Ռիլա

Կաղապար:PAGENAMEBASEՌիլա
	բուլղար․՝ Рила, Рила-Планина
Տեսակ	լեռնաշղթա
Երկիր	Բուլղարիա
Նյութ	փոխակերպված ապար
Լեռնաշղթա	Rilo–Rhodope massif?
Բարձրություն (ԲԾՄ)	2925 մետր
Մակերես	2629 կմ²
Մեծագույն գագաթ	Մուսալա

Ռիլա (բուլղար․՝ Рила, Рила-Планина), լեռնաշղթա Բուլղարիայի հարավարևմտյան մասում։ Ամենաբարձր գագաթը՝ Մուսալան է (2925մ)։ Այն ամենաբարձրն է թե' Բուլղարիայում, թե' Բալկանյան թերակղզում և թե' Արևելյան Եվրոպայում։ Մինչև ծովի մակարդակից 2000մ բարձրությունը լեռների լանջերը պատված են խառը տիպի անտառներով (կաղնի, հաճարենի), ավելի մեծ բարձրություններում ալպյան մարգագետիններն են սառցադաշտի ոչ մեծ լճերով՝ Ռիլայի յոթ լճեր, Չեռնոպոլյանսկի լճեր։ Լեռնաշղթայից հոսում են գետեր, որոնցից խոշորներն են Իսկիրը, Մարիցան, Մեստան։ Ռիլան Էգեյան և Սև ծովերի խոշորագույն ջրբաժանն է։ Գագաթներին տարվա մեծ մասում ջերմաստիճանը ցածր է 0°С-ից։

Զարգացած են անտառօգտագործման և անասնապահության ոլորտները։ Լեռնաշղթայի մեծ մասը կազմում է ազգային պարկը։

Լեռներում զարգացած են զբոսաշրջությունը, լեռնագնացությունը, լեռնադահուկային մարզաձևը։ Ռիլայում են տեղակայված հանքային ջրերով հայտնի մի քանի խոշոր առողջարաններ, որոնցից ամենահայտնին Բորովեցն է։

Լեռնաշղթայի հարավարևմտյան մասում գտնվում է 10-րդ դարում հիմնադրված Ռիլայի վանական համալիրը, որ ընդգրկված է ՅՈՒՆԵՍԿՕ-ի համաշխարհային ժառանգության ցանկում և մեծ հետաքրքրություն է վայելում զբոսաշրջիկների շրջանում։ Հարավային մասում՝ Դոբիրսկո գյուղում, կա եկեղեցի՝ նվիրված սուրբ Ֆյոդոր Տիրոնին և Ֆյոդոր Ստրատիլատին։ Եկեղեցին թվագրվում է 1614 թվականին։