Վատ օրեր
| Վատ օրեր | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1892 |
| Հրատարակվել է | 1893 |
| Վիքիդարան | Վատ օրեր |
«Վատ օրեր», Հովհաննես Թումանյանի բանաստեղծություններից՝ գրված 1892 թվականին[1]։
Պատմություն[խմբագրել | խմբագրել կոդը]
Հովհաննես Թումանյանն այս բանաստեղծությունը գրել է 1892 թվականին[1]։
Ինքնագիրը չի պահպանվել։
Եղիշե Չարենցի անվան գրականության և արվեստի թանգարանի Թումանյանի ֆոնդի № 1355-ում պահվում է Բաքվում՝ 1908 թվականին լույս տեսած Հովաննես Թումանյանի բանաստեղծությունների ժողովածուի հեղինակի սեփական օրինակը, որտեղ Թումանյանը կատարել է մեկ ուղղում։
Առաջին անգամ տպագրվել է 1893 թվականին լույս տեսած «Մուրճ» ամսագրի № 3-ում (էջ 421), այնուհետև՝ Թիֆլիսում 1903 թվականին լույս տեսած Հովհաննես Թումանյանի բանաստեղծությունների ժողովածուում (էջ 22)։ Ապա՝ 1940-1959 թվականներին Երևանում լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 101)։
Տպագրվել է Բաքվում՝ 1908 թվականին լույս տեսած Հովաննես Թումանյանի բանաստեղծությունների ժողովածուի հեղինակի ուղղած բնագրից[1]։
