Լիոնել Մեսսի

Վիքիպեդիայից՝ ազատ հանրագիտարանից
(Վերահղված է Լիոնել Մեսիից)
Ֆուտբոլ

Լիոնել Մեսսի
Lionel Messi at Bernabeu.jpg
Անձնական տեղեկատվություն
Ամբողջ. անուն Լիոնել Անդրես Մեսսի[1]
Ծննդյան թիվ   հունիսի 24, 1987 (1987-06-24) (27 տարեկան)[2]
Ծննդավայր   Ռոսարիո,

Արգենտինա

Հասակ 169 սմ[2]
Դիրք Հարձակվող
Ակումբային տեղեկատվություն
Ներկա ակումբ Իսպանիա Բարսելոնա
Համար 10
Պատանեկան կարիերա
1995 - 2000
2000 - 2004
Նյուելզ Օլդ Բոյզ
Բարսելոնա
Մասնագիտական կարիերա1
Տարի Ակումբ Խաղ (Գոլ)
2003 - 2004
2004 - 2005
2004 -
Բարսելոնա C
Բարսելոնա B
Բարսելոնա
22 (6)
206 (157)
238 (206)   
Ազգային հավաքական
2005
2008
2005 —
Արգենտինա Արգենտինա (մինչև 20)
Արգենտինա Արգենտինա (մինչև 23)
Արգենտինա Արգենտինա
7 (6)
5 (2)
66 (19)

1 Մասնագիտական կարիերայում ընդգրկված են
միայն առաջնության խաղերը և գոլերը.

Լիոնել Անդրես «Լեո» Մեսսի[3] (իսպ.՝ Lionel Andres Messi, Հունիսի 24, 1987, Ռոսարիո), արգենտինացի ֆուտբոլիստ, հարձակվող, իսպանական «Բարսելոնա» ֆուտբոլային ակումբի և Արգենտինայի հավաքականի խաղացող։ Լիոնել Մեսսին համարվում է բոլոր ժամանակների լավագույն ֆուտբոլիստներից մեկը, նրան հաճախ համեմատում են Դիեգո Մարադոնայի հետ, իսկ վերջինս նրան համարում է իր «հետնորդը» [4][5]։ Մեսսին «Ոսկե գնդակի» քառակի մրցանակակիր է (2009, 2010, 2011, 2012) [6][7][8][9][10][11][12]։

Մեսսին ֆուտբոլ խաղալ սկսել է երիտասարդ տարիքում և իր հմտություններն ու ներուժը շուտով իրագործել է «Բարսելոնայում»։ Նա «Նյուելս Օլդ Բոյսի» երիտասարդական թիմից «Բարսելոնա» է տեղափոխվել 2000 թվականին։ 2004-05 մրցաշրջանում նա դարձավ թիմի ամենաերիտասարդ ֆուտբոլիստը, ով առաջնությունում գոլի հեղինակ է դարձել։ Մեսսին շուտով լուրջ հաջողությունների հասավ իր թիմի հետ՝ երկու անգամ հաղթելով Լա Լիգայում (2005, 2006) և Չեմպիոնների Լիգայում (2006)։

2006-07 մրցաշրջանից նա դարձավ հիմնական կազմի խաղացող, դարձավ հեթ-տրիկի հեղինակ «Էլ Կլասսիկոյում» և մրցաշրջանն ավարտեց 14 գոլով 26 լիգայի խաղերում։ Մեսսիի ամենահաջող մրցաշրջանը 2008-09 սեզոնն է, որտեղ նա խփեց 38 գոլ և կարևոր դեր խաղաց իր թիմի հաղթարշավում։ Այդ սեզոնում Բարսելոնան հաղթեց Լա Լիգայում, նվաճեց Իսպանիայի գավաթը և Չեմպիոնների Լիգայի գավաթը։ 2009-10 մրցաշրջանում Մեսսին դարձավ 47 գոլի հեղինակ՝ կրկնելով Ռոնալդոյի ռեկորդը, իսկ 2010-11 մրցաշրջանում Մեսսին դարձավ 53 գոլի հեղինակ բոլոր մրցաշարերում։

Մեսսին հինգ անգամ դարձել է Իսպանիայի չեմպիոն, երեք անգամ հաղթել է Չեմպիոնների Լիգայում՝ «Մանչեսթեր Յունայթեդի» դեմ երկու եզրափակիչներում էլ դառնալով գոլի հեղինակ։ 2010-11 Չեմպիոնների Լիգայում դառնալով 12 գոլի հեղինակ՝ Մեսսին դարձավ երրորդ խաղացողը պատմության մեջ, ով երեք անգամ անընդմեջ դառնում է Չեմպիոնների Լիգայի լավագույն ռմբարկու[13]։

Մեսսին 2005 ՖԻՖԱ Աշխարհի պատանեկան առաջնության լավագույն ռմբարկուն է վեց գոլերով, այդ թվում՝ երկուսը եզրափակիչ խաղում։ Շուտով նա դարձավ Արգենտինայի ազգային հավաքականի անդամ։ 2006 թ. նա դարձավ ամենաերիտասարդ խաղացողը, ով մասնակցեց է ՖԻՖԱ-ի աշխարհի առաջնությանը, իսկ 2007-ին մասնակցեց Ամերիկայի գավաթի եզրափակչին։ 2008-ին, Պեկինում, նա շահեց իր առաջին միջազգային տիտղոսը՝ դառնալով օլիմպիական չեմպիոն։ Արգենտինայի ֆուտբոլի ազգային հավաքականում Մեսսին դարձել է 19 գոլի հեղինակ ավելի քան 60 խաղում։

Կենսագրություն[խմբագրել]

«Այն հնարքները, որոնք նա կատարում էր գնդակով, խիստ հակասում էին նրա ֆիզիկական տվյալներին։ Նման կարգի հակասություն ես իմ գործունեության ընթացքում նկատել եմ միայն մեկի մոտ՝ Մարադոնայի»:

Էնրիկե Դոմինգես, «Նյուելզ Օլդ Բոյս» թիմի մանկական խմբակի մարզիչ։

Լիոնել Մեսսին կամ էլ պարզապես Լեոն, ծնվել է 1987 թվականի հունիսի 24-ին արգենտինական Սանտա Ֆէ քաղաքում։ Նա ծնվել և մեծացել է ամեն ինչով ապահովված ընտանիքում։ Նրա ծնողներն էին Խորխե Հորասիա Մեսսին և Մարիա Կուկիչինին[14][15][16][17]։

Մեսսիների ընտանիքը ծագում էր իտալական Անկոնա քաղաքից, որտեղից նրա նախահայրը, Անջելո Մեսսին, գաղթել է Արգենտինա[18][19]։ Նա ունի երկու ավագ եղբայրներ, որոնցից մեկը նրանից մեծ է 5, մյուսը՝ 7 տարով, և մեկ քույր[20]։

Նա սկսել էր իր կարիերան 1995 թվականին «Նյուելզ Օլդ Բոյս» թիմում։ [21] 11 տարեկանում նրա մոտ հայտնաբերվում է աճի հորմոնի հետ կապված խանգարում, որը դանդաղեցնում էր նրա աճը, ընտանիքը չէր կարողանում գումար հայթայթել բավականին թանկ բուժման համար։ [22] Երիտասարդ Մեսսիի տաղանդի մասին պատմում են «Բարսելոնա» ֆուտբոլային ակումբի սպորտային գծով տնօրենին, որը Մեսսիի խաղը դիտելուց հետո, առաջարկում է վերցնել նրան ակումբ և հոգալ բուժման ծախսերը, եթե նա համաձայնվի սկսել նոր կյանք Իսպանիայում։ 13 տարեկանում իր ծնողների հետ տեղափոխվում է Իսպանիայի Բարսելոնա քաղաք։ [23]

Սակայն մինչ այդ Լիոնելով սկսեցին հետաքրքրվել «Ռիվեր Փլեյթի» ղեկավարները, սակայն «կարմրա-սպիտակավունների» շարքին տեղափոխվելուն խանգարեց բյուրոկրատական պահանջները։ Բշժկական բազմաթիվ թղթերը հոգնեցրին Խորխե Մեսսիին և նա հրաժարվեց բանակցություններից։ Հավանաբար սա էլ դարձավ այն կետը, որը բերեց նրան «Բարսելոնա»։ [21][23]

Կարիերա[խմբագրել]

Վաղ տարիներ[խմբագրել]

Մեսսին 2007 թվականին։

Մեսսին սկսեց խաղալ «Բարսելոնայի» մարզադպրոց։ Արդյունքը գերազանցեց բոլոր սպասելիքները։ Լիոնելը բոլորից մի գլուխ բարձր որակի խաղ էր ցուցադրում, չնայած որ իր թիմակիցներից փոքր էր 2-3 տարով։ «Կանտերայի» ավագ մարզիչ Կառլես Ռեկսաչը անմիջապես դիմեց ղեկավարությանը, ասելով, որ Մեսսիին առանց մտածելու պետք է վերցնել թիմի հիմնական կազմ։ [17]

