Պաոլո Մալդինի

Վիքիպեդիայից՝ ազատ հանրագիտարանից
Ֆուտբոլ

Պաոլո Մալդինի
PaoloMaldini.jpg
Անձնական տեղեկատվություն
Ամբողջ. անուն Պաոլո Չեզարե Մալդինի
Ազգությունը Իտալիա իտալացի
Քաղաքացիությունը Իտալիա Իտալիա
Մականուն Il Capitano (Ավագ)
Ծննդավայր   Միլան, Իտալիա
Ծննդյան թիվ   հունիսի 26, 1968 (1968-06-26) (46 տարեկան)
Հասակ 186 սմ
Քաշ 85 կգ
Դիրք պաշտպան
Ակումբային տեղեկատվություն
Ներկա ակումբ կարիերան ավարտել է
Պատանեկան կարիերա
1978 - 1985 Իտալիա Միլան
Մասնագիտական կարիերա 1
Տարի Ակումբ Խաղ (Գոլ)
1985 - 2009 Իտալիա Միլան 647 (29)
Ազգային հավաքական
1986 - 1988 Իտալիա Իտալիա Մ-21 12 (5)
1988 - 2002 Իտալիա Իտալիա 126 (7)

1 Մասնագիտական կարիերայում ընդգրկված են
միայն առաջնության խաղերը և գոլերը.


Պաոլո Չեզարե Մալդինի (իտալ.՝ Paolo Cesare Maldini, ծնվ. հունիսի 26, 1968թ., Միլան, Իտալիա) - իտալացի նախկին ֆուտբոլիստ, Միլանի նախկին անվանի ֆուտբոլիստ Չեզարե Մալդինիի որդին։ Ֆուտբոլի ողջ պատմության լավագույն պաշտպաններից մեկը, խաղում էր ինչպես ձախ, այնպես էլ կենտրոնական պաշտպանի դիրքերում։ Ողջ մարզական կարիերայի ընթացքում հանդես է եկել Միլան ակումբի կազմում՝ անցկացնելով ռեկորդային 902 խաղ[1], և դառնալով ակումբի խորհրդանիշն ու լեգենդը։ Այդ ընթացքում նա հինգ անգամ հաղթել է Չեմպիոնների Լիգայում, յոթ անգամ՝ Սերիա Ա-ում, մեկ անգամ՝ Իտալիայի գավաթում, հինգական անգամ՝ Իտալիայի և Եվրոպայի սուպերգավաթներում, երկու անգամ՝ Միջմայրցամաքային գավաթներում, մեկ անգամ՝ Աշխարհի ակումբային առաջնությունում։ Համարվում է բացարձակ ռեկորդակիր Սերիա Ա-ում անցկացրած խաղերի քանակով՝ 647 խաղ։

Երկար ժամանակ եղել է ինչպես Միլան ակումբի, այնպես էլ Իտալիայի հավաքականի ավագը։ Երկրպագուները նրան կոչում էին "Il Capitano" ((իտալերեն) Ավագ) մականունով։

1995թ.-ին ներկայացվել է «ՖԻՖԱ Տարվա Խաղացող» մրցանակաբաշխությանը և զբաղեցրել երկրորդ հորիզոնականը՝ զիջելով միայն Միլան ակումբի մեկ այլ խաղացող՝ Ջորջ Վեաին[2]։ 2007թ.-ին «UEFA Club Football Awards» մրցանակաբաշխության ժամանակ ճանաչվել է Եվրոպայում տարվա լավագույն պաշտպան[3]։

2000թ.-ի հուլիսի 12-ին, այն բանից հետո, երբ Իտալիայի հավաքականը դարձավ Եվրոպայի փոխչեմպիոն, Մալդինին պարգևատրվեց Իտալիայի բարձրագույն շքանշանով՝ «Իտալական Հանրապետությանը մատուցած ծառայության համար» շքանշանի սպա (չորրորդ աստիճան)[4]։

Կարիերա[խմբագրել]

Պաոլո Մալդինին դեռ վաղ մանկական հասակից երազում էր դառնալ ֆուտբոլիստ և նմանվել հորը՝ Միլանի հանրահայտ ավագ Չեզարե Մալդինիին։ 1985հունվարի 20-ին, երբ նա դեռ 16 տարեկան էր, Ուդինեզեի հետ արտագնա խաղում (1։ 1) ակումբի մարզիչ Նիլս Լիդհոլմը Մալդինիին ընդգրկում է կազմի ցուցակում. դա նրա առաջնամուտն էր մեծ ֆուտբոլ։ Չնայած այդ մրցաշրջանում դա նրա միակ ելույթն էր Ա Սերիայում, սակայն արդեն հաջորդ մրցաշրջանից սկսած մինչև իր կարիերայի ավարտը Մալդինին ամուր գրավում ու պահպանում է իր տեղը ակումբի հիմնական կազմում։

