Դիեգո Ֆորլան

Դիեգո Ֆորլան
Անձնական տեղեկատվություն
Ամբողջական անուն	Diego Forlán Corazo Martin
Ծննդյան թիվ	մայիսի 19, 1979 (1979-05-19)
Ծննդյան քաղաք և երկիր	Մոնտեվիդեո,
Հասակ	1.80 մ
Դիրք	հարձակվող
Ակումբային տեղեկատվություն
Ներկա ակումբ	Ինտեր Միլան
Համար	7
Մասնագիտական կարիերա1
Տարի	Ակումբ	Խաղ (Գոլ)
1997-2001 2001-2004 2004-2007 2007-2011 2011-ներկա	Ինդեպենդիենտե Մանչեսթեր Յունայթեդ Վիլյառեալ Ատլետիկո Մադրիդ Ինտեր Միլան	80 (37) 63 (10) 106 (54) 134 (74) 0(0)
Ազգային հավաքական
2000 - ներկա	Ուրուգվայ	70 (29)
1 Մասնագիտական կարիերայում ընդգրկված են միայն առաջնության խաղերը և գոլերը.

Դիեգո Ֆորլան Կորասո Մարտին (իսպ.՝ Diego Forlán Corazo Martin, Մայիսի 19, 1979, Մոնտեվիդեո, Ուրուգվայ), ուրուգվայցի ֆուտբոլիստ, «Ինտեր Միլան» ֆուտբոլային ակումբի և Ուրուգվայի ֆուտբոլի ազգային հավաքականի հարձակվող: Ֆորլանը երկու անգամ արժանացել է «Պիչիչի» մրցանակին և երկու անգամ ստացել «Ոսկե խաղակոշիկ» մրցանակը: Նա նաև ճանաչվել է Հարավային Աֆրիկայում կայացած 2010 Աշխարհի գավաթի խաղարկության Լավագույն ֆուտբոլիստ:

Կարիերա

Ակումբ

Ֆորլանը «Ատլետիկո»-ի կազմում

Ֆորլանի պրոֆեսիոնալ կարիերայում առաջին ակումբը եղել է «Ինդեպենդիենտեն», որի հիմնական կազմում ֆուտբոլիստը իր նորամուտը նշել է 1998 թվականին: Չորս սեզոնների ընթացքում, Ֆորլանը անց է կացրել 77 խաղ և դարձել է 36 գոլի հեղինակ` գրավելով մի քանի եվրոպական ակումբների ուշադրությունը:

Արդյունքում, 2002 թվականի հունվարին Ֆորլանը պայմանագիր է կնքել «Մանչեսթեր Յունայթեդ» հետ: Նրա նախկին ակումբը ստացել է ավելի քան 6,9 միլիոն ֆունտ: Իր առաջին գոլը անգլիական ակումբի կազմում Ֆորլանը կարողացել է խփել միայն 2003 թվականի օգոստոսին, Չեմպիոնների Լիգայում, «Մաքաբիի» դեմ խաղում, սակայն մինչ այդ նա հասցրել էր նվաճել Անգլիայի չեմպիոնի տիտղոսը: Երբ 2004-05 մրցաշրջանից առաջ «մանկունյանցիները» պայմանագիր ստորագրեցին Ուեյն Ռունիի հետ, պարզ դարձավ, որ Ֆորլանը կդիտվի որպես պահեստային խաղացող, և հարձակվողը որոշեց հեռանալ ակումբից: Ընդհանուր առմամբ, «Մանչեսթեր Յունայթեդի» կազմում, Պրեմիեր լիգայում նա խաղացել է 63 խաղ` դառնալով 10 գոլի հեղինակ:

2004-05 մրցաշրջանը ուրուգվայցին սկսվել է «Վիլյառեալ» ակումբում և արդյունքում նա դարձել է Իսպանիայի առաջնության լավագույն ռմբարկուն (25 գոլ) և ստացել է «Ոսկե Խաղակոշիկ» մրցանակ: Անցկացնելով երեք մրցաշրջան «Վիլյառեալում» (106 հանդիպում - 54 գոլ), Ֆորլանը դարձավ թիմի իսկական առաջատարը` հայտնվելով մի քանի անգլիական ակումբների հետաքրքրության ոլորտում: «Արսենալը», «Լիվերպուլը» և «Աստոն Վիլլան» հարձակվողի համար առաջարկում էին 15 միլլիոն ֆունտ, բայց նա որոշեց մնալ Իսպանիայում:

2007-08 մրցաշրջանից առաջ Ֆորլանը միացավ «Ատլետիկո Մադրիդին», նրա համար վճարելով 21 միլլիոն եվրո:

2010 թվականի Մայիսի 12-ին, ՈՒԵՖԱ-ի Եվրոպայի լիգայի եզրափակչում դառնալով երկու գոլի հեղինակ, նա հաղթանակ բերեց «Ատլետիկո Մադրիդին» և ճանաչվեց այդ խաղի լավագույն ֆուտբոլիստ:

Հավաքական

Ուրուգվայի ֆուտբոլի ազգային հավաքական Ֆորլանը հրավիրվել է 2002 թվականին և մասնակցել է Ճապոնիայում և Կորեայում անցկացված 2002 Աշխարհի գավաթին և խփել է 1 գոլ (Սենեգալի հետ խաղում), սակայն Ուրուգվայի ազգային թիմը գրավեց երրորդ տեղը խմբում և դուրս մնաց հետագա պայքարից:

2010 թվականին Հարավային Աֆրիկայում կայացած Աշխարհի առաջնությում, Ֆորլանը խփեց այդ մրցաշարում ուրուգվայցիների առաջին երկու գնդակները ` նախ հեռահար հարվածով բացելով խաղի հաշիվը դաշտի տերերի դեմ խաղում, իսկ հետո կրկնապատկել է հաշիվը` իրացնելով 11-մետրանոց հարվածը: 1/4 եզրափակչում Ֆորլանը խփեց իր երրորդ գոլը` տուգանային հարվածից գրավելով Գանայի հավաքականի դարպասը: Ֆորլանը աչքի ընկավ նաև Հոլանդիայի դեմ կիսաեզրափակիչ խաղում` հեռահար կրակոցով հավասարեցնելով հաշիվը (1-1): Սակայն վերջնական արդյունքում ուրուգվայցիները պարտվեցին (2-3): Ֆորլանը վնասվածքի պատճառով փոխարինվեց 84 րոպեին, երբ հաշիվը 1-3 էր: Երրորդ տեղի համար խաղում Ուրուգվայը զիջեց Գերմանիային 2:3 հաշվով: Այդ խաղում Ֆորլանը խփեց իր թիմի երկրորդ գոլը: Առաջնության արդյունքներով Ֆորլանը ճանաչվեց լավագույն ֆուտբոլիստ` հավաքելով 23.4% ձայն:

Նվաճումներ

Թիմային

«Մանչեսթեր Յունայթեդ»

• Անգլիայի չեմպիոն: 2003
• Անգլիայի սուպերգավաթ: 2003
• Ֆուտբոլի Անգլիայի գավաթ: 2004

«Վիլյառեալ»

• Ինտերտոտոյի գավաթ: 2004

«Ատլետիկո Մադրիդ»

• ՈՒԵՖԱ-ի Եվրոպա Լիգա: 2010
• ՈՒԵՖԱ Սուպեր գավաթ: 2010

Ուրուգվայի հավաքական

• Ամերիկայի գավաթ 2004: 3-րդ տեղ
• Ամերիկայի գավաթ 2007: 4-րդ տեղ
• Ֆուտբոլի աշխարհի առաջնություն 2010: 4-րդ տեղ
• Ամերիկայի գավաթ 2011: Չեմպիոն

Անձնական

• Իսպանիայի առաջնության լավագույն ռմբարկու: 2005, 2009
• «Ոսկե Խաղակոշիկ» մրցանակ: 2005, 2009
• Աշխարհի առաջնության լավագույն ֆուտբոլիստ: 2010

Վիճակագրություն

Ակումբային կարիերա

Ակումբ	Մրցաշրջան	Լիգա		Գավաթեր		Հարավային Ամերիկայի գավաթներ / Եվրագավաթներ		Այլ		Ընդհանուր
		Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Ինդեպենդիենտե	1998/99	2	0	0	0	0	0	0	0	2	0
	1999/00	24	7	0	0	0	0	0	0	24	7
	2000/01	36	18	0	0	4	1	0	0	40	19
	2001/02	18	12	0	0	7	2	0	0	25	14
	Ընդամենը	80	37	0	0	11	3	0	0	91	40
Մանչեսթեր Յունայթեդ	2001/02	13	0	0	0	5	0	0	0	18	0
	2002/03	25	6	7	2	13	1	0	0	45	9
	2003/04	24	4	3	2	4	2	1	0	32	8
	2004/05	1	0	0	0	1	0	1	0	3	0
	Ընդամենը	63	10	10	4	23	3	2	0	98	17
Վիլյառեալ	2004/05	38	25	0	0	0	0	0	0	38	25
	2005/06	32	10	2	0	13	3	0	0	47	13
	2006/07	36	19	4	1	2	1	0	0	42	21
	Ընդամենը	106	54	6	1	15	4	0	0	127	59
Ատլետիկո Մադրիդ	2007/08	36	16	6	1	11	6	0	0	53	23
	2008/09	33	32	3	1	9	2	0	0	45	35
	2009/10	33	18	6	3	17	7	0	0	56	28
	2010/11	15	6	0	0	5	1	1	0	21	7
	Ընդամենը	117	72	15	5	42	16	1	0	175	93
Ընդհանուր		365	173	31	10	91	26	2	0	492	209

Անձնական կյանք

2008 թվականից հանդիպում է արգենտինացի մոդել և հաղորդավարուհի Զաիրա Նարայի հետ:

Արտաքին հղումներ

• Ֆորլանի պաշտոնական կայքը (անգ.)
• Կենսագրությունը sports.ru կայքում (ռուս.)