Լեո Մեսսիի հետ եղած բուժման խնդիրները և ամեն ինչ ակումը վերցրել էր իր վրա և ոչ մի հանգամանք չէր կարող խանգարել նրան իր ուղու վրա։ [21][23] Երբ 2000 թվականին Մեսսին առաջին անգամ հագավ Բարսելոնայի մարզաշապիկը, նրա հասակը ընդամենը 140 սմ էր։ [21][23] Փոխարինողների նստարանին նստելիս, նրա ոտքերը նույնիսկ գետնին չհասան։ Փոխարենը մտնելով խաղադաշտ՝ նա հրաշքներ սկսեց գործել։ Այդ տարի «Բարսելոնա Բ»-ում անցկացրած 30 խաղում նա 37 գոլ խփեց, իսկ Կատոլոնիայի գավաթի խաղարկության եզրափակիչում խաղալով կոտրած խաղակոշիկներով 10 րոպեների ընթացքում նա 2 գոլ խփեց։

2000 թվականին իտալական Բերգամո քաղաքում անկացված բավականին հեղինակավոր մրցաշարում, ուր մասնակցում էին նաև «Բարսելոնայի» երիտասարդ ֆուտբոլիստները, քարը քարի վրա չթողեցին մրցակիցներին՝ ընդհանուր առմամբ հաղթելով 38-0 հաշվով, որոնցից ամենադիմացկունը գտնվեց «Յուվենտուսի» մանկապատանեկան ակումբը, որը պարտվեց 4-0 հաշվով։ Այդ մրցաշարի լավագույն ֆուտբոլիստ ճանաչվեց Լիոնել Մեսսին։

«Բարսելոնայի» հիմնական կազմում[խմբագրել]

«Ես Լիոնելի հետ «Բարսելոնայում» առաջին պայմանագիրը կնքելիս ստորագրության համար առաջարկեցի անձեռոցիկ։ Այդ պահին ձեռքիս տակ որևէ այլ բան չկար, իսկ բաց թողնել նրան ես չէի կարող»:

Կառլես Ռեկսաչ։[17][23][24]

Բարձր արդյունավետությունը պատճառ հանդիսացավ, որ 16-ամյա Մեսսիին ընդգրկվի «Բարսելոնայի» հիմնական կազմ, չնայած որ այդ քայլին դիմելու համար կային բազմաթիվ այլ դրդապատճառներ ևս։ 2003 թվականի նոյեմբերի 16-ին Ֆրենկ Ռայկարդը փոխարիման մտցրեց Լիոնելին։ Այդ օրը «Բարսելոնան» ընկերական խաղում իր ուժերը չափում էր պորտուգալական «Պորտուի» հետ։ [25]

2003-2004 թվականին Մեսսին նախապատրաստական մրցաշրջանը սկսեց Բարսայի հիմնական կազմի հետ։ Նա արդեն առիթ ունեցավ մոտիկից շփվելու և փորձով փոխանակվելու Բարսայի հիմնական կազմի աստղերի հետ։ Արգենտինացին Բարսայի կազմում իր նորամուտը նշեց 2004 թվականի հոկտեմբեր 16-ին «Էսպանյոլի» հետ հանդիպման ժամանակ, իսկ ահա նույն մրցաշրջանի վերջում «Ալբասետեի» դարպասը խփեց իր առաջին գնդակը։ Այդ պահի դրությամբ Մեսսին 17 տարեկան էր 10 ամսական 7 օրական։ Մինչև Մեսսին ոչ ոք նման վաղ տարիքում «Բարսելոնայի» կազմում հաջողության չէր հասել։ [26] 2005 թվականին Նիդերլանդներում տեղի ունեցած երիտասարդական աշխարհի առաջնությունում Մեսսին դարձավ ինչպես առաջնության հաղթող Արգենտինայի հավաքականի կազմում, այլև առաջնության լավագույն ֆուտբոլիստ և լավագույն ռմբարկու։ Հենց այդ ժամանակ էլ Մեսսին թարմացրեց իր պայմանագիրը ունեցած «Բարսելոնայի» հետ։ Այս անգամ պայմանագիրը երկարացվեց մինչև 2010 թվականը։

2005-2006[խմբագրել]

Մեսսիի փայլուն խաղը ստիպեց, որ Բարսայի ղեկավարությունը նշանակի նրա տրանսֆերային արժեքի մի աստղաբաշխական գումար՝ 150 միլլիոն եվրո։ [21] Իսկապես փառահեղ ստացվեց 2005-2006 մրցաշրջանը։

Այս մրցաշրջանում Մեսսին հաղթեց Իսպանիայի առաջնությունում։ 2005թ.-ի նոյեմբերի 2-ին նա խփեց իր առաջին գոլը Չեմպիոնների լիգայում՝ «Պանատինայկոսի» դեմ խաղում։ Այդ ժամանակ «Բարսելոնան» հաղթեց 5-0 հաշվով։ Մեսսին նաև նվաճեց Չեմպիոնների Լիգայի գավաթը, բայց քանի որ վնասվածք ուներ, չկարողացավ մասնակցել եզրափակիչ խաղին, որտեղ կատալանները հաղթեցին «Արսենալին» 2-1։ Դեկտեմբերին իտալիական Tuttosport թերթը նրան շնորհեց «Ոսկե տղա մրցանակը, որպես լավագույն ֆուտբոլիստ 21 տարեկանների շարքում։ Հաղթողին որոշելու ժամանակ Մեսսին առաջ էր անցել Ուեյն Ռունիից և Լուկաս Պոդոլսկիից։ Մեսսին խփեց է 6 գոլ 17 խաղում Իսպանիայի լիգայում և 1 գոլ 6 խաղում, Չեմպիոնների լիգայում համապատասխանաբար։[27]

Շատ արագ միևնույն տարվա ընթացքում Մեսսին Արգենտինայի երիտասարդական հավաքականից տեղափոխվեց Արգենտինայի ֆուտբոլի ազգային հավաքական։ Հավաքականում անցկացրած առաջին խաղը հունգարացիների հետ էր, ուր Մեսսին խաղադաշտում գտնվեց ընդամենը 44 վայրկյան։ Փոխարինման մտնելով նա անմիջապես հեռացվեց խաղադաշտից։ Արգինտինայի հավաքականի հաջորդ իսկ խաղում, ուր լատինաամերիկացիները մրցում էին ընկերական խաղում խորվաթների հետ, Մեսսին արդեն 6-րդ րոպեին դարձավ գոլի հեղինակ։

2006-2007[խմբագրել]

2006–07 սեզոնում Մեսսին դարձավ հիմնական կազմի խաղացող՝ խփելով 14 գոլ 26 խաղում։[28] Նոյեմբերի 12-ին «Սարագոսայի» դեմ խաղում Մեսսին ծանր վնասվածք ստացավ, որի պատճառով բաց թողեց 4 ամիս։ [29][30] Մեսսին խաղադաշտ վերադարձավ փետրվարի 11-ին, «Ռասինգի» դեմ խաղում՝ մտնելով փոխարինման երկրորդ խաղակեսում։ [31] «Էլ Կլասիկոյում», «Ռեալ Մադրիդի» դեմ խաղում, Մեսսին դարձավ հեթ-տրիկի հեղինակ, իսկ խաղը ավարտվեց ոչ ոքի 3-3։ [32] Նա դարձավ առաջինը Իվան Սամորանոյից հետո, ով «Էլ Կլասիկոյում» կարողացավ դառնալ հեթ-տրիկի հեղինակ։ [33] Դրանից հետո Մեսսին սկսեց ավելի արդյունավետ գործել՝ վերջին 13 խաղում խփելով 11 գոլ։ [34]

Ապրիլին Իսպանիայի թագավորական գավաթի խաղարկության «Խետաֆեի» հետ հանդիպմանը Մեսսին նույն ճշգրտությամբ կրկնեց Դիեգո Մարադոնայի՝ անգլիացիների դարպասը խփած 20-րդ դարի ամենահիշարժան գոլը։ [35][36] Խաղից հետո մամուլը սկսեց նրան համեմատել Մարադոնայի հետ, իսկ իսպանական թերթերը նրան անվանեցին «Մեսսիդոնա»։ [37] Նա անցավ 62 մետր, շրջանցեց վեց խաղացողի, գրավեց դարպասը և տոնեց գոլը Մարադոնայի նման։ [35][38] Օրեր անց Մեսսին արդեն կրկնեց Մարադոնայի «Աստծո ձեռքի» օգնությամբ խփված գնդակը, և այս անգամ արդեն զոհի թվում էր «Էսպանյոլը»։ Այս անգամ սակայն նրա հեղինակած հրաշք գնդակը «Բարսային», ինչպես Մարադոնայի դեպքում, արդյունքում բաղձալի հաղթանակին չհասցրեց։ [39][39]

Շնորհիվ իր հաջողության, Մեսսին առաջադրվեց «Ոսկե գնդակի» (France Football) և գրավեց երրորդ տեղը, զիջելով միայն բրազիլացի Կակային և պորտուգալացի Կրիշտիանու Ռոնալդույին։ 2006-2007 մրցաշրջանի ընթացքում Մեսսին, ինչպես նաև «Բարսան», մնացին առանց տիտղոսների։