Aquote1.png Մալդինին պաշտպան է Աստծուց Aquote2.png


Մալդինիի մուտքը պրոֆեսիոնալ ֆուտբոլ զուգադիպել է Սիլվիո Բերլուսկոնիի՝ ակումբի նոր նախագահ դառնալու և, դրա հետ կապված, ակումբի վերելքի հետ։ 1987-88 մրցաշրջանի սկուդետտոն դարձել է նրա առաջին տիտղոսը։ Միլանի կազմում նա անց է կացրել 902 խաղ։ Նրա վերջին խաղը ակումբում, որը դարձել է վերջինը նաև կարիերայում, տեղի է ունեցել 2009թ.-ի մայիսի 31-ին, Ֆիորենտինայի հետ և ավարտվել է Միլանի հաղթանակով՝ 2։ 0 հաշվով։

1986-ից Մալդինին սկսել է հանդես գալ Իտալիայի երիտասարդական հավաքականում, որի մարզիչն այդ ժամանակաշրջանում նրա հայրն էր։ Այս հավաքականի կազմում, երկու տարվա ընթացքում նա անց է կացրել 12 խաղ և դարձել 5 գոլերի հեղինակ։ 19 տարեկան հասակում նա հրավիրվել է Իտալիայի հավաքական, որի կազմում առաջին խաղն անց է կացրել 1988մարտի 31-ին, Հարավսլավիայի հետ արտագնա ընկերական հանդիպման ժամանակ (1։ 1)։ Ազգային հավաքականի կազմում անցկացրած խաղերի քանակով (126) Մալդինին զիջում է միայն Ֆաբիո Կաննավարոին։ Ազգային հավաքականում նա իր կարիերան ավարտել է 2002թ.-ին՝ Աշխարհի առաջնությունից անմիջապես հետո։

Վիճակագրություն[խմբագրել]

Ակումբային[խմբագրել]

2009թ.-ի մայիսի 31-ի դրությամբ[6]

Պաոլո Մալդինիի վիճակագրությունը ակումբում
Ակումբ Սեզոն Սերիա Ա Իտալիայի գավաթ Եվրոպական
մրցասպարեզ1
Այլ
առաջնություններ2
Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Միլան 1984–85 1 0  -   -   -   -   -   -  1 0
1985–86 27 0 6 0 6 0 1 0 40 0
1986–87 29 1 7 0  -   -  13 0 37 1
1987–88 26 2 1 0 2 0  -   -  29 2
1988–89 26 0 7 0 7 0  -   -  40 0
1989–90 30 1 6 0 8 0 3 0 47 1
1990–91 26 4 3 0 4 0 2 0 35 4
1991–92 31 3 7 1  -   -   -   -  38 4
1992–93 31 2 8 0 10 1 1 0 50 3
1993–94 30 1 2 0 10 1 4 0 46 2
1994–95 29 2 1 0 11 0 2 0 43 2
1995–96 30 3 3 0 8 0  -   -  41 3
1996–97 26 1 3 0 6 0 1 0 36 1
1997–98 30 0 7 0  -   -   -   -  37 0
1998–99 31 1 2 0  -   -   -   -  33 1
1999–2000 27 1 4 0 6 0 1 0 38 1
2000-01 31 1 4 0 14 0  -   -  49 1
2001–02 15 0  -   -  4 0  -   -  19 0
2002–03 29 2 1 0 19 0  -   -  49 2
2003–04 30 0  -   -  9 0 3 0 42 0
2004–05 33 0  -   -  13 1 1 0 47 1
2005–06 14 2  -   -  9 0  -   -  23 2
2006–07 18 1  -   -  9 0  -   -  27 1
2007–08 17 1  -   -  4 0 2 0 23 1
2008–09 30 0  -   -  2 0  -   -  32 0
Ընդամենը կարիերայի ընթացքում 647 29 72 1 161 3 22 0 902 33

1ներառյալ Չեմպիոնների Լիգա և ՈՒԵՖԱ գավաթ
2ներառյալ Կոպպա Իտալիա, ՈՒԵՖԱ Սուպեր գավաթ, Միջմայրցամաքային գավաթ և ՖԻՖԱ Աշխարհի ակումբային առաջնություն
3ՈՒԵՖԱ-ի գավաթի փլեյ-օֆֆ խաղեր

Ազգային[խմբագրել]

Պաոլո Մալդինիի վիճակագրությունը հավաքականում[7]
Հավաքական Սեզոն
Խաղեր Գոլեր
Իտալիա
1988 10 0
1989 7 0
1990 11 0
1991 8 0
1992 7 0
1993 5 2
1994 12 0
1995 7 1
1996 7 0
1997 11 2
1998 11 1
1999 7 1
2000 11 0
2001 7 0
2002 5 0
Ընդամենը 126 7

Նվաճումներ[խմբագրել]

Միլան[խմբագրել]

Ազգային[խմբագրել]

Անհատական[խմբագրել]

Պետական պարգևներ[խմբագրել]

