Մինի Եվրոպա
 | |
|---|---|
 Մինի Եվրոպան Բրուպարկում | |
| Տեսակ | մանրակերտների զբոսայգի |
| Մասն է | Bruparck? |
| Երկիր |  Բելգիա |
| Վարչատարածք | Բրյուսել |
| Հիմնվել է | հունիսի 1, 1989 |
| Մակերես | 24 000 քառակուսի մետր |
| Անդամակցություն | Verband Deutscher Freizeitparks und Freizeitunternehmen?[1] |
  | |
 | |
Մինի Եվրոպա, այգի Բրուպարկում, Բրյուսելում։ Այգում ներկայացված են Եվրոպական միության ամենագեղեցիկ հուշարձանները՝ 1/25 մասշտաբով։ Ցուցադրված են շուրջ 80 քաղաք և 350 շինություն[2]։
Այգին հայտնի է մանրակերտների որակով։ Այգում կան բազմաթիվ անիմացիաներ՝ գնացք, ջրաղաց, Վեզուվ հրաբխի ժայթքումը, մեքենաներ և այլն։ Ուղեցույցում ներկայացված են մանրամասներ բոլոր հուշարձանների մասին։ Երթուղու վերջում «Եվրոպայի հոգին» ինտերակտիվ ցուցահանդեսը ներկայացնում է Եվրոպական միությունը ինտերակտիվ և խաղային ձևով։
Այգին կառուցվել է 24.000 մ² տարածքի վրա։ Նախնական ներդրումների ծավալը կազմել է 10 միլիոն եվրո։ Այգու հանդիսավոր բացումը տեղի է ունեցել 1989 թվականին, Բելգիայի արքա Ֆիլիպի կողմից։ Վերջինս այդ ժամանակ արքայական գահի ժառանգորդն էր։
Հուշարձանի շինարարություն[խմբագրել | խմբագրել կոդը]
Հուշարձաններն ընտրվել են Եվրոպայի համար իրենց ճարտարապետական արժեքների և կարևորության համար։ Նման առաջին ընտրությունից հետո անհրաժեշտ էր գտնել գծագրեր և լուսանկարներ։ Այս փուլը հետազոտելու համար ծախսվել է ավելի քան 200 հազար եվրո։ Հուշարձանների մեծ մասը կառուցվել է ձուլման մեթոդով։ Մասերը պատրաստվել են տարբեր նյութերից, որոնք հետո պատճենվել են սիլիկոնային ձուլման մեթոդով։ Վերջնական պատճենը կազմվել է էպոքսիդային խեժից (առաջին) և պոլիեսթերային պլաստիկից (վերջնական տեսք)։ Երեք հուշարձաններ պատրաստված են քարից (օրինակ՝ Պիզայի աշտարակը կառուցված է մարմարից)։ Երկու մակետների պատրաստման համար կիրառվել է նոր ֆրեզերային տեխնոլոգիա։
Ապա կառույցները գունավորվել են։ Վերջում հուշարձանը տեղադրվել էր ձևավորված և լուսավորված վայրում։ Սանտյագո դե Կոմպոստելա քաղաքը պահանջել է ավելի քան 24000 ժամ աշխատանք։
Շատ հուշարձաններ ֆինանսավորվել են Եվրոպայի երկրների կամ տարածաշրջանների կողմից։
.jpg)
Անիմացիաներ[խմբագրել | խմբագրել կոդը]
Հսկայական այգում կան տարբեր տեսակի անիմացիաներ՝ գնացքներ, ջրաղացներ, ձայներ, Վեզուվ հրաբխի ժայթքումը, Բեռլինի պատի անկումը, Վենետիկի գոնդոլները, մեքենաներ։ Այս անիմացիաները ներկայացնում են արդյունաբերական նախատիպեր, որոնք կայուն են երկար ժամանակ շահագործման և տարբեր եղանակային պայմաններում (սառնամանիք, անձրև, շոգ)։
