Դրակո Մալֆոյ

Վիքիպեդիայից՝ ազատ հանրագիտարանից
Հարրի Փոթերի աշխարհի կերպար
Դրակո Լյուցիուս Մալֆոյ
Սեռ արական
Մազերի գույն լուսնոսկե
Ֆակուլտետ Սլիզերին
Արյունի մաքրություն Զտարյուն
Կողմ Մահվան խժռող
Կախարդական փայտ 1. 10 դյում, ալոճենի և միաեղջյուրի մազեր
2. կտտկենու փայտիկ
Առաջին հայտնվելը «Փիլիսոփայական քար»
Դեր ֆիլմերում Թոմ Ֆելթոն

Դրակո Մալֆոյ (անգլ.՝ Draco Malfoy), Հարրի Փոթերի վիպաշարի մտացածին կերպար։ Մահ կլանող է։ Հոգվարթսում Հարրի Փոթերի դպրոցական թշնամին է։ Առաջին անգամ հայտնվել է գրքի առաջին հատորում, իր հերոսապատման մեջ կարևոր դեր է խաղում։

Ընդհանուր տեղեկություն[խմբագրել | խմբագրել կոդը]

  • Անուն՝ Դրակո Լյուցիուս Մալֆոյ
  • Ծնողներ՝ Լյուցիուս և Նարցիսա Մայֆոյներ
  • Ընտանեկան կարգավիճակ՝ կնոջ անունը նշված չէ գրքում, բայց ըստ Ջոան Ռոուլինգի[1] նրա անունը Աստորիա Գրինգրաս է
  • Որդի՝ Սքորպիուս Գիպերիոն Մալֆոյ
  • Մարմնակազմություն՝ բարձրահասակ, նիհար
  • Աչքի ընկնող հատկություններ՝ բաց գույնի մազեր, սառը և արհամարհական հայացք
  • Ֆակուլտետ՝ Սլիզերին
  • Քվիդիչ՝ Սլիզերինների խմբի որսկան (2-6 կուրս)
  • Փայտիկ՝ 10 դյում, ալոճենի և միաեղջյուրի մազեր, որոնք բավականին ամուր են։ Ժամանակավոր նա կտտկենու փայտիկի տիրակալն էր, չնայած և չգիտեր դրա մասին։

Նկարագրություն[խմբագրել | խմբագրել կոդը]

Դրակոն ունի բաց, համարյա անգույն մազեր, սառը մոխրագույն աչքեր, սուր դունչ, սպիտակամաշկ է, մաշկը բարակ է։ Նա բարձրահասակ է, նիհար, բայց ուսերի հատվածը լայն է, մարմնակազմությունով նման է Հարրի Փոթերին։ Առաջին մասերում Դրակոն կարճահասակ, կոկված մազերով տղա էր, հետո նա մեծանում է, մազերը արդեն այդքան կոկիկ չէին, քան առաջ, ավելի քաղաքային տեսք էր։ Ընթերցողների շրջանում նա ունի շատ երկրպագուներ, քանի որ նա գեղեցիկ է և ունի սառը բնավորություն, հաճախ այդպիսի կերպարները մեծ ուշադրություն են գրավում։

Դերը սյուժեում[խմբագրել | խմբագրել կոդը]

Դրակո Մալֆոյի մայրը Նարցիսա Մալֆոյն է, հայրը՝ Լյուցիուս Մալֆոյը։ Նա պատկանում է կախարդների զտարյուն ընտանիքի։ Նրա բարեկամների մեծ մասը սատարում էին Վոլան դե Մորտի գաղափարներին, համարելով, որ զտարյուն կախարդները ավելի մեծ արտոնություն ունեն, քան մյուսները։

Առաջին գրքում հենց Դրակոն էր վերցրել Նևիլ Դոլգոլուպսի նշումների գիրքը։ Երբ Հարրին փորձում էր հետ վերցնել, նա ստիպված էր ցախավելով ընկնել նրա հետևից և գունդը բռնել Գրիֆինդորի դասախոսների պատուհանների տակ։ Դրա արդյունքում Հարրին դարձավ Գրիֆինդորի քվիդիչի թիմի որսկանը, բայց ինչպես հայտնի է Դրակոն երկար ժամանակ զբաղվել էր այդ սպորտով և լավ էր թռնում (2-րդ մասում նա դարձավ Սլիզերինի որսկանը)։ Վեցերորդ գրքի վերջում նա չկարողացավ սպանել Դամբլդորին, չնայած նրան ասվել էր, եթե չսպանի նրան, ապա ինքը կմահանա։ Երբ Մալֆոյների տուն բերվեցին Հարրին, Հերմիոնան և Ռոնը, Մալֆոյը նրանց չմատնեց։ Նաև երևում էր, որ չէր ցանկանում ծառայել Վոլան դե Մորտին, բայց այլընտրանք չուներ։