Cavaliere OMRI BAR.svg 5-րդ՝ ասպետական աստիճանի շքանշան «Իտալիայի Հանրապետությանը մատուցած ծառայությունների համար» (Cavaliere Ordine al merito della Repubblica Italiana)՝ (1991)[8]

ITA OMRI 2001 Uff BAR.svg 4-րդ՝ սպայական աստիճանի շքանշան «Իտալիայի Հանրապետությանը մատուցած ծառայությունների համար» (Ufficiale Ordine al merito della Repubblica Italiana)՝ (2000)[9]

Անձնական կյանք[խմբագրել]

Պաոլո Մալդինին ամուսնացած է վենեսուելացի նախկին մոդել Ադրիանա Ֆոսսայի հետ և ունի երկու որդի. Քրիստիան (ծնվ. 1996թ.) և Դանիել (ծնվ. 2001թ.)։ Քրիստիանը 2013հուլիսից խաղում է Միլանի երիտասարդական թիմում, Դանիելը՝ պատանեկան թիմում։

Հետաքրքիր փաստեր[խմբագրել]

  • Մալդինիի ազգանվան տառերով իտալերեն լեզվով (Maldini) կարելի է կազմել «di Milan» բառակապակցությունը, որը նշանակում է «Միլանից»։
  • Միլանի 3-րդ համարի մարզաշապիկը ամրագրված է Մալդինիի անունով։ Համաձայն պայմանավորվածության՝ այդ համարը կարող են կրել միայն նրա որդիները։
  • Ազգային հավաքականի կազմում Մալդինին խփել է 7 գոլեր։ Հատկանշականն այն է, որ բոլոր այդ 7 խաղերում, որոնց ժամանակ նա դարձել է գոլի հեղինակ, հավաքականը հաղթել է առնվազն 2 գոլերի տարբերությամբ։ Ընդ որում, բոլոր այդ խաղերը եղել են տան դաշտերում, իտալական 7 տարբեր քաղաքներում, սակայն Մալդինիի հայրենի Միլանը այդ քաղաքների թվում չկար։
  • 2004-05 Չեմպիոնների Լիգայի եզրափակիչում, 52-րդ վայրկյանին Մալդինին խփել է Չեմպիոնների Լիգայի եզրափակիչների ամենաարագ գնդակը և դարձել ամենատարեց ֆուտբոլիստը (36 տարեկան 11 ամսական), ով գոլ է խփել Չեմպիոնների Լիգայի եզրափակիչում[10]։
  • 2007-ին հաղթելով Չեմպիոնների Լիգայի եզրափակիչում՝ Մալդինին դարձել է ամենատարեց ֆուտբոլիստը (38 տարեկան 11 ամսական), ով հաղթել է Չեմպիոնների Լիգան[10]։

Արտաքին հղումներ[խմբագրել]

Նախորդող
Իտալիա Ֆրանկո Բարեզի
Միլան ֆուտբոլային ակումբի ավագներ
Պաոլո Մալդինի

1997 - 2009
Հաջորդող
Իտալիա Մասսիմո Ամբրոզինի

Ծանոթագրություններ[խմբագրել]

  1. HALL OF FAME:PAOLO MALDINI(անգլերեն)
  2. FIFA World Player of the Year(անգլերեն)
  3. UEFA Club Football Awards. տարվա լավագույն պաշտպան(անգլերեն)
  4. Ufficiale Ordine al Merito della Repubblica Italiana(իտալերեն)
  5. acmilan.ucoz.net(ռուսերեն)
  6. «Պաոլո Մալդինի-Միլան ակումբի խաղացողի պրոֆիլ»։ Արխիվացված օրիգինալից 30 September 2007-ին։ http://web.archive.org/web/20070930154553/http://www.acmilan.com/LM_Actor.aspx?idSquadra=3&idStagione=14&idPersona=5&name=Maldini%20Paolo։ (իտալերեն)
  7. «Մալդինի-միջազգային խաղեր»։ RSSSF։ http://www.rsssf.com/miscellaneous/maldini-intl.html։ Վերցված է 16 April 2011։ (անգլերեն)
  8. «Cavaliere Ordine al Merito della Repubblica Italiana» (Italian)։ Արխիվացված օրիգինալից 6 December 2008-ին։ http://web.archive.org/web/20081206015714/http://www.quirinale.it/onorificenze/DettaglioDecorato.asp?idprogressivo=212432&iddecorato=211861։ Վերցված է 20 October 2008։ (իտալերեն)
  9. «Ufficiale Ordine al Merito della Repubblica Italiana» (Italian)։ Արխիվացված օրիգինալից 6 December 2008-ին։ http://web.archive.org/web/20081206015759/http://www.quirinale.it/onorificenze/DettaglioDecorato.asp?idprogressivo=77622&iddecorato=77131։ Վերցված է 20 October 2008։ (իտալերեն)
  10. 10,0 10,1 «Champions League Records»։ UEFA.com։ Արխիվացված օրիգինալից 2012-02-04-ին։ http://www.webcitation.org/65CnRsCXL։ Վերցված է 2011-9-22։ (անգլերեն)