2007-2008[խմբագրել]

Մեսսին «Խետաֆեի» դեմ խաղում։

2007-08թ մրցաշրջանը Մեսսի և «Բարսելոնայի» համար այդքան էլ հաջող չստացվեց։ Քանի որ «Բարսան» գրավեց 3-րդ տեղը Իսպանիայի առաջնությունում և Չեմպիոնների Լիգայում հասավ միայն կիսաեզրափակիչ, որտեղ էլ պարտվեցին «Մանչեսթեր Յունայթեդին»։ Այդ մրցաշրջանից հետո թիմի մարզիչ Ֆրենկ Ռայկարդը դուրս եկավ աշխատանքից։

Սեպտեմբերի 19-ին դարձավ գոլի հեղինակ Լիոնի «Օլիմպիկի» դեմ խաղում, որը ավարտվեց 3-0 հաշվով։ [40] Սեպտեմպերի 22-ին նա դարձավ դուբլի հեղինակ «Սևիլիայի» դեմ խաղում[41], իսկ սեպտեմբերի 26-ին խփեց ևս երկու գոլ, այս անգամ «Սարագոսայի» դարպասը։ [42] Այդ սեզոնի ընթացքում Մեսսին ստացավ բազում վնասվածքներ որոնք էլ խանգարեցին նրան խաղալ ինչպես հարկն է։ [43]

Բայց դա հաշվի չառնելով France Football-ը կրկին նրան է առաջադրում է «Ոսկե գնդակի»։ El Mundo Deportivo և Sport բարսելոնյան թերթերը հայտարարեցին, որ մրցանակը պետք է տրվի Մեսիին։ [44] Նույնանման կարծիք հայտնեցին այնպիսի հայտնի խաղացողներ, ինչպիսիք են Ֆրանց Բեկեմբաուերը և Ֆրանչեսկո Տոտտին։ [45] Բայց այս անգամ էլ Մեսսին գրավում է երկրորդ տեղը՝ մրցանակը զիջելով Կրիշտիանու Ռոնալդույին։ Դրանից հետո, Դիեգո Մարադոնան ասել էր Լիոնելին՝ «Սա վերջին անգամն է, երբ ես քեզ թույլ եմ լինել երկրորդը։»

Ամբողջ մրցաշրջանի ընթացքում Մեսսին դարձավ 16 գոլի և 13 գոլային փոխանցման հեղինակ բոլոր մրցաշարերում։

2008-2009[խմբագրել]

Մեսսին 2009 թվականի Չեմպիոնների Լիգայի եզրափակիչ հանդիպման ժամանակ ընդդեմ «Մանչեսթեր Յունայթեդի»

Նոր մրցաշրջանը սկսելուց առաջ Մեսսին փոխարինեց իր հին՝ 19 համարի մարզաշապիկը, նոր՝ 10 համարի, որը նա ստացավ իտալիական «Միլան» տեղափոխված Ռոնալդինյոյից։ [46] Մեսսին հիանալի անցկացրել ողջ սեզոնը՝ հաղթելով «Բարսելոնայի» հետ երեք մրցաշարեր՝ Իսպանիայի առաջնությունը, Իսպանիայի գավաթը և Չեմպիոնների Լիգան։ Իսպանիայի առաջնությունում Մեսսին խփեց 23 գոլ և կատարեց 11 գոլային փոխանցում 31 խաղերում և աչքի ընկավ «Էլ Կլասսիկոյում», «Նոու Կամպում»[47] (խաղը ավարտվեց 2-0) և դարձավ դուբլի հեղինակ նույն մրցակցի հետ խաղում «Սանտիագո Բերնաբեույում» (խաղը ավարտվեց 6-2 հօգուտ «Բարսելոնայի»)։ Այնուհետև Մեսսին խփեց իր թիմի որոշիչ գոլը Իսպանիայի գավաթի եզրափակչում՝ «Ատլետիկ Բիլբաոյի» հետ խաղում, որտեղ կատալանները հաղթեցին 4-1 հաշվով։

2009թ. մայիսի 27-ին, «Բարսելոնայի» հետ միասին հաղթեց Չեմպիոնների Լիգայում՝ եզրափակիչ խաղում հաղթելով «Մանչեսթեր Յունայթեդին»։ [48] Մեսսին դարձավ հաղթական գոլի հեղինակը («Բարսան» հաղթանակ տարավ 2-0)։ Մեսսին դարձավ Չեմպիոնների Լիգայի 2008-09 մրցաշրջանի լավագույն ռմբարկուն՝ խփելով 9 գնդակ։ Այդ հաջողություններից հետո Մեսսին ճանաչվեց ՈւԵՖԱ-ի Չեմպիոնների լիգայի լավագույն ֆուբոլիստ և լավագույն հարձակվող։ [49]

2008-09 սեզոնի ընթացքում Մեսսին արժանացավ «Ոսկե գնդակի» (France Football) որպես Եվրոպայի լավագույն ֆուտբոլիստ և ստացավ «Ադամանդե գնդակ», որպես լավագույն ֆուտբոլիստ ՖԻՖԱ-ի վարկածով։

2009-2010[խմբագրել]

Մեսսին 2009 թվականին։

2009-10 մրցաշրջանի սկզբին «Բարսելոնան» կնքում է նոր պայմանագիր Լեո Մեսսի հետ։ Այժմ համաձայնագիրը 22-ամյա ֆուտբոլիստի հետ հետ կնքվում է մինչև 2016 թ. և պայմանագիրը ընդունելու փոխհատուցման չափը 250 միլլին եվրո էր։ Նախորդ պայմանագրում փոխհատուցման գումարը կազմում էր 150 միլլիոն եվրո։ [50][51]

Այնուհետև Մեսսին «Բարսելոնայի» կազմում 2009-10 մրցաշրջանում նվաճում է ՈւԵՖԱ Սուպեր գավաթը, ինչպես նաև Իսպանիայի սուպեր գավաթը։ Իսպանիայի սուպեր գավաթի խաղում Բարսան հաղթում է «Ատլետիկ Բիլբաոյին» (3-0 տանը և 2-1 դրսում)։ Սեփական հարկի տակ տեղի ունեցած խաղում Մեսսին իր հաշվին գրանցել է կրկնակի գոլ և օգնել իր թիմին մրցաշրջանի սկզբին գրանցել առաջին հաղթանակը։ Մի քանի օր անց ՈւԵՖԱ-ի Սուպեր գավաթի համար խաղում Բարսան Դոնեցկի «Շախտյորի» հետ խաղում հաղթեց 1-0 հաշվով։ Այդ խաղի ընթացքում Մեսսին դարձել է գոլային փոխանցման հեղինակ։ Առաջին գոլը Իսպանիայի առաջնության ընթացքում Մեսսին խփել է «Խետաֆեյի» դեմ խաղում 2-0։ Հաջորդ խաղում՝ «Ատլետիկո Մադրիդի» հետ, Մեսսի դարձել է դուբլի հեղինակ։ Դինամո Կիևի հետ խաղում Մեսսին խփել է առաջին գոլը Չեմպիոնների լիգայի առաջնության ցուցակում և խաղը ավարտվել է 2։ 0 հաշվով։

2009թ. դեկտեմբերի 1-ին, Լիոնել Մեսսին արժանանում է «Ոսկե գնդակ» մրցանակին՝ վաստակելով 473 միավոր ու առաջ է ընկնում իր մրցակից, Կրիշտիանու Ռոնալդուից, որի համար ռեկորդային էր 240 միավորը։ Մեսսին 480 հնարավորից վաստակում է 473 միավոր և աշխարհի 96 լրագրողները գրեթե միաձայն հայտարարել էին, որ Մեսսին լավագույն է։ [52][53][54] Նա դարձավ առաջին արգենտինացին, ով արժանացավ պատվավոր մրցանակին France Football ամսագրի կողմից և հենց ինքը Մեսսին չէր սպասում այդպիսի հաղթանակի։ [55]

Aquote1.png Անկեղծ ասած, ես գիտեի, որ կլինեմ ֆավորիտների թվում, քանի որ «Բարսելոնան» անց էր կացրել սքանչելի մրցաշրջան, հաղթելով բոլոր գավաթները։ Բայց ես չէի սպասում, որ իմ առավելությունը այդքան մեծ կլիներ։ «Ոսկե գնդակը» շատ կարևոր է իմ համար։ Բոլոր նրանք, ովքեր ստացել են այն, մեծ խաղացողներ էին։ Սակայն ուզում եմ նշել, որ որոշ մեծեր այդպես էլ չեն արժանացել այս մրցանակի։ Ինչ վերաբերում է ինձ, դժվար կլինի հաղթել է «Ոսկե գնդակը» երկրորդ անգամ, քանի որ դժվար կլինի կրկնել այն սեզոնը, որը մենք անցկացրեցինք։ Aquote2.png


Հունվարի 10-ին Իսպանիայի առաջնությում «Տեներիֆեի» հետ խաղում Մեսսին իր հաշվին գրանցում է հեթ-տրիկ, առաջինը այդ մրցաշրջանում նրա համար է, և երրորդ անգամ Բարսելոնայի կազմում։

Լիոնել Մեսսին Չեմպիոնների լիգայի «Արսենալի» դեմ խաղում խփել է իր 100-րորդ գոլը։ Իսկ «Սևիլյայի» դեմ խաղում իր ցանկալի հարյուրմեկերորդը և նա միակն էր, որ այդքան երիտասարդ տարիքում այդքան գոլ էր խփել (22 տարի, 6 ամիս և 22 օր)։

2010թ, մարտի 14-ին Իսպանիայի առաջնությում, «Վալենսիայի» հետ խաղում, իր հաշվին գրանցում է երկրորդ հեթ-տրիկը այդ մրցաշրջանում և չորրորդը Բարսայի կազմում։ [56] Իսկ Չեմպիոնների լիգայի այդ մրցաշրջանի ընթացքում Լեո Մեսսին ճանաչվում է լավագույն խաղացող և լավագույն ռմբարկու։

2010-2011[խմբագրել]

Մեսսին 2011 թվականին։

Իսպանիայի սուպերգավաթի համար խաղում «Բարսելոնան» առաջին հանդիպումը «Սևիլիայի» հետ պարտվեց 1-3 հաշվով և պատասխան խաղում «Բարսան» պետք է խփեր ամենաքիչը երկու գոլ։ Այդ նպատակին թիմը հասավ հիմնականում շնորհիվ Մեսսիի, ով դարձավ հեթ-տրիկի հեղինակ։ Այսպիսով, Մեսսին օգնեց «Բարսելոնային» իր պատմության մեջ իններորդ անգամ նվաճել սուպերգավաթը և այդ ցուցանիշով շրջանցել իր հավերժական մրցակից «Ռեալ Մադրիդին»՝ սահմանելով նոր ռեկորդ։ [57]

Չեմպիոնների լիգայի խմբային փուլի առաջին տուրում, Մեսսի դուբլ ձևակերպեց՝ օգնելով «Բարսելոնային» հաղթել հունական «Պանատինաիկոսին» 5-1։ Խփելով երկու գնդակ, Մեսսին դարձավ բոլոր ժամանակների «Բարսելոնայի» լավագույն ռմբարկուն Չեմպիոնների Լիգայում՝ այդ ցուցանիշով շրջանցելով Ռիվալդոյին, ով խփել էր 25 գոլ։

Նոյեմբերի 21-ին, «Ալմերիայի» դեմ խաղում Մեսսին դարձավ 3 գոլի հեղինակ, որոնցից մեկը դարձավ նրա 100-րդ գոլը երկրի առաջնությունում, իսկ խաղը ավարտվեց «Բարսայի» հաղթանակով, 8-0 հաշվով։ Մեսսին դարձավ նաև երկրորդ ամենաերիտասարդ ֆուտբոլիստը (23 տարի, 149 օր), ով Իսպանիայի առաջնությունում 100 գոլ էր խփել՝ զիջելով միայն Ռաուլին (22 տարի, 293 օր)։ Նոյեմբերի 29-ին «Նոու Կամպում» «Բարսան» հանդիպեց «Ռեալ Մադրիդին» և ջախջախեց մադրիդցիներին 5-0 հաշվով։ [58] Մեսսին չկարողացավ գոլի հեղինակ դառնալ, բայց երկու գոլային փոխանցում կատարեց Դավիդ Վիլյայի վրա։

Հունվարի 10-ին Մեսսին արժանացավ «Ոսկե գնդակի»՝ շրջանցելով իր թիմակիցներ Անդրես Ինիեստային և Չավի Էռնանդեսին։ Մեսսի դարձավ հինգերորդ ֆուտբոլիստը պատմության մեջ, ով կարողացավ այդ մրցանակը շահել երկու անգամ անընդմեջ։ Նրանից առաջ երկու անգամ անընդմեջ «Ոսկե գնդակը» հաշել էին Միշել Պլատինին, Մարկո վան Բաստենը, Կեվին Կիգանը և Ռոնալդոն։ [59]

Aquote1.png Ես չէի սպասում, քանի որ այս անգամ ֆավորիտը ես չէի, ես շատ հուզված եմ Aquote2.png

Մեսսին նաև առանձնացրեց իր թիմակիցներին՝ Չավիին և Ինիեստային։

Aquote1.png Կցանկանայի առանձնացնել իմ թիմակիցներին՝ Չավիին և Ինիեստային, եթե նրանք չլինեին, ես նույնպես այստեղ չէի լինի։ Նրանքն երկուսն էլ մեծ ֆուտբոլիստներ են և արժանի են Ոսկե գնդակին այնքան ինչքան որ ես։ Նրանք շատ բանի են հասել այս տարի Aquote2.png


Ապրիլի 27-ին Մեսսին խփեց երկու որոշիչ գոլ Մադրիդի «Ռեալի» դարպասը Չեմպիոնների Լիգայի շրջանակներում։ «Բարսան» հաղթեց 2-0 և պատասխան խաղից հետո (1-1) նվաճեց եզրափակչի ուղեգիր։ [60] Եզրաձփակչում «բլաուգրանան» հաղթեց «Մանչեսթեր Յունայթեդին» 3-1 հաշվով, իսկ Մեսսին խփեց իր թիմի երկրորդ գոլը։ Խաղից հետո նա ճանաչվեց եզրափակչի լավագույն ֆուտբոլիստ։ [61] Մեսսին նաև երրորդ անգամ անընդմեջ դարձավ Չեմպիոնների Լիգայի լավագույն ռմբարկու (12 գոլ)։

Հոկտեմբերի 3-ին Լիոնել Մեսսին ստացավ Ալֆրեդո դի Ստեֆանոյի մրցանակը, որը տրվում է Marca ամսագրի վարկածով Իսպանիայի լավագույն ֆուտբոլիստին։ Մեսսին ստանում է այդ մրցանակը երրորդ անգամ անընդմեջ։

2011-2012[խմբագրել]

«Պելեյի և Մարադոնայի վեճը կավարտվի»:

Դիեգո Մարադոնան՝ մունդիալ 2010-ում արգենտինացիների հնարավոր հաղթանակի դեպքում։[62]

«Բարսելոնայի» առաջին մրցանակը նոր մրացաշրջանում դարձավ Իսպանիայի սուպերգավաթը։ Կատալոնցիների մրցակիցը «Ռեալ Մադրիդն» էր։ Մադրիդում հանդիպումը ավարտվեց 2-2 հաշվով, իսկ Մեսսին դարձավ գոլի և գոլային փոխանցման հեղինակ։ Պատասխան խաղում ավելի ուժեղ գտնվեցին կատալոնացիները, ովքեր հաղթեցին 3-2 հաշվով։ [63] Մեսսին խփեց երկու գոլ և հաղթանակ պարգևեց իր թիմին։ Մեսսին դարձավ սուպերգավաթներում ամենաշատ գոլեր խփած խաղացողը 8 գոլ՝ շրջանցելով իսպանաց։ Ռաուլին։

Օգոստոսի 26-ին «Բարսելոնան» հաղթեց ՈւԵՖԱ Սուպեր գավաթը՝ հաղթելով պորտուգալական «Պորտոին» 2-0։ [64] Մեսսին 39-րդ րոպեին բացեց խաղի հաշիվը, իսկ խաղավարտին մոտ կատարեց գոլային փոխանցում, որից հետո Սեսկ Ֆաբրեգասը վերջակետ դրեց խաղում։

Սեպտեմբերի 17-ին Մեսսին դարձավ հեթ-տրիկի հեղինակ «Օսասունայի» դեմ խաղում։ Արդյունքում «Բարսան» հաղթեց 8-0 հաշվով։ Սեպտեմբերի 24-ին Մեսսին ձևակերպես ևս մեկ հեթ-տրիկ, այս անգամ «Ատլետիկո Մադրիդի» դեմ խաղում։

Սեպտեմբերի 28-ին Չեմպիոնների Լիգայում, բելառուսական ԲԱՏԷ-ի դեմ խաղում Մեսսին խփեց երկու գոլ և հավասարվեց Լադիսլաո Կուբալային «Բարսելանայի» բոլոր ժամանակների լավագույն ռմբարկուների ցանկում (194 գոլ)։ [65] Հոկտեմբերի 15-ին «Ռասինգի» դարպասը գրավեց երկու անգամ և շրջանցեց Կուբալային։ [66] Եվս մեկ անգամ Մեսսին հաջողության հասավ «Մալյորկայի» դեմ խաղում՝ խփելով իր 132-րդ գոլը Լա Լիգայում։ Նոյեմբերի 1-ին Մեսսին երեք գոլ խփեց «Վիկտորիա Պլզենի» դարպասը։ Մեսսին կրկնեց իր խաղընկեր Պեդրոյի ռեկրդը՝ հաջողության հասնելով վեց մրցաշարերում մեկ սեզոնի ընթացքում։ [67]

