Աննա Բոլեյն

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Աննա Բոլեյն (այլ կիրառումներ)
Աննա Բոլեյն
Anne Boleyn
Anne boleyn.jpg
Անհայտ հեղինակի կտավ, մոտավորապես 1533-36 թթ.
հունվարի 25 1533 - մայիսի 17 1536
Նախորդող Եկատերինա Արագոնացի
Հաջորդող Ջեյն Սեյմուր
 
Քաղաքացիություն՝ Անգլիայի թագավորություն և Flag of the United Kingdom.svg Միացյալ Թագավորություն[1]
Մասնագիտություն՝ Կոնսորտ թագուհի
Դավանանք անգլիկանություն
Ծննդյան օր մոտ. 1507 թ
Ծննդավայր Բլիքլինգ Հոլ, Broadland, Նորֆոլկ, Արևելյան Անգլիա, Անգլիա
Վախճանի օր մայիսի 19, 1536(1536-05-19)
Վախճանի վայր Թաուեր, Լոնդոն
Թաղված Լոնդոն
Դինաստիա Թյուդորներ
Հայր Թոմաս Բոլեյն
Մայր Էլիզաբեթ Հովարդ
Ամուսին Հենրի VIII
Զավակներ Եղիսաբեթ I
 
Ինքնագիր Anne Boleyn Signature.svg

Աննա Բոլեյնը (անգլ.՝ Anne Boleyn, օգտագործվում է նաև Bullen, մոտ. 1501[2] կամ 1507[1][3], Բլիքլինգ Հոլ, Broadland, Նորֆոլկ, Արևելյան Անգլիա, Անգլիա - մայիսի 19, 1536, Լոնդոն, Անգլիայի թագավորություն), Անգլիայի արքա Հենրի VIII-ի երկրորդ կինը և Եղիսաբեթ I-ի մայրն է։

Մանկություն և պատանեկություն[խմբագրել | խմբագրել կոդը]

Ծննդյան օրվա մասին վեճեր[խմբագրել | խմբագրել կոդը]

Այդ ժամանակահատվածի ծխական մատյանի բացակայության պատճառով Աննա Բոլեյնի ծննդյան ճշգրիտ ամսաթիվը որոշել հնարավոր չէ: Ժամանակակիցների վկայությունները տարբեր են, պատմաբանները ևս այս հարցի վերաբերյալ միակարծիք չեն: 1600-ական թվականների իտալացի գիտնականներից մեկը ենթադրում է, որ նա ծնվել է 1499 թվականին, իսկ սրը Թոմաս Մորի փեսա Ուիլյամ Ռոուպերը նշում է ավելի ուշ՝ 1512 թվականը: Ինչ վերաբերվում է Բոլեյն ընտանիքի մյուս երեխաներին, ապա նրանց ծննդյան տարեթվերը ևս հայտնի չեն, սակայն ակնհայտ է, որ Մարիա Բոլեյնը տարիքով մեծ է եղել Աննայից։ Նրա երեխաները կարծում էին, որ իրենց մայրը քույրերի ավագն էր: Պատմաբանների մեծ մասը ենթադրում էր, որ Մարիան ծնվել է 1499 թվականին, որն անուղղակի կերպով հաստատվել է նրա թոռնուհու՝ 1596 թվականին Օրմոնդի կոմսի տիտղոսը շնորհելու Էլիզաբեթ I-ին ուղղված խնդրանքով, քանի որ նրա տատը Բոլեյնի երեխաներից ամենամեծն էր։ Ջորջ Բոլեյնը՝ Մարիայի և Աննայի եղբայրը, ծնվել է մոտ 1504 թվականին։

