Պտղնիի տաճար

Վիքիպեդիայից՝ ազատ հանրագիտարանից
Պտղնիի տաճար
Պտղնիի տաճարի հյուսիսային ճակատը

##Պտղնիի տաճար (Հայաստան)
Set01-church1.svg
Հիմնական տեղեկություններ
Տեղագրություն Հայաստան Հայաստան Կոտայքի մարզ, Պտղնի
Կոորդինատներ 40°15′24.12″ հս. լ. 44°35′06″ ավ. ե. / 40.2567, 44.585040°15′24.12″ հս. լ. 44°35′06″ ավ. ե. / 40.2567, 44.5850
Նահանգ Այրարատ
Տարածք Հայաստան
Մարզ Կոտայքի մարզ
Ներկա վիճակ Կիսավեր
Ճարտարապետական նկարագրություն
Ճարտարապ. ոճ Հայկական
Կառուցման սկիզբ 6-րդ դար
Կառուցման ավարտ 7-րդ դար
Առանձնահատկություններ
Գմբեթ(ներ) 1 (փլված)


Պտղնիի տաճար (հայտնի նաև որպես Պտղավանք), քրիստոնյա եկեղեցի ՀՀ Կոտայքի մարզի Պտղնի բնակավայրում, վաղ միջնադարյան հայկական ճարտարապետության առավել ուշագրավ հուշարձաններից մեկը։ Վանքը ներկայումս կիսավեր վիճակում է, պահպանվել են միայն հյուսիսային պատը, հարավային պատի արևելյան հատվածը և արևելյան գմբեթակիր կամարը։ Պատկանում է գմբեթավոր դահլիճի տիպի եկեղեցական կառույցներին՝ հանդիսանալով այդ տիպի վաղագույն և լավագույն նմուշը։ Կառուցվել է 6-րդ դարի վերջին 7-րդ դարի սկզբին (ճիշտ թվականը հայտնի չէ)։ Ունի 15,7 մետր լայնություն և 30,4 մ երկարություն, աղոթասրահի չափսերն են՝ 10,3մ լայնություն, 23,8մ լայնություն։

Ամբողջովին պահպանված հյուսիսային ճակատի ստորին մասի կենտրոնում գտնվում է կամարակամ, երկլանջ կտուրի տակ առնված շքամուտքը։ Քիչ բարձր, աջ ու ձախ կողմերից շարված են երեքական միաձև ու միաչափ, կամարունքերով պսակված լուսամուտներ։ Մակարաունքերի զարդամոտիվները բազմատեսակ են՝ երկրաչափական, բուսական, ինչպես նաև մարդկանց, կենդանիների ու թռչունների պատկերներ բովանդակող հարթաքանդակներով։

Հարավային ճակատին պահպանված լուսամուտի կամարունքը ևս պատված է հարթաքանդակներով, որոնք վաղ միջնադարյան հայկական արվեստի եզակի նմուշներ են։ Պատկերված է Աստվածամայրը, Քրիստոսը, առաքյալները։ Առկա են աշխարհիկ բովանդակության քանդակներ, որոնց անվանում է նշված Մանուել Ամատունին («Մանուէղ Ամատունեաց Տէր» մակագրությամբ)` հեծյալ, որը նետահարում է արդեն վիրավոր մի գազանի։ Մանուել Ամատունու քանդակից աջ պատկերված է առյուծի հետ նիզակով մենամարտող մարդ, որին հավանաբար կարելի է նույնացնել Մանուել Ամատունու որդի` Սահակ Ամատունու հետ։

Պատկերներ[խմբագրել]


Աղբյուրներ[խմբագրել]

  • Վ. Հարությունյան, Հայկական ճարտարապետության պատմություն, Երևան, 1992։

Արտաքին հղումներ[խմբագրել]

Ս.Խ. Մնացականյան, Պտղնիի տաճարը, Պատմաբանասիրական հանդես, 3-4, էջեր 219-237