Արգենտիանայի լրագրողների և երկրպագուների քվեարկության արդյունքում Լիոնել Մեսսին արժանաց «Օլիմպիա-դե-Օռո 2011» մրցանակին (Արգենտանայի լավագույն խաղացող) առաջին անգամ իր կարիերայի ընթացքում։ Մեսսին համարում է այդ մրցանակը յուրահատուկ։

2012-2013[խմբագրել]

Նա գերազանցեց Գրեդ Մյուլերի ռեկորդը խփելով 23 գնդակ այս առաջնությունում[68]։ Մեսսին արդեն 4 տարի անընդմեջ շահում է «ՈՍԿԵ ԳՆԴԱԿ»-ը։ Դա ռեկորդ է։

Արգենտինայի հավաքական[խմբագրել]

Մինչև 20 տարեկանների հավաքական[խմբագրել]

Մինչև Արգենտինայի հավաքական հրավիրվելը Մեսսին հրավեր ստացավ Իսպանիայի ֆուտբոլի ազգային հավաքականից, բայց մերժեց այն։ 2004թ հունիսին նա անցկացրեց իր առաջին խաղը երիտասարդական հավաքականում ընդդեմ Պարագվայի։ 2005թ հունիսին նա հաղթեց Նիդերլանդներում անցկացվող աշխարհի երիտասարդական առաջնությունում և դարձավ լավագույն ռմբարկու՝ խփելով 6 գոլ[69]։

Նորամուտը ազգային հավաքականում[խմբագրել]

Օգոստոսի 4-ին Խոսե Պեկեռմանը կանչում է Մեսսիին Արգենտինայի ֆուտբոլի ազգային հավաքականում հանդես գալու և նա ընդունում է հրավերը։ Բայց հենց առաջին խաղում նա խաղադաշտում է լինում ընդամենը երեք րոպե, քանի որ ստանում է կարմիր քարտ[70][71]։ Երկրերդ հանդիպումը անցկացնում է 2005թ, սեպտեմբերի 3-ին, Պարագվայի ազգային հավաքականի դեմ խաղում՝ դուրս գալով խաղադաշտ 80-րդ րոպեին։ Դա 2006թ. աշխարհի առաջնության ընտրական փուլում էր։ Առաջին իր գոլը հավաքականի կազմում Մեսսին խփում է ընկերական խաղում ընդդեմ Խորվաթիայի, իսկ երկրորդ գոլը 2006թ. աշխարհի առաջնության խաղում՝ ընդդեմ Սերբիայի և Չերնոգորիայի (6։ 0)։

Ֆուտբոլի աշխարհի առաջնություն 2006[խմբագրել]

Չնայած ստացած վնասվածքին, Մեսսին հրավիրվեց հավաքական՝ մասնակցելու մունդիալ 2006-ին։ Կոտ դ'Իվուարի դեմ կայացած հանդիպումը Մեսսին բաց թողեց, իսկ Սերբիայի հավաքականի դեմ խաղում դարձավ գոլի և գոլային փոխանցման հեղինակ[72][73]։ Նա նաև մասնակցեց 1/8 եզրափակիչ Մեքսիկայի դեմ խաղին՝ խաղավարտին մոտ փոխարինելով Խավիեր Սավիոլային։

Ամերիկայի գավաթ 2007[խմբագրել]

Մեսսին խաղաց իր առաջին խաղը 2007թ Ամերիկայի գավաթում հունիսի 29-ին, երբ Արգենտինան առաջին խաղում հաղթեց Միացյալ Նահանգներին (4-1)։ Այս խաղում, նա ցույց տվեց իր հմտությունները որպես փլեյմեյքեր։ Մեսսիին 79-րդ րոպեին փոխարինեց Տևեսը և րոպեներ անց գրավեց դարպասը[74]։

Նրա երկրորդ խաղը Կոլումբիա դեմ էր, որտեղ նա վաստակեց 11-մետրանոց, որն իրացրեց Կրեսպոն։ Խաղը ավարտվեց արգենտինացիների հաղթանակով՝ 4-2, ինչը երաշխավորեց նրանց տեղը մրցաշարի 1/4 եզրափակչում [75]։

Երրորդ խաղում, ընդդեմ Պարագվայի, Մեսսին փոխարինման մտավ 64-րդ րոպեին, երբ հաշիվը 0-0 էր և դարձավ գոլային փոխանցման հեղինակ[76]։ 1/4 եզրափակիչում, Պերույի դեմ խաղում, Մեսսին խփեց արգենտինացիների երրորդ գոլը՝ Ռիկելմեյի փոխանցումից հետո, իսկ կիսաեզրափակչում գրավեց արդեն Մեքսիկայի հավաքականի դարպասը (4- 0)[77][78]։ Արգենտինացիները եզրափակչում պարտվեցին Բրազիլիային 3-0 հաշվով[79]։

Ամառային Օլիմպիական խաղեր 2008[խմբագրել]

2008թ. Մեսսին մասնակցեց ամառային օլիմպիական խաղերին։ «Բարսելանան» չէր ցանկանում նրան թույլ տալ մասնակցել մրցաշարին, բայց Խոսեպ Գվարդիոալյի հետ խոսելուց հետո Մեսսին հնարավորություն ստացավ մասնակցել այդ մրցաշարին[80]։ Առաջին իսկ խաղում, Կոտ դ'Իվուարի դեմ, Մեսսին խփեց իր առաջին գոլը։ 1/4 եզրափակչում նա աչքի ընկավ երկրորդ անգամ՝ գրավելով Հոլանդիայի հավաքականի դարպասը։ Ոսկե մեդալների համար խաղում արգենտինացիները հանդիպեցին Նիգերիայի հավաքականի հետ, որտեղ Մեսսին գոլային փոխանցում կատարեց դեպի Անխել դի Մարիան, ով խփեց վերջին գնդակը[81]։

Մասնակցությունը Օլիմպիական խաղերին
Մրցաշար Անցկացման վայրեր Արդյունք Խաղեր Գոլեր
Ամառային Օլիմպիական խաղեր 2008 Չինաստանի Ժողովրդական Հանրապետություն Չինաստան Չեմպիոն 6 2

Ֆուտբոլի աշխարհի առաջնություն 2010[խմբագրել]

Մեսսին մասնակցեց 2010 աշխարհի առաջնության խմբային փուլի բոլոր հանդիպումներին, սակայն չկարողացավ և ոչ մեկում գոլի հեղինակ դառնալ։ Հունաստանի հավաքականի դեմ խաղում նա դուրս եկավ խաղադաշտ ավագի թևկապով՝ այսպիսով դառնալով հավաքականի ամենաերիտասարդ ավագը։ Խաղը ավարտվեց արգենտինացիների հաղթանակով, 2-0 հաշվով։

1/8 եզրափակչում Մեսսին վերջապես գոլային փոխանցում կատարեց, որից հետո Կարլոս Տևեսը բացեց խաղի հաշիվը, այնուամենայինվ գոլը հերթական մրցավարական սկանդալը առաջացրեց, քանի որ Տևեսը գտնվում էր բացահայտ խաղից դուրս վիճակում[82]։

1/4 եզրափակչում արգենտինացիները հանդիպեցին Գերմանիայի հավաքականին և պարտվեցին 4-0 հաշվով[83]։ Չնայած ծանր պարտությանը՝ Մեսսին առաջադրվեց ՖԻՖԱ-ի մրցանակին՝ որպես առաջնության լավագույն ֆուտբոլիստ, սակայն մրցանակը բաժին հասավ Դիեգո Ֆորլանին։

Մասնակցությունը աշխարհի առաջնություններին
Մրցաշար Անցկացման վայրեր Արդյունք Խաղեր Գոլեր
Ֆուտբոլի աշխարհի առաջնություն 2006 Գերմանիա Գերմանիա 1/4 եզրափակիչ 3 1
Ֆուտբոլի աշխարհի առաջնություն 2010 Հարավաֆրիկյան Հանրապետություն Հարավային Աֆրիկա 1/4 եզրափակիչ 5 0

Ամերիկայի գավաթ 2011[խմբագրել]

2011 թ. Մեսսին մասնակցեց արգենտինացիների համար «տնային» Ամերիկայի գավաթին։ Կոլումբիայի դեմ խաղում, նա որոշակի կոնֆլիկտ ունեցավ իր թիմակից Նիկոլաս Բուրդիսոյի հետ, ինչպես նաև նրան սուլեցին սեփական երկրպագուները։ Արգենտինացիները հասան մինչև 1/4 եզրափակիչ և պարտվեցին Ուրուգվային։ Մեսսին մասնակցեց բոլոր 4 խաղերին և կատարեց 3 գոլային փոխանցում։

Մասնակցությունը Ամերիկայի գավաթներին
Մրցաշար Անցկացման վայրեր Արդյունք Խաղեր Գոլեր
Ամերիկայի գավաթ 2007 Վենեսուելա Վենեսուելա Եզրափակիչ 6 2
Ամերիկայի գավաթ 2011 Արգենտինա Արգենտինա 1/4 եզրափակիչ 4 0

Անձնական կյանք[խմբագրել]

