Դավիթ Վիլյա

Վիքիպեդիայից՝ ազատ հանրագիտարանից
(Վերահղված է Դավիդ Վիլյաից)
Ֆուտբոլ
Դավիդ Վիլյա[1]
David Villa2 (cropped).jpg
Անձնական տեղեկատվություն
Ամբողջական անուն Դավիդ Վիլյա Սանչես
Ծննդյան թիվ   դեկտեմբերի 3, 1981 (1981-12-03) (32 տարեկան)
Ծննդյան քաղաք և երկիր   Լանգրեո, Աստուրիա, Իսպանիա
Հասակ 175 սմ
Քաշ 69
Դիրք հարձակվող
Ակումբային տեղեկատվություն
Ներկա ակումբ ԻսպանիաԱտլետիկո Մադրիդ
Համար TBA
Մասնագիտական կարիերա1
Տարի Ակումբ Խաղ (Գոլ)
2000-2003
2003-2005
2005-2010
2010-2013
2013-ներկա
ԻսպանիաՍպորտինգ Խիխոն
ԻսպանիաՌեալ Սարագոսա
ԻսպանիաՎալենսիա
ԻսպանիաԲարսելոնա
ԻսպանիաԱտլետիկո Մադրիդ
80 (39)
73 (32)
166 (102)
119 (48)
30 (13)   
Ազգային հավաքական
2000
2003
2003-ներկա
ԻսպանիաԻսպանիա Մ21
ԻսպանիաԻսպանիա
7 (0)
85 (53)

1 Մասնագիտական կարիերայում ընդգրկված են
միայն առաջնության խաղերը և գոլերը.

Դավիթ Վիլյա Սանչես (իսպաներեն՝ David Villa Sánchez, Դեկտեմբերի 3, 1981, Լանգրեո, Իսպանիա), իսպանացի ֆուտբոլիստ, հարձակվող, «Բարսելոնա» ֆուտբոլային ակումբի նախկին և Մադրիդի Ատլետիկոյի ու Իսպանիայի ֆուտբոլի ազգային հավաքականի ներկայիս խաղացող, Եվրոպայի և աշխարհի չեմպիոն։ Իսպանիայի հավաքականի կազմում խփած գոլերի քանակով ռեկորդակիր է։

Կարիերա[խմբագրել]

Ակումբ[խմբագրել]

Դավիթը սիրահարվեց ֆուտբոլին վաղ տարիքից։ 2005 թվականին խաղացողը տեղափոխվեց «Վալենսիա»և խփեց 25 գոլ երկրորդը (Սամուել Էտո-ից հետո)։ 2010թ.տեղափոխվել է իսպանական Բարսելոնա 55.48 միլիոն դոլարով (42 միլիոն եվրո)պայմանագիրը ստորագրվել է մայիսի 22 -ին։ Նա միացավ Բարսելոնային ուժերի ծաղկման շրջանում՝ 28 տարեկան հասակում՝ որպես փորձառու հարձակվող։ Նա 2 տարի անցկացրել էր Սարագոսայի (2003-05) և 5 տարի Վալենսիայի հետ (2005-10)՝ խփելով 140 գոլ 239 խաղերի ընթացքում։

Չնայած իր տաղանդին՝ նա համեմատաբար քիչ մրցանակներ ուներ՝ երկու Գավաթի մեդալ և Իսպանիայի սուպեր գավաթ։ Այնպես որ նա միացավ Բարսելոնային պարգևներ ստանալու անհագ ծարավով։

Վիլյան նաև միջազգային թիմի առանցքային խաղացող է և Հարավաֆրիկյան Աշխարհի գավաթից հետո խփել է Աշխարհի գավաթի ավելի շատ գոլ, քան որևէ այլ իսպանացի։ 2011թ. Բարսելոնայի կազմում Վիլյան դարձել է իսպանական լիգայի և չեմպիոնների լիգայի չեմպիոն։

Ծանր և ճակատագրական վնասվածքից հետո չվերգտնելով իր խաղը, և Բարսելոնայի մեկնարկային կազմում կորցնելով իր տեղը, Էլ Գուախեի կատալոնական ակումբից հեռանալն անխուսափելի էր թվում։ Դեռ 2012-ի ձմեռային տրանսֆերային պատուհանի բացման ժամանակ շատ լրատվամիջոցներ Վիլյային ուղարկում էին Անգլիա։Արսենալը պատրաստ էր իսպանացի գոլահարի համար վճարել 16 միլիոն ֆունտ, սակայն Տիտո Վիլանովան հայտարարեց որ առայժմ չի պատրաստվում բաժանվել Վիլյայից։ Բայց արդեն ամառային տրանսֆերային պատուհանի բացման ժամանակ, երբ Բարսան արդեն գնել էր բրազիլացի հարձակվող Նեյմարին, Վիլյան կորցրեց բոլոր հույսերը Բարսելոնայի հետ կապված։ 2013թ․-ի հուլիսի 6-8-ը ընկած ժամանակահատվածում իսպանական և անգլիական ԶԼՄ-ները շարունակում էին Վիլյային ուղարկել Անգլիա, այս անգամ արդեն Տոտտենհեմ և Մանչեսթեր Յունայթեդ, բայց ընդամենը մի քանի ժամվա ընթացկում այդ բոլոր լուրերը հօդս ցնդեցին, քանի որ պաշտոնապես հայտարարվեց, որ 31-ամյա Վիլյան տեղափոխվում է Մադրիդի Ատլետիկո։

Հավաքական[խմբագրել]

Նա իր դեբյուտը ազգային հավաքականում արել է 2005 թ փետրվարի 9-ին, Սան Մարինոյի հետ խաղում։ 2006թ. մասնակցել է Գերմանիայում տեղի ունեցող աշխարհի առաջնությանը և խփել 3 գոլ։ 2008 թ. դարձել է Եվրոպայի չեմպիոն։ 2010թ. դարձել է աշխարհի չեմպիոն։

Հարձակվողի համար նա այնքան էլ մեծ չէ (1.75 մ և 69 կգ)։ Իր հիմնական արժանիքն այն է, որ կարողանում է խաղալ 2 ոտքերով։ Երեխա ժամանակ նա աջ ոտքի առողջական խնդիրներ ուներ, այնպես որ, կենտրոնացավ ձախ ոտքի վրա՝ վերջիվերջո լավ տիրապետելով և աջ և ձախ ոտքին։ Բացի դրանից նա գոլերի իսկական «մեքենա» է։

Բացի գոլ խփելու իր ունակությունից, նա նաև շատ արագ և շարժուն խաղացող է, ով կարողանում է հեռու տարածությունից լավ փոխանցումներ կատարել։ Նա անկանխատեսելի է, մի խարիզմատիկ խաղացող, ով հաղթողի հոգեբանություն ունի և կարող է յուրաքանչյուր վայրկյանում շրջել խաղի ընթացքը։

Անձնական կյանք[խմբագրել]

2003 թվականից ամուսնացած է Պատրիցիա Գոնսալեզի հետ, ունի երկու դուստր՝ Սաիդան և Օլայան , մեկ որդի՝ Լուկան։

Ծանոթագրություններ[խմբագրել]

  1. «David Villa — profile»։ goal.com։ Արխիվացված օրիգինալից 2013-05-25-ին։ http://www.webcitation.org/6Gs5KUuzu։