Հարրի Փոթերը և Փիլիսոփայական քարը (ֆիլմ)

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Հարրի Փոթերը և Փիլիսոփայական քարը (այլ կիրառումներ)
Picto infobox cinema.png
Հարրի Փոթերը և Փիլիսոփայական քարը
Harry Potter and the Sorcerer's Stone
Harry Potter and the Philosopher's Stone — movie.jpg
«Ճանապարհորդություն դեպի քո երազանքը»
Երկիր ԱՄՆ-ի դրոշը ԱՄՆ,
{{{2}}} ՄԹ
Ժանր Ֆենտեզի,
Արկածային,
Ընտանեկան
Հիմք Հարի Փոթերը և Փիլիսոփայական քարը
Թվական 2001
Պրեմիերա նոյեմբերի 4, 2001
Լեզու անգլերեն
Ռեժիսոր Քրիս Քոլամբուս
Պրոդյուսեր Դևիդ Հեյման,
Տոդ Արնոու,
Մայքլ Բարնատան
և ուրիշներ
Սցենարի հեղինակ Սթիվեն Կլովզ,
Ջ.Կ. Ռոուլինգ
Դերակատարներ Դենիել Ռեդկլիֆ,
Ռուպերտ Գրինթ,
Էմմա Վաթսոն,
Ռիչարդ Հարրիս,
Ալան Ռիկման,
Մեգի Սմիթ,
Ռոբբի Կոլտրեյն,
Թոմ Ֆելթոն,
Մեթյու Լյուիս,
Յեն Հարտ
Օպերատոր Ջոն Սիլ
Երաժշտություն Ջոն Ուիլյամս
Մոնտաժ Ռիչարդ Ֆրենսիս-Բրյուս
Նկարիչներ Ստյուարտ Կրեյգ,
Էնդրյու Էկլենդ-Սնոու,
Փիթեր Ֆրենսիս
և ուրիշներ
Պատմվածքի վայր Լոնդոն և Անգլիա
Նկարահանման վայր Ալնիկ դղյակ[1], Gloucester Cathedral[1], Warner Bros. Studios, Leavesden, Goathland railway station[1], Durham Cathedral[1], Լոնդոնի կենդանաբանական այգի[1], Glen Nevis[1], Leadenhall Market[1], Հերոու դպրոց[1] և Քրայսթ Չյորչ[1]
Կինոընկերություն Warner Bros. Pictures,
Heyday Films,
1492 Pictures
Տևողություն 152 րոպե
Բյուջե $ 125 000 000[2]
Շահույթ $ 974 755 371[3]
Նախորդ Ֆանտաստիկ հրեշներ և որտեղ գտնել նրանց
Հաջորդ Հարրի Փոթերը և Գաղտնի սենյակը
Պաշտոնական կայքէջ
Harry Potter and the Philosopher's Stone (film) Վիքիպահեստում

«Հարրի Փոթերը և Փիլիսոփայական քարը» (անգլ.՝ Harry Potter and the Philosopher's Stone կամ Harry Potter and the Sorcerer's Stone (ԱՄՆում և Հնդկաստանում)[4][5][6]), ռեժիսոր Քրիս Քոլամբուսի ֆիլմերից, որի գլխավոր դերերը մարմնավորում են Դենիել Ռեդկլիֆը, Ռուպերտ Գրինթը, Էմմա Վաթսոնը, Ռիչարդ Հարրիսը, Ալան Ռիկմանը, Մեգի Սմիթը, Ռոբբի Կոլտրեյնը, Թոմ Ֆելթոնը, Մեթյու Լյուիսը, Յեն Հարտը։ Ֆիլմը նկարահանվել է անգլիացի գրող Ջոան Ռոուլինգի համանուն վեպի հիման վրա։

Ֆիլմը պատմում է մի Լոնդոնյան հասարակ երեխայի՝ Հարրի Փոթերի մասին, որն իր 11-ամյակի օրն իմանում է, որ ինքը երկու հզոր հրաշագործների որբացած որդին է։ Նա էլ է օժտված մոգական ուժերով, և նրան հրավիրում են Հոգվարթս՝ հրաշագործության և մոգության ինստիտուտ, որտեղ Հարրին ընկնում է անհավանական արկածների շրջապտույտի մեջ։ Նա սովորում է մոգական սպորտի տեսակ հանդիսացող կվիդիչը, խաղում է ուշագրավ շախմատ կենդանի քարերի հետ և հանդիպում է Խավարի Հրաշագործին, որը ցանկանում էր վերացնել Հարրիին։

