Ակոռիի Սուրբ Հակոբ վանք
|
|
|
| Վանքային համալիր | |
|---|---|
| Տեղադրություն | Արևելյան Հայաստան, Այրարատ |
| Աշխարհ | Այրարատ |
| Պատմական երկիր |  Մեծ Հայք |
| Կրոնադավանություն |  Հայ Առաքելական եկեղեցի |
|
|
|
| Կարգավիճակ | Ավերված |
| Ակտիվ է | Ոչ |
| Ճարտարապ. ոճ | Հայկական |
| Կառուցման սկիզբ | 4-րդ դար |
| Կառուցման ավարտ | 341 |
| Ավերում | 1840 |
  |
|
 |
|
Ակոռիի Սուրբ Հակոբ վանքը հայկական վանքային համալիր էր պատմական Այրարատ նահանգում, ժամանակակից Թուրքիայի Իգդիր նահանգում, որը գտնվում է Ակոռիից 4.7 կմ հյուսիս-արևմուտք: Կառուցվել է 341 թ-ին: Ակոռի գյուղն այժմ անվանվում է Ագրի կամ Արգուրի, իսկ ժամանակին կոչվել է Ղարաքիլիսա և 1840 թ. ավերվել է երկրաշարժի հետևանքով և վերածվել ավերակների: Հետագայում այն վերակառուցվել է և այժմ այն քրդական փոքր գյուղ է Յենիդողան անունով:
Պատմություն[խմբագրել]
Վանքը հիմնվել է 341 թ. Հակոբ Մծբնացու` Մծբինի երկրորդ եպիսկոպոսի կողմից: Այն կառուցվել է Հայկական թագավորության Այրարատ նահանգի Մասյացոտն գավառում` Արարատ լեռան հյուսիս-արևելյան լանջին: Ասում են` վանքում եղել են Նոյան տապանի փայտի մասունքներ: 1840 թ. հուլիսի 2-ի հզոր երկրաշարժի հետևանքով ավերվեցին Սբ. Հակոբի վանքը, Ակոռիի հարևան գյուղում գտնվող Առաքելոց վանքը և գյուղն ամբողջությամբ:
Ֆոլկլոր[խմբագրել]
Լեգենդի համաձայն` Սուրբ Հակոբը բազմաթիվ անգամներ փորձել է բարձրանալ Արարատի գագաթը` գտնելու Նոյան տապանը, որը թաղված է սառույցի հաստ շերտի տակ: Նա բարձրանում էր լեռը, ննջում և արթնանում էր լեռան ստորոտում, որտեղից սկսել էր բարձրանալ: Մի քանի անհաջող փորձերից հետո երազում Աստված նրան ասում է. «Այլևս մի փորձիր գտնել Տապանը: Ես քեզ կտամ մի կտոր այն փայտից, որից Տապանը կառուցվել է»: Երբ արթնանում է, ի զարմանս իրեն, կողքին գտնում է փայտը: Սուրբ Հակոբը որոշում է վանք կառուցել այնտեղ, որտեղից գտել էր փայտը:
