Ռոնալդո

Ռոնալդո
(ֆուտբոլիստ, կենտրոնական հարձակվող)
ԱԱՀ՝	Ռոնալդո
Ծննդյան օր՝	սեպտեմբերի 18, 1976
Ծննդավայր՝	Ռիո Դե Ժաներիո, Բրազիլիա

Ռոնալդո Լուիս Նազարիո Դե Լիմա (պորտուգալերեն՝ Ronaldo Luís Nazário de Lima, ծ. 1976, սեպտեմբերի 18, Ռիո Դե Ժանեյրո), բրազիլացի ֆուտբոլիստ, կենտրոնական հարձակվող։ Հանդես է եկել Բրազիլիայի «Սան Քրիստովաո», «Կրուզեյրո», Հոլանդիայի «ՊՍՎ Էյնդհովեն», Իսպանիայի «Բարսելոնա», Մադրիդի «Ռեալ», իտալական «Ինտեր», «Միլան» թիմերում։ Ազգային հավաքականում անցկացրել է 87 խաղ, խփել 56 գոլ։ 2002 աշխարհի չեմպիոն, 1998 աշխարհի առաջնության երկրորդ մրցանակակիր, Հարավային Ամերիկայի կրկնակի չեմպիոն 1997-99, Եվրոպայի չեմպիոնների գավաթակիրների 2002, գավաթակիրների 1997, ՈՒԵՖԱ-ի 1998 գավաթակիր, միջմայրցամաքային գավաթի հաղթող 2002-ին։ 1996-97 և 2002 աշխարհի, իսկ 1997 և 2002 Եվրոպայի լավագույն ֆուտբոլիստ։ Ըստ «World Soccer» ամսագրի Ռոնալդոն լավագույն 100 ֆուտբոլիստների ցանկում տասներեքերորդն է: Ներկայումս աշխարհի առաջնությունների գոլային ռեկորդը պատկանում է նրան՝ 15 գոլ։

Կարիերա

Կրուզեյրո

1993 թվականին Ռոնալդոն մուտք գործեց իր առաջին պրոֆեսսիոնալ ակումբը: Դեպի «Կրուզեյրո» տրանսֆերի գինը կազմում էր 50.000 ԱՄՆ Դոլլար։ Այս ակումբում սկսած 1993 հուլիսից մինչև 1994 օգոստոս նա 57 գոլի հեղինակ դարձավ: Լինելով առաջնությունների լավագույն ռմբարկուն, նա ուշադրության արժանացավ եվրոպական ակումբների կողմից։

ՊՍՎ Էյնդհովեն

1994 հուլիսին նա տեղափոխվեց հոլանդական «ՊՍՎ» 5.000.000 ֆունտ ստեռլինգով: Շուտով նրա հետ գործարք ստորագռեց «Nike» ընկերությունը: Հոլանդերենի վատ իմացությունը, վատ կլիման և անհարմար սնունդը սակայն չխանգարեցին 17-ամյա Ռոնալդոյին դառնալ հոլանդիայի առաջնության լավագույն ռմբարկուն, իսկ իր թիմը գրավեց երրորդ տեղը: 1995 թվականի սկզբում Միլանի «Ինտեր» ակումբի նախագահը Մասսիմո Մորատտին, «ՊՍՎ» ակումբի հետ եկան համաձայության, Ռոնալդոյի «Ինտեր» գնալու կապակցությամբ:

Երկրորդ սեզոնի ժամանակ Ռոնալդոյի գործերը ավելի վատացան: Ակումբը նորից հայտնվեց երրորդ տեղում, բացի այդ ֆուտբոլիստը ծնկի հատվածում ցավեր զգում: Պարապմունքները մի քանի օրով դադարեցվեց, բայց սա չօգնեց նրան: 1996 թվականի փետրվարն տարավ ծնկի վիրահատություն, և 4 ամիս այլևս չխաղաց: Բրազիլացի հարձակվող Ռոմարիոն խորհուրդ տվեց Ռոնալդոյին ֆիզիոթերապեվտ Նիլտոն Պետրոնեին, որի մոտ անձամբ ինքներ բուժվել: Ռոնալդոն լքեց Էյդնհովենը և անցավ 90-օրյա կլինիկական բուժման: Այդ ամբողջ ընթացքում նա ֆիզիոթերապիա էր անցնում մարզադահլիճում և լողավազանում: Ապաքինումից հետո նա իհարկե հասավ Հոլանդիայի գավաթի եզրափակիչ խաղին, բայց գլխավոր մարզիչ Դիկ Ադվոկատը թույլ տվեց նրան անցկացնել խաղի վերջին մի քանի րոպեն, դրանից հետո Ռոնալդոն լքեց ՊՍՎ-ն:

Բարսելոնա

Ատլանտայի օլիմպիական խաղերի ժամանակ Բրազիլիան դարձավ բրոնզե մեդալակիր, և Ռոնալդոն այդ առաջնությունում ցույց տվեց հիանալի ֆուտբոլ: Կատալոնյան «Բարսելոնան» առաջարկեց ՊՍՎ-ին 20.000.000 միլլիոն ամերիկյան դոլլար, իսկ «Ինտերը» հրաժարվեց վճարել ավելի մեծ գումար: Այսպիսով Ռոնալդոն դարձավ Բարսելոնայի ֆուտբոլիստ: Բարսելոնայում նա անցկացնում էր հիանալի խաղեր, խփում եր շատ գոլեր: «Կոմպոստելա» ակումբի դեմ խաղում նա դաշտի կենտրոնից խլեց գնդակը, ճեղքելով ամբողջ պաշտպանութունը և մոտ 11 մետրից հարվածելով դարպասին դարձավ անկրկնելի գոլի հեղինակ: Իր հիանալի խաղը նա ցուցադրեց մինչև տարեվերջ, և ըստ «ՖԻՖԱ»-ի տվյալներ ճանաչվեց մոլորակի լավագույն ֆուտբոլիստ:

1996-1997 սեզոնին նա 49 խաղում 47 գոլ խփեց: Նրա շնորհիվ Բարսելոնան նվաճեց Իսպանիայի գավաթը և հաղթեց Իսպանիայի լիգան։

Ինտեր

1997 թվականի հուլիսին, Ռոնալդոն տեղափոխվեց Միլանի «Ինտեր»: Իտալական ակումբը բրազիլացու համար վճարել էր 25.000.000 ֆունտ ստեռլինգ: Նրան դիմավորեց 10.000 երկրպագու, նույնքան մարդ էլ կար ակումբի մարզասրահում: Ռոնալդոն իր սիրելի 9 համարի փոխարեն կրում էր 10 համարը, քանի որ ինը համարը զբաղված էր: Այդպիսի մարզազգեստերը Ռոնալդոյի անվամբ շատ էին գնվում ֆանատների կողմից:

Ակումբ տեղափոխվելը վատ չազդեց ֆուտբոլիստի վրա: «Պյաչենցա» ակումբի դեմ խաղում նա դարձավ հետ-տրիկի հեղինակ, և ֆաները նրան անվանեցին «Ֆենոմեն»:

1997 թվականի արդյունքներով նա ստացավ Ոսկե Գնդակը և պատմության մեջ դարձավ առաջին ֆուտբոլիստը, որը երկու տարին անընդմեջ տարվա լավագույն ֆուտբոլիստը ճանաչվեց, սակայն նրա ռեկորդը վերջերս գերազանցեց արգենտինացի հրաշամանուկ Լեո Մեսսին՝ 4 անգամ անընդմեջ ստանալով ոսկե գնդակը: «Ինտերը» Իտալիայի առաջնությունում հետ ընկավ «Յուվենտուսից» և գրավեց երկրորդ տեղը, ինչպես նաև հաղթեց ՈՒԵՖԱ-ի չեմպիոնների լիգայի գավաթը։

1998-1999 մրցաշրջան

Այս սեզոնից առաջ եղավ համարների փոխանակում, և Ռոնալդոն արդեն ստացել էր իր սիրելի 9 համարը: 1999 թվականին ՖԻՖԱ-ի տվյալներով «Տարվա լավագույն ֆուտբոլիստների» շարքում գրավեց երկրորդ տեղը, զիջելով ֆրանսիացի Զիդանին: Այս սեզոնում Ռոնալդոյին սկսեց անհանգստացնել աջ ծնկի հատվածի ցավերը, բայց Նիլտոն Պետրոնեն չթույլատրեց նորից վիրահատություն անել, քանի որ ցավերը մշտական չէին:

1999-2000 մրցաշրջան

Այս սեզոնը նույնպես վատ չսկսվեց Ռոնալդոյի համար, բայց «Լեչչե»-ի դեմ հանդիպումը ցույց տվեց, որ վիրահատությունը պարտադիր է: Բուժումը անցկացվում էր Փարիզի կլինիկաներից մեկում, վերականգնումը պահանջում էր 4 ամիս: Բուժման ընթացքում նա իմացավ, որ իր կինը հղի է և խոստացավ «Իմ տղան պետք է տեսնի ինձ դաշտում»։

Որդին՝ Ռոնալդը ծնվեց ապրիլի 6-ին, բայց Ռոնալդոյի բուժումը ավարտվում էր ապրիլի 12-ին։ Ինտերը պետք է խաղար «Լացիոյի» դեմ՝ Իտալիայի գավաթի եզրափակիչում: Բժիշկները թույատրեցին նրան խաղալ միայն 20 րոպե։

Այս հանդիպումը նա վատ չանցկացրեց, մի քանի վտանգավոր պահեր ստեղծեց, բայց մի դրվագում նա ընկավ խոտածածկին և բռնեց ծունկը: Արցունքոտ աչքերով և ուժեղ գոռացող Ռոնալդոյին տարան դաշտից: Ռոնալդոյին տարան Փարիզ, բայց այս անգամ պետք էր լուրջ վիրահատություն և մեկ տարվա բուժում։

Ռոնալդոն ստանում էր մեծ օգնություն երկրպագուներից, հարազատներից և թիմակիցներից։ Ռոնալդոյին այցելեցին Զիդանը, Պելեն, Բրազիլիայի նախագահը: 2000 թվականի մարտին նա վերադարձավ ֆուտբոլ՝ «Մարականա» ստադիոնում, որտեղ նրան ուղեկցում էին Միխայիլ Շումախերը և Զիկոն: Դուրս գրվելով հիվանդանոցից, նա վերադարձավ Իտալիա, խաղում էր ընկերական հանդիպումներում: Այն 2 տարիները, որ նա անցկացրեց դաշտից դուրս, կորցրեցին նրա համբավը, Բրազիլիայում շատ ֆուտբոլիստներ ի հայտ եկան, որոնց հետ նա պետք է պայքարեր 2002-ին աշխարհի առաջնությունում մասնակցելու համար։

Ռեալ Մադրիդ

2002 թվականի աշխարհի առաջնության խաղերին նա հիանալի հանդես եկավ և Մադրիդի «Ռեալը» այս ֆուտբոլիստին գնեց 40.000.000 ֆունտ ստեռլինգով: Աստղային այս ակումբում արդեն խաղում էին Լուիշ Ֆիգուն և Զինեդին Զիդանը: Առաջին իսկ խաղից նա սկսեց հիանալի հանդես գալ, խփում էր գոլեր, ցույց էր տալիս հիանալի ֆուտբոլ:2002 աշխարհի առաջնությանը արժանանալով առաջնության լավագույն ֆուտբոլիստի կոչմանը,մյուս կողմից ել հիանալի խաղը <<Ռեալում>> ֆուտբոլիստին մոլորակի լավագույն ֆուտբոլիստ դարձրեցին արդեն երրորդ անգամ: Առաջին «Էլ-Կլասիկոյում» Ռոնալդոն խաղալ չկարողացավ, գրիպի պատճառով: 2003 թվականին նա խաղաց պատասխան հանդիպումը և գոլ խփեց, խաղն ավարտվեց 1-1: Այսպիսով բրազիլացու «Ռեալում» հայտնվելով նրանք հաղթեցին Իսպանիաի առաջնությունը:

Չեմպիոնների Լիգա

Չեմպիոնների լիգայում Մադրիդի «Ռեալը» երկու խմբային փուլերը հաջող անցկացրեց,իսկ փլեյ-օֆֆում պետք է խաղար «Մանչեստեր Յունայթեդի» դեմ: Առաջին խաղը տեղի ունեցավ Մադրիդում,«Ռեալը» հաղթեց 3-1 հաշվով: Իսկ պատասխան հանդիպան ժամանակ Մ. Յունայթեդը հաղթում էր ընդհանուր հաշվով 3-4: Ռոնալդոն մտնելով խաղադշտ խփում է 3 գոլ և հանում «Ռեալին» հաջորդ փուլ. Մ-Յունայթեդի երկրպագուները ոտընկայս էին ծափահարում Ռոնալդոյին: Հաջորդ խաղը իտալական «Յուվենտուս» ակումբի դեմ էր, որը Ռոնալդոն բաց թողեց և «Ռեալը» պարտվեց: Այդ առիթով «Ռեալի» գլխավոր մարզչի կոչումից ազատվեց Վիսենտե Դել Բոսկեն: Այս սեզոնում Ռոնալդոն արդեն երկրորդ անգամ դարձավ «Լա-Լիգայի» լավագույն ռմբարկուն, բայց ակումբը Լիգայում գրավեց Չորրորդ տեղը:

Անհաջող մրցաշրջանները

Հաջորդ երկու սեզոններում Ռոնալդոն չնվաճեց և ոչ մի գավաթ, միյայն երկու անգամ նա հայտնվեց լավագույն ռմբարկուների հնգյակում: «Ռեալը» 2 անգամ պարտվեց «Բարսելոնային» չեմպիոնության համար, «Չեմպիոնների Լիգայում» 1/8 եզրափակչում նույնպես պարտվեց: Մյուս կողմից Ռոնալդոյին սկսեց անհանգստացնել իր քաշը, կրիտիկները երկրպագուների հետ միասին քննադատում էին նրան, և աշխարհի երկակի չեմպիոնը որոշեց պատրաստվել 2006 թվականի աշխարհի առաջնությանը:

Միլան

Ռեալի նախագահ Ֆլորենտինո Պերեսը, լքեց ակումբը, իսկ նրա տեղը գրավեց Ռամոն Կալդերոնը, որը Ֆաբիո Կապելլոյին նշանակեց գլխավոր մարզիչ: Ռոնալդոյի համար դժվար էր աշխատելը այս մարզչի հետ, քանի որ Կապելլոն չէր թույլատրում նրան խաղալ Առաջին կազմում: Այս սրված հարաբերությունները վերջացավ վեճով, և Ռոնալդոն որոշեց տեղափոխվել ուրիշ ակումբ:

Մրցաշրջան 2006-2007

2007 թվականի հունվարին, Ռոնալդոն տեղափոխվեց Միլան 6,675 մլն ֆունտ ստերլինգով: Խաղում էր 99 համարի տակ, քանի որ 9 համարի տակ խաղում էր Ֆիլլիպո Ինզագին։

Երկրորդ սեզոնում խաղում էր շատ լավ և դարձավ 7 գոլի հեղինակ, որից մեկը «Ինտերի» դեմ դեռբիում:

Մրցաշրջան 2007-2008

Այս սեզոնը անհաջող սկսվեց նրա համար, քանի որ ոչ շատ լուրջ վնասվացք ուներ:Խաղում էր միայն ընկերական խաղերում, և ընդամենը 2 գոլ էր խփել: Միլանի գլխավոր մարզիչ Կառլո Անչելոտին հայտարարեց որ, Ռոնալոն այլևս դուս չի գա խաղադաշտ, վնասվացքի պատճառով:

Լուրջ վնասվածք

Հենց այս սեզոնում, «Սան-Սիրո» մարզադաշտում «Լիվորնոյի» դեմ հանդիպմանը Ռոնալդոն դուրս եկավ փոխարինման և միանգամից միացավ խաղին: Ստեղծեց մի քանի վտանգավոր պահեր: Մի ցավալի դրվագում, երբ նա պայքարում էր Վիդիգալի և Դարիո Կնեժեվիչի դեմ, ուժեղ հարված ստացավ, բռնեց ծունկը և ընկավ խոտածացկին: Հասկանալի դարձավ, որ Ռոնալդոն վնասվացք ունի, և այս անգամ շատ ավելի լուրջ քան մյուսները։

Բժիշկները և երկրպագուները կարծում էին, որ Ռոնալդոյի կարիերան ավարտված է, իսկ ինքը ֆուտբոլիստը անորոշության մեջ էր: Միլանը չերկարացրեց պայմանագիրը ֆուտբոլիստի հետ, և Ռոնալդոն դարձավ ազատ ֆուտբոլիստ: Մի քանի ամիս բուժվելուց հետո, նա հայտարարեց որ վերադառնում է ֆուտբոլ ու շարունակեց պարապմունքները բրազիլական «Ֆլամենգոյում»: Այդ ընթացքում շատ ակումբներ սկսեցին հետաքրքվել ֆուտբոլիստով, մանստավորապես «Ֆլամենգոն», «Սիենան», Փարիզի «Սեն-Ժերմենը», «Մանչեստեր Սիթին», «Սամդորիյան», «Բեշիկթաշը» և իրնախկինակումբ«Միլանը»։