Կարճ նկարագրություն[խմբագրել | խմբագրել կոդը]

Լոնդոնյան հասարակ երեխա Հարի Փոթերն իր 11-ամյակի օրն իմանում է, որ ինքը երկու հզոր հրաշագործների որբացած որդին է։ Նա էլ է օժտված մոգական ուժերով, և նրան հրավիրում են Հոգվարթս՝ հրաշագործության և մոգության ինստիտուտ, որտեղ Հարին ընկնում է անհավանական արկածների շրջապտույտի մեջ։ Նա սովորում է մոգական սպորտի տեսակ հանդիսացող կվիդիչը, խաղում է ուշագրավ շախմատ կենդանի քարերի հետ և հանդիպում է Խավարի Հրաշագործին, որը ցանկանում էր վերացնել Հարիին։

Սյուժե[խմբագրել | խմբագրել կոդը]

Նորածին Հարրի Փոթերի ծնողներին սպանում է խավարի տիրակալ Վոլդեմորթը և անհետանում՝ ցանկանալով սպանել նաև Հարրիին։ Երեկոյան Հոգվարթս հրաշագործության դպրոցի տնօրեն Ալբուս Դամբլդորը և նրա օգնական Միներվա ՄաքԳոնագալը թողնում են Հարրիին նրա միակ հարազատների Վերնոն և Փեթունիա Դուրսլների մոտ։ Անցնում է տասը տարի։ Հարրիի հետ տարօրինակություններ են սկսում տեղի ունենալ։ Տասնմեկամյակի տարեդարձի ժամանակ նա ստանում է մի նամակ, որը խլում է նրա ձեռքից քեռին։ Գիշերը նրան այցի է գալիս Հագրիդը և ասում, որ Հարրին կախարդ է և պետք է սովորի Հոգվարթսի դպրոցում։ Նրանք միասին գնում են այն ամենն, ինչ պետք է դպրոցի համար։

Սեպտեմբերի մեկին Հարրին գնացքով ուղևորվում է Հոգվարթս։ Ճանապարհին նա ծանոթանում է Ռոն Ուիզլիի և Հերմիոնե Գրեյնջեր հետ, որոնք հետագայում դառնում են նրա լավագույն ընկերները։ Կախարդական գլխարկը նրանց ուղարկում է Գրիֆինդոր։ Հարրին ծանոթանում է քվիդիչ խաղի հետ և սկսում խաղալ թիմում։

Մի օր երեխաները դղյակում պատահաբար գտնում են մի մեծ երեքգլխանի շան, որը պահպանում էր ստորգետնյա ինչ-որ սենյակ։ Նրանք պարզում են, որ շունը պահպանում է փիլիսոփայական քարը։ Հարրին գտնում է նաև մի կախարդական հայելի, որտեղ մարդը տեսնում է այն, ինչ ամենաշատն է ցանկանում։

Հարրին հասկանում է, որ պրոֆեսոր Սնեյփը ցանկանում է տիրանալ քարին։ Նա, Ռոնը և Հերմիոնեն անցնում են երեքգլխանի շան, օձանման խոտերի, թռչող բանալիների, կենդանի շախմատի միջով, որպեսզի փրկեն քարը։ Ռոնը և Հերմիոնեն մնում են շախմատի սենյակում, իսկ Հարրին գնում է առաջ։ Քարի սենյակում պարզ է դառնում, որ Սնեյփն իրականում փորձել է փրկել Հարրիին, իսկ Վոլդեմորթի իրական ծառան պրոֆեսոր Քվիրելն է։ Վոլդեմորթի դեմքը փորձում է խաբել Հարրիին և սպանել նրան, սակայն դա նրան չի հաջողվում։ Քարը հայտնվում է Հարրիի մոտ, որին դիպչելով՝ Հարրիի ձեռքերը դառնում են գերբնական և Վոլդեմորթին ու Քվիրելին վերածում են փոշու։ Հաջորդ առավոտյան Հարրին արթնանում է Հոգվարթսի իր սենյակում և Դամբլդորը նրան հայտնում է, որ քարը ոչնչացված է։

