русских художников к юбилейному справочнику Императорской Академии Художеств = Списокъ русскихъ художниковъ къ юбилейному справочнику Императорской Академіи Художествъ. — СПб.: Товарищество Р. Голике и А. Вильборг., 1914. — Т. II. — С. 196. — 454 с.
  7. «Vitaly Gavrilovich Tikhov» (pdf) (անգլերեն)։ Sotheby's New York։ 2007-04-16։ Արխիվացված է օրիգինալից 2013-05-18-ին։ Վերցված է 2013-05-03 
  8. «Тихов Виталий Гаврилович (1876 - 1939)» (ռուսերեն)։ Энциклопедия Русского искусства «Артпоиск»։ Արխիվացված է օրիգինալից 2013-05-18-ին։ Վերցված է 2013-05-06 
  9. В. Тихов. Прибой. Конкурсная выставка Императорской Академии Художеств. (Присвоены звание художника и заграничная поездка)(ռուս.) // «Нива» : Журнал. — Санкт-Петербург: Товарищество А. Ф. Маркс, 1913. — В. от 2 февраля. — № 5.
  10. «Город Солнца. Феномен «социалистического реализма» в России в 1930–1950 гг. Идеализм и реальность» (ռուսերեն)։ Государственный музейно-выставочный центр «РОСИЗО»։ 2004-08-23։ Արխիվացված է օրիգինալից 2013-05-18-ին։ Վերցված է 2013-05-03 
  11. «Виталий Гаврилович Тихов «Женский портрет (Нина Фогт с обнаженными плечами)»» (ռուսերեն)։ ОАО «Российский аукционный дом»։ Արխիվացված է օրիգինալից 2013-05-18-ին։ Վերցված է 2013-05-06 
  12. Тихов В. Г. // Художественная выставка, 15 лет РККА: живопись, графика, скульптура, текстиль, декоративное искусство, искусство Палеха и Мстеры / Выставочный комитет РВС СССР. Всероссийокий кооперативный союз работников изобразительных искусств. Ответственный редактор Ю. М. Славинского. — М.: Всекохудожник, 1933. — Т. выпуск 35. — 303 с. — (Каталоги художественных выставок).
  13. Суворин А. С. Художники // 1917. Весь Петроград на 1917 год. Адресная книга / ред. А. П. Шашковский.. — 24-й г. изд.. — Петроград.: Т-во А. С. Суворина «Новое время», 1917. — 930 с. — ISBN 1917_1010
  14. Владимирова Елена, Богданов Владимир (2011-12-28)։ «Топ-10 по-русски. Самые дорогие картины на аукционах России в 2011 году» (ռուսերեն)։ ARTinvestment.RU։ Արխիվացված է օրիգինալից 2013-05-18-ին։ Վերցված է 2013-05-06 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]