Յուրգեն Կլինսման

Վիքիպեդիայից՝ ազատ հանրագիտարանից
Ֆուտբոլ

Յուրգեն Կլինսման
Trainer Klinsmann.JPG
Անձնական տեղեկատվություն
Ամբողջ. անուն Յուրգեն Կլինսման
Ծննդյան թիվ   30 հուլիսի 1964
Ծննդավայր   Գյոպինգեմ,

Բադեն-Վյուրտեմբերգ, Գերմանիա

Հասակ 181 սմ
Դիրք հարձակվող
Մասնագիտական կարիերա1
Տարի Ակումբ Խաղ (Գոլ)
1981-1984

1984-1989
1989-1992
1992-1994
1994-1995
1995-1997
1997
1998

Շտուտգարտ Կիկերս

Շտուտգարտ
Ինտեր
Մոնակո
Տոտենհեմ Հոտսպուր
Բավարիա Մյունխեն
Սամպդորիա
Տոտենհեմ Հոտսպուր

61(22)

156 (79)
95 (34)
65 (29)
41 (21)
65 (31)
8 (2)
15 (9)
   

Ազգային հավաքական
1980-1981

1984-1985
1987-1988
1987-1998

Գերմանիա (մինչև 16 տ)

Գերմանիա (մինչև 21)
Գերմանիա (օլիմպ.)
Գերմանիա

3 (0)

8 (3)
14 (8)
108 (47)

Մարզչական կարիերա
2004-2006

2008-2009
2011-

Գերմանիա

Բավարիա Մյունխեն
ԱՄՆ

1 Մասնագիտական կարիերայում ընդգրկված են
միայն առաջնության խաղերը և գոլերը.

Յուրգեն Կլինսման (գերմ.՝ Jürgen Klinsmann; հուլիսի 30 1964, Գյոպինգեմ, Բադեն-Վյուրտեմբերգ, ԳՖՀ), գերմանացի ֆուտբոլիստ, հարձակվող, բոլոր ժամանակների լավագույն գերմանացի ֆուտբոլիստներից մեկը։ Մազերի գույնի և գոլեր խփելու ունակության համար համար ստացել է «ոսկե ռմբարկու» մականունը։

Ֆուտբոլիստի կարիերան[խմբագրել]

Ակումբային կարիերան[խմբագրել]

Ֆուտբոլ խաղալ սկսել է 8 տարեկանից, խաղալով բոլոր դիրքերում, նույնիսկ դարպասապահ։ Պրոֆեսիոնալ կարիերան սկսել է 16 տարեկանից, հանդես գալով Գերմանիայի 2-րդ դիվիզիոնի «Շտուտգարտ Կիկերս» ակումբում։ 1984 թվականից սկսել է խաղալ արդեն բունդեսլիգայի «Շտուտգարտ» ավելի հեղինակավոր ակումբում։ Կլինսմանը հանդես է եկել նաև Մյունխենի Բավարիայի, Ինտերի, Մոնակոի, Սամպդորիայի և Տոտենհեմ Հոտսպուրի կազմում։

Հավաքականի կարիերան[խմբագրել]

Կլինսմանը Գերմանիայի ֆուտբոլի ազգային հավաքականի կազմում խաղալով ունեցել է փայլում կարիերա, խաղալով 108 խաղ և խփելով 47 գնդակ։ Իր խաղային լավագույն տարիներին համարվում էր հավաքանի առաջատար հարձակվողն ու գլխավոր հարվածային ուժը։ 1998 թվականին ավարտել է խաղային կարիերան որպես ֆուտբոլիստ և աշխատել է որպես մարզիչ։

Մրցանակներ և փաստեր[խմբագրել]

