Պերուի հավաքականի պատմության ընթացքում նրա կազմում հանդես են եկել այնպիսի հանրահայտ ֆուտբոլիստներ, ինչպիսիք են Տեոդորո Ֆեռնանդեսը, Տեոֆիլո Կուբիլյասը, Էկտոր Չումպիտասը, Սեսար Կուետոն, Նոլբերտո Սոլանոն, Կլաուդիո Պիսարոն, Պաոլո Գերերոն և այլք։ Պերուական ֆուտբոլի ոսկե ժամանակաշրջան են հանդիսանում 1970-ական թվականները, երբ երկրի հավաքականը, համալրված Տեոֆիլո Կուբիլյասի, Ուգո Սոտիլի, Էկտոր Չումպիտասի և Սեսար Կուետոյի նման ֆուտբոլիստներով, երկու անգամ ընդգրկվեց աշխարհի առաջնության լավագույն ութ թիմերի շարքում, իսկ 1975 թ. հաղթեց Ամերիկայի գավաթի խաղարկությունում։