Վեցերորդ գրքում Հարրին Մարոդերների քարտեզով հետևում էր Մայլֆոյին, երբ նա Պլակսի Միրթլի զուգարանում էր։ Միրթլը սկսեց լաց լինել, իսկ Մալֆոյը նկատեց Հարրիին և սկսեց հարձակվել, նա ցանկանում էր Հարրիի դեմ օգտագործել Կրուցիատուս կախարդանքը, բայց վերջինս պաշտպանվեց Սեկտումսեմպրա կախարդանքով, ինչի արդյունքում Մայֆոյը ծանր վնասվածք ստացավ։ Անմիջապես դրանից հետո հայտնվեց Սևերուս Սնեյփը և միանգամից բուժեց Մալֆոյի վերքերը։

Վերջին գրքում Հարրին Դրակոյին փրկում է դժոխային կրակից։ Դա ընկերության առիթ չէր, բայց նրանց միջև թշնամությունը ավարտվում է։

Վերջին մասում Հարրին, Հերմիոնան, Ռոնը և Դրակոն իրենց երեխաներին ուղեկցում են դեպի Հոգվարթս։Հատորում ասվում է Դրակոյի որդու՝ Սկորպիուսի մասին, սակայն չի նշվում կնոջ անունը։ Ջոան Ռոուլինգը իր հարցազրույցում նշել է, որ Դրակոյի կինը Աստորիա Գրինգրասն է[1]։

Կերպարի ստեղծում[խմբագրել | խմբագրել կոդը]

Ըստ Ջոան Ռոուլինգի Դրակոն ստեղծվել է խուլիգաների կերպարի հիման վրա, որոնց հետ նա հանդիպել է դպրոցական տարիներին[2]։

Դրակոյի սկզբնական անունը «Դրակո Սպուգեն» էր[3], բայց հետագայում նրա ազգանունը փոխվեց։ Ֆիլիպ Նելը կարծում է, որ Մալֆոյ ազգանունը ծագում է ֆրանսիական mal foi արտահայտությունից, որը կարելի է թարգմանել, որպես «անազնվություն»[4]։ 2002 թվականի Նիլսենի հոդվածում հաստատվում է, որ «Դրակո» անունը կապ ունի «դրակոնյանի» հետ և որ նրա ազգանվան mal արմատը, ֆրանսերենից թարգմանաբար նշանակում է «չար, վատ»[5]։

Քննադատների կարծիքներ[խմբագրել | խմբագրել կոդը]

Ալբերտ թագավորական սրահում իր հարցազրույցի ժամանակ, Ռոուլինգը նշել է, որ տղաները ավելի շատ սիրում են հագնվել, ինչպես Դրակոն, քան Հարրին և որ մարդիկ «չափազանց շատ են սիրում Դրակոյին», որը նրան «մի փոքր անհանգստացնում է»[6]։ Հենց այդ հարցազրույցում Սթիվեն Ֆրայը նշել է, որ երբ Հարրին հանդիպեց Մալֆոյին, նա հասկացավ, որ ռասիզմ կա նաև կախարդների աշխարհում և «վերնախավի ինքնահավան ներկայացուցիչները, կախարդական աշխարհում նույնպես տհաճ են, ինչպես իրական կյանքում»։ Ֆրայը նաև նշել է, որ միևնույն ժամանակ «Կրեբը և Գոյլը անհույս չար կախարդներ են», բայց Մալֆոյը ի տարբերություն նրանց «ավելի ոճային է»։ IGN-ը իրենց «Հարրի Փոթերի թոփ կերպարներ» ցուցակում Մալֆոյին տեղադրել են 9-րդ հորիզոնականում[7]։

Անդրադարձումը փոփ մշակույթի վրա[խմբագրել | խմբագրել կոդը]

Wizard rock խմբի Draco and the Malfoys երգի բառերը գրվել են «Հարրի Փոթեր» վիպաշարից ոգեշնչվելով, ավելի կոնկրետ՝ Դրակո Մալֆոյից։ Harry and the Potters խմբի անդամները հագնվում են Հոգվարթի ուսանողների նման, բայց այս դեպքում հագնվում են Սլիզերինների համազգեստները[8]։ Կա ավելի քան 750 խումբ, որոնց անդամները երաժշտությունը նվագում են Հարրի Փոթեր վիպաշարից ոգեշնչվելով[9][10]։