  • 1988 թվականի Օլիմպիական խաղերի բրոնզե մեդալակիր
  • Մասնակցել է ֆուտբոլի Եվրոպայի 1988, 1992 և 1996 թթ. առաջնություներին
    • 1992 թվականի արծաթե մեդալակիր
    • 1996 թվականի Եվրոպայի չեմպիոն
  • Մասնակցել է ֆուտբոլի աշխարհի 1990, 1994 և 1998 թթ. առաջնություններին
    • 1990 թվականի աշխարհի չեմպիոն է, խփել է 3 գոլ
    • 1994 թվականին խփել է 5 գոլ
    • 1998 թվականին խփել է 3 գոլ
  • Կլինսմանը ֆուտբոլի պատմության առաջին ֆուտբոլիստն է, ով մասնակցելով 3 Ֆուտբոլի աշխարհի առաջնությունների, յուրաքանչյուր առաջնությունում խփել է 3 և ավելի գնդակ։
  • Ընդգրկվել է ՖԻՖԱ 100 ցանկում։
  • ՈւԵՖԱ-ի գավաթի 1991 և 1996 թվականի հաղթող (համապատասխանաբար Ինտերի և Բավարիայի կազմում)
  • Գերմանիայի 1994 և 1998 թթ. տարվա լավագույն ֆուտբոլիստ
  • Անգլիայի 1995 թվականի տարվա լավագույն ֆուտբոլիստ (Անգլիայի ֆուտբոլի պատմության առաջին արտասահմանցի ֆուտբոլիստը, ով արժանացել է այդ մրցանակին)
  • Գերմանիայի 1997 թվականի չեմպիոն
  • Ընդհանուր թվով հավաքականի կազմում մասնակցել է 130 խաղի, խփել 58 գնդակ, իսկ ակումբային խաղերում մասնակցել 506 խաղի խփելով 277 գնդակ

Մարզչական կարիերան[խմբագրել]

2004 թվականի հուլիսի 26-ից եղել է Գերմանիայի ֆուտբոլի ազգային հավաքականի գլխավոր մարզիչը, փոխարինելով Ռուդի Ֆյոլլերին։ 2006 թվականի հուլիսի 12-ից նրան փոխարինել է Յոահիմ Լյովը։ 2008 թվականի հուլիսի 1-ից մինչև 2009 թվականի ապրիլի 27-ը մարզել է Բավարիա ակումբը։ 2010 թվականի նոյեմբերի 3-ից պաշտոնապես նշանակվել է «Տորոնտո» ակումբի մարզիչ-խորհրդատու։ 2011 թվականի հուլիսի 29-ից փոխարինել է Բոբ Բրեդլիին ԱՄՆ-ի ֆուտբոլի հավաքականի գլխավոր մարզչի պաշտոնում։ Իսկ 2011 թվականի օգոստոսին նրա մարզչությամբ ԱՄՆ-ն անցկացրել է 2 հանդիպում Մեքսիկայի և Ֆիլադելֆիայի հետ։

Մարզչական մրցանակներ[խմբագրել]

Անձնական կյանք և այլ գործունեություն[խմբագրել]

Կլինսմանը իր կարիերայի ընթացքում հանդես գալով արտասահմանյան երկրներում, իր մայրենի գերմաներենից բացի տիրապետել է նաև անգլերեն, ֆրանսերեն, իտալերեն և իսպաներեն լեզուներին։ 1995 թվականին ամուսնացել է նախկին մոդել Դեբբի Չինի հետ (ծնունդով Սան-Խոսե քաղաքից)։ 1998 թվականից բնակվում է ԱՄՆԿալիֆորնիա նահանգի Լոս-Անջելես քաղաքի Հանտինգտոն-Բիչ թաղամասում, ունի երկու երեխա։ Մինչև ԱՄՆ-ի հավաքականի գլխավոր մարզիչ աշխատելը աշխատել է նաև Los Angeles Galaxy ակումբում որպես գլխավոր մարզչի օգնական։

Կլինսմանը 2000 թվականին ստեղծված Գերմանիայի երիտասարդական ֆուտբոլի ֆոնդի նախագահության անդամ է։ Ֆոնդը Գերմանիայում զբաղվում է պատանեկան և երիտասարդական, ինչպես նաև այսպես կոչված բակային ֆուտբոլի զարգացմանը։ Յուրգեն Կլինսմանը զբաղվում է նաև բարեգործական աշխատանքներով։ Նա հիմնել է Agapedia բարեգործական ընկերությունը, ով օգնում է հիվանդ երեխաներին։ 2001 թվականից նա ԱՄՆ-ի սպորտային խորհրդատվական ընկերության ֆուտբոլի բաժնի փոխնախագահն է։

Լուսանկարներ[խմբագրել]

Արտաքին հղումներ[խմբագրել]