Դմիտրի Մեդվեդև

Վիքիպեդիայից՝ ազատ հանրագիտարանից
Jump to navigation Jump to search
Դմիտրի Մեդվեդև
Dmitry Medvedev govru official photo 2.jpg
 
Կուսակցություն՝ Միասնական Ռուսաստան և ԽՄԿԿ
Կրթություն՝ Սանկտ Պետերբուրգի համալսարանի իրավաբանական ֆակուլտետ և Վորոնեժի պետական համալսարան
Գիտական աստիճան՝ իրավաբանական գիտությունների թեկնածու
Մասնագիտություն՝ իրավաբան, քաղաքական գործիչ, լուսանկարիչ, բլոգեր, փաստաբան, դերասան և գործարար
Ազգություն ռուս
Դավանանք ուղղափառություն
Ծննդյան օր սեպտեմբերի 14, 1965(1965-09-14)[1][2] (53 տարեկան)
Ծննդավայր Լենինգրադ, ՌԽՖՍՀ, ԽՍՀՄ[3][4]
Քաղաքացիություն Flag of the Soviet Union.svg ԽՍՀՄ և Flag of Russia.svg Ռուսաստան[5][6][7]
Ամուսին Սվետլանա Մեդվեդևա
 
Կայք՝ da-medvedev.ru
 
Ինքնագիր Signature of Dmitry Medvedev.svg
 
Պարգևներ

Փառքի շքանշան, «Ի հիշատակ Կազանի 1000-ամյակի» մեդալ, «Հայրենիքին մատուցած ծառայությունների համար» 1-ին աստիճանի շքանշան, Պերի արևի օդենի մեծ խաչ, Ազատագրողի շքանշան, «Դանաքեր» օրդեն, «Աստանայի 10 տարի» մեդալ, անվանական հրազեն, Ռուսաստանի Դաշնության կառավարական մրցանակ, ՌԴ կառավարության մրցանակ կրթության ոլորտում, Ուացամոնգա շքանշան, maroon beret? և Order of St. Sava?

Դմիտրի Անատոլևիչ Մեդվեդև (սեպտեմբերի 14, 1965(1965-09-14)[1][2], Լենինգրադ, ՌԽՖՍՀ, ԽՍՀՄ[3][4]), ռուս պետական և քաղաքական գործիչ: 2012 թվականի մայիսի 8-ից Ռուսաստանի դաշնության կառավարության ղեկավար[8][9][10]:

2008 թվականի մայիսի 7-ից մինչև 2012 թվականի մայիսի 7-ը եղել է Ռուսաստանի Դաշնության նախագահը: 2012 թվականի մայիսի 26-ից «Միասնական Ռուսաստան» կուսակցության նախագահն է: 2000-2001, 2002-2008 թվականներին եղել է «Գազպրոմ» ՍՊԸ-ի տնօրենների խորհրդի նախագահը: 2005 թվականի նոյեմբերի 14-ից մինչև 2008 թվականի մայիսի 7-ը եղել է Ռուասատանի դաշնության կառավարության առաջին փոխվարչապետը, գերակա նշանակություն ունեցող ազգային ծրագրերի պատասխանատուն: Դմիտրի Մեդվեդևը, ում համարում են առավել լիբերալ, քան Վլադիմիր Պուտինին, նախագահի պաշտոնում իր առջև գերակա խնդիր է դրել մոդեռնիզացիայի ծրագիրը՝ ուղղված Ռուսաստանի տնտեսությանը և հասարակությանը, երկրի՝ նավթից և գազից ունեցած կախվածության թուլացմանը: Մեդվեդևի նախագահության ժամանակ Ռուսաստանը հաղթանակ տարավ Հարավային Օսեթիայի հետ զինված պայքարում, ինչպես նաև հաղթահարեց համաշխարհային տնտեսական ճգնաժամը: Նա հանդիսանում է ՌԴ իրավապահ մարմինների բարեփոխումների նախաձեռնողը, ինչպես նաև կոռուպցիայի դեմ պայքար սկսեց, ընդ որում՝ հետագայում զանգվածային լրատվության միջոցների և որոշ քաղաքական գործիչների հրապարակումներում հենց ինքն էր մեղադրվում կոռուպցիայի մեջ:

Կենսագրություն[խմբագրել | խմբագրել կոդը]

Ծագում[խմբագրել | խմբագրել կոդը]

Հայրը՝ Անատոլի Աֆանասևիչ Մեդվեդևը[11][12] (1926 թվականի նոյեմբերի 19-2004 թվական), Լենինգրադի՝ Լենսովետի անվան տեխնոլոգիական ինստիտուտի (այժմ՝ Սանկտ Պետերբուրգի պետական տեխնոլոգիական ինստիտուտ) պրոֆեսոր էր, 1952 թվականից Համամիութենական կոմունիստական կուսակցության անդամ էր: Պապը՝ Աֆանասի Ֆյոդորովիչ Մեդվեդևը (1904-1994 թվականի մայիսի 20), 1933 թվականից կուսակցական գործիչ է եղել: Մեծ հայրենական պատերազմի մասնակից էր, կապիտան: 1944 թվականին պարգևատրվել է «Կովկասի պաշտպանության համար» մեդալով[13]: 1946-1951 թվականներին աշխատել է Պավլովյան շրջանում՝ որպես շրջկոմի քարտուղար, իսկ 1955-1958 թվականներին եղել է Կորենովսկի շրջկոմի քարտուղարը, հետագայում Կրասնոդարի շրջանում որպես հրահանգիչ է աշխատել[14]: 1985 թվականին պարգևատրվել է Հայրենական պատերազմի երկրորդ աստիճանի շքանշանով[15]: Տատիկը՝ Նադեժդա Վասիլևնա Մեդվեդևան, տնային տնտեսուհի էր, ով դաստիարակում էր երեխաներին՝ Սվետլանային և Անատոլիին, մահացել է 1990 թվականի մայիսի 24-ին[14]:

Մայրը՝ Յուլյա Վենիամինովնան (ծնվ.՝ 1939 թվականի նոյեմբերի 21-ին), ով Վենիամին Սերգեևիչ Շապոշնիկովի [16][17] և Մելանյա Վասիլևնա Կովալյովայի[18][19] դուստրն էր, մասնագիտությամբ բանասեր էր, դասավանդում էր Ռուսաստանի՝ Ա.Ի. Հերցենի անվան պետական մանկավարժական համալսարանում: Ավելի ուշ որպես էքսկուրսավար աշխատել է Պավլովսկում: Նրա նախնիները՝ Սերգեյ Իվանովիչ և Եկատերինա Նիկիտայի Շապոշնիկովները, Վասիլի Ալեքսանդրովիչ և Անֆիա Ֆիլիպովնա Կովալյովները, արմատներով Բելգորոդի մարզի Ալեքսեևկա քաղաքից էին[12][20]:

Մանկություն և պատանեկություն[խմբագրել | խմբագրել կոդը]

Դմիտրի Մեդվեդևը 1967 թվականին (մոտավորապես երկու տարեկան հասակում)

ծնվել է 1965 թվականի սեպտեմբերի 14 Լենինգրադում: Ընտանիքի միակ երեխան էր: Ընտանիքը բնակվում էր Լենինգրադի ծայրամաս հանդիսացող Կուպչինո մարզում[21]:

Դմիտրի Մեդեվեդևը պահպանում է կապն իր նախկին՝ № 305 դպրոցի հետ[22]: Ուսուցչուհի Վերա Սմիրնովան հետագայում պետք է հիշեր.

Aquote1.png «Նա սովորում էր ջանասիրաբար, իր ողջ ժամանակը նվիրում էր ուսմանը: Նրան հազվադեպ կարելի էր փողոցում տեսնել այլ երեխաների հետ խաղալիս: Նա հետզհետե նմանվում էր փոքրիկ ծերուկի»[23] Aquote2.png

Ծանոթագրություններ[խմբագրել | խմբագրել կոդը]

  1. 1,0 1,1 Person Profile // Internet Movie Database — 1990.
  2. 2,0 2,1 http://www.nytimes.com/2007/12/11/world/europe/11medvedev.html
  3. 3,0 3,1 3,2 http://www.nytimes.com/2007/12/11/world/europe/11russia.html?pagewanted=all
  4. 4,0 4,1 4,2 http://www.theguardian.com/football/2013/feb/13/liverpool-zenit-st-petersburg-racism
  5. http://www.nytimes.com/2008/09/10/world/europe/10smoking.html?hp
  6. http://www.nytimes.com/2007/02/25/magazine/25RUSSIA.t.html?pagewanted=all
  7. http://www.nytimes.com/2011/11/24/world/europe/russia-elevates-warning-about-us-missile-defense-shield-plan.html
  8. «Медведев, Дмитрий — председатель правительства Российской Федерации» (ռուսերեն)։ Лента.ру։ Արխիվացված օրիգինալից-ից 2013-06-12-ին։ Վերցված է 2006-12-22 
  9. «Дмитрий Медведев — биография» (ռուսերեն)։ Личный сайт Дмитрия Анатольевича Медведева։ Արխիվացված օրիգինալից-ից 2013-06-12-ին։ Վերցված է 2013-06-12 
  10. «Биография премьер-министра России Д.А. Медведева» (ռուսերեն)։ premier.gov.ru։ Վերցված է 2018-09-01 
  11. «Приоритетные национальные проекты / Стенограммы / Стенограмма беседы первого заместителя председателя Правительства Российской Федерации Дмитрия Медведева с представителями СМИ Центрального федерального округа…»։ Արխիվացված օրիգինալից-ից 2011-08-24-ին։ Վերցված է 2008-02-17 
  12. 12,0 12,1 Биография на персональном сайте 1 сентября 2009
  13. «Память народа :: Документ о награде :: Медведев Афанасий Федорович, Медаль «За оборону Кавказа»»։ pamyat-naroda.ru։ Վերցված է 2015-12-03 
  14. 14,0 14,1 «МК» откопал корни Медведева — Политическая жизнь России — МК
  15. «Память народа :: Документ о награде :: Медведев Афанасий Федорович, Орден Отечественной войны II степени»։ pamyat-naroda.ru։ Վերցված է 2015-12-03 
  16. «Память народа :: Донесение о безвозвратных потерях :: Шапошников Вениамин Сергеевич, 14.07.1942, попал в окружение (освобожден),»։ pamyat-naroda.ru։ Վերցված է 2015-12-03 
  17. «ОБД Мемориал»։ www.obd-memorial.ru։ Վերցված է 2015-12-03 
  18. Мир Белогорья — Чем близка Алексеевка Дмитрию Медведеву — Районные издания > Газета «Заря» Алексеевского и Красненского районов — Обзор прессы
  19. Новости — Руспрес
  20. Дмитрий Медведев о себе
  21. http://epic-hero.ru/2011/03/06/bg/ № 74 // Статья о детстве и юности Медведева в Epic-Hero.ru
  22. У школы президента Медведева в Купчино откроют новый стадион
  23. Президент Олбанской федерации. Who is Mr Medvedeff? // Камышев Виталий, Колесников Андрей, «Новое время», 21 мая 2007 г.