Դրակոյի ծաղրերգում են, որպես Ջերկո Փյունիկ, «Վեվերլի Փլեյսի կախարդները» սիթքոմի «Wizard School Part 1» և «Wizard School Part 2» էպիզոդներում, որտեղ Ալեքսը և Ջասթին Ռուսոն գնում են Wiz-tech կախարդական դպրոց, որտեղ բոլորը կրում են դեղին և սև խալաթներ և ակնոցներ, որոնց արտաքին տեսքը նման է Հարրի Փոթերին[11]։ Դրակոն ծաղրերգվել է Սակկո անունով (նրա դերակատարը Շեյն Լայոնսն է) «Այդ ամենը» հեռուստասերիալի Harry Blandder սքեթչում, որտեղ Հարրի Բլենդերը և այլ ուսանողներ հաճախ ընդհարվում են Սակկոյի չար խմբի հետ։ «Հարրի Փոթերը և տհաճ ձայնը» բեմադրությունում Մալֆոյը գործում է Հագրիդի և Դեմենտորի հետ[12]։ Դրակոյին նաև ծաղրերգել են Big Bite սքեթչում, որտեղ նա անվանվել է Mailboy (իսկ նրա հայր Լյուցիուսը՝ Mailman): Նիլա Սիսիրիջիի Potter Puppet Pals շոուում Դրակոն հայտնվում է «Դրակո տիկնիկ» էպիզոդում։ Նա տարբերվում է մյուս կերպարներից նրանով, որ նա սովորական թղթից պատրաստված խամաճիկ էր, ում փոխարեն խոսում էր Հարրին։ Հարրին նրան ստեղծել էր, որպեսզի նրան տանջի, և դրանից հետո խամաճիկը սկսում է զզվեցնել նրան, ինչի արդյունքում Հարրին այրում է նրան։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Rowling Answers 10 Questions About Harry Արխիվացված 2011-02-09 Wayback Machine(անգլ.)
  2. ↑ Christopher Lyndon (1999 թ․ հոկտեմբերի 12). «J.K. Rowling Interview Transcript, Part 12: Draco». The Connection (WBUR Radio) on Accio Quote!. Արխիվացված է օրիգինալից 2012 թ․ օգոստոսի 6-ին. Վերցված է 2010 թ․ դեկտեմբերի 31-ին.
  3. ↑ «HPL: Guide to jkrowling.com- Transcript: Very early draft of Philosophers Stone (Page 1)». The Harry Potter Lexicon. Արխիվացված օրիգինալից 2012 թ․ օգոստոսի 6-ին. Վերցված է 2010 թ․ դեկտեմբերի 31-ին.
  4. ↑ Philip Nel (2001). Continuum International Publishing Group (ed.). J.K. Rowling's Harry Potter Novels: A Reader's Guide (illustrated ed.). New York, NY: Continuum. էջ 16. ISBN 0-8264-5232-9.
  5. ↑ Alleen Pace Nilsen, Don L.F. Nilsen (2002 թ․ նոյեմբեր). «Lessons in the teaching of vocabulary from September 11 and Harry Potter» (PDF). Journal of Adolescent & Adult Literacy. 46 (3): 254–260.
  6. ↑ Fry, Stephen (2003 թ․ հունիսի 26). «J.K. Rowling at the Royal Albert Hall». MSN.com, on Accio Quote!. Արխիվացված օրիգինալից 2012 թ․ օգոստոսի 6-ին. Վերցված է 2010 թ․ դեկտեմբերի 31-ին.
  7. ↑ Brian Linder, Phil Pirrello, Eric Goldman, Matt Fowler (2009 թ․ հուլիսի 14). «Top 25 Harry Potter Characters». IGN. Արխիվացված է օրիգինալից 2012 թ․ օգոստոսի 6-ին. Վերցված է 2011 թ․ ապրիլի 3-ին.{{cite web}}: CS1 սպաս․ բազմաթիվ անուններ: authors list (link)
  8. ↑ Davies, Shaun (2007 թ․ հուլիսի 20). «The unexpected wizards of rock and roll». NineMSN. Արխիվացված է օրիգինալից 2012 թ․ օգոստոսի 6-ին. Վերցված է 2011 թ․ հունվարի 1-ին.
  9. ↑ Brady, Shaun (2006 թ․ նոյեմբերի 28). «Yule Ball rolls into Philly». The Philadelphia Daily News. Վերցված է 2007 թ․ փետրվարի 27-ին. {{cite news}}: Invalid |url-status=404 (օգնություն)
  10. ↑ Humphries, Rachel (2007 թ․ հուլիսի 13). «Harry Potter 'Wrockers' Conjure Musical Magic». ABC News. Վերցված է 2007 թ․ հուլիսի 31-ին.
  11. ↑ «"Wizards of Waverly Place" Wizard School (2008)». IMDB. Արխիվացված օրիգինալից 2012 թ․ օգոստոսի 6-ին. Վերցված է 2008 թ․ մայիսի 17-ին.
  12. ↑ Jaquish, Jeannette. «Excerpts from Harry Potter and the Obnoxious Voice». Արխիվացված է օրիգինալից 2012 թ․ օգոստոսի 6-ին. Վերցված է 2011 թ․ հունվարի 1-ին.

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Դրակո_Մալֆոյ&oldid=9703540» էջից