Մինի Եվրոպայի ուղեցույց[խմբագրել | խմբագրել կոդը]
Ուղեցույցը պարունակում է բազմաթիվ տեղեկություններ և մանրամասներ հուշարձանների վերաբերյալ։ Ուղեցույցը մատչելի է 11 լեզուներով։
Եվրոպայի հոգին[խմբագրել | խմբագրել կոդը]
Երթուղու վերջում Եվրամիության համար հատկացված տարածքը համառոտ ներկայացնում է նրա պատմությունը, հաջողությունները, մշակույթը, հաստատությունների գործունեությունը, ամենամեծ շուկան, ընդլայնման պատճառները, հիմնականում՝ խաղի ձևով։ Դպրոցների համար կան բազմաթիվ մանկավարժական ծրագրեր։
Իր ողջ գործունեության ընթացքում Մինի Եվրոպան բարոյական աջակցություն է ստացել Եվրոպական հանձնաժողովի և Եվրոպական խորհրդարանի կողմից։
Մինի Եվրոպայի մանրակերտների ցանկ[խմբագրել | խմբագրել կոդը]
- Մելկ
- Վեստմինստերյան պալատ և Բիգ Բեն
- Ստրատֆորդ ըփոն Էյվոն և Շոտտերի
- Անգլիական ծառեր և Բաբուրի
- Լոնգլիթ
- Բաթ
- Դուվր
- Կուպալնի Սեչենի Բուդապեշտ
- Բրանդենբուրգյան դարպասներ Բեռլին
- Բեռլինի պատ
- Միլենիումտրում (Մագդեբուրգ)
- Լյուբեկ
- Շպայերի տաճար
- Սեստ
- Բոն
- Էլցի ամրոց
- Վիսե
- Թրիեր
- Տրելեբորգ
- Կոպենհագեն, Նոր Գավան և Բիրժա
- Գլենդալո և Բալիդեվիդ
- Կաշելի ժայռ
- Էլ Էսկորիալ
- Լա Մանչա
- Սևիլյա
- Բարսելոնա
- Սանտյագո դե Կոմպոստելա
- Կուրիոնի թատրոն (Լիմասոլ)
- Ազատության հուշարձան (Ռիգա)
- Ադոլֆի կամուրջ
- Գդանսկ
- Պորտուգալիա
- Տորրի դի Բելեն
- Գիմարայնշ
- Պորտու
- Ալգարվե
- Մոգոշոյա պալատ
- Կապույտ եկեղեցի
- Լյուբլյանայի երեք կամուրջները
- Օլավինլինայի ամրոց
- Էյֆելյան աշտարակ (Փարիզ)
- Պոմպիդու կենտրոն (Փարիզ)
- Հաղթակամար (Փարիզ)
- Սակրե Կյոր բազիլիկ (Փարիզ)
- Ռոնշան
- Կլյո Վուժոյի ամրոց
- Շենոնսո (դղյակ)
- Արկ-է-Սենան
Տես նաև[խմբագրել | խմբագրել կոդը]
- Մադյուրոդամ, Նիդերլանդներ
Ծանոթագրություններ[խմբագրել | խմբագրել կոդը]
- ↑ https://vdfu.org/mitglied/mini-europe
- ↑ «Description - Mini europe». Mini europe (ամերիկյան անգլերեն). Արխիվացված է օրիգինալից 2017 թ․ նոյեմբերի 7-ին. Վերցված է 2017 թ․ նոյեմբերի 4-ին.
Արտաքին հղումներ[խմբագրել | խմբագրել կոդը]
- Mini-Europe official website
- Mini-Europe in Brussels
- Koshy, Yohann (2016 թ․ ապրիլի 27). «These Photos of a Crumbling Pro-EU Theme Park Show a Europe in Existential Crisis». Vice. Վերցված է 2016 թ․ ապրիլի 29-ին.
 | Վիքիպահեստն ունի նյութեր, որոնք վերաբերում են «Մինի Եվրոպա» հոդվածին։ |
| ||||||