Դերերում[խմբագրել | խմբագրել կոդը]

Դերասան Դեր
Դենիել Ռեդկլիֆ Հարրի Փոթեր
Ռուպերտ Գրինթ Ռոն Ուիզլի
Էմմա Վաթսոն Հերմիոնե Գրեյնջեր
Ռիչարդ Հարրիս պրոֆեսոր Ալբուս Դամբլդոր
Ալան Ռիկման Սևերուս Սնեյփ
Մեգի Սմիթ պրոֆեսոր Միներվա ՄաքԳոնագալ
Ռոբբի Կոլտրեյն Ռուբեուս Հագրիդ
Թոմ Ֆելթոն Դրակո Մալֆոյ
Մեթյու Լյուիս Նևլի Լոնգբոթոմ
Յեն Հարտ պրոֆեսոր Քուիրինուս Քուիրիել
Դևիդ Բրեդլի Արգուս Ֆիլչ
Շոն Բիգերսթաֆ Օլիվեր Վուդ
Ջեյմս Ֆելփս Ֆրեդ Ուիզլի
Օլիվեր Ֆելփս Ջորջ Ուիզլի
Ֆիոնա Շոու հորաքույր Պետունիա Դուրսլի
Ռիչարդ Գրիֆիտս Վերնոն Դուրսլի
Գարի Մելինգ Դադլի Դուրսլի
Էլիզաբեթ Սպրիգս գեր կին
Ջուլի Ուոլտերս Մոլլի Ուիզլի
Ջոն Հերտ միստր Օլիվանդեր
Բոննի Ռայթ Ջիննի Ուիզլի
Քրիս Ռենկին Պերսի Ուիզլի
Ջեմի Վայլետ Վինսենտ Կրեբ
Էդրիան Ռոուլինզ Ջեյմս Փոթեր
Ջերալդին Սոմերվիլ Լիլի Փոթեր
Ալֆրեդ Էնոկ Դին Թոմաս
Ջոն Քլիզ Համարյա Անգլուխ Նիկ
Զոե Ուոնամեյքեր մադամ Հուչ
Լյուկ Յանբլադ Լի Ջորդան
Ջոշուա Հերդման Գրեգորի Գոյլ
Դևոն Մյուրեյ Սեմեուս Ֆինիգան
Ուորվիկ Դևիս գոբլին բանկում / պրոֆեսոր Ֆլիտվիկ
Սաունդերս եռյակ Հարրի Փոթեր (երեխա)
Դերեկ Դեդմեն Թոմ, բարմեն Լիքի Կաուլդրոնում
Բեն Բորովեցկի տղա Դիագոն Ալեյից
Վեռն Տրոյեր Գրիփհուկի Գոբլին
Ռիչարդ Բրեմեր Նա Ում Անունը Չպետք Է Ասել
Գարի Թեյլոր կայարանի պահակ
Ժան Սաուզերն կնճռոտված կին գնացքում
Լեսլի Ֆիլիպս Ընտրող Գլխարկ (հնչյունավորում)
Էլինոր Կոլամբուս Սուսան Բոնս
Թերենս Բեյլեր Արյունալի Բարոն
Սայմոն Ֆիշեր-Բեկեր Գեև Ֆրիար
Նինա Յանգ Մոխրագույն Լեդի
Դանիել Տաբոր Անջելինա Ջոլի
Լեյլա Սազերլենդ Ալիսիա Սպինետ
Էմիլի Դեյլ Քեթի Բել
Դևիդ Հոլմս Ադրիան Պերսի
Ուիլ Տիկսթոն Մարկուս Ֆլինտ
Սքոթ Ֆիրն Թերենս Հիգս
Ռեյ Ֆիարոն Ֆիրենզ (հնչյունավորում)
Դևիդ Բրեթ Դեդալուս Դիգլ (տիտրերում նշված չէ)
Պոլ Մարկ Դևիս Ասպետի ուրվականը (տիտրերում նշված չէ)
Դևիդ Ուիլյամ Ջեյմս Էլիոթ Գրիֆինդորի Սենյոր (տիտրերում նշված չէ)
Հոլի Էն Ֆիտնես աշակերտուհի (տիտրերում նշված չէ)
Պոլ Գրանտ գոբլին (տիտրերում նշված չէ)
Դերեկ Հաֆ Հոթվարթսի աշակերտ (տիտրերում նշված չէ)
Ջուլիաննա Հաֆ Հոթվարթսի աշակերտուհի (տիտրերում նշված չէ)
Ուիլ Հոուս Հոթվարթսի աշակերտ (տիտրերում նշված չէ)
Կիերի Նոդինգս երեխա գազանանոցում (տիտրերում նշված չէ)
Օլիվեր Լևերի-Ֆարագ Հոթվարթսի ուսանող (տիտրերում նշված չէ)
Լիզա Օսմոնդ Գրինգոթսի գոբլին (տիտրերում նշված չէ)
Քեթ Պիկին Հոթվարթսի աշակերտ (տիտրերում նշված չէ)
Ստեֆան Պեջիչ ուսանող (տիտրերում նշված չէ)
Էմի Պուլյա Կվիդիչ խաղացող (տիտրերում նշված չէ)
Նիկոլաս Ռիդ գոբլին (տիտրերում նշված չէ)
Ռիչարդ Ռեյդ Գրիֆինդորցի (տիտրերում նշված չէ)
Մայլզ Ռիչարդսոն մարդ Զրահի պատկերից (տիտրերում նշված չէ)
Բյանկա Սոերբի Հոթվարթսի ուսանող (տիտրերում նշված չէ)
Դարեն Տաֆ Հոթվարթսի աշակերտ (տիտրերում նշված չէ)
Բերնադեթ Ջեյն Վանդերկար Հոթվարթսի ուսանող (տիտրերում նշված չէ)