Մեսսին որոշ ժամանակ հանդիպում էր Մակարենա Լեմոսի՝ երիտասարդ արգենտինացի աղջկա հետ, իր հայրենի Ռոքսարիո քաղաքից։ Նշվում էր, որ նրանց ծանոթացրել էր աղջկա հայրը։ Մեսսին և Լեմոսը հանդիպում էին Գերմանիայի աշխարհի գավաթի ժամանակ։ [84][85] Նախկինում նա հարաբերություններ է ունեցել նաև արգենտինացի մոդել Լուչիանա Սալազարի հետ։ [86]

2009 թվականի հունվարին, Hat Trick Barca ծրագրի ժամանակ Channel 33-ում նա ասել է՝ «Ես ունեմ ընկերուհի, և նա ապրում է Արգենտինայում, ես ուրախ եմ նրա հետ»։ Միևնույն ժամանակ նրան նկատել էին Անտոնելա Ռոկուզոյի հետ։ [87]

Մեսսին Adidas, Storkman, A-Style, Mirage, el Banco Sabadell, YPF, MasterCard, Garbaino, Xbox, McDonald’s, Danone, Pepsi, Movistar ընկերությունների դեմքն է։ Բացի այդ Լիոնել Մեսսին ՅՈւՆԻՍԵՖ միջազգային կազմակերպության բարի կամքի դեսպաններից է։ [88]

Նվաճումները[խմբագրել]

Թիմային[խմբագրել]

Barcelona FC Logo.png «Բարսելոնա»

Flag of Argentina.svg Արգենտինայի ֆուտբոլի ազգային հավաքական

  • Ֆուտբոլի աշխարհի երիտասարդական առաջնություն։ 2005
  • Ամառային Օլիմպիական խաղերի չեմպիոն։ 2008

Անհատական[խմբագրել]

Մեսսիիին տրված «Ոսկե գնդակը»:
  • «Ոսկե գնդակ» (France Football) (4)։ 2009, 2010, 2011, 2012
  • Աշխարհի լավագույն ֆուտբոլիստ (World Soccer) (2)։ 2009, 2011
  • Եվրոպայի լավագույն ֆուտբալիստ (Onze d'Or) (2)։ 2009, 2010
  • Աշխարհի լավագույն ֆուտբոլիստ (FIFPro) (2)։ 2009, 2010
  • Աշխարհի լավագույն ֆուտբոլիստ (ՖԻՖԱ)։ 2009
  • «Ոսկե խաղակոշիկի» մրցանակակիր։ 2010
  • Չեմպիոնների Լիգայի լավագույն ռմբարկու (4)։ 2008-09 (9 գոլ), 2009-10 (8 գոլ), 2010-11 (12 գոլ), 2011-12 (14 գոլ)
  • Արգենտինայի լավագույն ֆուտբոլիստ (5)։ 2005, 2007, 2008, 2009, 2010
  • Իսպանիայի լավագույն ֆուտբոլիստ («Դոն Բալոն» մրցանակ) (3)։ 2007, 2009, 2010
  • Լա Լիգայի լավագույն խաղացող (Դի Ստեֆանոյի մրցանակ) (3)։ 2008-09, 2009-10, 2010-11
  • Լա Լիգայի լավագույն խաղացող (LFP) (3)։ 2008-09, 2009-10, 2010-11
  • «Պիչիչի» մրցանակ։ 2010
  • Լավագույն երիտասարդ ֆուտբոլիստ (FIFPro) (2)։ 2007, 2008
  • Լավագույն երիտասարդ ֆուտբոլիստ (World Soccer) (3)։ 2006, 2007, 2008
  • FIFPro-ի խարհրդանշական հավաքականի անդամ (4)։ 2007, 2008, 2009, 2010
  • Եվրոպայի խաորհրդանշական հավաքականի անդամ (ՈւԵՖԱ) (4)։ 2008, 2009, 2010, 2011
  • Արգենտինայի լավագույն մարզիկ։ 2011

Կարիերայի վիճակագրություն[խմբագրել]

Ակումբային կարիերա
Ակումբ Սեզոն Լիգա Գավաթ Եվրագավաթներ Այլ Ընդհանուր
Խաղ Գոլեր Խաղ Գոլեր Խաղ Գոլեր Խաղ Գոլեր Խաղ Գոլեր
Իսպանիա Բարսելոնա Բ 2003/04 5 0 0 0 0 0 0 0 5 0
2004/05 17 6 0 0 0 0 0 0 17 6
Ընդհանուր 22 6 0 0 0 0 0 0 22 6
Իսպանիա Բարսելոնա 2004/05 7 1 1 0 1 0 0 0 9 1
2005/06 17 6 2 1 6 1 0 0 25 8
2006/07 26 14 2 2 5 1 3 0 36 17
2007/08 28 10 3 0 9 6 0 0 40 16
2008/09 31 23 8 6 12 9 0 0 51 38
2009/10 35 34 3 1 11 8 4 4 53 47
2010/11 33 31 7 7 13 12 2 3 55 53
2011/12 16 17 0 0 5 6 5 6 26 29
Ընդհանուր 191 135 26 17 62 43 12 11 317 209
Ամբողջ կարիերայում 213 141 26 17 62 43 12 11 339 215
Արգենտինայի հավաքական
Հավաքական Սեզոն Մունդիալ Ամերիկայի գավաթ Որակավորման փուլեր[89] Ընկերական խաղեր Այ Ընդհանուր
Խաղ Գոլեր Խաղ Գոլեր Խաղ Գոլեր Խաղ Գոլեր Խաղ Գոլեր Խաղ Գոլեր
Արգենտինա Արգենտինայի հավաքական
2005 3 0 2 0 5 0
2006 3 1 4 1 7 2
2007 6 2 4 2 4 2 14 6
2008 6 1 2 1 5 2 13 4
2009 8 1 2 2 10 3
2010 5 0 5 2 10 2
2011 4 0 2 1 5 2 11 3
Ընդհանուր 8 1 10 2 23 5 24 10 5 2 70 20

Աղբյուրների հղումներ[խմբագրել]

