Ֆլորիան Ալբերտ

Ֆլորիան Ալբերտ (1941 թ. սեպտեմբերի 15 — 2011 թ. հոկտեմբերի 31) հունգարացի ֆուտբոլիստ, կենտրոնական հարձակվող։ Բազմակողմանի գործող, տեխնիկապես հմուտ, անթերի փոխանցումներ կատարող ֆուտբոլիստ։

Հանդես է եկել «Ֆերենցվարոշ» թիմում (1956-75)։ Հունգարիայի ազգային հավաքականում անցկացրել է 75 խաղ, խփել 31 գոլ։ Աշխարհի 1962 և 1966 թվականների առաջնությունների մասնակից, Եվրոպայի 1964-ի առաջնության 3-րդ մրցանակակիր, 1960-ի օլիմպիական խաղերի բրոնզե մեդալակիր։ 1967-ի Եվրոպայի լավագույն ֆուտբոլիստ։