Ստեղծման պատմություն[խմբագրել | խմբագրել կոդը]

Ջոան Ռոուլինգը վաճառեց առաջին չորս գրքի էկրանավորմանիրավունքները 1999 թվականին, մեկ միլիոն ֆունտ ստեռլինգով։ Պայմանագրում նշված էր, որ Ռոուլինգը պետք է ստանա նաև ֆիլմի շահույթից որոշակի եկամուտ և կարողանա հետևլ նկարահանման գործընթացին։ Նա որոշեց, որ բոլոր ֆիմերի դերասանները պետք է լինեն բրիտանացիներ[7]: Միայն չորրորդ ֆիլմից հետո, ֆիլմում հայտնվեցին օտար դերասաններ։

Սկզբնական շրջանում ռեժիսորի գլխավոր թեկնածուն Սթիվեն Սփիլբերգն էր[8]: Բանակցություններն ավարտվեցին նրանով, որ 2000 թվականին նա հրաժարվեց նախագծից։ Բանն այն էր, որ Սփիլբերգը ցանկանում էր գիրքը մուլտֆիլմի վերածել, որտեղ գլխավոր հերոսին պետք է հնչյունավորեր Հեյլի Ջոել Օսմենթը[9], ինչը դուր չեկավ ո՛չ ստուդիային, ո՛չ Ռոուլինգին։ Սփիլբերգի նախագծից հրաժարվելու պատճառներից էր նաև հետաքրքրության բացակայությունը։ Ըստ նրա՝ ֆիլմը հաջողություն է ունենալու և ուշադրություն չի դարձվելու նրա որակին[10]:

Սփիլբերգի հրաժարականից հետո բանակցություններ սկսվեցին միանգամից մի քանի ռեժիսորների՝ Քրիս Քոլամբուսի, Թերրի Գիլիամի, Ջոնաթան Դեմմիի, Մայք Նյուելլի, Ալան Փարքերի, Վոլֆգանգ Փեթերսենի, Ռոբ Ռայների, Թիմ Ռոբինսի, Բրեդ Սիլբերլինգի և Փիթեր Ուիրի հետ[2][11][12]: 2000 թվականին Փեթերսենն ու Ռայները տարբեր պատճառներով հրաժարվեցին նախագծից[13] և մնացին չորս թեկնածու՝ Քրիս Քոլամբուսը, Թերրի Գիլիամը, Ալան Փարքերը և Բրեդ Սիլբերլինգը[14], որոնցից Ռոուլինգը հավանություն էր տալիս Գիլիամին[15]: Սակայն ռեժիսոր ընտրվեց Քրիս Քոլամբուսը, որը երեխաների հետ աշխատելու մեծ փորձ ուներ և նախկին աշխատանքները մեծ հաջողությունների էին հասել[16]:

Սցենարիստ ընտրվեց Սթիվեն Կլովզը, որը դեռևս բանակցությունների ժամանակ հանդիպել էր նախկին ռեժիսոր Սթիվեն Սփիլբերգի հետ[17]: Սցենարիստի խոսքերով՝ նրան մի շարք առաջարկներ էին արվել, սակայն նա ընտրել էր հենց «Հարրի Փոթեր»-ը[2]: Նա գնեց գիրքը, կարդաց այն և միանգամից դարձավ Ռոուլինգի երկրպագուն[17]: Կլովզը միանգամից համաձայնվեց գրել նաև մյուս ֆիլմերի սցենարը։

Սկզբում պրեմիերան նախատեսվում էր Անկախության օրը (հուլիսի 4, 2001) կամ Հարրի Փոթերի ծննդյան օրը (հուլիսի 31)։ Բայց այն ձգձգվեց մինչև մինչև 2001 թվականի նոյեմբերի 16-ը։

Դերասանների ընտրության քասթինքներին մասնակցում էին հազարավոր երեխաներ, սակայն ոչ մեկը չէր համապատասխանում գլխավոր երեք կերպարների դերերին[18][19]: Վերջապես՝ 2000 թվականի օգոստոսի 8-ին հայտարարվեց, որ դերերի համար ընտրվել են բոլորովին անհայտ Դենիել Ռեդկլիֆը, Ռուպերտ Գրինթը և Էմմա Ուոթսոնը[20]:

Նկարահանումներ[խմբագրել | խմբագրել կոդը]

Ֆիլմի նկարահանումներն սկսվեցին 2000 թվականի հոկտեմբերի 2-ին Leavesden Studios ստուդիայի սրահներում՝ տեղակայված Լոնդոնից 50կմ հեռավորության վրա[11]: Դրվագները, որոնք պետք է տեղի ունենային Հոգվարթսում և նրա շրջակայքում, նկարահանվում էին Գլոստեր և Դարհեմ քաղաքների Մայր տաճարներում[21]: Իմանալով այս լուրը՝ տեղի բնակիչները սկսում են բողոքի ցույցեր անցկացնել։ Որոշ տեսարաններ նկարահանվեցին նաև լոնդոնյան կենդանաբանական այգում[22] և Քինգս-Քրոսս կայարանում[23]: Նկարահանումներն ավարտվեցին 2001 թվականի հուլիսին:

Պրեմիերա[խմբագրել | խմբագրել կոդը]

Ֆիլմի ամենաառաջին պրեմիերան տեղի ունեցավ Անգլիայում՝ միջազգային Լոնդոնյան Կինոփառատոնում։

Վիդեո հրատարակումներ[խմբագրել | խմբագրել կոդը]

2002 մայիսին ֆիլմը հրատարակվեց VHS տեսաերիզի վրա։

Շահույթ[խմբագրել | խմբագրել կոդը]

Ամբողջ աշխարհում ֆիլմի շահույթը կազմեց 974,5 միլիոն դոլար, որից 317,4 միլիոնը (32,5 %)՝ ԱՄՆում: Այն դարձավ աշխարհի ամենամեծ շահույթ ունեցող ֆիլմերից մեկը։

Հետաքրքիր փաստեր[խմբագրել | խմբագրել կոդը]