  1. «Lionel Andrés Messi at Soccerway»։ Soccerway։ http://www.soccerway.com/players/lionel-andres-messi/119/։ Վերցված է 14 June 2009։ 
  2. 2,0 2,1 «Lionel Andrés Messi»։ fcbarcelona.com։ http://www.fcbarcelona.com/web/english/futbol/temporada_09-10/plantilla/jugadors/messi.html։ Վերցված է 3 May 2008։ 
  3. «Fundación Leo Messi»։ http://www.fundacionleomessi.org/index.php։ 
  4. Gardner, Neil (19 April 2007). «Is Messi the new Maradona?». The Times (UK). http://www.timesonline.co.uk/tol/sport/football/article1676692.ece։ Վերցված է 31 March 2009. 
  5. Reuters (25 February 2006). «Maradona proclaims Messi as his successor». China Daily. http://www.chinadaily.com.cn/english/doc/2006-02/25/content_523966.htm։ Վերցված է 8 October 2006. 
  6. «Messi världens bästa fotbollsspelare»։ Eurosport։ 12 January 2009։ http://www.eurosport.se/fotboll/la-liga/2009-2010/messi-vann-ballon-d%27or_sto2139561/story.shtml։ Վերցված է 23 March 2010։ 
  7. «European Footballer of the Year ("Ballon d'Or")». RSSSF. http://www.rsssf.com/miscellaneous/europa-poy.html։ Վերցված է 7 July 2009. 
  8. «FIFA World Player Gala 2008». FIFA. http://es.fifa.com/mm/document/classic/awards/99/15/28/resultsmenforfifa.combyplayer.pdf։ Վերցված է 7 July 2009. 
  9. «FIFA World Player Gala 2007». FIFA. http://www.fifa.com/mm/document/classic/awards/finalmenbyplayer_32209.pdf։ Վերցված է 7 July 2009. 
  10. «Messi wins Ballon d'Or». London: UK Yahoo Eurosport. 10 January 2011. http://eurosport.yahoo.com/11012011/58/la-liga-messi-wins-ballon-d.html։ Վերցված է 10 January 2010. 
  11. «Messi, Sawa crowned at glittering Gala». FIFA. 9 January 2012. http://www.fifa.com/ballondor/news/newsid=1565454/index.html։ Վերցված է 9 January 2012. 
  12. «Lionel Messi is the FIFA Ballon d'Or 2012 winner»։ FIFA։ 7 January 2013։ http://www.fifa.com/ballondor/playeroftheyear/index.html։ Վերցված է 10 April 2013։ 
  13. 1634951.html «Top scorer Messi matches Van Nistelrooy mark». UEFA. http://www.uefa.com/uefachampionsleague/news/newsid= 1634951.html։ Վերցված է 28 May 2011. 
  14. «El crack que desea victorias de regalo» (Spanish). Canchallena. http://www.canchallena.com/1278476. 
  15. Carlin, John (27 March 2010). «Lionel Messi: Magic in his feet». The Independent (UK). http://www.independent.co.uk/news/people/profiles/lionel-messi-magic-in-his-feet-1928768.html։ Վերցված է 7 April 2010. 
  16. Veiga, Gustavo։ «Los intereses de Messi» (Spanish)։ Página/12։ http://www.pagina12.com.ar/diario/deportes/8-121094-2009-03-07.html։ Վերցված է 31 May 2009։ 
  17. 17,0 17,1 17,2 Hawkey, Ian (20 April 2008). «Lionel Messi on a mission». The Times (UK). http://www.timesonline.co.uk/tol/sport/football/european_football/article3779961.ece։ Վերցված է 30 May 2009. 
  18. Aguilar, Alexander (24 February 2006)։ «El origen de los Messi está en Italia» (Spanish)։ Al Día։ http://www.aldia.cr/ad_ee/2006/febrero/24/ovacion11.html։ Վերցված է 7 July 2009։ 
  19. Cubero, Cristina (7 October 2005)։ «Las raíces italianas de Leo Messi» (Spanish)։ El Mundo Deportivo։ http://hemeroteca.elmundodeportivo.es/preview/2005/10/07/pagina-5/722791/pdf.html։ Վերցված է 7 July 2009։ 
  20. «Lionel Messi bio»։ NBC։ http://www.2008.nbcolympics.com/athletes/athlete=1246/bio/index.html։ Վերցված է 30 May 2009։ 
  21. 21,0 21,1 21,2 21,3 21,4 Williams, Richard (26 February 2006). «Messi has all the qualities to take world by storm». The Guardian (UK). http://www.guardian.co.uk/football/2006/feb/24/championsleague1։ Վերցված է 3 May 2008. 
  22. White, Duncan (4 April 2009). «Franck Ribery the man to challenge Lionel Messi and Barcelona». Daily Telegraph (UK). http://www.telegraph.co.uk/sport/football/competitions/champions-league/5099857/Franck-Ribery-the-man-to-challenge-Lionel-Messi-and-Barcelona.html։ Վերցված է 7 July 2009. 
  23. 23,0 23,1 23,2 23,3 23,4 107/edition= 248388/news/newsid= 103182.html «The new messiah». FIFA. 5 March 2006. http://www.fifa.com/tournaments/archive/tournament= 107/edition= 248388/news/newsid= 103182.html։ Վերցված է 25 July 2006. 
  24. FT Weekend Magazine, 28–29 May 2011, 'Lionel Messi' by Ronald Reng
  25. Tutton, Mark and Duke, Greg (22 May 2009). «Profile: Lionel Messi». CNN. http://edition.cnn.com/2009/SPORT/football/05/22/messi.football.best.world/index.html։ Վերցված է 30 May 2009. 
  26. «Meteoric rise in three years»։ fcbarcelona.com։ http://www.fcbarcelona.com/web/english/noticies/futbol/temporada07-08/10/n071016101878.html։ Վերցված է 3 May 2008։ 
  27. 366008&cc= 3436 «Frustrated Messi suffers another injury setback». ESPN Soccernet. 26 April 2006. http://soccernet.espn.go.com/news/story?id= 366008&cc= 3436։ Վերցված է 22 July 2006. 
  28. 12563 «Lionel Messi at National Football Teams». National Football Teams. http://www.national-football-teams.com/v2/player.php?id= 12563։ Վերցված է 17 July 2009. 
  29. «Doctors happy with Messi op». FCBarcelona.com. 14 November 2006. http://www.fcbarcelona.com/eng/noticias/noticias/n06111404.shtml։ Վերցված է 16 November 2006. 
  30. 125576 «Messi to miss FIFA Club World Cup». FIFA.com/Reuters. 13 November 2006. http://web.archive.org/web/20071211061548/http://fifa.com/en/comp/index/0,2442,125576,00.html?articleid= 125576։ Վերցված է 18 January 2006. 
  31. «Barcelona — Racing Santander». The Offside. 19 January 2008. http://barcelona.theoffside.com/la-liga/barcelona-racing-santander-sunday-3pm-est.html։ Վերցված է 30 May 2009. 
  32. Hayward, Ben (11 March 2007). «Magical Messi is Barcelona's hero». The Independent (UK). http://www.independent.co.uk/sport/football/european/barcelona-3-real-madrid-3-magical-messi-is-barcelonas-hero-439788.html։ Վերցված է 30 May 2009. 
  33. 113101.html «Inter beat AC, Messi headlines derby». FIFA. 11 March 2007. http://www.fifa.com/worldfootball/clubfootball/news/newsid= 113101.html։ Վերցված է 30 May 2009. 
  34. «Lionel Messi 2006/07 season statistics». ESPN Soccernet. http://www.telegraph.co.uk/sport/football/competitions/champions-league/5099857/Franck-Ribery-the-man-to-challenge-Lionel-Messi-and-Barcelona.html։ Վերցված է 3 June 2009. 
  35. 35,0 35,1 Lowe, Sid (20 April 2007). «The greatest goal ever?». Daily Telegraph (UK). http://www.telegraph.co.uk/sport/football/european/2311407/The-greatest-goal-ever.html։ Վերցված է 7 July 2009. 
  36. 423002&cc= 3888 «Messi dazzles as Barça reach Copa Final»։ ESPN Soccernet։ 18 April 2007։ http://soccernet.espn.go.com/news/story?id= 423002&cc= 3888։ 
  37. «Can ‘Messidona’ beat Maradona?». Chennai, India: The Hindu. 14 July 2007. http://www.hindu.com/2007/07/14/stories/2007071455691800.htm. 
  38. Lowe, Sid (20 April 2007). «The greatest goal ever?». Daily Telegraph (UK). http://www.telegraph.co.uk/sport/football/european/2311407/The-greatest-goal-ever.html։ Վերցված է 7 May 2007. 
  39. 39,0 39,1 Mitten, Andy (10 June 2007). «Hand of Messi saves Barcelona». The Times (UK). http://www.timesonline.co.uk/tol/sport/football/european_football/article1910271.ece։ Վերցված է 12 January 2008. 
  40. 228758&&cc= 5739 «Barcelona 3–0 Lyon: Messi orchestrates win». ESPN Soccernet. 19 September 2007. http://soccernet.espn.go.com/report?id= 228758&&cc= 5739։ Վերցված է 27 May 2009. 
  41. «Barcelona vs. Sevilla». Soccerway. 22 September 2007. http://www.soccerway.com/matches/2007/09/22/spain/primera-division/futbol-club-barcelona/sevilla-futbol-club/480859/։ Վերցված է 29 May 2009. 
  42. Isaiah (26 September 2007). «Barcelona 4–1 Zaragoza». The Offside. http://barcelona.theoffside.com/injuries/barcelona-4-1-zaragoza-review.html։ Վերցված է 27 May 2009. 
  43. «Barcelona's Lionel Messi sidelined with thigh injury». Canadian Broadcasting Corporation. 5 March 2008. http://www.cbc.ca/sports/soccer/story/2008/03/05/lionel-messi.html?ref=rss։ Վերցված է 14 June 2009. 
  44. Fest, Leandro. 44&idioma=CAS&idtipusrecurs_PK= 7&idnoticia_PK= 447107 «Si Messi sigue trabajando así, será como Maradona y Pelé» (Spanish). Sport.es. http://www.sport.es/es/?idpublicacio_PK= 44&idioma=CAS&idtipusrecurs_PK= 7&idnoticia_PK= 447107։ Վերցված է 7 July 2009. 
  45. «Totti le daría el Balón de Oro a Messi antes que a Kaká» (Spanish). MARCA. 29 November 2007. http://archivo.marca.com/edicion/marca/futbol/internacional/es/desarrollo/1063306.html։ Վերցված է 7 July 2009. 