Հետազոտողների շրջանում Աննա Բոլեյնի ծննդյան ամսաթվի վերաբերյալ չկա միասնական կարծիք: Այնուամենայնիվ, պատմաբանների ուշադրությունը կենտրոնացած էր երկու ամենահավանական տարեթվերի վրա՝ 1501 և 1507: Բրիտանացի պատմաբան և Աննայի կենսագիր Էրիկ Այվզը մտածում էր, որ նա ծնվել է մոտ 1501 թվականին և դրան հակադիր ամերիկուհի Ռետա Ուորնիկ, որը նույնպես հրատարակել է աշխատանք Աննա Բոլեյնի մասին, մտածում էր, որ նա ծնվել է 1507 թվականին, ինչպես նրա գործընկեր Գարետ Ռասելը[4]: Փորձաքար է հանդիսացել Աննայի պահպանված նամակը, որը գրել է մոտ 1514 թվականին[5]: Այն ֆրանսերեն էր և ուղղված էր հորը՝ Թոմաս Բոլեյնին, որն այդ ժամանակ ապրում էր Անգլիայում, իսկ Աննան գտնվում էր Մեխելենում՝ Մարգարիտա Ավստրիացու արքունիքում: Այվզը պնդում էր, որ նամակի ոճը Աննայի լեզվին հատուկ չէ, իսկ կազմավորված ձեռագիրը համոզիչ ապացույց է, որ նա այդ ժամանակ եղել է մոտ տասներեք տարեկան: Բացի դրանից, դա աղջիկների ամենափոքր տարիքն էր, որ կարող էին ընդունվել Մարգարիտայի շքախումբ որպես պալատական ազնվական օրիորդ: Սա հաստատվում է 16-րդ դարի վերջին ժամանակագիրներից մեկի հիշատակությամբ, այն, որ Աննան եղել է 20 տարեկան, երբ վերադարձել էր Ֆրանսիայից։

Պատմություն[խմբագրել | խմբագրել կոդը]

Աննա Բոլեյնի ձեռագիրը

Պատմաբանները մինչև հիմա ճշգրիտ չգիտեն Աննա Բոլեյնի ծննդյան թվականը։ Տարբեր աղբյուրներ վկայում են 1501-ից 1507 թթ։ Նրա հայրը եղել է Թոմաս Բոլեյնը՝ հարուստ, բայց ոչ հայտնի իշխան Ուիլյամ Բոլեյնի և նրա իռլանդացի կնոջ Մարգարետ Բաթլերի որդին։ Նրա մայրը եղել է Էլիզաբեթ Հովարդը՝ Նորֆոլկի դուքս Թոմաս Հովարդի դուստրը։ Հետագայում Աննան իր քույր Մարիա Բոլեյնը եղել են Անգլիայի թագուհի Եկատերինա Արագոնացու սպասուհիները, որտեղ էլ նրան տեսել է արդեն Անգլիայի թագավոր Հենրի VIII-ը։ Այնուհետև Աննան ունեցավ Անգլիայի ապագա թագուհի Եղիսաբեթ I-ին, որը սակայն զայրացրեց Հենրի VIII-ին։ Նա ցանկացավ ազատվել Աննայից, և նրան մեղադրեցին պետական դավաճանության մեջ՝ արքայի թշնամիների հետ կապի համար։ Աննա Բոլեյն՝ Անգլիայի դժբախտ թագուհին, գլխատվեց 1536 թ-ի մայիսի 19-ին։ Հենրի VIII-ի արդեն մայիսի 20-ին ամուսնացավ Անգլիայի նոր թագուհու Ջեյն Սեյմուրի հետ։ Ասում են մինչև հիմա էլ Աննայի նզովյալ ոգին շրջում է Լոնդոնի Թաուերում հիշելով իր դժբախտ ճակատագիրը։

Ծանոթագրություններ[խմբագրել | խմբագրել կոդը]

  1. 1,0 1,1 1,2 LIBRIS — 2012.
  2. German National Library, Berlin State Library, Bavarian State Library et al. Record #118649442 // Gemeinsame Normdatei — 2012—2016.
  3. Biografisch Portaal — 2009.
  4. Gareth Russell The age of Anne Boleyn (eng) // Confessions of a Ci-Devant : сайт. — 2010.
  5. «Anne Boleyn's Handwriting in 1514»։ NellGavin.net (անգլերեն)։ 2 November 2011։ Արխիվացված օրիգինալից-ից 2012-09-04-ին։ Վերցված է 2018-10-17 
Հենրի VIII-ի կանայք