  • Ըստ սցենարի քննարկված մեկ այլ տարբերակի՝ Դրյու Բերիմորին, ով իրեն Հարրի Փոթերի գրքերի մեծ երկրպագու էր կոչում, առաջարկվելու էր կամեո։
  • Ֆիլմի առաջին դիտումը նախատեսված էր 2001 թ.-ի ամռանը, սակայն Warner Bros.-ի ղեկավարությունը որոշեց փոխել թողարկման ամսաթիվը 2001 թ., նոյեմբերի 16-ին։
  • Հարրի Փոթերի առաջին ֆիլմում գլխավոր դերակատարի համար ներկայացվել են մոտ 60.000 թեկնածուներ։
  • Բոլոր դերասանների պայմանագրերում առկա էր մի կետ, ըստ որի նրանք պիտի խաղային Հարրի Փոթերի մասին 3 վեպերի էկրանավորումների մեջ այն նույն դերերում, որոնք խաղում էին առաջին մասում։ Հենց դա պատճառ դարձավ, որ նկարահանումներից հրաժարվեցին մի շարք դերասաններ, ովքեր չէին ցանկանում կապված լինել նման երկար պայմանագրով։
  • Թիմ Ռոթը երկար ժամանակ երկմտում էր «Հարրի Փոթեր» և «Կապիկների մոլորակը» ֆիլմերի դերերի ընտրության մեջ։ Ի վերջո, նա որոշեց խաղալ կապիկի։
  • Ջո Սովերբուցը՝ Լոնդոնի երիտասարդ բնակիչը, ով հնչունավորել էր Հարրի Փոթերին Nintendo և PlayStation խաղերի համար, հրավիրվեց ֆիլմում հնչունավորելու 2 տեսարան այն բանից հետո, երբ 12-ամյա Դենիել Ռեդկլիֆի ձայն կտրվել էր նկարահանումների ընթացքում։
  • Հարրի Փոթերի բվի՝ Բուկլյայի (անգլ.՝ Hedwig) դերի համար ներգրավված են եղել միաժամանակ 3 բուեր՝ Օոկը, Գիզմոն և Սպրաուտը։
  • Առաջին ֆիլմը ամբողջ աշխարհում հայտնի է որպես «Հարրի Փոթերը և Փիլիսոփայական քարը» (անգլ.՝ "Harry Potter and the Philosopher's Stone") բացի ԱՄՆ-ից։ Հյուսիսամերիկյան վարձույթում անվանումը փոխված էր որպես «Հարրի Փոթերը և Կախարդական քարը» (անգլ.՝ "Harry Potter and the Sorcerer's Stone")։ Այդ պատճառով բոլոր այն տեսարանները, որտեղ հիշատակվում է փիլիսոփայական քարը, նկարահանվել են երկու անգամ. առաջին դեպքում դերասանները արտաբերում են «փիլիսոփայական քար» (Philosopher's Stone), երկրորդ դեպքում՝ «կախարդական քար» (Sorcerer's stone)։ Նման տարբերակվածությունը վերաբերում է համանուն խաղին ևս՝ հիմնված ֆիլմի վրա։ Դա պայմանավորված էր նրանով, որ ֆիլմի և խաղի ստեղծման ժամանակ ԱՄՆ-ում գիրքն արդեն լույս էր տեսել այլ անվանմամբ (Sorcerer's stone), քանի որ հրատարակիչները հանգել էին նրան, որ երեխաները չեն կարդա գիրք, որի վերնագրում կա «փիլիսոփայական» արտահայտությունը։
  • Ֆիլմի տեսարաններից մեկում, երբ Հարրին, Ռոնը և Հերմիոնան գալիս են Հագրիդի խրճիթ, նա նվագում էր ինքնաշեն շվիով։ Այդ պահին նա նվագում էր ֆիլմի սաունդթրեքից "Hedwig's Theme" հատվածը։
  • Անհայտացող աստիճանների մոտի դիմանկարների շարքում նկատելի է Հենրի VIII-ի երկրոդ կնոջ և Եղիսաբեթ I-ի մոր՝ Աննա Բոլեյնի պատկերը։ Նրա շատ ժամանակակիցներ են պնդում, որ Աննան կախարդուհի էր։
  • Նկարահանումների ժամանակ օգտագործող շերտավոր կատուն անհետ կորավ և գտնվեց միայն ուժեղացված փնտրտուքներից հետո 2 օր անց։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 1,8 http://www.imdb.com/title/tt0241527/locations?ref_=tt_dt_dt
  2. 2,0 2,1 2,2 Jensen Jeff; Fierman, Daniel (14 сентября 2001)։ «Inside Harry Potter — It May Be a Movie about a Tyro Wizard and His Magical Adventures, but Bringing Harry Potter to the Big Screen Took Real Muggle Might, No Hocus-Pocus about It»։ Entertainment Weekly։ Վերցված է 7 February 2010 