  46. Sica, Gregory (4 August 2008). «Messi Inherits Ronaldinho's No. 10 Shirt». Goal.com. http://www.goal.com/en/news/8/main/2008/08/04/803776/messi-inherits-ronaldinhos-no-10-shirt։ Վերցված է 2 June 2009. 
  47. «Barcelona 2–0 Real Madrid». BBC Sport. 13 December 2008. http://news.bbc.co.uk/sport2/hi/football/europe/7776472.stm։ Վերցված է 29 May 2009. 
  48. 251667 «Barcelona win treble in style». Gulf Daily News. 28 May 2009. http://www.gulf-daily-news.com/NewsDetails.aspx?storyid= 251667։ Վերցված է 28 May 2009. 
  49. 1/newsid= 877275.html «Messi recognised as Europe's finest». uefa.com. 27 August 2009. http://www.uefa.com/competitions/supercup/news/kind= 1/newsid= 877275.html։ Վերցված է 30 August 2009. (չաշխատող հղում)
  50. «Leo Messi extends his stay at Barça». fcbarcelona.com. 18 September 2009. http://www.fcbarcelona.com/web/english/noticies/futbol/temporada09-10/09/n090918106811.html։ Վերցված է 18 September 2009. 
  51. «Messi signs new deal at Barcelona». BBC Sport. 18 September 2009. http://news.bbc.co.uk/sport2/hi/football/europe/8184399.stm։ Վերցված է 18 September 2009. 
  52. «Barcelona forward Lionel Messi wins Ballon d'Or award». BBC Sport. 1 December 2009. http://news.bbc.co.uk/sport2/hi/football/europe/8387679.stm։ Վերցված է 1 December 2009. 
  53. «Messi wins prestigious Ballon d'Or award». ABC Sport. 1 December 2009. http://www.abc.net.au/news/stories/2009/12/01/2759069.htm։ Վերցված է 10 December 2009. 
  54. Barnett, Phil (1 December 2009). «Lionel Messi: A rare talent». The Independent (UK). http://www.independent.co.uk/sport/football/news-and-comment/lionel-messi-a-rare-talent-1831871.html։ Վերցված է 10 December 2009. 
  55. Մեսսին դարձավ «Ոսկե գնդակի» մրցանակակիր
  56. Hedgecoe, Guy (14 March 2010). 20100314202145360000101&ref=hea&tm=&src=LASOC «Messi hat-trick as Barcelona beats Valencia 3–0». si.com. http://sports.sportsillustrated.cnn.com/sud/story.asp?i= 20100314202145360000101&ref=hea&tm=&src=LASOC։ Վերցված է 8 November 2010. 
  57. Barcelona 4–0 «Sevilla: Brilliant Blaugrana Outclass Rojiblancos To Lift Supercopa»։ Goal.com։ 22 August 2010։ http://www.goal.com/en/match/45971/barcelona-vs-sevilla/report Barcelona 4–0։ Վերցված է 22 August 2010։ 
  58. 44&idioma=CAS&idnoticia_PK= 731648&idseccio_PK= 1402 «El Barça humilla al Madrid con otra 'manita' histórica»։ www.sport.es։ 29 November 2010։ http://www.sport.es/es/?idpublicacio_PK= 44&idioma=CAS&idnoticia_PK= 731648&idseccio_PK= 1402։ Վերցված է 29 November 2010։ 
  59. 1360028/index.html «Lionel Messi wins the first FIFA Ballon d'Or»։ 10 January 2011։ http://www.fifa.com/ballondor/news/newsid= 1360028/index.html։ Վերցված է 10 January 2011։ 
  60. «Un punto que vale una Liga»։ http://www.sport.es/es/noticias/barca/20110416/madrid-titulo/976392.shtml։ Վերցված է 16 April 2011։ 
  61. «Barcelona 3 Manchester United 1». BBC Sport. 28 May 2011. http://news.bbc.co.uk/sport2/hi/football/13576522.stm։ Վերցված է 30 May 2011. 
  62. 5739&ver=global «Diego Maradona: Lionel Messi playing kick-about with Jesus». ESPN. 8 April 2010. http://soccernet.espn.go.com/world-cup/story/_/id/767712/ce/uk/?cc= 5739&ver=global։ Վերցված է 8 April 2010. 
  63. «Messi salvó al fútbol». Sport.es. 17 August 2011. http://www.sport.es/es/noticias/barca/20110818/messi-salvo-futbol/1120978.shtml։ Վերցված է 17 August 2011. 
  64. «Súper Messi da la Supercopa al Barça». Sport.es. 26 August 2011. http://www.sport.es/es/noticias/barca/20110826/super-messi-supercopa-barca/1130917.shtml։ Վերցված է 26 August 2011. 
  65. «El Barça se aficiona a las 'manitas'». Sport.es. 28 September 2011. http://www.sport.es/es/noticias/barca/barca-aficiona-las-manitas-1164552։ Վերցված է 28 September 2011. 
  66. «El Barça consolida su liderato con otro recital de Messi». Sport.es. 16 October 2011. http://www.sport.es/es/noticias/barca/barca-consolida-liderato-con-otro-recital-messi-1183586։ Վերցված է 16 October 2011. 
  67. «Messi es infalible: hat trick... ¡y a octavos!». Sport.es. 1 November 2011. http://www.sport.es/es/noticias/barca/messi-infalible-hat-trick-octavos-1204309։ Վերցված է 1 November 2011. 
  68. «Gerd Müller hails 'incredible' record-breaking goalscorer Lionel Messi». The Guardian. 10 December 2012. http://www.guardian.co.uk/football/2012/dec/10/lionel-messi-barcelona։ Վերցված է 13 December 2012. 
  69. 104/edition= 9102/index.html «FIFA World Youth Championship Netherlands 2005»։ FIFA։ http://www.fifa.com/tournaments/archive/tournament= 104/edition= 9102/index.html։ Վերցված է 7 July 2009։ 
  70. Vickery, Tim (22 August 2005). «Messi handles 'new Maradona' tag». BBC Sport. http://news.bbc.co.uk/sport1/hi/football/world_football/4172400.stm։ Վերցված է 7 July 2009. 
  71. «Argentine striker Messi recalled for World Cup qualifier»։ People's Daily Online։ 20 August 2005։ http://english.people.com.cn/200508/20/eng20050820_203655.html։ Վերցված է 7 July 2009։ 
  72. Vickery, Tim (5 June 2006). «Messi comes of age». BBC Sport. http://news.bbc.co.uk/sport1/hi/football/world_cup_2006/teams/argentina/5047440.stm։ Վերցված է 7 July 2009. 
  73. «Argentina allay fears over Messi». BBC Sport. 30 May 2006. http://news.bbc.co.uk/sport1/hi/football/world_cup_2006/teams/argentina/5023884.stm։ Վերցված է 7 July 2009. 
  74. «Tevez Nets In Argentina Victory». BBC Sport. 29 June 2007. http://news.bbc.co.uk/sport1/hi/football/internationals/6252156.stm։ Վերցված է 11 October 2008. 
  75. «Argentina into last eight of Copa». BBC Sport. 3 July 2007. http://news.bbc.co.uk/sport1/hi/football/internationals/6263888.stm։ Վերցված է 11 October 2008. 
  76. 1055&ano= 2007&dv= 1&flt=C&id= 18&slangab=E «Argentina-Paraguay». Conmebol. 5 July 2007. http://web.archive.org/web/20070929133942/http://www.conmebol.com/competiciones_evento_reporte.jsp?evento= 1055&ano= 2007&dv= 1&flt=C&id= 18&slangab=E։ Վերցված է 28 May 2009. 
  77. «Argentina and Mexico reach semis». BBC Sport. 9 July 2007. http://news.bbc.co.uk/sport1/hi/football/internationals/6282908.stm։ Վերցված է 11 October 2008. 
  78. «Messi's Magic Goal». BBC Sport. 12 July 2007. http://news.bbc.co.uk/sport1/hi/football/internationals/6294930.stm։ Վերցված է 11 October 2008. 
  79. «Brazil victorious in Copa America». BBC Sport. 16 July 2007. http://news.bbc.co.uk/sport1/hi/football/6899694.stm։ Վերցված է 28 May 2009. 
  80. «Barcelona give Messi Olympics thumbs-up». AFP. 7 August 2008. http://web.archive.org/web/20110711111228/http://afp.google.com/article/ALeqM5hBwBdQawHH84xSfUkq2uo3w1nwvA։ Վերցված է 27 May 2009. 
  81. Millward, Robert (23 August 2008). «Argentina beats Nigeria 1–0 for Olympic gold». USA Today. http://www.usatoday.com/sports/olympics/2008-08-23-860591452_x.htm։ Վերցված է 27 May 2009. 
  82. Chadband, Ian (27 June 2010). «Argentina 3 Mexico 1: match report». Daily Telegraph (UK). http://www.telegraph.co.uk/sport/football/world-cup-2010/news/7855031/Argentina-3-Mexico-1-match-report.html։ Վերցված է 27 June 2010.  (չաշխատող հղում)
  83. White, Duncan (3 July 2010). «Argentina 0 Germany 4: match report». Daily Telegraph (UK). http://www.telegraph.co.uk/sport/football/world-cup-2010/news/7868494/Argentina-0-Germany-4-match-report.html։ Վերցված է 3 July 2010.  (չաշխատող հղում)
  84. 11359 «Lionel me prometió venir a mi cumple de quince después del Mundial» (Spanish). Gente Online. http://www.gente.com.ar/nota.php?ID= 11359։ Վերցված է 18 June 2009. 
  85. «Aún le mueve el tapete a Messi» (Spanish). El Universal. 19 June 2008. http://www.vefutbol.com.mx/notas/16849.html։ Վերցված է 18 June 2009.  (չաշխատող հղում)
  86. «Luciana Salazar y Messi serían pareja» (Spanish). Crónica Viva. 19 June 2008. http://web.archive.org/web/20090608003136/http://www.cronicaviva.com.pe/content/view/45050/1/։ Վերցված է 18 June 2009. 
  87. «Messi, a dicembre... sogni d'oro» (Italian). Calcio Mercato News. 21 April 2009. http://www.calciomercato.it/news/46787/Messi-a-dicembre-sogni-doro!.html։ Վերցված է 13 July 2009. 
  88. «Press centre – UNICEF to announce Lionel Messi as Goodwill Ambassador»։ UNICEF։ http://www.unicef.org/media/media_52938.html։ Վերցված է 7 June 2010։ 
  89. отборочного раунда к чемпионату мира 2006, Чемпионат мира по футболу 2010 (отборочный турнир).

Արտաքին հղումներ[խմբագրել]