  3. «Harry Potter and the Sorcerer's Stone»։ Box Office Mojo։ Արխիվացված օրիգինալից-ից 2012-02-12-ին։ Վերցված է 29 May 2007 
  4. Anthikad-Chhibber, Mini։ «Harry Comes to Hyderabad»։ The Hindu։ Արխիվացված օրիգինալից-ից 2002-11-04-ին։ Վերցված է 7 February 2010 
  5. «Official Home Video Product Description for India»։ Big Homе Video։ Արխիվացված օրիգինալից-ից 2009-06-22-ին։ Վերցված է 19 July 2009 
  6. Indiabroad (07-30)։ «BIG Home Video To Market Warner Catalogues in India»։ Indo-Asian News Service (via Yahoo! India Movies)։ Վերցված է 7 February 2010 
  7. «Harry Potter and the Philosopher's Stone»։ Guardian Unlimited։ 16 ноября 2001։ Վերցված է 26 May 2007 
  8. Линдер Брайан (23 февраля 2000)։ «No "Harry Potter" for Spielberg»։ IGN։ Վերցված է 8 July 2007 
  9. Jensen Jeff (17 марта 2000)։ «Potter's Field»։ Entertainment Weekly։ Արխիվացված օրիգինալից-ից 2012-02-12-ին։ Վերցված է 26 May 2007 
  10. «For Spielberg, Making a Harry Potter Movie Would Have Been No Challenge»։ Hollywood.com։ 5 сентября 2001։ Արխիվացված օրիգինալից-ից 29 Jun 2012-ին։ Վերցված է 26 May 2007 
  11. 11,0 11,1 Шмитц Грег Дин։ «Harry Potter and the Sorcerer's Stone (2001)»։ Yahoo!։ Արխիվացված օրիգինալից-ից 2007-12-15-ին։ Վերցված է 9 августа 2008 
  12. Дуглас, Эдвард (10 июля 2006)։ «A Good Night for Harry Potter?»։ ComingSoon.net։ Վերցված է 20 October 2007 
  13. Linder Brian (7 марта 2000)։ «Two Potential "Harry Potter" Director's Back Out»։ IGN։ Վերցված է 8 July 2007 
  14. Davidson Paul (15 марта 2000)։ «Harry Potter Director Narrowed Down»։ IGN։ Վերցված է 8 July 2007 
  15. «Terry Gilliam Bitter about Potter»։ Wizard News։ 29 августа 2005։ Վերցված է 8 July 2007 
  16. Linder Bran (28 марта 2000)։ «Chris Columbus to Direct Harry Potter»։ IGN։ Վերցված է 8 July 2007 
  17. 17,0 17,1 Sragow Michael (24 февраля 2000)։ «A Wizard of Hollywood»։ Salon.com։ Արխիվացված օրիգինալից-ից 2012-02-12-ին։ Վերցված է 8 July 2007 
  18. Linder Brian (30 мая 2000)։ «Attention All Muggles!»։ IGN։ Վերցված է 8 July 2007 
  19. Linder Brian (14 June 2000)։ «Harry Potter Casting Frenzy»։ IGN։ Վերցված է 8 July 2007 
  20. «Daniel Radcliffe, Rupert Grint and Emma Watson Bring Harry, Ron and Hermione to Life for Warner Bros. Pictures Harry Potter and the Sorcerer's Stone»։ Warner Bros.։ 21 августа 2000։ Արխիվացված օրիգինալից-ից 2007-04-04-ին։ Վերցված է 26 May 2007 
  21. Linder Brian (26 September 2000)։ «Potter Privet Drive Pics»։ IGN։ Վերցված է 8 July 2007 
  22. Linder Brian (25 ноября 2000)։ «Potter Set News & Pics»։ IGN։ Վերցված է 9 July 2007 
  23. Linder Brian (21 февраля 2001)։ «Lumos!»։ IGN։ Վերցված է 10 July 2007 

Նմանատիպ ֆիլմեր[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]